- ما المقصود بقولك ( الطريقه الأفضل انك تركبها على كونكتر خارجي ) ؟؟
: اقصد ان يكون وضعها مثل وضع مروحه الكيس..تقدر تركبها او تفصلها وقت ما تحب..يعني كأنك مشتري مروحه من السوق
بس بدل المروحه لمبة اضائه
*************
- بعد هذه العملية اللي هي تشغيل لمبة عن طريق الباور سبلاي...هل سوف يتاثر الباور سبلاي من ناحية الكونكتر حقته؟؟
يعني اللي ابغى اعرفه هل راح اقطع اي واحد من الكونكتر بتاع الباور سبلاي او اسوي فيه اي شي؟؟
: لا..راح يظل كما هو..الشغل بعيد عنه
*************
- بالنسبة لمحول الكهرباء AC/DC converter هل هو الفولتميتر؟؟
AC/DC converter : محول كهرباء عند توصيله بشبكة كهرباء البيت يعطيك كهرباء مثل اللي تجي من البطاريه 12 فولت
او اقل لأن فيه سويتش يرفع وينزل قيمة الفولت..يعني وظيفته يحول من AC ( كهرباء البيت) الى DC (كهرباء البطاريه)
الفولتميتر : جهاز لقراءة ومعرفة قيمة الفولت والآمبير والمقاومه..يعني لو عندك بطاريه مثلاً يقدر يظهر على شاشته قوتها بالفولت..
وايضا به تستطيع ان تكتشف المشاكل البسيطه ..مثل ان تشوف كان الكهرباء واصله في الأسلاك او لا ..
( ان شاء الله اذا اشتريت في المستقبل وعندك اي استفسار عن طريقة استعمال ..حاضرين وما يهمك )
***************
- وبالله وش مضمونه ..يعني هل هو مثلا يركب في الكهرباء وانا احدد الفولت...والجهاز يطلع منه سلكين موجب وسالب اركبها مع اللمبة مثلا؟؟
: صحيح..والسلكين اللي يطلعون منه واحد لونه اسود = سالب والثاني لونه اسود مع خط ابيض = موجب .
***************
- (( كونكترات الباوسبلاي جميعها من نوع male والكونكتر اللي يركب عليها لازم يكون female )) هل أنت متاكد؟؟ لأنه اللي اعرفه العكس تماما!!!
: عادي..تقدر تقول العكس ..فلو كنا نقصد الفيشه البلاستك فوصفي صحيح واذا كنا نقصد الأسلاك اللي في داخل الفيشه فوصفك صحيح
***************
- بالنسبة للمروحة (( هو منفصل ما له علاقه بالباور سبلاي الا اذا وصلته معاه راح يكون فيه فولت)) يعني كيف تشتغل المروحة؟؟
: المروحه راح تشتغل اذا وصلت الفيشه (الكونكتر) بالباور سبلاي..لاحظ اخي (الا اذا وصلته معاه راح يكون فيه فولت)
***************
- بالنسبة لمحول الكهرباء AC/DC converter ...كم سعره تقريبا؟؟
: صناعة اليابان راح يكلف حالي 30 ريال ..صيني اقل بحوالي النصف..والياباني احس لأنه ما يطلع حراره مثل الصيني..
اذا سألت عنه قول لصاحب المحل انك تبغاه بقوة 500 ملي امبير
مواصفاته من 3 الى 12 فولت / 500 ملي امبير )
************************************
-وفي النهاية الحين اللي عرفته اني راح اقوم بتوصيل اللمبة اللي عندي (الدارة الكهربائية كاملة ) وذلك عن طريق كونكتر مروحة قديمة!!
يعني هل أقطع كونكتر مروحة قديمة واركبه مع الدارة بتاعتي بعد اضافة مقاومة 300 اوم؟؟
ثم اقوم بتوصيله مع الكيبل اللي تتوصل فيه المروحة؟؟
: صحيح..وانا سبقتك وعملت لك الدائره ولو انك جاري كان طلعت لك الحين وسلمتك وياها
**************
- ومعليش يالغالي هذي اول تجربة لي من هذا النوع...وزي منت عارف اصعب خطوة الاولى..
: حاضرين يا الطيب..وكلنا ابتدينا بخطوه اولى
المفضلات