والله حاجه غريبه جدااااا ... انا مش عارف اذا كنت انا صح ولا غطك

[clerck]

بسم الله الرحمن الرحيم
اولا المشكله اني وانا بوصل الروتر عند واحد صحبي وعملت الوصله مابين الروتر و كرت النتورك كروس اوفر ومشتغلتتش
الصراحه مش دي المشكله المشكله ان واحد معرفش بيبيع ايه الصراحه وقال مين الحمار ال عمل كده قولتله الله يسامحك قالي لما متعرفش تعمل حاجه سيبها المهم ما علينا قام موصلها ستيريت واشتغلت والله اشتغلت
الصراحه بعد شويه فصلت ومشتعلتش والكروس اوفر هي بعد كده ال اشتغلت بس ازاي اصلا اشتغلت في الاول
حتي انا وانابوصها افتكرت استاذ محمد وهو بيقول الفرق مابين الميدي وميدكس
انا عارف اعرف هل ده ممكن ولا كيييييييك في حاجه غلط
ما علينا انا قولت اسأل علشان مبقاش حمار تاني
اسيبكوا دلوقتي لان بكره عندي امتحان
ادعولييييييييييييييييييييييي
يارب ال يدعيلي يبقي CCIE:D:D:D

[__eRa__]

السلام عليكم

الحقيقة هو مش حمار ولا انت كمان حمار
كل واحد اتصرف على قد اللي عارفه

لو بصيت للراوتر اللي انت شاريه ممكن تلاقي الكيبل اللي اي معاه ستريت وممكن تلاقيه كروس

الصح واللي تبع الاستاندرد ان الراوتر يوصل بالجهاز عن طريق كيبل كروس
لأن الراوتر والكمبيوتر متشابهين من حيث زوج الاسلاك اللي بيكون عليهم Send & Receive
يعني بيبعتو الاشارة على نفس الاسلاك وبكده بيحصل تصادم للكونكشن Collesion

لكن ممكن توصلهم ستريت ويشتغلو عادي جدا
ليه بأه؟
علشان في خاصية جديدة موجودة في اغلب الراوترات والسويتشات
اظن اسمها Auto-sensing
مش متاكد من الاسم بالظبط

بس الخاصية دي بتخلي الراوتر أو السويتش بيقدر يفرق بين القطع الواصلة فيه ويحدد هي بتبعت على انهي اسلاك وبتستقبل على انهي اسلاك ويبدأ يظبط نفسه هو على هذا الاساس

يعني لو وصلته بالكمبيوتر هيقدر يعرف ان الكمبيوتر بيرسل على نفس زوج الاسلاك اللي هو بيرسل من عليها
وبالتالي بيغير طريقته ويخلي الاسلاك دي للاستقبال ويرسل على التانيين

ساعات الراوتر بيفشل في تطبيق الخاصية دي وبتلاقي الكونكشن تقع

بالنسبة ليا انا عندي شبكة كبيرة حوالي 28 خط دي اس ال
وموصلها كلها ستريت
مش فارق منين رايح فين
والحمد لله شغالة


ربنا يوفقك دايما

[Spy4Life]

كليرك يا عسل بص

احنا اتعرفنا النهارده مع بعض على واحد من بتوع البدنجان الى قالك

مين الحمار ال عمل كده

اوعك تزعل مهو اصلك هو واحد بيبيع بدنجان حقولك ليه


تعالى مع بعض نبص على شروط توصيل هاردوير الشبكات

1- اى جهازين متشابهين على شبكة واحدة يبقى لازم يكون مابينهم كابل كروس

2- غير متشابهين يبقى كابل ستريت

الكلام ده مش من دماغى بص





طيب ايه حكاية الراوتر

الراوتر يا سيدى لو فيه 4 بورتات يبقى عليه سويتش و بالتالى يبقى هو عاوز كابل كروس لو رايح على سويتش

اما لو كابل الراوتر رايح على جهاز كمبيوتر يبقى لازم يكون كابل ستريت

ده يفسر لبتوع البدنجان ليه بعض موديلات الراوترات بيجى معاها كابل كروس و نوع تانى معاه ستريت

ليه تانى؟

حقولك .....

لان فى نوع روترات للاستخدام الشخصى و ده معناه ان المستخدم حيوصله على جهازه على طول فيبقى الكابل الى جاى معاه هو ستريت

فى نوع روترات للشركات و طبعا يبقى اكيد حيوصلوه على سويتش يبقى الكابل الى جاى معاه ايه ؟؟؟ كروس طبعا

اما بالنسبة لخاصية الاوتو سنسينج ديه تتعلق باتصال السويتشات ببعضها علشان لو حد ركب عليها كابل غلط غير الكروس و غير الستريت و مش كل السويتشات فيها الخاصية ديه.

يلا يا عسل حسيبك بقه

عرفت بقى مين الى حمار؟


ههههههههه

[memoragaa]

تمام شرحك وتفصيلك تمام وتسلم ايديك وكل كلامك صح __eRa__

[clerck]

ك

اوعك تزعل مهو اصلك هو واحد بيبيع بدنجان حقولك ليه

افهم من كده ان حضرتك تقصدني بالكلام ده
علي كل حال الله يسامحك
انا مش عارف هي الناس كلها بتبيع بدنجان وانت ال مولود في ايدك شوتش وروتر واراجه
علي كل حال مفيش حد ادولد شاطر زي حضرتك
وانا مقلتش اني شاطر في الشبكات انا كنت بساعد صاحبي
بس ال اعرفه كويس اني هكون احسن قدام

[clerck]

شكرا اخي dddddd جزاك الله خيرا الفكره وضحت
شكرا اخي محمد علي المرور وتأكيد المعلومه

[one-zero]

و لا تقربو الصلاة.............


يا اخ كليرك الراجل لم يقصدك بسؤ
هو كل اللي قاله :/

احنا اتعرفنا النهارده مع بعض على واحد من بتوع البدنجان الى قالك

مين الحمار ال عمل كده

اوعك تزعل مهو اصلك هو واحد بيبيع بدنجان حقولك ليه

يعني الراجل بيتكلم عن اللي سبك (شتمك) و ليس انت

[Spy4Life]

حتسأل طيب لو الراوتر بتاعى بورت واحدة يبقى الكابل ايه ؟

حقولك يبقى كروس

ليه؟

لان فى الحالة ديه الراوتر البورت بتاعته هى بورت كارتة نتورك و الجهاز طبعا راكب فيه كارتة نتورك و علشان متشابهين يبقى الكابل لازم يكون كروس

[clerck]

شكرا اخي ووووبو انا المفروض كنت احسن الظن

و لا تقربو الصلاة.............

انا معملتش كده انا حاولت اقرأ اكتر من مره بس مش عارف اركبها فخد الكلام المباشر علشان يوضح
ممكن اكون اتسرعت
بس ليه لما كتب تاني مقاليش مكنتش ااقصدك

[MaaM]

الأخ Spy4Life
خاصية Auto-sensing معناها ان البورت يقدر يشتغل على سرعة 10 أو 100
تحب بقى اقول عليك (احنا اتعرفنا النهارده مع بعض على واحد من بتوع البدنجان ) ؟

[one-zero]

والله في المرة التانية ما اعرفش يا كليرك
خلينا نتعامل بمبداء ان بعض الظن اثم و خلاص
و ربنا يبارك لك

[memoragaa]

اخوانى اكرام هوا فيه مشكلة معينة ما بين اخونا Spy4Life واخونا __eRa__

اصلى ده تانى موضوع اشوفه وفيه مشكلة ما بينهم وخصوصا اخوانا Spy4Life متحامل بشدة ومش عارف ايه قصة البدنجان معاكم عيب اوى يعنى احنا ناس كبيرة واللى فاهم حاجة يقولها بكل احترام وتواضع وبلاش يقعد يعيب على اخ له ممكن يكون بيفهم اكتر منه والله اعلم واللى مش عاوز يتعامل فى المنتدى بتاعنا بكل احترام يبقى شرف ومش عاوزين خدماته لو هتكون بالطريقة دى

اخونا Spy4Life انت عرفت منين ان مش كل السويتشات فيها خاصية ال Auto-sensing بعد اذنك ممكن اعرف الأنواع اللى انت اشتغلت عليها ومكانش فيها الخاصية دى

اخوانى موضوع ال 10 ميجا فى الثانية او 100 ميجا فى الثانية ده بيقع تحت مسمى Half-Duplex and Full Duplex

[__eRa__]

اخوانى اكرام هوا فيه مشكلة معينة ما بين اخونا Spy4Life واخونا __eRa__

ظنك غير صحيح بالمرة يا أخي
فلو تدبرت وقرأت هذا الموضوع لما وجدت لي غير مشاركة واحدة هي قبل مشاركة الأخ Spy4Life
أي أنها محاولة مني لتوضيح اسباب المشكلة على حد ما رزقني الله به من علم فإن كنت على صواب فمن الله وإن كنت على خطأ فمني

المشكلة الثانية والتي وصلت إلى ظنك أيضا من موضوع آخر كانت له اسبابه
فالأخ Spy4Life أنا أعتب عليه اسلوبه في الرد على اخوانه في جميع مشاركاته مما ينشيء نوعا من البلبلة وسوء الفهم
وخير دليل امامك هنا حيث ظن صاحب المشكلة ان الأخ Spy4Life يعيب فيه بكلماته
ادخل على المواضيع التي قام Spy4Life بالرد عليها وقل لي هل ترى مدى الضجر وسوء الفهم الذي تسببه ردوده أم لا
ولا اعرف سببا معينا لضروري حشو كلمة بدنجان في كل رد يكتبه

الامر الثاني وهو خاص بالموضوع الثاني الذي كتبه الأخ Spy4Life وهو مليييييييء بالغلطات والتخبطات والخرافات
الامر الذي اضطرني إلى الرد عليه باسلوب مستفز كي يذوق طعم الاستفزاز الذي يسببه هو للأعضاء
مع الاشارة للأخطاء التي وردت في موضوعه

هذا كل شيء

[Spy4Life]

الاخ Maam

لقد انخلط عليك الامر

الى انت بتقول عليه ده اسمه auto-negotiating

The auto-negotiation mechanism allows the two interfaces on a link to select the best common mode automatically

زى العسل memoragaa ما قلك

انت عارف بقى انا بقول البدنجان كتير ليه ؟

علشان الناس بتلغبط كل حاجة فى بعض

اما عن انواع السويتشات الى مفيهاش ال Auto sensing فهى بعض الانواع الصينى الرديئة.

فكما يقول bareyb
احد اصدقائى الامريكيين فى المجال التالى

The Monoprice swtich (which I have) doesn't have the "auto sensing" feature

ياريت يا مشرفين تثبتوا الموضوع ده علشان يبقى مرجع لبتوع البدنجان.

[alasmer68]

السلام عليكم...

عذرا يا أخ Spy4Life والله إن كل ردودك منفره ومتعالية والحق يقال.

لو امتلكت من العلم أطنان وأطنان وقدمتها لنا على أطباق من فضة ما شفعت لك أسلوب الاستهزاء والتعالي على الخلق هذا الذي تتبع.

يا أخي تواضع لله فإن من تواضع لله رفعه.

أصلح الله أحوالنا جميعا.. اللهم آمين.

ولا حول ولا قوة إلا بالله.

خالص تحياتي
أبو محمود