صفحة 1 من 2 1 2 الأخيرةالأخيرة
النتائج 1 إلى 15 من 23

الموضوع: حب مصر مش عقل ولا مصالح ... ده بس هرمونات !!!

  1. #1
    عضو الصورة الرمزية سيشرق فجر القدس
    تاريخ التسجيل
    Aug 2007
    المشاركات
    783
    معدل تقييم المستوى
    21

    Talking حب مصر مش عقل ولا مصالح ... ده بس هرمونات !!!




    مصر هى امى
    نيلها هو دمى
    شمسها فسمارى ... مش عارف ايه كده فملامحى
    حتى لونى قمحى لون خيرك يا مصر




    [RIGHT]يا سلااااام ... يا صباح الوطنيه

    عاش والله اللى كتب الكلمتين دول منتهى الأندماج مابين المواطن المصرى ومصر
    مصر امى والنيل دمى وشكلى ولونى وكل حاجه مختلطه بمصر
    بس اشمعنى مصر؟
    ما ارض الله واسعه وكلها ارض الله
    ليه بقى مصر بالذات
    ليه حتى لو ربنا سهلها ولقينا نفسنا فحته تانيه من ارض الله الواسعه بنحس بحنين لمصر
    وتبقى فايدينا كل حاجه وعنينا تتملى من كل حاجه وقلبنا يفضل فاضى


    وتلاقى يا اخى المصرى على قهوه فى اسطنبول او فجنينه فلندن او تحت شمسيه فمطعم طليانى فوق الجبل
    والدنيا من حواليه نظافه وزوق ولطافه وحاجه تغيظ
    و تلاقيه بردو بيقول... بس مصر ........... وحشتنى

    لو كان الوطن مجرد مكان ناكل فيه ونشرب ونتناسل على ارضه.. نتجوز ونجيب عيال يعنى
    كان يبقى اى مكان فى الدنيا احسن من مصر
    لأن نص دول الكره الأرضيه على الأقل اكلها وشربها وستاتها ورجالتها كمان احسن من مصر

    تبقى مش المنفعه لوحدها .. اكيد فى سر تانى
    تركيا هى امى واى نهر من الأربعين نهر اللى فيها هو دمى
    وشمسها فسمارى بردو...ومش عارف ايه كده بردو فملامحى
    حتى لونى قمحى لون خيرك يا تركيا
    اه ما تركيا بتزرع القمح مش بتستورده
    بس مش ماشيه بردو ... فى حاجه ناقصه ... مصر ....... اللى فقلبى دى اعمل فيها ايه؟

    دا حتى الشعب اللى لونه قمحى واللى كان مالى الدنيا ضحك بقى دمه تقيل وبقى كئيب
    ليه بقى حازه فنفسى كده... ليه مش عارف استأصل نفسى منها او استأصلها من نفسى
    مراية الحب عاميه ... ده صحيح

    ماهو حبيبتك مثلا مش ممكن تكون احلا بنت فى الدنيا.. الواحد مننا بيحب قرده
    ويتهيأله انها لو غابت عن نظره هيروح فيها
    والدنيا كلها واهله وصحابه يبقو شايفن انها صندل
    ماعداا هو... يبقى شايفها ملاك نازل من السما ماشى على الأرض
    وخساره فينا نبص على جمالها
    ويمكن تكون هى دى المشكله
    اننا بنحب مصر وبنتلطش فغرامها قبل ما نعرف ان فى بلد تانيه اسمها تركيا
    بنحب القهاوى بتاعتها قبل ما نسمع عن قهاوى باريس
    بنحب ترابها قبل ما نعرف ان فى بلاد تانيه نضيفه مافيهاش تراب اصلا
    وبندهول فغرام التابعى واخر ساعه قبل ما نعرف ان مطاعم ايطاليا فيها اكل بنى ادميين
    وان الفول والطعميه والمسقعه دى اصلا علف
    وبنعشق هواها قبل ما حد يقولنا اننا عايشين جوا واحده من اكبر بؤر التلوث فى العالم كله

    100%

    وبنمشى فى الدنيا ومصر متعلقه فدراعتنا واحنا فخورين بيها وفرحاانييييييين وحاسين انها ملااااك نازل من السما وماشى فى الأرض وخساره فى اى حد انه يبص على جمالها


    قال والناس كانت فاهمه ان حب الوطن حسابات بتحصل فى العقل ... اتاريه طلع غرام فغرام
    كل اللى فاهمه منه ان لما سيرة مصر بتيجى فى الكلام جسمى بيقشعر وشعر ايدى بيقف وبحس ان دمى اتحرك
    يا سلام يا ولاد ... دا حب مصر طلعت فيه هرمونات اكتر من هرمونات البلوغ والمراهقه والحب الأول
    وكل يوم بحبك اكتر من اللى فات



    مش عقل ولا مصالح ... دى بس هرمونات !!!



  2. #2
    إداري سابق
    تاريخ التسجيل
    Jun 2002
    المشاركات
    18,891
    معدل تقييم المستوى
    121

    رد: حب مصر مش عقل ولا مصالح ... ده بس هرمونات !!!

    اتحفظ على بعض الفاظك (بنت كلب) يمكن انت وضعت الموضوع بشكل فكاهي، لكن ما تفتحش علينا جبهات.

  3. #3
    عضو الصورة الرمزية سيشرق فجر القدس
    تاريخ التسجيل
    Aug 2007
    المشاركات
    783
    معدل تقييم المستوى
    21

    رد: حب مصر مش عقل ولا مصالح ... ده بس هرمونات !!!

    اقتباس المشاركة الأصلية كتبت بواسطة hardware مشاهدة المشاركة
    اتحفظ على بعض الفاظك (بنت كلب) يمكن انت وضعت الموضوع بشكل فكاهي، لكن ما تفتحش علينا جبهات.
    ان شاء الله ولا جبهات ولا حاجه
    الموضوع فكاهى من الدرجه الأولى
    وبعدين فعلا المصريين بيقول الكلمه دى ... انا مش مألفها:D
    وانا مصرى يا جدعااااااااان ... علشان محدش يتكلم

    ولو حد تانى معترض نشيلها وامرنا لله


  4. #4
    عضو محترف الصورة الرمزية NaAZoOR
    تاريخ التسجيل
    Feb 2003
    المشاركات
    8,698
    الدولة: Egypt
    معدل تقييم المستوى
    46

    رد: حب مصر مش عقل ولا مصالح ... ده بس هرمونات !!!

    بدون الدخول في أي نقاشات أو جدال ... باختصار شديد ... البلد لا ذنب لها فيما يفعله أهلها ... ربما كان الشعب المصري عليه مآخذ عدة ولكن مصر نفسها لا ... دع الأصل بعيداً عن الإنتقاد .. فمصر هي الأصل .. هي الجذر الذي يربطنا وهي من يعطينا هوية لا يستطيع أغلبنا التخلي عنها والحصول على هوية بديلة ...

    المهم أننا قد ننتقد أنفسنا كمصريين .. ولكن انتقاد مصر نفسها لا محل له من الإعراب ...

  5. #5
    عضو
    تاريخ التسجيل
    Oct 2007
    المشاركات
    154
    معدل تقييم المستوى
    17

    Lightbulb رد: حب مصر مش عقل ولا مصالح ... ده بس هرمونات !!!

    اقتباس المشاركة الأصلية كتبت بواسطة hardware مشاهدة المشاركة
    اتحفظ على بعض الفاظك (بنت كلب) يمكن انت وضعت الموضوع بشكل فكاهي، لكن ما تفتحش علينا جبهات.
    انا مع الاخ هاردوير نشلها احسن
    بدون تدخل في الموضوع ولا تعليق اخر انا بعشق مصر والله وكل مافعلته بيا والله وهو كثير ولااريد ان ابكيك _اليوم سرق مرتب ابي كله مرتب شهره كله _فليس لنا الا الله
    الا انني اعشق مصر
    تذكر قول رسول الله صلي الله عليه وسلم حين الخروج من مكه
    والله انك لأحب أرض الله الى الله وانك أحب أرض الله الى قلبي ......
    هذا وكانوا يصدوا الدعوي _الدعوي لله _الا انه يقول والله لولا قومك اخرجوني ما خرجتك
    الصراحه انا كنت بقول ليه مع كل ده وبعشقها واتذكر قول رسول الله
    ارجوا تقبل مداخلتي فموضوع النقاش جميل (مصر)
    والله المستعان

  6. #6
    عضو محترف الصورة الرمزية Brigadier
    تاريخ التسجيل
    May 2005
    المشاركات
    9,999
    الدولة: Saudi Arabia
    معدل تقييم المستوى
    54

    رد: حب مصر مش عقل ولا مصالح ... ده بس هرمونات !!!

    مشكور اخوي.


  7. #7
    عضو فضي الصورة الرمزية mohamed2121
    تاريخ التسجيل
    Apr 2005
    المشاركات
    2,317
    الدولة: Egypt
    معدل تقييم المستوى
    21

    رد: حب مصر مش عقل ولا مصالح ... ده بس هرمونات !!!

    أولا قبل أى شىء اسم مصر فوق كل شبهات لانها الجدر والاصل واكتفى بما قله الاخ عمر
    ثانياا أخى لو ده شعورك وكلام يبقى انت فعلا فحاله نفور يتبعها حاله من الانفجار ودى طبيعى اليومين دول
    لانى واحد منهم
    بالنسبه للألفاظ مهما توصل بينا درجه النفور ونتغلب عليها بفكاهه جميله ياريت نبتعد عن الالفاظ التى ليس لها الا المفهوم الخطأ

  8. #8
    عضو الصورة الرمزية almoha
    تاريخ التسجيل
    Jun 2007
    المشاركات
    452
    معدل تقييم المستوى
    18

    رد: حب مصر مش عقل ولا مصالح ... ده بس هرمونات !!!

    يا حببتي يا مصر يا مصر

  9. #9
    I LOVE SA
    زائر

    رد: حب مصر مش عقل ولا مصالح ... ده بس هرمونات !!!

    وانا ايضا احب بلادي

  10. #10
    إداري سابق
    تاريخ التسجيل
    Jun 2002
    المشاركات
    18,891
    معدل تقييم المستوى
    121

    رد: حب مصر مش عقل ولا مصالح ... ده بس هرمونات !!!

    وأنا أحب بلادي وأحب مصر

  11. #11
    zwawy
    زائر

    رد: حب مصر مش عقل ولا مصالح ... ده بس هرمونات !!!

    أخى هل أنت صاحب هذه الكلمات المؤذية ؟
    نحن لانستغنى عن التعبير بالعامية لكن ليس لهذه الدرجة ...... هذه عامية ممقوتة تؤذى كل متكلم بالعربية .
    ناهيك عن الألفاظ الهابطة فى الموضوع .

  12. #12
    zwawy
    زائر

    رد: حب مصر مش عقل ولا مصالح ... ده بس هرمونات !!!

    وبنحب بنت الجيران او زميلتا فى الجامعه قبل ما نفوق على الحقيقه المره ... ان نسبة الذكور فى مصر 100%
    هى دى الحقيقة المرة :confused:
    لا إله إلا الله ..... طيب يعنى خلاص مافيش أمل يعنى مافيش زواج فى مصر بعد كده
    إيه ده ياعم الحاج الله يهديك .
    صراحة ً الكلام ثقيل جدا ً على مسامعنا .

    اقتباس المشاركة الأصلية كتبت بواسطة no4denmark مشاهدة المشاركة
    وانا مصرى يا جدعااااااااان ... علشان محدش يتكلم
    للعلم هذا ليس صك براءة ولا ورقة تحتج بها ...
    الحقيقة المرة فعلا ً هو أن هذا البلد يُساء إليه من أبنائه .

    يجعل كلامنا خفيف عليك


  13. #13
    عضو الصورة الرمزية سيشرق فجر القدس
    تاريخ التسجيل
    Aug 2007
    المشاركات
    783
    معدل تقييم المستوى
    21

    Smile رد: حب مصر مش عقل ولا مصالح ... ده بس هرمونات !!!

    شكرا لكم احبتى على المرور
    وبالرغم من ان مصر احب البلاد الى قلبى
    الا انى احب السعوديه واتمنى ان اتوفى فيها
    واحب الأمارات
    واحب كل بلد اسلامى بنفس القدر

    اقتباس المشاركة الأصلية كتبت بواسطة zwawy مشاهدة المشاركة

    للعلم هذا ليس صك براءة ولا ورقة تحتج بها ...
    الحقيقة المرة فعلا ً هو أن هذا البلد يُساء إليه من أبنائه .

    يجعل كلامنا خفيف عليك
    للعلم اخى زواوى انا لم اطلب منك اساسا صك براءه ولا قدمت لك ورقه احتج بها
    بكل بساطه لأنى لا ارى انى مخطىء ولا ارى انى اسئت الى بلدى
    بل كان هذا الكلام للتنويه حتى لا يأتى احد ويقول انى مش مصرى

    وياريت يا اخ زواوى تبعدنى عن جدالاتك المميزه
    مثل التى تقوم بها مع الأعضاء التى انا فى غنى عنها


  14. #14
    zwawy
    زائر

    رد: حب مصر مش عقل ولا مصالح ... ده بس هرمونات !!!

    وياريت يا اخ زواوى تبعدنى عن جدالاتك المميزه
    مثل التى تقوم بها مع الأعضاء التى انا فى غنى عنها

  15. #15
    عضو الصورة الرمزية StrangerInMoscow
    تاريخ التسجيل
    Jan 2007
    المشاركات
    511
    معدل تقييم المستوى
    0

    رد: حب مصر مش عقل ولا مصالح ... ده بس هرمونات !!!

    صلوا على النبي ياشباب حصل خير

    بس لصاحب الموضوع انا مش فاهم اية اللي مدخل تركيا في الموضوع

    وموضوعك جميل بس تعرف حاجة انا نفسي اتسدت من مصر والله من كتر الاخبار المنيلة بنيلة اللي الواحد بيقراها كل يوم الواحد معدش مصدق ان دي مصر اللي الواحد سابها من سنتين مش عارف اية اللي جرى للناس

    ربنا يزيلها غمة وينتهي الحال باللي في بالي مسحول في شوارع القاهرة ان شاء الله
    الم تر إلى الذين بدلوا نعمة الله كفرًا وأحلوا قومهم دار البوار، جهنم يصلونها وبئس القرار

صفحة 1 من 2 1 2 الأخيرةالأخيرة

المواضيع المتشابهه

  1. DirectX 11.1 يضفي تحسينات على Battlefield 4 لصالح AMD HD 7XXX
    بواسطة Ahmad Rady في المنتدى الأرشيف
    مشاركات: 29
    آخر مشاركة: 05-08-2013, 02:38
  2. ما رايكم يهذا القانون ........لصالح المنتدى
    بواسطة XFX في المنتدى الأرشيف
    مشاركات: 17
    آخر مشاركة: 08-09-2009, 01:39
  3. هل الفرق كبير لصالح PCI 2.0 مع PCI 1.1 ..؟؟
    بواسطة king of sparta في المنتدى الأرشيف
    مشاركات: 8
    آخر مشاركة: 12-06-2009, 00:36
  4. صوت لصالح بناء مسجد
    بواسطة عضو محذوف في المنتدى الأرشيف
    مشاركات: 3
    آخر مشاركة: 13-03-2007, 01:23

الكلمات الدلالية لهذا الموضوع

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •