الى خبراء الصيانة .. يا ترى ما سبب فصل الجهاز باستمرار؟؟

[ahmed19901]

السلام عليكم ورحمة الله .......
أود ان أطرح مشكلتي عليكم يمكن ألاقي حلاً عندكم .....
في البداية عندما كنت ألعب لعبة nfs most wanted فوجئت بفصل الجهاز فجأة وتوقفه عن العمل وعندما ذهب به الى محل الصيانة فوجئت أيضا ان الرامات أحرقت !! فاستبدلتها وفرمت الجهاز واشتغل وكل حاجة ....
ولكن المشكلة أن الجهاز بعد هذه الحادثة بدأ يفصل بكثرة وخصوصا عند تشغيل بعض الألعاب أو حتى عندما أشتغل على الجهلز عندي فيا ترى ماذا يمكن أن يكون سبب هذا الفصل في الجهاز
هل يمكن أن يكون خللا في الرامات أم ان كرت الشاشة ممكن فيه حاجة
يا ريت تفيدوني وانا هكون متابع للموضوع ......
الى اللقاء...

[The Black Death]

مبدئيا يا اخى انا اظن ده عيب باور سبلاى
ياريت تقول نوع كرت الشاشة اللى عندك ونوع الباور سبلاى كمان وقدرته بالوات

مع تحياتى
The Black Death

[ahmed19901]

أخي انا كارت الشاشة عندي ati radion 200 express وهو built in
أما الباور سبلا فلا أظن فيه حاجة لان انا غيرتة كذا مرة

[The Black Death]

بص يا اخى حكاية إن الكومبيوتر يفصل يبقى ليها سببين من وجهة نظرى:
1- الباور سبلاى وإنت قولت إنك غيرته ومطمن من ناحيته
2- سوء التهوية للبروسيسور والكومبيوتر بشكل عام ياريت تشوف مروحة البروسيسور شغالة كويس ولا لاه وياريت تشوف حرارة البروسيسور كام

انا عندى فكرة :عاوزك تشغل برنامج تقيل على الكومبيوتر وليكن تحويل فيلم او ضغطه المهم انا عاوز الكومبيوتر يبقى متحمل عليه جامد
لو الكومبيوتر فصل برضه يبقى مشكله حرارة عالية

مع تحياتى
The Black Death

[ahmed19901]

شكرا لك أخي العزيز على المتابعة والاهتمام وانا هحاول أجرب ان شاء الله فكرتك
بس قولي هل ممكن يكون قلة معجون التبريد على البروسيسور سبب في ارتفتع حرارته لاني فاكر ان انا كنت شيلت شوية منه

[The Black Death]

السلام عليكم ورحمة الله وبركاته:

اخى وظيفة المعجون هى انه يعمل كجسر حرارى بين المبرد الحديدى والبروسيسور وطبعا اخطر حاجة انك تشيل شوية منه(BB):mad:

حاول تجيب معجون جديد لو اللى عندك قليل او بقاله كتير ونشف

مع تحياتى
The Black Death

[AhmadAllRise]

السلام عليكم ...

أخي تفقد البور سبلاي

تفقد مروحة المعالج و المعجون الحراري كذلك

تأكد من خلو جهازك من الفايروسات ( أهم حاجة )

شوف شو بصير معك و ردلنا خبر .

[ahmed19901]

السلام عليكم
اخواني الأعزاء لا أعرف كيف أشكركم على الاهتمام الرائع وانا دلوقتي الصورة بدأت تبان قدامي
وهحاول أطبق كل نصايحكم ان شاء الله
أشكركم جزيلا
بس معلش كترت عليكم ممكن حد يجيبلي رابط عن معاجين التبريد وكيفية وضعها على المعالج والتعامل معها
معلش كترت عليكم
الى اللقاء

[The Black Death]

يا باشا ماتقولش كده إنت تؤمر

طريقة وضع المعجون:

أولا: قم بإطفاء الجهاز كليا وسحب كافة الملحقات منه (كما أوضحنا فوق..) ..
ثانيا افتح الغطاء وقم بخلع المشتت (كما تم التوضيح..) ..

والان افصل المشتت عن المعالج

فما عليك القيام به الان , هو ازالة هذه الطبقة ..
أسهل طريقة تكون باستخدام شريحة بلاستيك : كرت تيليفوني مثلا ..
ولكن احذر من القوة , قم بالعملية غاية في اللطف ..
وبعد ازالة الطبقة الأساسية , سيتبقى عليك التنظيف النهائي ..
وذلك عن طريق قطعة من القطن مبللة بكحول يفضل أن يكون من الاسيتون ..
وانتهي من ذلك عن طريقة قطعة ناشفة تماما , تزيل بها أي محلول سائل قد يبقى ..

طريقة وضع المعجون:


أمسك المعالج من أطرافه , وضع جوزة صغيرة من المعجون في وسطه ..
وبعد ذلك , قم بفرد المعجون بواسطة بطاقة تلفونية كما سبق الذكر ..
ولكن حاول أن تحصل على طبقة ناعمة من المعجون ومتوازنة في نفس الوقت ..
اجعل سمك الطبقة , حوالي 1mm ليس أكثر , أي حوالي بسمك ورقة .




(ملحوظة:حاذر ان تدع المعجون يخرج عن إطار المعالج حتى لايتسبب فى اى اضرار للماذر او للسوكيت نفسه)


بالنسبة للمشتت :
ضع ما تبقى لديك من معجون المعالج على سطح المشتت ..
وبعد ذلك افرده على مساحة واسعة ..
وبعد فرده قم بنزعه كاملا مرة أخرى ..

وهكذا تتأكد أن لا وجود لأي جسم غريب على سطحه ..







أخيرا مش ناقص غير انك تحط المعالج مكانه وفوقه المشتت
تأكد قبل ذلك أن المعالج خالي من الشوائب الطائرة (مثل الشعر , الغبار ..) ..
ثم ضع المشتت على المعالج , بس من غير ماتحركه يمين وشمال , بل مرة واحدة(لوكشة واحدة مش تاتا تاتا:Big ..
بعد ذلك قم بكبسة خفيفة على المشتت لتتأكد من التصاقه بالمعالج تماما ..

بس كده واتمنى ان مشكلتك تتحل إن شاء الله

مع تحياتى
The Black Death

[ahmed19901]

أشكرك جزيلا أخي العزيز ان شاء الله هجرب اللي انتا قولتلي عليه
وربنا يجعل على ايدك الشفا

[smsmn8888]

اخي العزيز يفضل استخدام برنامج لقياس الحرارة وتحزيرك عند ارتفاعه وياريد تخلي الحد الاقصي 65 مثلا للتاكد ان العيب حرارة ولا لا ومتنساش حرارة كرت الشاشة كمان
بعد ما تتاكد ان المشكلة حرارة ولا لا
يبقي عندك حل من اتنتي
لا باور سبلاي وتا جايز جدااااااااااااااااااااااااااااااااااااااااااااااا
و في بعض الاحيان الضيلة جدا تكون لامات بس تا موضوع ضعيف جدااا فهمت الاقصد اة عاما الرامات في الاغلب بتعضيق شاشة زرقة يعني العيب الامثل الاول وتا سهلة كشفة و التانية ربنا معاك

[ahmed19901]

أخي العزيز انا جربت برنامج EVERST ودرجة حرارة البروسيسر في الأحوال العادية من 53-61 وعند الضغط على الجهاز (لما تشغل حاجات ثقيلة عليه زي ألعاب أو سكان للفيروسات بيوصل الحرارة ل82 درجة
فغالبا هو ده السبب بس حرارة كرت الشاشة مش عارف أعرفها منين
وشكرا لاهتمامك

[smsmn8888]

اذن العيب طبعا هو سخونة البروسيسيور
وخلي بالك علشان وصول الحرارة الي 82 تا يدمر البروسيسور نهائي خلي بالك

[Adiga Man]

أخي العزيز

بالنسبة لفصل الجهاز فهنالك 3 احتمالات :

الاول : مشكلة في الذاكرة الرام لذلك يجب فحصها باستخدام احد برامج الاقلاع و تفحص الذواكر وتأخذ فترة زمنية بحدود نصف ساعة.
وهناك احتمال ان تكون الذواكر قطعتين (2 ذاكرة ) وال bus مختلف اي تردد كل احد الذواكر مختلف عن الاخر.
الثاني: مشكلة في وحدة التغذية حيث لا انصح بشراء اي وحدة تغذية ويوجد وحدات تغذية مثل FSB ممتازة و فيها منظمات جهد عالية الدقة.
الثالثة : وكما قالو الزملاء الحرارة وان اضيف الى نقص في احد ملفات التشغيل .
والله أعلم.


بشار
دمشق - سوريا

[saber --1]

اضن ان السباب هو الهارديسك
افتح صندوق الحاسو ب اذا سمع صوت يصدر من الهرديسك
فيجب عليك تغيره او ستعمل احد البرمج الي بتعمل scandisk
وان لم يفيدوك فائدخل على موقع الشركة المصنعة ونزل برنامج
يعيد الهارديسك الى اول عهده
وبعد ركب وندوز جديد
و نسا فصل الجهاز