السلام عليكم ورحمة الله وبركاته
في يوم من الأيام بعد الحج جيت انا والشباب نبي نكشت بسعد تعرفون الربيع واللفلة والوناسة ومن زمان ماشفت الشباب
المهم انا كنت مريض وطلعت بسيارتي لسعد مع الشباب وحطيتها برا عند الجادة علشان اجي بالليل ارجع للبيت
المهم يوم جت الساعة 12 العشاء كان توه مولعين عليه وانا طفيت لازم ارجع
قلت للشباب اني ابرجع حاولوا فيني اجلس قلت ما اقدر اتحمل لان درجة الحرارة 7 درجات فوق الصفر المهم طلعت للسيارة اخذت السيارة ومشيت
الى هنا اتذكر كل شيء
من هول المشكلة اللي صارت نسيت وش صار بس موب كل شي
المهم اني اظن كنت اباخذ شي تحت او انيي نمت او... مادري والله
بس اني فجئة شفت قدام ولا السيارة راحت شوي يسار انا من زود الخوف كسرت يمين كل الدركسون السيارة ردت وجه وتطلع عن الطريق وادخل بالتراب وتنقلب السيارة وانا جوا جلست شوي حطيت راسي متفاجئ ما ادري وش اسوي يعني والله قهر بعد مده دقيت على الشباب علمتهم (حنا معنا سيارتين وانا الثالث
سيارة واحد مجروحة رجله راحوا يطهرون الثانية غرزت )
جاتني السيارة الاولا مسرعة اخذني رجع المصاب طبعا انا نمت من الدوخة ما غيرت محلي ورا كنت جاء اللي يسوق يقول اوديك للمستشفى انا عيت قلت مافيني شي وحلفت له اني مافيني شي وانا فيني كدمات مالله به عليم عطيتهم المفتاح علشان يشوفون السيارة راحوا جابو السيارة بعد حوسة ولخبطة مع الدوريات جابو السيارة تقول سارقينها
القزاز اللي ورا مكسور متعفطه مع كل جهه الكفرات متفقعة مافيها طياس
المهم بعد اسبوعين من ظيقت الصدر وداها اخوي لورشة اللي اكبر مني
وسوا لها كل شي بس هول الحادث براسي
المهم انا كل ماشفت سيارتي انقهرت
ياخوان انا طابت نفسي من سيارتي لأني انقلبت فيها
وكل ماشفتها انقهرت وتذكرت ذاك اليوم
سيارتي كورولا2003
الأن اببيعها او اعطيها اخوي مادري وش اشري طبعا انا ودي بجيب من 95 وفوق وش تنصحون ياجماعة الخير
المفضلات