لو سمحتم عندى سؤال بخصوص Free retake exam if you do not pass

**habibko** · 20-03-2008, 03:03

السلام عليكم ورحمة الله وبركاتة

لو سمحتم يا جماعة انا عندى سؤال بخصوص Free retake exam if you do not pass وطبعاً كلنا عارفين القصة دى اللى هى بتسجل نفسك مجانى علشان يبقى ليك انك تعيد اى امتحان مرتين مجانى لو لا قدر الله مانجحتش ,لحد كده تمام المهم انا دخلت علشان اسجل نفسى عن طريق الرسالة اللى جاتلى من Microsoft اللى فيها الـ ID Number بتاعى وملائت البينات كلها بس فى ثلاث خنات لازم املاهم ومش عارف اعمل ايه فيهم

وهما:-

Company/Organization Name

What is your primary role in your company or organization?

Which best describes your primary use of software and technologies?

المهم ان انا مش شغال وعاوز اعرف اكتب ايه فى اول خانة واختار ايه فى الخانتين التانين.
ارجو الافاده السريعة لانى داخل امتحان بعد اسبوع أنشاء الله وعاوز اعمل الموضوع دا قبل ما ادخل الامتحان التانى أنشاء الله.

وربنا يوفق الجميع بأذن الله.

السلام عليكم ورحمة الله وبركاتة

**dr_timoon** · 20-03-2008, 03:54

السلام عليكم
لو البيانات دى لازم تتكتب اكتب فيها اى حاجة مش مشكلة
لان البيانات دى مش هاتظهر فى الشهادة ولا فى اى مكان
وى لو حابت بعد كدا تغيرها ممكن عادى جدا

**habibko** · 20-03-2008, 04:04

يعنى مش هتفرق لو كتبت اى حاجة ,انا بس مقلق من الموضوع دا علشان الاسئلة دى عن الوظيفة وانا مش شغال حالياً انا بدرس فانا بسأل علشان كده.

**dr_timoon** · 20-03-2008, 05:13

لا يا اخى لا تقلق تماما من الموضوع دا ابدا
مش هاتفرق خالص انك تكتب اى حاجة
انا فى بدايات الكورس بتاع ال mcse
ماكونتش شغال و عملت ذى ماقولتلك كاتبت اى شى مش هاتفرق خالص
و لما تحب تغيرها فى وقت
لك خالص تحياتى