كام جهاز راكب على الراوتر ؟
ارجوكم يا جماعه حد يساعدني انا هتجنن
( اول حاله في عباسيه عنبر الامراض الناتجه عن ال DSL)
بداية مشكلتي :- اول ما اشتركت في DSL جبت خط لوحدي عشان ابعد عن مشاكل الشبكات والسرعه وخلافه لاني 24 ساعه اون لاين والداونلود مبيبطللش .... طبعا سألت احسن شركه قالو TE Data قلت ماشي سالت احسن راوتر قالو RepoTec قلت ماشي جبت الراوتر وجبت خط 256 ... العيشه كانت فل الداونلود كان 29 دايما قلت تمام .. تالت شهر قلت ازود السرعه 512 واشتغلت شهر زي الفل ثم.... بداية المشاكل مره واحده وبدون اسباب الداون لود نزل جدا وساعات يقطع ودخلت دوامه المشاكل من خدمه العملاء الي تغيير خط التليفون من البوكس الي التشغيل من غير اسبليتر .. يعني مفيش حاجه تاني اعملها اخر ما زهقت بعت الراوتر وكنسلت الخط وانتهي الموضوع ... الكلام ده كان في شهر 5 /2007 وجت ظروف قدمت فيها علي خط تاني بس في المحل بتاعي طبعا خط التليفون غير القديم وبرضو اشتركت عند TE Data وجبت Repotec "جديد" برضو كان الشغل تمام زي الفل داونلود لمده 24 ساعه متواصله وبعد شهرين ونص حصل نفس الكلام بالظبط الداونلود بقا اخره 8 كب / ثانيه بقييت هتجنن ولحد اللحظه دي المشكله موجوده بصراحه بفكر ارجع العصر الحجري علي الاقل مكانش في حاجه اسمها نت ....
وبس دي قصه حياتي ياريت حد يقوللي : : :
هل العيب في نوعيه الراوتر
ولا لاني مشغل الراوتر متواصل
ولا لاني منحوس ولا معمول للنت بتاعي عمل؟؟؟
مشكورين مقدما علي المساعده والله هتاخدو فيا ثواب ...
كام جهاز راكب على الراوتر ؟
Sometimes the ISP itself downgrade your speed when you exceed your monthly limit, as you said, you keep the downloading open 24 hours... ask them, although i dought they gonna tell you (Yes, We did it!)
Regards
تمام اخى الكريم انت مشترك اشتراك مفتوح ولا محدود بكمية داونلود معينة برجاء الإفادة
شبكاوى قديم مع إيقاف التنفيذ
لا تنسونا من صالح الدعاء
انا مشغل جهاز واحد بس علي الخط
والخط مفتوح مش ليميتد ....
بالنسبه للاخ dodzmano : هل الكلام ده بالنسبه للخط المفتوح ولا ايه ؟؟ يعني الخطوط المفتوحه كمان ليها حد معين في الداونلوود ؟؟
ومشكورين علي الاهتمام
اخى الكريم الخطوط المفتوحة ليس لها حد اقصى للداونلود ولا يوجد حل لك غير خدمة العملاء للشركة وللأسف
ضوابط المشاركة
المفضلات