مساعده صغيره من اى حد دخل امتحان ميكروزفت

**mstarzero** · 03-04-2008, 00:23

اسف يجماعه على بواختى فى السؤال بس والله انا لسا جديد فى مجال الشهادات المعتمده

عاوز اعرف الى هيحصلى من اول ماهروح اقدم واحجز الامتحان لحد مايجيلى الشهاده

يعنى المتطلبات ايه للتقدم للامتحان زى اثباتات الشخصيه انا سامع انها ثلاث اثباتات

موش عارف انا سامع بس

وعاوز اعرف ايه الاستمارات الى همليها وايه الى هيحصل لغاية اما يجيلى الشهاده
واعرف منين انى ناجح ولا رسبت واعرف منين درجتى فى الاختبار

ياريت العضو الى عاوز يساعد ميبخلش عليا

ويريت شرح تفصيلى من فضلكم

يعنى اى حاجه هتحصلى لغاية اما اخد الشهاده
ممكن حد يقولى عشان اكون عامل حسابى

وياريت الى من بورسعيد او المنصوره يقولى على احسن مركز امتحن فيه
لانى من دمياط

متاسف على الاطاله

**maxtor** · 03-04-2008, 01:24

وانا محتاج نفس الكلام ياجماعه ياريت حد يشرح بالتفصيل وشكرا

**bhbh_77** · 03-04-2008, 01:45

اولا بتروح تدفع مبلغ 290جنية عن طريق فيزا وفى مراكز بتقبل كاش بس 330 جنية موقع الى تحدد بية مراكز الامتحان هو www.2test.com خش وشوف المركز الى عاوز تمتحن فية وعناونة بعد ما بتحجز وترحلهم هتقعد مع واحد يحدد معاك الوقت واليوم ولما تروح تمتحن بيبقى الامتحان نفس شكل امتحان pass4sure بالظبط اى خدمة انا موجود بالنسبة للنتيجة هتعرفها بعد متخلص الامتحان بثانية واحدة على طول الاستمارة هو الى بيملهالك الشخص الى معاك وبياخد بطاقتك الشخصية يملاها منها الموضوع سهل جدا

**maxtor** · 03-04-2008, 02:02

والشهاده بتيجى على المركز ولا عنوان البيت

**JUBA** · 03-04-2008, 07:12

اولا بعد دخولك الامتحان وان شاء الله تنجح
1- بتأخذ ريبورت فيه درجتك ورقم امتحانك وكمان رقم حجزك اللي هاتستعمله لحجز اي امتحان اخر تابع لمايكروسوفت
2-لو كان ده اول اختبار ليك في مايكروسوفت ونجحت بيجيلك بعد حوالي 14 يوم من الامتحان رساله من مايكروسوفت يكون في محتواها رقمين سريين خاصين بيك بمعنى اصح MCP ID الخاص بيك من مايكروسوفت والثاني هو تفعيل الرقم الاول
3- بعد ذالك اتبع هذا الرابط الخاص بأخي ابو محمود سوف يدلك على كيفية طلب الشهادة الخاصة بيك

https://arabhardware.net/forum/showthread.php?t=72881

**bhbh_77** · 03-04-2008, 08:39

فى حاجة مهمة جدا اذا عاوز رسالة مايكروسوفت تجيلك خلال يومين بس عليك اتباع التالى وانا جربتها وجاتلى كمان بعد يوم واحد https://www.arabhardware.net/forum/s...ad.php?t=59832 اتبع الكلام دة وخلال يومين ان شاءالله هتصلك

**mstarzero** · 03-04-2008, 13:42

مشكرو جدا ياجماعه على اهتمامكم
وارجوا ان الموضوع يفيد الاخوه الاخرين

بس عندى سؤال صغير
الشهاده هتتبعتلى على العنوان الى انا هكتبه ولا هجبها من المركز الى امتحنت فيه
معلش تعبتكم معايا