قواعد جديده لميكروسوفت!!!!!!عجيب والله

[mkakagas]

الى كل زعماء الشبكات عايز اشتكلكم انا النهارده رحت عشان احجز امتحان 70-270 وللاسف ئلولى ان انت لازم يكون عندك 2 id عشان ميكروسوفت نزلت قواعد جديده للحجز منها لازم يكون معاك بطاقة + اى شى تانى يسبت شخصيتك !!!!!!! انا مش عارف ازى الكلام ده حصل معايه فى سنتر yat بفرع المهندسين منتها البرقراطيه انا طبعا مصدئتش ا وئلة اسئل حبيبى عن الاتى:-
1-عايز مكان يكون كويس احجز فيه عشان انا تعئدة من المكان ده ويكون الدفع فيه كاش مش فيزا وياسلام لو يكون جنب الجيزة ؟؟؟؟
2- معلش انا عارف ان انا بتئل عليكم بس انتو اخر خط دفاع ليه فى مجال الشبكات فلازم تسندونى (عايز اخر فيرجن من 70-270 واذكركم ان احنا فى 4/6/2008 وشكررررررااااااا
السلام عليكم ورحمة الله ...
ملحوظة: هو صحيح زى مسمعت ان ميكرسوفت بتعمل الامتحانات مجانا اليومين دول عشان خطرى ردو عليه فى السوال ده كمان!!!!!!!!!!!!!!!!!!!!

[JUBA]

اولا اخي الفاضل اجراءات التأكد من الشخصية تتم عن طريق شركة بروميترك وليس مايكروسوفت ثانيا بالنسبة لأماكن الامتحان تقدر تدخل على موقع بروميترك وتختار اقرب مكان معتمد يناسبك ثالثا موضوع الامتحان ده منتشر جدا في الموقع وبأخر الاصدارات ربنا معاك ويوفقك وياريت تعدل اسم الموضوع لانه ليس له علاقة بالذي تتحدث عنه

[JUBA]

هذا الرابط به موضوع كامل عن الامتحان الذي تريده قليلا من البحث كنت سوف تجده ولكن لايهمك

https://arabhardware.net/forum/showt...696#post539696

[bhbh_77]

ادخل موقع 2test.com واختار المكان الى عاوزة وان فى مصر ارشحلك misr learn بياخد كاش وهو فى ميدان سفير المبلغ 315 جنية

[wessam gharip]

يا اخوانى سعر الامتحان 50$ يعنى بالمصرى 280 جنيه مصرى وانتا اولى بالفرق

[JUBA]

ولنفرض ان ما عندك فيزا تحجز بيها

[shacky_4]

اقرب مكان لك على ما اعتقد هيكون المعادى
مركز اسمه
new era
عنوانه 10 عمارات عثمان
وخود معاك البطاقه الشخصيه وكارنيه الكليه او رخصه القياده

لان لازم لازم يكون معاك 2 اثبات شخصيه

[shacky_4]

وممكن تدفع كاش بس لنصحك تحول من المصرى الى الدولار لانك كد هتوفر تقريبا 30 جنيه
انت اولى بيهم

[alamkoky]

معلش ارشحلك مكان بس بعيد عن الجيزة شوية لكن ممتاز وسعر الإمتحان 50$ أو ما يعادلها بالمصري
المكان هو معهد نظم المعلومات للقوات المسلحة خلف وزارة الدفاع مدينة نصر أو أمام طيبة مول
وفقق الله يا اخي

[ahmedgoda]

ديه قواعد المركز بس

اناساكن فى الهرم

وحجزت قبل كده فى new horizons

مركز الامتحانات فى شارع مراد امام مجلس الدوله برج الاورمان الدور التانى

ولو عايز مركز تانى قريب ممكن ادلك برضه

[Mohammad Saad]

يا أخى ..... بالنسبة لل 2 ID ديه ..... فهى من قواعد برومتريك وليس يات ولا مايكروسوفت .... ثانيا مركز يات ده من المراكز المحترمة جدا فى مصر .... وانا بامتحن فيه عادى جدا بالإضافة إلى انى كنت شغال فيه كمان ..... وأما حكاية انهم بيحجزوا بالفيزا .. ده لأن ال vouchers الخاصة بالامتحان عندهم خلصت .... وانا كان المفروض امتحن انهاردة 70-291 ولكن نظرا لنفاذ ال vouchers فقد أجلت الإمتحان ليوم الأحد القادم إن شاء الله مع العلم انه يوجد vouchers باستمرار بفرعهم بمصر الجديدة فى شارع أحمد تيسير أمام كلية البنات.
فلا تقلق وفعلا انت اولى بالفرق وثمن الإمتحان هناك بيكون 290 جنيه مصرى او 50 دولار أمريكى
وفقك الله وأعانك وانا فى الخدمة إذا احتجت اى حاجة من يات
وهما ليهم فرع تانى على فكرة فى الدقى فى 1 ميدان المساحة - عند ماكدونالدز كده علشان انت بتسأل على حاجة قريبة للجيزة

السلام عليكم
محمد سعد

[Mohammad Saad]

ياباشا زى مانا انا ذكرت فى الرد .... مش عارف هل وصلك ولا لأ .... ممكن تاخد أى ID يكون فيه صورة .. مثلا جواز سفر او حتى كارنيه تأمين صحى، ولو لم تستطيع الحصول على أى ID ممكن تتوجه لفرع الدقى وتروح للأستاذ محمد رجب بس بعد الساعة الرابعة يكون امتحانك علشان هو بيكون موجود فى التوقيت ده ، وتقوله انك من طرف محمد سعد اللى كان معاك فى مدينة نصر ... او فى حل تانى وهو انى هامتحن بكرة فى فرع مدينة نصر إن شاء الله الساعة السادسة والنصف مساءأ ، فلو تقدر تيجى وتقابلنى هناك واساعدك فى دخول الإمتحان اوك بس تكون حاجز قبلها طبعا وربنا الموفق إن شاء الله

وأنا فى الخدمة فى أى وقت ولو إدارة الموقع تسمح انى اضيف رقم تلفونى او بريد شخصى انا على أتم الإستعداد

شكرا
محمد سعد