السلام عليكم ورحمه الله وبركاته..

مساء الخير للجميع..

عندي مشكله كبيره ياجماعه ومالي الا الله ثم انتم في حلها فياليت تساعدوني..

المشكلة باختصار:
انا املك لابتوب توشيبا (Satellite A100-912) ومركب عليه ويندوز اكس بي هوم ايديشن سرفس باك 2 .. قبل كم يوم حاولت افتح الابتوب وللاسف يطلعلي شاشه (السيف مود) وبعد اختيار اي وضع من الخيارات الموجوده في شاشه السيف مود يطلعلي شاشه زرقاء ثم يسوي ريستارت وعلى ذا الحاله .. في البدايه شكيت ان المشكله في المذربورد ..
وديت الجهاز للصيانه لان الجهاز تحت الضمان وماكمل سنه .. ووكيل الصيانه هو مكتبته جرير-الرياض .. قعد عندهم 3 ايام وبعد مافحصوه قالولي ان الجهاز مافيه اي مشاكل هاردوير والمشكله هي في الويندوز نفسه ولازم يتفرمت الجهاز .. المشكله الكبيره ان الجهاز عليه معلومات مهمه جدا جدا وللاسف الشديد الهارد ديسك قسم واحد فقط (سي) يعني ماهو مقسم لقسمين..!! يعني اذا فرمته راح يطير كل شي..!!
الهندي الموجود في صيانه توشيبا قال الحل الوحيد لك انك تفك الهارد ديسك حق اللابتوب وتشتريلك وصله تحولك من منفذ ساتا الى منفذ يو اس بي بعدين تشبكه على اي جهاز كمبيوتر ويطلعلك كهارد ديسك خارجي عادي بعدين تاخذ الداتا حقتك ..

فعلا شريت ذا الوصله بـ100ريال وسويت اللي قالي عليه ولكن للاسف الشديد يوم حاولت ادخل على الهارد ديسك ماقدرت وهذي الرساله اللي تطلعلي




ضغطت عليه بزر الفاره اليمين وشيكت على نوع الملفات وتفاجأت بالنوع هذا RAW الصراحه اول مره اشوفه .. وهذي الصوره :




دخلت على الهارد دسكات من اداره النظام وللاسف يطلعلي كأن الهارد ديسك فاضي ..!! وهذي الصوره:





ياجماعه وش الحل .. هل المعلومات حقتي طارت..!! وهل فيه طريقه ممكن ارجعها بها .. ياليت تساعدوني واكون لكم من الشاكرين..