ممكن حد يساعدنى

**mstarzero** · 09-05-2008, 22:52

انا يجماعه روحت شركه اسمها فرجتك بعمارة الفرى بور فى بورسعيد

روحت احجز امتحان 70-270

قالولى سجل اسمك ورقمك ومايجى السرفر هنتصلبك

بقالى اكتر من اسبوعين تلاته ومحدش اتصل

موش عارف هوه بيحصل كده فى اى شركه ولا ايه

يعنى الى مفروض اعمله ايه

ممكن حد يفهمنى

**FuTureTiGer** · 09-05-2008, 23:01

لا طبعا مش كل الشركات كده و على فكرا ممكن يطولوا جدا
حضرتك ادخل السيت ده www.2test.com
حدد رقم امتحانك و كمل البيانات الخاصه بامتحانك و شوف أقرب مركز معتمد للامتحان بتاعك
و شوف مركز قريب منك و شكرا .

**habibko** · 09-05-2008, 23:02

مش عارف يا اخى ايه اللى انت بتقول عليه دا انا امتحنت اكثر من امتحان وعمرى ما شفت كده انا بروحلهم بحجز وبعد يومين بمتحن وفى مكان تانى امتحنت فيه كان مش بيمتحن الا كل يوم سبت فقط ولازم تحجز يوم الاربعاء وانا سيبت هذا المركز علشان كده, لكن اللى انت بتقول عليه دا اول مرة اسمع عنه.

**bhbh_77** · 10-05-2008, 00:49

دة انا يوم ما رحت حددت يوم الامتحان كان يوم سبت خش علىwww.2test.com وشوف المراكز

**JUBA** · 10-05-2008, 10:27

حبيبي الغالي كل هذا نصب ادخل على بروميترك واعرف مين اقرب فرع امتحانات معتمد ليك لان ممكن يكونوا لسه بيحاولوا يجيبوا اعتماد لبروميترك عندهم وبعدين ايه موضوع السيرفر لما يجي ده الله عليكي يا مصر وانتي مليانة بالنصب
www.2test.com ادخل على الموقع ده وشوف اقرب مكان معتمد للامتحانات في بورسعيد وسلامنا لنادي المصري العظيم

**mstarzero** · 10-05-2008, 20:21

متشكر جدا اخوانى

بس انا اسمع ان الشركه دى بيمتحنوا فيها امتحنات ميكروزفت

طيب ممكن تقولولى اى عنوان انتوا عارفينه فى المنصوره او القاهره

وعلى فكره انا اهلاوى ومن دمياط موش بور سعيد

ومتشكر مره تانيه على اهتمامكم

**JUBA** · 10-05-2008, 20:39

ادخل على بروميترك هي اصدق مكان ممكن تلاقي فيه اقرب موقع ليك في شركة في المنصورة ادخل على الموقع هاتعرف مكانها بالظبط واهل بأهل دمياط بس من غير الحضري هههههههههههههههههههههههههههههههههههههههههههههههههه هههه

**blossom** · 12-05-2008, 08:13

ليه كده يا اخى تقول على مصر الكلام ده" لا حول و لا قوة الا بالله"
مصر اعظم دوله
احلى البلاد بلدى و اغلى الولاد ولدى

**JUBA** · 12-05-2008, 09:38

اخي انا مصري اولا ثانيا اذا كان ردي قد ازعجك فأنا اسف ولكن ماتعليقك بعد ما تسمع هذا الكلام

**blossom** · 12-05-2008, 23:59

السلام عليكم يا اخى
مشكور على ردك الطيب
و انا عارفه طبعا انك مصري و ده اللى كان مزعلنى اكثر
انا عايشه هنا فى السعوديه و حصلى موقف اسوا من ده فى اكبر مركز(نيو هورايزون)
دفعت فلوس الامتحان بتاع A+ قبل المعاد بشهر علشان اديهم فرصه و رغم كده اما رحت فى المعاد اعدوا شهر كامل تانى يدونى اعذار مر ة السرفر واقع مره ال voucher مجاش و كل ماسئلهم هيجى امتى يقولولى مانعرفش تخيل انت و فين على ما امتحنونى
لكن عمرى ما قلت السعوديه مليانه بالنصب مثلا لانى عارفه ان ده تصرفات افراد حرام نحكم على بلد بحالها بناء على تصرفات افراد خصوصا لما تكون حبيبتنا مصر
والله مصر عظيمه قوى لو تعرفوا قد ايه
عالعموم حصل خبر
و مشكور يا اخى مرة تانيه

**JUBA** · 13-05-2008, 08:47

اختي العزيزة امور النصب متوفرة في كل مكان لكن لو لاحظتي سوف تجدي اعلى النسب موجودة في بلدنا الحبيب مصر واسف لو كان كلامي ازعجك بس والله انه واقع

**blossom** · 13-05-2008, 11:33

لا ارجوك ماتقولش كده على مصر انت فعلا بتجرحنى

المصريين اطيب شعب

وانا عمرى ماتنصب عليا في مصر بالعكس المصرى دايما حقه مهضوم و رغم كده عمره ما بيشتكى بيرضى بقليله رغم انه بيشتغل اكثر من اي حد تانى وتلاقى دايما المصري في اى حته مرتبه اقل و رغم كده مش عاجب و السبب ان كل الناس تحب تنفخ في نفسها الا المصريين
انا لله و انا اليه راجعون

صدقونى يا اخوانى مصر ما فى زيها ابدا
يا رب دايما عمار يا مصر

**م.ابن فلسطين** · 13-05-2008, 12:07

الحمدلله ندفع في وقت معين وبعده بعدة ساعات نقدم الامتحان في هورايزون رام الله فلسطين

ما بعملش دعاية لحد انا :cool:

تعاله عنا امتحنوا :D

الموضوع: ممكن حد يساعدنى

أدوات الموضوع

تقييم هذا الموضوع

عرض