إخواني السلام عليكم
لقد تم تعيني في موقع يوجد فيه ما يقارب 400 مستخدم وطلب مني إضافتهم للدومين وللعلم أنا لا أملك اي معرفة عميقة في الدومين ولكن بفضل الله عز وجل الذي جعل هذا المنتدى واعضاءه الكرام سببا في تعلمي وحل مشاكلي استطعت أن اطور نفسي ، لن اطيل عليكم في الواقع واجهتي مشاكل وأود مشاركتم فيها
1- عند إضافه جهاز الى الدومين يقوم بإنشاء بروفايل جديد على الجهاز بإسم المستخدم مثلا لو كان هنالك مستخدم يوجد له بروفايل بإسم Ali واضفنا جهاز علي على الدومين بإسم المستخدم ITAli يقوم بإنشاء بروفايل خاص به ومن هذه النقطة لا تنتقل بيانات Ali الموجودة في البروفايل الخاص به ( سطح المكتب و المستندات ... الخ) الى البروفايل الجديد .. تخيل انه انا عندي حوالي 10 قيقا من بيانات لكل مستخدم رح اموت وانا قاعد انقلهم خاصة وانه المستخدمين الي عندي ما بعرفوا غير الماسنجر فهل هناك طريقة لنقل البروفايل بشكل سريع اوحتى اي معلومة بخصوص ذلك
2- عتد اضافة مستخدم جديد، العديد من البرامج التي تكون موجودة على الجهاز لا تعمل مثل الاوفس ... قول الاوفس بسيطة ممكن ننزلها من جديد لكن هناك برامج كبيرة مثل الاوراكل لما ضفنا جماعة الاوراكل على الدومين وجربنا نشغل الاوراكل من الحساب الجديد الموجود على الدومين كان يحكي انه لا يستطيع انشاء الملفات المؤقتة بس لما ارجعه على حساب المستخدم المحلي كان كل شي تمام ... طبعا صرنا مضحكة عند جماعة البرمجة والاوراكل من ورا هالمشكلة فهل من منقذ .
3- الساعة ... الساعة يا جماعة جننتني صار الي بسوا وما بسوا يتشاطر ... الساعة عند الكلاينت بتتغير لحالها ... وطبعا زي ما انتوا عارفين كل المستخدمين اذا ما كانت الساعة عندهم صح الشغل بوقف وبتعطل الانتاج المحلي والقومي وبسير انا الي مسبب تلوث البيئة ... فياجماعة الي عنده حل يحكيلي مش مشاني مشان البئية والناتج المحلي والقومي .
4- الطلب الاخير يا جماعة الرجاء من اي شخص بعرف محل كوشري او ساندونش حمص وفول بده موظف يحكيلي لانه انا قرفت هالشغلة ....
5- اخواني قبل قصة المحل انا عندي 400 مستخدم تقريبا كم دومين كنترولر بدي .
وشكرا جزيلا لكم ....
المفضلات