Momken 7ad yesa3dnyyyyyyyyyyyyyy

**Shemby** · 20-04-2008, 20:11

momken 7ad yeshra7ly aw ye2oly kotob 3an el mawadee3 deh

1:VPN layer 2 and layer 3
2:ISDN
3:DDslam and his funcation
4::Liced line and his fancation
5:MPLS

**mohammedsn** · 20-04-2008, 21:19

VPN layer 2 , layer 3
ده مشروح في كتاب ال mpls في منهج ال ccip إن شاء الله هامتحن الامتحان ده الاسبوع اللي جاي تعالي راجع معاي

isdn يااااااااااااه يا عم ده خلاص كان في ال ccna القديم و قليل جدا اللي شغال فيه دلوقتي

أما ال dslam و ال leased line فدول الجزء الخاص بال wan في تراك ال ccna
يبدو أنك عايز تشتغل في isp
أنا اسف أنا أحلتك علي كتب و لضيق الوقت مش قادر ارد بالتفصيل لكن وضحتلك كل واحد فين الشرح الاكمل ليه
و بالتوفيق إن شاء الله

**memoragaa** · 21-04-2008, 10:05

اخى الكريم بالنسبة لل DSLAM بعد اذن مهندسنا الكبير دى فكرة مبسطة عنه كنت كاتبها قبل كده فى موضوع فى المنتدى

ثانيا بالنسبة للديسلام فالأنواع مختلفة والطريقة الخاصة Configuration مختلفة برضه وشرحى النهاردة هيكون لديسلام نوعه D-Link وهوا مش موجود على الموقع العام للشركة ولا أعرف لماذا المهم نبدا على بركة الله الشرح

ده شكل الديسلام ياسيدى من الأمام

وده شكل الديسلام من الخلف

المهم
الديسلام زى ما انت شايف به :
1 Ethernet port
1 consol port or management port
16 LED for ADSL User

ومن الخلف هتلاقى :
4Slot for Customer cable
هتلاقى مقسومين ل Slot 1 and Slot 2 وكل Slot عبارة عن 8 عملاء وفيهم هتلاقى الجزء اللى من أعلى هوا الحرارة بمعنى أنه هوا اللى بياخد الحرارة من السنترال نفسه وبعد كده بيطلعها على الجزء اللى أسفل وهوا ده اللى رايح عند العميل .
حاول تتخيل الموضوع
خط التليفون بتاعك واصل لغاية البيت وفيه حرارة تمام بس مفهوش انترنت وانت اشتركت فى شركة انترنت المهم الفنى بيروح السنترال وبيفصل الخط بتاعك وبيوصل الحرارة بتاعتك على الجزء العلوى زى ما قولتلك والناحية التانية اللى رايحة على البيت عندك بيوصلها على الجزء السفلى وهكذا لأى ديسلام دى جزء ثابت الإختلافات بتبقى فى طريقة التوصيل والConfiguration من الداخل لكن النظرية واحدة
جارى كتابة كيفية تشغيل ديسلام دى لينك من الداخل مع الصور استحملنى معلش

وده الرابط بتاع الشرح الخاص بال DSLAM

https://www.arabhardware.net/forum/s...t=65924&page=2

**mohammedsn** · 21-04-2008, 10:20

إيه الجمال ده يا محمد رجاء رائع كما عوتنا
بس سيبك من حكاية بشمهندس محمد ديت احنا أخوات و محدش بيقول لأخوه يا بشمهندس
علي الاقل مش احب أسمعها من الناس القريبين مني زيك كده
و علي فكرة أنا بتابع عادة ردودك و هي فعلا متميزة و باستفيد منها

**memoragaa** · 21-04-2008, 11:28

المشاركة الأصلية كتبت بواسطة mohammedsn

إيه الجمال ده يا محمد رجاء رائع كما عوتنا
بس سيبك من حكاية بشمهندس محمد ديت احنا أخوات و محدش بيقول لأخوه يا بشمهندس
علي الاقل مش احب أسمعها من الناس القريبين مني زيك كده
و علي فكرة أنا بتابع عادة ردودك و هي فعلا متميزة و باستفيد منها

ده وسام على صدرى اخى الكريم انك تتابع ردودى المتواضعة وجزاك الله خيرا ووسام آخر انك تعتبرنى قريب منك وفى منزلة اخوك

ودام الله المعروف والمحبة فيما يحبه ويرضاه وربنا يوفقك