ياريت مساعدة ( كيفية إنشاء سيرفر لشبكة ) ... !

**ENG-MeRoOo** · 20-04-2008, 16:35

بسم الله الرحمن الرحيم

إخواني الأعزاء ... مشكلة بعاني منها ... وأكيد هلاقي عندكوا الحل إن شاء الله ... ثقة في هذا المنتدي العزيز ... أنا عندي شبكة مكونة من 50 شخص ... وأكيد إنتوا عارفين لما يكون عندك شبكة بالعدد المعقول ده هاتواجه مشاكل كتير ... منها إن واحد رخم هايستخدم برنامج Net Cut ... أو مثلاً يربط نفسه بـ Mac Address بتاع الراوتر ... أو واحد رخم أوي لما مايلاقيش عنده نت يخربها أكتر وياخد الـ IP بتاع الراوتر ... وحاجات كتير غير مشاكل الداونلوود ... أنا فكرت أعمل سيرفر للشبكة ديه ... بس مش عارف أبدأ منين ... ومالقيتش قدامي غير منتدانا ده عشان أقدر أوصل لحل ... بجد ياريت تساعدوني ... (BB)

**سيف المدرس** · 21-04-2008, 19:37

هناك طريقه سهله وهي استخدام برامج ادارة المقاهي معروفه مثل easycae وhandycafe وفيها امكانيه السيطرة المطلوبة ولاتحتاج الى سيرفر ذومراصفات عاليه والطريقه الثانيه هي استخدام الوندوز سيرفر او اللينكس والاعدادت موجودة في المنتدى ولاتحتاج شوى عمل بحث في المنتدى ...

**aley_mcsd.NET** · 22-04-2008, 00:54

السلام عليكم

انا اول ما رايت كل هذة المشاكل نظرت الى مدينتك و توقعت انك فى مصر لان كل هذة المشاكل و (الافتكسات) لا تخرج عن المصريين :Big:

على العموم حضرتك تقصد باية بانك عايز تعمل هل السيرفر هو من سوف يتحكم فى الانترنت فقط ام ماذا ايضا سوف يعمل كـ Proxy للشبكتك ام فقط تريد ان تمنع فقط الاشخاص من استخدا برامج معينة مثل الـ Netcut

**JUBA** · 22-04-2008, 06:55

تخيل يا استاذ على لو الاخ الفاضل صاحب المشكلة رد على اسئلة حضرتكواتضح انه عاوز يعمل كل ده يبقى انت اكيد في مصر صح ؟؟؟؟؟؟؟؟؟؟؟؟؟؟؟؟

**aley_mcsd.NET** · 22-04-2008, 10:53

هههه صح

**odaytop** · 24-04-2008, 19:42

اخي الكريم حلك جداً سهل
انا لدي منظمومة انترنيت ولدي 353 مشترك وكنت اعاني من عدت مشاكل والحمد لله تخلصت منها نهائياً بطريقة سهلة جداًوجذريه وهي :
نصبت سيرفر لنك وريحت بالي
فانصحك ان تنصب لنكس واكيد سوف ترتاح نهائياً
اسال مجرب ولاتسال حكيم

**ENG-MeRoOo** · 27-04-2008, 01:46

أولاً ... ألف شكر لإخوتي علي الردود وتفاعلكوا مع الموضوع ... !

ثانياً ... أعتذر عن التأخير لإن كان عاندي إمتحانات ... !

ثالثاً ...

الباشمهندس علي أنا عايز أعمل سيرفر لمنع مثل هذة البرامج ... ولتوزيع الإنترنت من خلال هذا السيرفر ... وأعطاء IPz معينة الحق في الإنترنت ... !

الباشمهندس المجرب عدي ( زي ما أنا قريته وعذراً للخطأ ) ... ممكن تدلني علي أنهي توزيعه من اللنكس أقدر أتعامل بيها ... وإزاي ... !

وشكراً لباقي الإخوة علي الردود مرة ثانية ... !

**ENG-MeRoOo** · 30-04-2008, 05:51

أكتر من 230 مشاهدة ومافيش غير 4 بس إللي ردوا علي الموضوع ... أعتقد إن عدد المشاهدات ديه تدل علي إن في ناس عايز الموضوع ده زيي ... طب بعد إذنكوا ممكن كل اللي يدخل تاني الموضوع ده يسيب ولو رد يعبر فيه إن هو عايز الموضوع ده كمان ... وياريت المهندسين المبجلين والمحترمين يلاقولنا حل ... شكراً ليكوا ... !

**androw** · 30-04-2008, 15:24

دي حقيقة يا أخي الكريم - انا من الناس اللي عايزين الموضوع ده - وفعلا بدور على كده - يا اريت واحد من المخضرمين في المجال ده يدي الحل بالتفصيل - مع خالص الشكر

**sis_over_seas** · 10-05-2008, 14:11

انا فعلا عايز رد على موضوعك لان مشاكل الانترنت فى مصر كتيييييييييييييير لان احنا شعب مفتكس ويحب ياخد حقوق غيره حتى فى الانترنت
ارجوكم عايزين حل للمشكلة دى
او طريقة شرح عمل سيرفر

**oliveto** · 11-05-2008, 00:38

انصحك بوينودز سيرفر 2003 او 2008 او الـUbunutu من اللينوكس
بس الي تبي تسويه تحتاج دورة في الشبكات لانه من الصعب ان تنفذ كل هذه الاشياء بمساعدة المهندسين فقط