النتائج 1 إلى 8 من 8

الموضوع: قواعد قيادة السيارات في مصــــــــــــــر

العرض المتطور

المشاركة السابقة المشاركة السابقة   المشاركة التالية المشاركة التالية
  1. #1
    عضو الصورة الرمزية clerck
    تاريخ التسجيل
    Jul 2007
    المشاركات
    644
    معدل تقييم المستوى
    0

    قواعد قيادة السيارات في مصــــــــــــــر


    القاعدة الأولى:

    لو عربيتك كبيرة أو قديمة، أستخدم المبدأ القانوني: اللي خايف على عربيته يوسع!!

    ملحوظة: ابعد عن سكة العربيات المخرشمة ، بيسوقوا بنظرية ضربوا الأعور على عينه!!


    -------------------------------

    القاعده الثانيه:

    قاعدة البوز بيز:اللي يدخل ببوز عربيته الاول للتقاطع هو صاحب أولوية المرور! احرص على أن تكون صاحب أول بوز.

    ملحوظة: لا تطبق الـبوز بيز مع أي لوري أو أتوبيس، حرصاً على بوزك لا مؤاخذة.


    -------------------------------

    القاعدة الثالثة:

    الإشارات تكشف نواياك للأعداء، أياك أن تستخدمها!


    -------------------------------

    القاعدة الرابعة:


    لا تترك مسافة للأمان بينك و بين السيارة التي أمامك فهذا له عدة مخاطر:


    1. عربية ثانية حتملا الفراغ في ثواني و برضوه ما يبقاش فيه مسافة بينك و بين الي قدامك، كل الي كسبته انك اتأخرت لورا شوية.

    2. حتدي فرصة للعيال يعملوا غرز قدامك.

    3. كل المشاة حيغمضوا عينيهم و يعدوا من الحته دي.

    4. الي وراك حيقعد يزمر - لو كان مؤدب -
    أو تسمع شوية أسامي حيوانات لو كان سواق تاكس - مؤدب - ،
    أو حيخبطك من ورا لو كان سواق ميكروباص - و دول مفيش حد منهم مؤدب -.

    الإشارات مش معمولة علشان تنظم المرور ، معمولة علشان شكل القاهرة يبقى متحضر بس!

    اعتمد على العساكر ( مع تحملك كامل المسؤلية لو واحد منهم شاورلك تعدي و بلدياته الناحية الثانية فتح السكة للوري ) أو يفضل أن تستعمل البوز بيز ( راجع القاعدة الثانية ).


    -------------------------------

    القاعدة الخامسة:

    اذا كنت مش واقف في الصف الأول في الاشارة اعمل حسابك تزمر بشكل متواصل و هستيري أول ما الأشارة تفتح، لأن الناس الي قدام بيبقوا واقفين في الاشارة من زمان و جايز جداً يكونوا ناموا!!


    -------------------------------

    القاعدة السادسة:

    معظم الحوادث تحدث في التقاطعات أول الأشارة ما تحمر، كل ما عديت الإشارة الحمراء أسرع كل ما قلت فرصة انك تتخبط!


    -------------------------------

    القاعدة السابعة:

    الشارع مكان مقرف، سوق بأسرع ما يمكن حتى تتخلص من هذا الهم بسرعة، الناس الي ماشيين بالراحة مرضى نفسيين بيستمتعوا بالعذاب ، يستاهلوا الي يجرى لهم.


    -------------------------------

    القاعدة الثامنة:

    من حقوقك الدستورية أن تركن أمام باب المحل الذي تريد أن تشتري منه، اذا سبقك واحد ابن ستين في سبعين و ركن قدام الباب، فمن حقك أن تقفل عليه و تركن صف ثاني أو ثالث، و مش مهم لو الشارع اتقفل، ايه يعني أما الناس تتعطل عشر دقائق علشان تستمتع بحقوقك الدستورية؟ هيا يعني الدنيا طارت ولا كان وراهم الديوان؟


    -------------------------------

    القاعدة التاسعة:

    من حقك أيضاً أن تخرج من مكان انتظارك في أي لحظة تشاء، اكسر الدركسيون شمال و اطلع، أي حد ماشي في الشارع لازم يقف لك فوراً، راجع البند السابق.


    -------------------------------

    القاعدة العاشرة:

    إحترس من ثلاث أنواع من السائقيين بيسوقوا و كأنهم مش ممكن يموتوا:

    1. Computer Gamesالعيال الروشين الي بيلعبوا فاكريين إن ممكن يكسبوا زيادة لو ساقوا أسرع
    Life
    2. موتوسيكلات توصيل الطلبات ( Home Delivery ).

    3. سواقين الميكروباص.

    ملحوظة: إوعى تحاول تثبت لحد منهم إن فكرته غلط. فاهمني!!!.


    -------------------------------

    القاعدة الحادية عشر:

    لما تشوف حادثة لازم تهدي و تتفرج - مش مهم تساعد - الحجات دي دمها أخف من الأخبار المملة بتاعة التلفيزيون، و بعدين لما الطريق وراك يقف تحمي المجتمع من حادثة تانية.


    -------------------------------

    القاعدة الثانية عشر:

    الكناسين لازم يحللوا اللقمة الي بياكلوها، حاول تنفعهم و ترمي أي حاجة من الشباك.


    -------------------------------

    القاعدة الثالثة عشر:

    لما تخلص سيجارة أوعى تحطها في الطفاية، ارميها من الشباك أول ما تشوف واحد بموتوسيكل معدي جنبك ( علشان يحرم يعمل غرز ).


    -------------------------------

    القاعدة الرابعة عشر:

    من حقك أن تعبر الشارع في أي وقت و من أي مكان.


    -------------------------------

    القاعدة الخامسة عشر:

    اذا كان هناك سيارة قادمة اعمل نفسك مش واخد بالك و عدي براحتك خالص، ما تخافش، هوا حيقف، هو اهبل يدوسك و يودي نفسه في داهية؟


    -------------------------------

    القاعدة السادسة عشر:

    اياك أن تنظر نحو السيارات القادمة، أعبر الطريق و ظهرك لها حتى لا يشك أحد قائدي السيارات أنك تراه و يحاول يخوفك علشان تقف انت.


    -------------------------------

    القاعدة السابعة عشر:

    حتى لو شفته أوعى تخاف - خصوصاً لو معاك بنت - تبقى راجل ملو هدومك و تخاف من حته عربية؟

    عرض قفاك و سيبه يتفلق.


    -------------------------------

    القاعدة الثامنة عشر:

    الرصيف ليس للمشاه، بل لركن السيارات و فرشات الباعة الجائليين



    منقول من الاميل
    https://www.islamway.com/gaza/

  2. #2
    عضو الصورة الرمزية ميزو حاسوكا
    تاريخ التسجيل
    Dec 2007
    المشاركات
    356
    الدولة: Egypt
    معدل تقييم المستوى
    17

    رد: قواعد قيادة السيارات في مصــــــــــــــر

    هههههههههههههههه::D:D:D:D:D:Dههههههههههههههههه
    نشكر وزاره المرور الممثله فى الاخclerck
    بعــــــد طول غيـاب

    ......

    عودة مرة اخرى للمنتدى:ah27:

    :ah3:ميزو حاسوكا

  3. #3
    عضو الصورة الرمزية clerck
    تاريخ التسجيل
    Jul 2007
    المشاركات
    644
    معدل تقييم المستوى
    0

    رد: قواعد قيادة السيارات في مصــــــــــــــر

    اقتباس المشاركة الأصلية كتبت بواسطة ميزو حاسوكا مشاهدة المشاركة
    هههههههههههههههه::D:D:D:D:D:Dههههههههههههههههه
    نشكر وزاره المرور الممثله فى الاخclerck
    نشكرم علي حسن تعاونكم معنا ..بس ياتري انهي قاعده التي لاتنفذها (z)(z)
    https://www.islamway.com/gaza/

  4. #4
    عضو فضي الصورة الرمزية alasmer68
    تاريخ التسجيل
    May 2007
    المشاركات
    2,881
    معدل تقييم المستوى
    19

    رد: قواعد قيادة السيارات في مصــــــــــــــر

    السلام عليكم...

    رائعه هذه القواعد.

    ولكن أجملها.....

    القاعدة السابعة عشر:

    حتى لو شفته أوعى تخاف - خصوصاً لو معاك بنت - تبقى راجل ملو هدومك و تخاف من حته عربية؟

    عرض قفاك و سيبه يتفلق.
    قوية هذه هههههههههههههههههههههههههههههه:D

  5. #5
    عضو برونزي الصورة الرمزية Smart1991
    تاريخ التسجيل
    Apr 2005
    المشاركات
    1,119
    معدل تقييم المستوى
    20

    رد: قواعد قيادة السيارات في مصــــــــــــــر

    القاعدة الثالثة:

    الإشارات تكشف نواياك للأعداء، أياك أن تستخدمها!
    فعلا لما تكون في الشارع تحس انك في حرب :D .............. ههههههه


    شكرا على الموضوع الراااااااااااائع
    [COLOR=Red][CENTER][SIZE=4][B]أعتذر عن قلة مشاركاتي و دخولي للمنتدى بسبب ظروف السفر و الدراسة[/B][/SIZE][/CENTER]
    [/COLOR]
    [SIZE=2][B][CENTER]قال رسول الله صلى الله عليه و سلم : " أفضل دعوة عند الله أن يدعو الإنسان لأخيه في ظهر الغيب" ,,[/CENTER]
    [/B][/SIZE][B][CENTER](رجاءً لا تنسوني من صالح دعائكم)[/CENTER]
    [/B]
    [CENTER]
    [IMG]https://www.danasoft.com/sig/SMART1991.jpg[/IMG] [/CENTER]

  6. #6
    عضو الصورة الرمزية clerck
    تاريخ التسجيل
    Jul 2007
    المشاركات
    644
    معدل تقييم المستوى
    0

    رد: قواعد قيادة السيارات في مصــــــــــــــر


    القاعده الثانيه:

    قاعدة البوز بيز:اللي يدخل ببوز عربيته الاول للتقاطع هو صاحب أولوية المرور! احرص على أن تكون صاحب أول بوز.

    ملحوظة: لا تطبق الـبوز بيز مع أي لوري أو أتوبيس، حرصاً على بوزك لا مؤاخذة.
    4. الي وراك حيقعد يزمر - لو كان مؤدب -
    أو تسمع شوية أسامي حيوانات لو كان سواق تاكس - مؤدب - ،
    أو حيخبطك من ورا لو كان سواق ميكروباص - و دول مفيش حد منهم مؤدب -.
    احلي القواعد المتبنيه في المرور المصري
    شكرا لمرروركم الكريم
    https://www.islamway.com/gaza/

  7. #7
    عضو الصورة الرمزية abou_914
    تاريخ التسجيل
    Jul 2007
    المشاركات
    259
    الدولة: Egypt
    معدل تقييم المستوى
    17

    رد: قواعد قيادة السيارات في مصــــــــــــــر

    أخي العزيز انت بإختصار لميت كل الخنقة اللى جوا المصريين من المرور وحطيتها فى قواعد كلها سليمة 100 %
    وصدقنى هي دي الحقيقة ما فيش قاعدة انت كتبتها غلط انا نفسى فعلا فى مصر يبقى فية معتقل للناس بتوع الميكروباص تحديدا البلطجية منهم لأنهم فعلا بيإذوا الناس كلهم مش ممكن ما فيش اى وعي بأي مسؤلية ولا ذوق ولا فى رادع ليهم لأنهم تقريبا مسجلين خطر يعني مش هاتفرق معاهم لو دخلو السجن ولا معتقل ولا اى حاجة ، الشارع دة ملكهم وهم عندهم حق فى اى قرار وعلى فكرة المفروض انهم كانو يبقو نجوم فى السينما اساسا بس المجتمع كلة هو اللى مش فاهمهم (BB) لأن امكانياتهم العقلية اعلى بمراحل من المجمتع دة هم اساسا مخلوقات فضائية بس المركبة بتاعتهم ولعت علشان كدة اضطروا يعيشو معانا على الارض
    موضوع رائـــــــــــــــــــــــــــــــععع!Clap!Clap!Cl ap!Clap
    سبحانك اللهم وبحمدك اشهد الا اله الا انت استغفرك واتوب اليك

  8. #8
    عضو الصورة الرمزية clerck
    تاريخ التسجيل
    Jul 2007
    المشاركات
    644
    معدل تقييم المستوى
    0

    رد: قواعد قيادة السيارات في مصــــــــــــــر

    اقتباس المشاركة الأصلية كتبت بواسطة abou_914 مشاهدة المشاركة
    نجوم فى السينما اساسا بس المجتمع كلة هو اللى مش فاهمهم (BB) لأن امكانياتهم العقلية اعلى بمراحل من المجمتع دة هم اساسا مخلوقات فضائية بس المركبة بتاعتهم ولعت علشان كدة اضطروا يعيشو معانا على الارض
    ههههههههههههههههههههههه
    فعلا انا سمعت كده برضه بس مكنتش مسدق (z)(z)(z)
    https://www.islamway.com/gaza/

المواضيع المتشابهه

  1. مشاركات: 1
    آخر مشاركة: 14-11-2011, 02:32
  2. امتحان رخصة قيادة السيارات فى مصر
    بواسطة Mr.pOPo في المنتدى الأرشيف
    مشاركات: 8
    آخر مشاركة: 06-09-2010, 16:34
  3. مشاركات: 19
    آخر مشاركة: 16-03-2009, 23:28
  4. لمحبي ألعاب السيارات عجلة قيادة روعة
    بواسطة alayoubi في المنتدى الأرشيف
    مشاركات: 3
    آخر مشاركة: 24-12-2007, 19:19

الكلمات الدلالية لهذا الموضوع

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •