استاذ احمد
انا انشاء الله ناوي اخد كورس ccna ابتاء من 1-7
تنصحني ابتدي الكورس معاكم ولا استني لما اخلص ال ccnaالاول؟
وانا معاك باذن الله اخي احمد حالوو
ياريت تقولنا الكورس هيبدا امتى بالصيف
وان شاء الله هتصل بيك
وبالتوفيق للجميع
استاذ احمد
انا انشاء الله ناوي اخد كورس ccna ابتاء من 1-7
تنصحني ابتدي الكورس معاكم ولا استني لما اخلص ال ccnaالاول؟
سبحان الله وبحمده
سبحان الله العظيم
والله ال ccna مهمه مخبيش عليك هيا وال mcse ده اساس في الهاردوير والسوفت وير ودي حاجه محدش يقدر يحكم بيها الا انت بعد ربنا ده على حسب ظروفك وكده وربنا يوفقك ويكرمك يا رب
عموما يا جماعه للعم والله لسه معرفشض الظروف في الصيف ايه مخبيش عليكم محتار ما بين ان ادي كورس تاني ولا انا اشتغل في شركه واخد كورسات كمان بمنتهى الامانه لكن ان شاء الله
باذن الله لما حعمل كورس تاني ان شاء الله ان احيانا الله بفكر جديا بعد نجاح سلسله من الدورات الي انا اديتها والحمد لله ايقنت من ان ربنا مديني موهبه توصيل المعلومه ودي اهم حاجه في الدورات من وجهة نظري فا ان شاء الله ناوي اعمل بالتعاون مع الشركه الي ماجر منها الاب كورس
جديد من نوعه وقوي جدا جدا جدا ان شاء الله في الصيف بس ادعو بس بالتساهيل الفكره هيا كورس قوي في مجال تكنولوجيا المعلومات باقل وقت وباقل التكاليف ويكون قوي جداان شاء الله
ودي لسه فكرة مبدئيه لو اتحققت حتبقى رهيبه وهي كالاتي :- (ملحوظه لسه تحت التخطيط)
لكن علشان تبقو عارفين الي فيها حيكون كورس زي دبلومه كامله في ال IT تحتوي على الاتي
1- Network +
2- Mcse
3- ccna
4- Linux+
5- RED HAT administration
ان شاء الله في جميع الاحوال حقولكم الي حيحصل ان شاء الله والي حوصله بس ادعولي بالتساهيل وان ربنا يوفقني في الامتحانات الجيه دي
وان شاء الله اول ما انوي حكتب مقال في كل تفاصيل الدوره ان شاء الله وتحياتي لكل الاعضاء والمشرفين واتمنى لكم التوفيق جميعا من قلبي
اخوكم
AHMED HALO
يعنى مفيش كورس هيبدأ فى 1\6
جزاك الله خيرآ
لا ان شاء الله حنبتدي باذن الله لو في نصيب 15/6 او 1/7 بالكتير على حسب الظروف
بس اهم اهم اهم حاجه ان يكون المتقدم فعلا جاد وعاوز يتعلم ويكون عنده اساس لا باس به في الكمبيوتر والانجليزي للعلم الدوره القادمه ان شاء الله فيها ناس كويسه جدا في المجال فاتمنى المتقدم يكون الاساس بتاعه معرفته بالكمبيوتر لا باس بها وللعلم في امتحان صغير كده في بداية الدوره لتحديد مستوى الجميع والله الموفق للعلم هذا النوع من الكورسات احترافي شويه وذلك لان هناك العديد من زوار الموقع على قدر عالي من الكفاءة وربنا يكرمنا ويكون في زيهم كتير في الكورس القادم ان شاء الله الناس دي خبرتهم كبيره وبيدولنا اخر اخبار السوق والتكنولوجيا وده شيء جميل والله الموفق
ربنا يوفقك يا بشمهندس
واحد صاحبي كان عايز ياخد دوره ريدهات
بس الاماكن المعروفه (ماستر لينكس ولينكس بلاس)
اسعارهم غاليه جدا
ممكن تدلنا علي مكان كويس وسعره معقول
سبحان الله وبحمده
سبحان الله العظيم
لا مفيش في مصر كلها الا الاتنين دول الي بيدو الريدهات بس انا عارف ان السعر كبير جدا في مراكز تانيه في مصر بس مش حيدوها بقوة زي الاتنين دول
الحمدلله الحمدلله الف حمد والف شكر ليك يا رب امبارح الحمدلله كان اخر يوم في الكورس
واحب اقلكم الي حصل بفضل الله الكورس ناجح في حاجات كتير مش حقول جامد جدا ابقى منافق لان الكمال لله وحده لكن الي حصل ان الحمد لله الناس اخدت معلومات كبيره جدا جدا في وقت قليل وتكلفه قليله الفوائد كالاتي:-
1- كورس مكثف في وقت قليل شهر ونص في ناس حتقول يا سلام ده بيخلص في 4 و 5 شهور
معاكم حق بس انا اديت المعلومه المهمه المجربه الي تفيدك في السوق مش الاكاديميه
الحشو معلومات وبس على الفاضي وبعدين ده كورس لناس معظمها شغالين فعاوزين ينجزو
بعدين ده شيء طبيعي مش غريب اسال في كورسات بره بتتعمل ازاي او بلاش اسال
عن كورس RHCE في مصر بيتاخد في كام يوم ايوه كام يوم وتكلفته كام فمش غريبه
والحمدلله نجحت
2- كل الماتريال والمواد التدريبيه الكويسه من كتب واسطوانات وكله في ال IT اخدوها
حوالي (8 giga ) من المواد التدريبيه وده مبيحصلش في الدورات التانيه الي بيدو موك وكتب بس
3- التجربه حيث ان الناس بغض النظر ان الكورس رخيص جدا بالمقارنه بكفاءته الا ان الناس
مدفعتش الفلوس الا لما اتعرفت عليا وشافو الاب والمكان واسلوبي في الشرح وده برضه
مبيحصلش في الاماكن الاخرى حيث انك لازم تدفع ولو نص المصاريف وانت وحظك بقى في
المحاضر او الاجهزة في الاب.
4- الخبره العمليه في السوق ومعرفه اخر اخبار وتطورات السوق ازاي الناس الي حضرو معايا
الكورس ده في ناس شغالين في شركات كبيره في البلد وفي ناس في وزارات ومصالح حكوميه
الناس دولا بيدونا الخبرة والي بيحصل في السوق وايه احسن تكنولوجيا والشهادات وكده يعني
من الاخر معرفه ودي حاجه كويسه في الكورسات وتشجع من وجهة نظري
5- ان الحمد لله وبفضله في 2 اشتغلو في نفس المكان الي اجرت منه الاب وفي اتنين كمان عملو
انترفيو في نفس المكان وباذن الله حيشتغلو في ناس اشتغلو help desk وفي انستركتورز كمان
6- كل متدرب حيحصل على شهاده بانه اخد الكورس ومعتمده من المعهد القومي للاتصالات
وده شيء جميل وربنا يوفقهم في امتحانت مايكروسوفت
يعني من الاخر كل الي الحاجات المعضله والمشاكل الي قابلتني في الكورسات الي اخدتها اتفادتها
في الكورس الي عملته ده لان الي مرضهوش لنفسي مرضهوش لغيري والخير الي حعمله في حد اكيد
في يوم من الايام حيتردلي الدنيا سلف ودين لما ادي معلومه لحد ممكن يتسفاد منها بفرح جدا وبدعيله
لان انا واثق ان برضه ربنا حيوقفلي اولاد الحلال الي لو وقعت في مشكله او عاوز معلومه مش حيخبوها عليا
انا حبيت اقول كده علشان تبقو على معرفه بالي حصل والي حصل انجاز رائع فعلا والحمد لله
لان فعلا في ناس كتير وشباب نفسهم يفهمو ويتعلمو والحمد لله انا ربنا اداني الفرصه واكرمني باني اخلق الفرصه دي ليهم هما يستفادو بالمعلومه وانا باستفاد بالخبره وزي ما قولت ليكم الفلوس مش كل حاجه صدقوني
كلمه حق
هذا الانجاز لا يمكن كان انه يتحقق لولا هذا الموقع الكبير الي بحترمه وبقدره من زمان وبقدر كل واحد عضو او مشرف فعلا ادونا فرصه كويسه ان احنا نفهم المجال ونتطور
اشكر كل من نصحني وارشدني
اشكر كل واحد كان حاطط كتب او اسطوانات وانا حملتها منه
اشكر كل واحد شرح حاجه وانا استفدت منها
شكر كل من نصحني بدخول الامتحانات
اتمنى فعلا ليكم وليا التوفيق وربنا يوفقنا يا رب جميعا والى الامام ان شاء الله دايما
اخوكم
AHMEDHALO
ربنا يوفقك يا بشمهندس
ويا عم amr3world
انا بس بسال:Big:
سبحان الله وبحمده
سبحان الله العظيم
يا بشمهندس تسلم
وانا موافق وعاوز ادخل معاك الكورس ده وهكلمك على الموبايل بإذن الله قريب
بس يا ريت يكون فى الصيف
أو فى رمضان وتكون فترة مسائية
وعامة انا وواحد تانى ندخل معاك
السلام عليكم
بصراحة موضوع جميل وانا لو في مصر ما كنت اتأخر واكون اول واحد ربنا يوفقكم
جميل يا اخى جزاك الله خيرا
انا اتمني انى اخده معاك بس لو هايبدا فى فى اول الصيف يعنى فى 1\6 او فى خلال الفتره دي يكون احسن لان فيه كورس ccna هايبدا فى الفتره دي ومش هاينفع اكون فى الاتنين فى وقت واحد فلو حضرتك حددت معاد فى الوقت ده ياريت بسرعه تقولنا علشان ابدا معاك وأجل الكورس التانى ,وحضرتك انا جبنك فى فيصل رجاء من حضرتك تحدد المعاد باذن الله هايكون امتى
جزاك الله ووفق اخوك محمود (ولسه بدرس)
[URL="https://img193.imageshack.us/i/ubuntuuser2php.png/"]
[/URL]
لو نجد واحد زيك في جدة ياساتاذ احمد والله ياريت
ان شاء الله لما اظبط كل حاجه حنزل الاعلان على الموقع فيه كل حاجه والتفاصيل بان الله بس اخلص من الامتحانات على خير حاجه غصب عني بس نصيب ان شاء الله خير
دور في جدة انت بس والناس الطيبه واولاد الحلال كتير على فكرة انا اتربيت في السعوديه
فبحبها جدا ربنا يوفق الجميع
المفضلات