لسة عامل انترفيو فى شركة وهكى لكم اللى حصل

[abadsharona82]

انا لسة عامل انترفيو فى شركة عاوزة مهندس شبكات روحت فى الميعاد بتاعى لاقيت احد المتقدمين وهو خريج هندسة دخل قبلى وقعد حوالى 5 دقايق وخرج قولت له عملت ايه قالى اسئلة فى الصيانة والشبكات شكلة كان مضايق انا حسيت انه مش فاهم حاجة عشان كده خرج على طول ودخلت انا بدأ المهندس مدير الشبكة وهو فى حوالى ال 45 سنة يقولى طبيعة الوظيفة ثم بدأ يقرأ السفى بتاعى لاقنى مش خريج هندسة وحسيت ان نفسة اتسدت قولت انا مش خريج هندسة لكنى معاية دبلوم فى علوم الحاسب وشهادات دولية من مايكروسوفت وسيكو وبدا المهندس يسالنى وانا اجاوب والحمد لله جاوبت كويس قوى على كل حاجة وطالت الاسئلة لازيد من 40 دقيقة وبعد كده بدا يسال اسئلة سخصية عشان يعرف شخصيتى وجاوبت برده بكل ثبات ثم قلب على الانجليزى ثم قالى انا خلصت خلاص وبقالى سؤال تحب تسال حاجة قولت له لئة ثم سالنى السؤال انت عاوز كم مرتب معرفتش اجاوب خالص لانه سؤال ملوش اجابة وفى النهاية انا مستنى هل هقبل فى الوظيفة ولا لئة وياترى عشان الواحد مش خريج هندسة مش هيقبل ولا ايه ياجماعة بالرغم ان الراجل بتاع هندسة خرج بعد 5 دقايق ومش عارف حاجة وانا قعدت فى المقابلة حوالى ساعة تخيلوا ياجماعة ساعة فى انتر فيو اتمنى ربنا يوفقنى واقبل فى الشغلانة دى لانها شغلانة كويس قوى ياجماعة

[truthfaith_4eve]

لاماتقلقش طالما واخد شهادات سيرتفايد حتعدي غصب عنه ولو مقابلكش هو الخسران... انا اعرف واحد دبلوم تجارة اخد اوراكل سيرتفايد واشتغل في قطر...... المهم تبقى جامد في المجال اللي عايز تشتغل فيه... وانشاء الله هيقبلوك بس متنساش تدي الحلاوة لعمو عصام(اللي هو انا)..... عقباااااااااااالي يااااااااااااااارب

[ahmedscondo]

الف شكر على المعلومات بس ياريت تقول ايه طبيعة الاسئله اللى سالك فيها عشان الكل يستفاد

بالتوفيق ان شاء الله ويكون ليك نصيب فيها

[alasmer68]

السلام عليكم...

اللهم إن كان له فيها خير فاجعل القبول من نصيبه
وإن كان له فيها شر فأبعدها .

بالتوفيق أخي

[2M-LOvers]

مبروك مقدما وبالتوفيق ان شاء الله ووزع حاجه ساقعه على الاقسام هنا كلها

ومتنساش برضه الاسئله تقولهالنا او تقول اللى فاكره وسيبك ياعم من طلبه هندسه دول عايشين الدور وفى الاخر مبياكلوش عيش حاف حتى خليك انت فى نفسك دلوقتى المهم اللى يشتغل شغله محترمه مش انه خريج وعايش الدور

اتمنى ليك النجاح والتوفيق دايما

اخوك محمد

[mstarzero]

ياريت الاسئله الى اتسالتلك حتى نستفاد
وممكن اسال سؤال
لو الانجليزى ضعيف بيفرق كتير ولا نسبة الانجليزى ايه فى المقابله

[hisham_munshar]

مشكور و بالتوفيق و انشاء الله يتم قبولك

[hamdy916]

ياريت الاسئله الى اتسالتلك حتى نستفاد
وممكن اسال سؤال
لو الانجليزى ضعيف بيفرق كتير ولا نسبة الانجليزى ايه فى المقابله

ياريت ضرورى

[Douban]

شكرا و منتظرين منك الأسأله

[احمد فخر]

بص بدام طول معاك في الكلام يبقي هيقبلك ان شاء الله
اهم شئ بدام قررت تدينا تجربتك يبقي كمل جميلك للاخر وقول الاسئلة

[7amasa7]

ربنا يوفقك ان شاء الله بس ياريت تقولنا اسم الشركه دى علشان لو ينفع نقدم معاك لو عايزيين ناس وكيفية مراسلتهم وايه الاسئله اللى سألوهالك
مشكوور مقدما وبالتوفيق

[F_A_H_D]

السلام عليكم

يابنى مش مهم البكالوريوس المهم انت عارف ولا مش عارف !!!
انا مؤمن بحاجة ان ربنا خلق مجال ال IT عشان ناس كتيرة جدا تاكل عيش مش هندسة و بس !!
وطبعا متنساش دور الشهادات الدولية لانها طريقة اثبات مباشرة انك على الاقل عندك فكرة

وربنا يوقنا جميعا ويرزق الشباب المسلم كلة بالحلال

معندكش بقى اى MATERIAL ل Server 2008 Infrastructure 70-642 or 70-640

[mohamed2121]

ربنا يوفقق باذن الله

[smsmn8888]

لاماتقلقش طالما واخد شهادات سيرتفايد حتعدي غصب عنه ولو مقابلكش هو الخسران... انا اعرف واحد دبلوم تجارة اخد اوراكل سيرتفايد واشتغل في قطر...... المهم تبقى جامد في المجال اللي عايز تشتغل فيه... وانشاء الله هيقبلوك بس متنساش تدي الحلاوة لعمو عصام(اللي هو انا)..... عقباااااااااااالي يااااااااااااااارب

اخي العزيز الشهادة التي انت فرحان بيها دي مش هي التي هتعينة خصب عنهم علشان الشهاداة حاجة والحياة العملية حاجة تانية خالص لبد من وجود خبرة مش في المجال بس في الحياة ايضا وكل شئ نصيب صدقني لو ليك نصيب ربنا هيوفقق فيها انشاء اللة و ربنا ادرا بما هو افضل لك

[F_A_H_D]

مظبوط كلامك يا smsnn8888