مشكله في القرص الصلب WD400

**cool_guy4ever15** · 30-03-2008, 01:01

السلام عليكم و رحمه الله و بركاته

انا يا جماعه عندي هرد وسترن 40 جيجا كان شغال عادي و اديتوا لواحد صحبي

الي انه متئراش عندوا المهم ختوا جيت اجربوا لئيتوا مش مئري فدخلت

عالمذر بورد اعدت اظبط شويه ام أريه بس الكاباسيتي بتعتوا 8225 MB و هو

40 جيجا اصلن الموهم ؤلت save و خرجت لئيتوا متعرف في البدايه تعريف

غريب مش التعريف اللي كان موجود المهم في حتي كده و هو بيفتح بيكتب

الهرد disabled ده الطبيعي فأنا هردي معمول disabled عادي انما الهرد الـ

40 مكتوب جمبيه none ده كل ده و الوندوز لسه مفتحش لسه مدخلتش عليه

المهم لما الوندوز فتح مشفش الهرد خالص بس شفت الديفايس منجر لئيتوا

شايفوا بس مش شايف درافات ولا اي حاجه و الكاباسيتي بردو زي مؤل 8 ميجا

ياريت اللي يعرف ايه المشكله دي او طريقه حلها يؤلي و اكون شاكر ليه...

**dishna66** · 30-03-2008, 03:13

الهارد كده حدث خلل فى تقسيماته الداخليه ........ عدد الهيد .عدد السلندر .... عدد السيكتور رغم ان المفروض أن الهاردات ال 40 تعمل يتقنية LAB الحديثة فى قراءة الهارد تلقائيا وان أول سيكتور يبدأ من الصفر وليس بتقنيات التقسيمات القديمة اللى ممكن تشوفها فى الهاردات القديمة ال6 و4 ال جيجا اللى تلاقى مكتوب عليها. عدد الهيد .عدد السلندر .... عدد السيكتور
- هل جربت الدخول عليه من البيوس زى مادخلت كده وتظبيط جميع اختياراته على الخيار Auto ؟
-هل جربت الدخول عليه ببرامج الفورمات مثلا ...بارتشن ماجيك أو ببرنامج الشركه المصنعه اذا كانت ويسترن مثلا
- فى تقديرى الشخصى المتواضع الامر لايخرج من شيئين اما بادسيكتور أو تلف فى تراكات الهارد وبالتالى خلل فى قيم الهيد والسيكتور والسلندر ...........الخ ..اذا لم تجد الطرق السابقة فابدأ بمايلى
1- فحص الباد سيكتور ببرنامج hdd regenerator
2- استخدام أمر Zero fill من خلال برنا مج الويسترن أو من خلال برنامج الديسك مانجر
3- استخدام low level format سواء بالديسك مانجر أو ببرنامج powermax الخاص بالهاردات الماكستور

**النديم** · 30-03-2008, 04:36

إضافة لما ذكره أخي dishna66 ، لابأس من تجربة تغيير كابل البيانات للقرص قبل الشروع بالحلول الأخرى.
النديم

**dishna66** · 30-03-2008, 05:59

لقد استبعدت هذا يانديم ...... كابل البيانات للقرص بناءا على قوله :
كان شغال عادي
و اديتوا لواحد صحبيالي انه متئراش عندوا
المهم ختوا جيت اجربوا لئيتوا مش مئري
----------------------------
لكنها بالفعل ملاحظة ذكية ......... أتمنى بالفعل أن تكون تلك القراءة العشوائية للهارد من الكابل

**cool_guy4ever15** · 30-03-2008, 12:57

شكرن ليكوا بجد بس انا معرفش البرامج اللي انتوا بتؤلولي عليها ياريت لو فيه لنكايه ليهم و شرح بسيط اعمل ايه و كده تتابعوا معايا اكون شاكر ليكوا جدن و انا فعلن عامل كل الاوبشن بتاع الهرد auto من الbios فهي ان شاء الله البرامج هي اللي فاضل اني اعملها شكرن مرة كمان ..

**النديم** · 31-03-2008, 00:00

يمكنكَ أن تستعمل محرك البحث Google في العثور على تلك البرامج وشروحاتها أو تقرأ ملف Help لكل برنامج لتعرف بشكل مفصل طريقة إستخدامه. التفكير بحل للمشكلة وتوفير البرامج وشرحها كذلك... شيء يتجاوز كثيراً حدود هذا القسم.
النديم

**cool_guy4ever15** · 31-03-2008, 00:48

انا جبت البرنامج بتاع hdd manager عملت الديسك و اخترت و عملت كل حاجه و بعين لئيتوا لئه في 1ميجا

1250 باد سكتور بس كان بطئ فانا لغيتوا بس عاوز اسئل سؤال هو اللي انا بعملوا ان شاء الله هيصلح الهرد

ولا دي محاوله و في سؤال تاني هو بطئ و هو بيعمل ليه وهو بيكشف عن الباد سكتور يعني..و شكرن يجماعه

**dishna66** · 31-03-2008, 06:28

عليك بالهدوء أولا ........ لأننا أمام حالة حرجه تحتاج مشرط جراح ماهر وخطوات منظمة ودقيقة دون استعجال
---------------------------------------------------------
أولا hdd manager هذا البرنامج ......... هل هو HDD Regenerator أم لا ؟؟؟؟؟ غالبا هو الموجود فى هذا الرابط

https://www.geocities.com/holydishna/hdd-141.zip
تأكد أولا أن النسخة التى لديك ليست Demo اى تجريبية والرابط الذى وضعته هو نسخة كاملة
-------------------------------------------------------
لئيتوا لئه في 1ميجا

1250 باد سكتور
----------------------------------
ما أرجو أن تضيفه لى بعد أن أضع أمامك كل الاحتمالات والحلول الممكنه بعد كام ميجا من الفحص أعطاك 1250 باد سيكتور ؟؟؟؟
-----------------------------------------------------------
هذا يعنى أن الباد مستفحل فى الهارد ........... وطبعا أكيد البرنامج مش قادر ياخد نفسه ومش عارف يلاحق على اصلاح هذا الباد الشرس ..........والأن مالحل ؟؟؟؟
--------------
1- هل هذا البادسيكتور فى فى بداية الهارد ........ أى يظهر مباشر مع بداية الفحص ..... غالبا هذا صحيح
2- ماهى الاستجابة للاصلاح ضعيفة أم متوسطه أم معقولة ؟؟؟؟؟؟؟ غالبا ضعيفة
3- فى تقديرى المتواضع اذا افلحت فى الدخول الى الهارد بواسطة بارتشن ماجيك ووجدت تقسيمات الهارد لازالت قائمة كما قسمته أخر مرة فقم بمايلى
1- اختيار كل بارتشن لوحده
2- اذهب الى قائمة opreations بأعلى واختر منها أمر info
3- سيعطيك بيانات علن البارتشن المساحة المشغولة والمساحة الفاصية ....... بالاضافى الى وجود باد سيكتور من عدمه ......... غالبا ستجد باد سيكتور ولكن حاول أن تعرف كم مساحة الباد سيكتور
4- كرر نفس الخطوة السابقة لباقى البارتشن ........ اذا اكتشفت ان البارتشن التالى وليكن D مثلا خالى من البدسيكتور ......... فمن رأى أن تقوم بحذف البارتشن C تماما من الهارد .... إلا اذا كانت مساحة البادسيكتور قليله جدا فقم باعادة تقسيم ال C الى مساحات صغيرة 2 جيجا كحد أدنى .. ستجد أكثر من بارتشن تكون لديك ربما 2 أو 3 من تقسيم البارتشن C فقط ليست هناك مشكله .المقصود أن تضحى بالجزء الأول من الهارد بأى مساحة جيجا ...... 2 جيجا ........ أو اكثر حسب حجم البادسيكتور الذى سنجده عند فحص ال c ثم نقوم بحذفه
- اذا لم يكن متوفرا لديك برنامج بارتشن ماجيك من الدوس فاليك مايلى
اليك ملفات الديسكين جاهزين للنسخ مباشرة ديسكين فارغين سليمين
- نزل الملف التالى

https://hdishna.googlepages.com/PM.rar

ستجد فيه بعد فك الضغط ملفين
p.magic 1
p.magic 2
طبعا بمجرد الضغط على الملف رقم 1 سيطلب منك تجهيز الديسك رقم 1 ثم اضغط على
creat floppy
ونفس الحال بالنسبة للملف والديسك الثانى
--------------------------
احفظ ترتيب الديسكين لديك 1 و 2 ثم قم باعادة التشغيل وعند بدء تشغيل جهازك من جديد ادخل على شاشة البيوس أو ال setup حسب ماتعرف بالضغط على مفتاح Del أو F 2 واجعل بداية التحميل لديك ال First boot من الفلوبى واحفظ التغيرات ثم ضع الديسك رقم واحد مباشرة ........ سوف يبدأ بالتحميل منه .......... ثم يعطيك رسالة معناها
insert disk 2
ادخل الديسك الثانى واضغط انتر ليبدأ تحميل برنامج بارتشن ديسك من الدوس ويعطيك الواجهة الرسومية له

وهذا شرح للبرنامج طبعا يفضل التعامل من الدوس كما قلت

https://www.absba.info/files/p_magic_..._for%20dos.rar

------------------------------------------------------------

المحاولات الأخرى هو برنامج norton disk doctor وهو دوره ينحصر فقط فى عزل البادسيكتور أى لايسمج للهارد بالتعامل معها بعد ذلك ولكن أمام الوضع الصعب ان لم يكن الخطير الذى تقوله .......
لئيتوا لئه في 1ميجا

1250 باد سكتور
فصعب جدا جدا عزل الباد لأنه قديستغرق أياما طويله فى التعامل مع 1 ميجا بها 1250 بادسيكتور
--------------------------
الحلول الغير مضمونه رغم أنها منشرة فى النت بشكل رهيب ........... استخدام أمر low level format وهو من خلال برنامج مثل Dsk manager أو power max
-----------------------
نصيحتى لك اذا استطعت الدخول الى برنامج بارتشن ماجيك .أتمنى ذلك وأقول أتمنى ....... افعل ماقلته لك ....واذا نجحت فى اتمام ماقلته لك ...... انسى بعد ذلك تماما أن تعيد فرمتة الهارد وتخليها مساحة واحده .... احتفظ بنفس التقسيمات بعد دمج الغير مصاب منها كما تشاء وقسم المساحة العير مصابة كما تشاء ايضا .المهم ألا تفكر فى اعادة المساحة المصابة بالبد سيكتور الى الهارد مرة أخرى بعد حذفها .. اذا لم تستطع فارجع الى برنامج HDD Regenerator وابدأ الفحص من جديد ......... ولكن رتب نفسك الى أن الفحص قد يستغرق من بين 6 ساعات الى 12 ساعة الى يوم كامل ........ يعنى ابدأ باليل . ثم اتركه يعمل حتى الصباح ....... ومن رأيى أنه حتى لو تم الاصلاح فالجزء الذى توقف عنده طويلا ووجد فيه 1250 بادسيكتور فى الميجا الواحدة لاتطمئن اليه بل عليك أن تعود ببرنامج البارتشن ماجيك وتقوم بحذفه مع جزء سليم بسيط بعده
---------------------
علامات الاصلاح فى برنامج HDD Regenerator
أنه عند ظهور باد سيكتور ستجد حرف B باللون الاحمر ثم يحاول اصلاحها وستجد اسفل شريط الفحص
1B باللون االاحمر بجانبها كلمة Bad sector
1B باللون الزرق بجانبها كلمة Recovery
وهكذا يزداد الرقم كلما وجد باد سيكتور فيقول مثلا 10 بادسيكتور وتحته يكتب ماتم اصلاحه 10 أو أقل
-------------