اقتراح حول حلقات الباش مهندس محمد سمير

[ahab]

أحبتي في الله:
ما يقدمه الأخ محمد سمير وغيره من الزملاء يعتبر مجهود رائع وعمل عظيم يحتاج إلى تفاعل أكثر مع هذه الحلقات.
كيف يكون هذا التفاعل؟
سأتكلم عن نغسي : عندما أسمع للأخ محمد سمير أحس أني فاهم كل شيئ وتمام. ولكن بعد يوم أو اثنين ما هي المعلومات التي تستطيع أن أتذكرها؟ بمعنى آخر أن أسردها وأتكلم عنها دون الرجوع للحلقة.
أنا أجد أن هذه المعلومات قليلة عندي لماذا؟ لعدم التفاعل. ( دا كان الأول ، دلوقتي أنا بتفاعل)
Down:أقترح أن يكون هناك بعد كل حلقة موضوع خاص بعنوان الحلقة لمناقشة هذه الحلقة ليس ذلك فقط ! وإنما تلخيص وذكر أهم المعلومات في هذه الحلقة .
ولو مثلاً أنك تقرأ من كتاب مع متابعة شروحات الفيديو ووجدت معلومات لم يتم ذكرها في الحلقة فيجب كتابتها في هذا الموضوع والسؤال عنها.
أو أحببت أنك تنقل ما فهمته من هذه الحلقة وتنتظر رد المختصين لتصحيح المفاهيم الخاطئة لديك فسيكون هذا أفضل.
طبعًا أنا عارف أن موضوع الشروحات مثبت ويتم استقبال الاستفسارات عليه ، ولكني أعتقد أن تخصيص موضوع لكل حلقة ستكون الإفادة منه كبيرة جدًا وستعتبر مراجعة على الحلقة.

وجزاكم الله خيرًا

[mohammedsn]

طيب يا اخي أقولك انا علي بعض الاسباب للي تجعل الحلقة تضيع من وجهة نظري الضيقة
1-طريقة استماع الحلقة
لو اننا بناخذ كورس تري الناس جلسة في وضع معد للفهم معه كشكول و قلم و ....
لكن في بعض الناس لما تتفرج في الفيديو يتفرج و هو نايم او او و هذا طبعا يقلل التركيز بالحلقة

أنا طبعا مش بتكلم علي حد معين

2- انه لما بيتفج بيلغي الورقة و القلم لانه بيول الفيديو موجود
لاء طبعا لابد ان تقوم بكتابة ما فهمت و مراجعته
و انا من اجل ذلك أرفع لك ال slide اللي بشرح منها
لكي تراجع منها و تكتب ملاحظاتك من خلال ما تري

3-لو هناك حلقة عملي مثل الحلقة القادمة التي سيتم تسجيلها اليوم إن شاء الله لابد أن تحاول أنت ان تقوم بعمل هذه الحلقة بنفسك مش بس تتفرج

أنا أتذكر أول مرة علشان اشغل برنامج دينامبس مع vmare قعدت حوالي يومين
كل مرة ألاقيني نسيت حاجة او سويتش مش عليه أي بي أو او
مع كثرة المحاولة
دلوقتي ممكن اربطلك أكثر من أكثر من جهاز في وقت قليل جدا

5- هناك حلقة غن شاء الله بعد كل جزء يقوم بحل الاسئلة إن شاء الله و هذه سترفع كثير من الغموض

6-أخيرا لابد أننا نشوف انستركتور كويس شوية علشان يعرف يفهنا الكورس :D

[hamoodii_86]

الله يعطيك الف عافيه استاذي محمد

وكلامك صحيح لازم الواحد يسجل النقاط المهمه وهوا يتابع الدرس

ويرجع للسلايدات عقب الدرس

واهم شي التطبيق العملي

ومشكور

[ahab]

(دا كان الأول دلوقتي أنا بتفاعل )

الأخ الفاضل محمد سمير لو لاحظت الجملة السابقة ، ففعلاً الكلام إللي إنت قلته كان بينطبق عليه ، أما الآن ولله الحمد فأنا طبقت كل اللي انت بتقول عليه ده وبدأت أسمع الحلقة أول مرة دون كتابة للتركيز في الحلقة ، ثم أسمعها مرة ثانية لكتابتها وأجمع مابين المعلومات اللي في هذه الحلقة والمعلومات التي أقرأها من الكتب.
ويمكن تلاحظ هذا في مشاركتي عن port security و uplinkfast

أنا أقصد لما هيكون في موضوع خاص بالحلقة هيكون التفاعل أكثر و أكيد هتكون فيه استفسارت كتيرة خاصة فقط بالحلقة وبالتالي أي عضو جديد لسه بادئ في الكورس يقدر يتابع الاستفسارت الخاصة بكل حلقة على حده. أو حتى يكون هناك موضوع واحد مثبت للمناقشة ومفهرس من جوه حسب الحلقات.
هذا رأي ! قد أكون مخطئًا وقد أكون مصيبًا.
لكن في جميع الأحوال
كل الشكر والتقدير لك أخي محمد لما تبذله وما تقدمه لنا .

[ahab]

الأخ محمد سمير : المعلم الفاضل

! أنا مكنتش أعرف يعني إيه كلمة إنستركتور ودورت في القاموس ولقيتها (معلم )

ومعنى كده إن أنت زعلت من كلامي وفهمتني غلط.
أولا يا أخي الحبيب أنا قلتلك في أكثر من مشاركة إننا كنت تايه بين الكتب قبل ما أسمعك وفيه حاجات كتير مكنتش فاهمها وقلت لولا الله ثم حلقاتك أنا ما كنتش قدرت أفهم حاجة من الكتب.

أنا كل اللي أقصده اننا نفعل الموضوع من الأعضاء خاصة المبتدئين .
وبعدين أنا لو دورت على 1000000000000000000000000000000 انستركتور مش هلاقي أفضل منك .
آسف إذا كنت زعلتك

[المبرمج_العراقي]

السلام عليكم ... ان طريقة المذاكرة في كل مكان من المرحلة الابتدائية الى ان تتخرج من الجامعة والدورات وغير ذلك في المنهج الذي تقراه وتحل الواجبات فيه ، وفي ايضا المحاضر الذي يشرح الدرس المقرر عليك .
الاستاذ محمد سمير جزاه الله الف خير وكل الاخوان الذين يعملون الدروس واولهم استاذنا الكبير لومارك جزاهم الله الف خير ووفقهم في خطواتهم . عملوا ايه انه المدرس عندك في البيت وابلاش يعني انته تقرا الدرس اولا في المنهج وبعدين تسمع المحاضرة وتقوم بتسجيل الملاحظات او العكس تسمع المحاضرة و بعدين تقرا الدرس من المصادر المتوفرة تكون قد حفظت الدرس صم .
اخوالني الاعزاء يجب في البداية ان تضع خطة في دراستك يعني انه تكتب في ورقة وقلم اليوم مثلا السبت الدرس TCP/IP اسمع المحاضرة كويس اوي ، واسجل الملاحظات وبعدها افتح المصادر المتوفره واقرا عن TCP/IP واحل اسئلة كمان . وبهذا انته مش حتنسى ابدا .
نقول لاستاذنا محمد انه دروسك اكثر من رائعة واستمر ياباشا نحن بانتظارك ومعلش انا مش زعلان لان ما رديت عليه في الخاص لاني احبك حب كبير ( من علمني حرفا ملكني عبدا ) وانت والاخوان الاعزاء علمتنوا كثير كثير جزاكم الله الف خير حبي وتحياتي لكل الاساتذه

( من خلال محاضرات الاخوان صرنا نتكلم باللهجة المصرية العذبه )
واخيرا كل الشكر والعرفان والحب لجميع اساتذتنا الاعزاء ونطلب من الجميع الدعاء لان موعد امتحان CCNA اصبح قريب جدا .

اخوكم المبرمج العراقي

[محمد مندور]

وكمان ياجماعة محتاجة مننا تعب شويه يعني ناخد الدرس وبسرعة بسرعة نفتح الكتاب ونذاكر الجزء ده ، وكمان الإسطوانات الإنجليزي ده بيفيد في ايه
أولا في تثبيت المعلومة
ثانياً بيزيل غموض اللغة
ثالثاً تدريب علي اللغة نفسها
وبعد كده إنت ممكن تساعد كما هيبقي عندك مادة كويسة وتكتب مواضيع نار في المنتدي ولا أقولك بلاش نار (يارب ندخل الجنة كلنا) القصد هتبقي عضو فعال وده إللي الأمة محتجاه مش ناخد وبس.......وجزيتم خيراً

[Nightspy]

أنا أتذكر أول مرة علشان اشغل برنامج دينامبس مع vmare قعدت حوالي يومين
كل مرة ألاقيني نسيت حاجة او سويتش مش عليه أي بي أو او

انا شغلتة معى GNS3 فى حوالى ساعتين

6-أخيرا لابد أننا نشوف انستركتور كويس شوية علشان يعرف يفهنا الكورس

انا موافقك فى الاقتراح دة اية رائيك يكون انت الانستراكتورز هههههههههههههههه

يا استاذ محمد انت شخص محترم جدا محترم فى كل شئ حتى فى الشرح

[yasser__lord]

الاخ محمد سمير طبعاا نحن نعتبره قدوة لناا
بارك الله فيك
اللهم اجعل هذاا العمل في ميزان حسناتك

[ahab]

يا جماعة انتم ادتوني إحساس إني أخطأت في حق الباش مهندس محمد سمير .
وتركتوا موضوع الاقتراح:
هو الاقتراح دا فيه حاجة تزعل؟
المفروض الباش مهندس محمد سمير يفرح لما يلاقي تلامذته المبتدئين بيكتبوا عن الموضع اللي هو شرحه وبيناقشوه وبيطلبوا منه أو من الأعضاء توضيح المزيد من المفاهيم.
ياريت إذا أنا مخطئ حد يوضحلي فين خطأي ؟
وما يتحولش الموضوع من اقتراح إلى أي شيء آخر وكل الي يدخل بعد كده يفكر إنني غلطت في الباش مهندس وهو والله العظيم في عيني من جوه وأقدره وأحترمه.

[mohammedsn]

أخي إيهاب و لا مخطا و لا حاجة
أنا كنت أمازحكWink:

مش من حقي يعني أمازح حد و لا كل كلمة لازم نفسرها
لا تأخذ المواضيع بحاسيسية نحن كلنا هنا أخوات في هذاالمنتدي

و انا بعد ما حاولت انصحك قولت نختمها بمزحة

و عموما يا سيدي لو شايف حد حلو
أهلا و سهلا بيه

[هندسه العاشر]

بس بصراحه انا مع فكره الاخ ahab
ان الاخوه اللي في الCCNA ومستمعي المعلم الفاضل محمد سمير
والله انا نفسي ابقي اسمع اي حلقه بس الدونلود مش عاوز اقولك زي الزفت عندي
المهم والاهم انا رائي ان الناس تعمل فعلا مواضيع ويكون انت صانعها او احد المستمعين الجديدن ويقال فيها ملخص وكل واحد يضع رده ومشاركته ولكن مع معرفه ان الموضوع للمناقشه وليس لشكرا يا فلان ولا عفوا يا علان ولا اصل مش عارف ايه
يعني الموضوع يكون تقني تكنولوجي مختص بالحلقه بس واي مشاركه عن عواطف او ارائ مش مكانها معانا بالموضوع الخاص بمناقشه المحاضره
وكل واحد يجتهد ويعمل ملخص بنفسه ويرفعه ورد او يكتبه بالموضوع وانا ان شاء الله سأعمل لكم جوائز ان تم الموضوع علي نفقتي الشخصيه ان وافق الاخوه المشرفين بالمنتدي
يمكن مش جوايز جامده اوي بس اهه حجات فعلا للتشجيع
وفي اخر الكورس هنشوف بجد اد ايه ناس استفادت واد ايه الناس امتحنت
للعلم الاخ محمد سمير رجل ذوق وادب واحترام ووالله انا مقدر اد ايه هو مشغول ومع ذلك بيعمل علي جهد كبير لكي يعطيكم محاضره رغم ضيق الوقت
ومستني رئي الاخ الفاضل محمد سمير
وان امكن فانا مساعد لعمل لكم المسابقات بعد وضع الاسئله والهدف الاخير هو ان نصبح محترفين في الماده التي ندرسها ان شاء الله
تحياتي
اخوكم هندسه العاشر

[m abras]

انا لا اتفق معك يا اخ ايهاب
و اظن ان ده حيضيف حمل زيادة على الاخ محمد سمير
الذي لا داعي له
كل ماعليك انك تعيد الدرس وبس ليش هو فيديو؟؟؟؟

[ahab]

الأخ الفاضل / m abras
أنا بطلب العمل هذا إنه يكون من صنع ايدينا يعني إن شاء الله مفيش حمل زيادة على الباش مهندس محمد.
ياعني احنا اللي نلخص ونكتب ونشارك ونتفاعل مع بعض. وصدقني هذه المناقشة هتكون مرجع لينا كلنا وللمبتدئين أمثالنا .
و خلي بالك إنه مش كل واحد يقدر يحمل ملفات الفيديو ، زي ما قالك أخونا الفاضل / هندسة العاشر.
فيه ناس شغالة على خط التليفون العادي.

[ahab]

الأخ / محمد سمير
لو كنت حطيت الوش ده من الأو ل Wink: كنت عرفت إنك بتمزح
بس انت حطيت الوش اللي بيخوف :D

مزاحك مقبوووووووووووووووووووووووووووووول .

واحنا هنا أكثر من الإخوان :frnd"