النتائج 1 إلى 6 من 6

الموضوع: شرح الواير ليس بصورة عامة

  1. #1
    عضو فضي الصورة الرمزية okaenrique
    تاريخ التسجيل
    Jun 2005
    المشاركات
    513
    الدولة: Suriname
    معدل تقييم المستوى
    0

    Thumbs up شرح الواير ليس بصورة عامة

    السلام عليكم..

    قرات موضوع عن الواير ليس في منتديات طلاب الهندسة واحبب نقله الى هنا .........


    اولا ما معنى كلمه Wi-Fi ؟!
    wi-fi = wireless fidelity
    و الكلمه التانيه معناها دقه خروج الشئ من مكان معين
    و طبعا كده اصبح معنى المصطلح كله الاسلكيات الدقيقه
    المهم ما علينا من المصطلح المهم انكم عرفتوه لشئ من المعرفه فقط لا غير
    و ال wifi هو اسم عملوه عشان يطلق على تكنولوجيا ال wlan المبنيه على مواصفات بوتوكول
    IEEE 802.11
    طيب ايه هو ال IEEE 802.11 ؟!
    IEEE = Institute of Electrical and Electronics Engineers

    و ده هو المعهد او المؤسسه العالميه للمهندسين فى جميع التخصصات سواء الكترونيات او كهرباء او اتصالات و الناس دى هى الى بتحط القواعد الهندسيه و وحدات القياس و هما الى بيبتكرو التكنولوجيا الحديثه كلها و على فكره انا مشترك فى المؤسسه دى و بيجيلى كل شهر مجلات عن احدث الحاجات الى هما ابتكروها و عملوها و الاشتراك سهل عن طريق الانترنت بس بفلوس عشان لو اى مهندس حب يشترك فيها
    نكمل ....
    802.11 رقم 11 هو رقم المجموعه الى طورت و عملت بروتوكول 802 داخل المؤسسه دى
    و الاسم فى النهائى هو كالاتى ::
    IEEE 802.11x و ال x هى كنايه عن الفيرجنات التى تصدر من الstandard و البروتوكول او الstandard ده هو الذى يحتوى على اساسيات معينه لل wifi و منتاجاتها و كيفيه تشغيلها و اهم ما يحتوى عليه ال standard ده هو ال frequency اى التردد الذى يعمل عليه ال wifi

    طيب مش هطول عليكم اكتر من كده فى المقدمه و النحيه الهندسيه للwifi و تعالو ندخل شويه فى الموضوع و نقول

    كيف تعمل ال wifi ؟!
    اولا انا هحطكم فى simulation علطول بمعنى انى هقلكم دلوقتى اننا فى شبكه wifi فيها اكتر من AP
    “ AP = Access Point” و اكتر من جهاز كمبيوتر داخلين و بيشتغلو على الشبكه بس لاسلكى wireless
    الاول اوضح يعنى ايه access point دى بأختصار router بس بيشتغل wireless و كلنا تقريبا يمكن شفناه او عندنا كمان الروتر ال 3com الى بيوزعوه مع ال dsl ده بيكون ويرليس معظمه , يعنى هل ده يتقال عليه اكسس بويت ؟ هقلك ايوه ده يتقال عليه اكسس بوينت بس لو شغلته wireless
    المهم نكمل
    اى اكسس بوينت بتطلع منها اشارات اسمها Beacons و دى عباره عن اشارات بتنشرها الاكسس بوينت كل 100 ms عشان كروت الويرليس الى حوليها تقدر تعرف ان فيه wireless connection هنا و تبتدى تشوف قوته و تلقطه و تتصل عليه . و ال Beacons دى بتكون حامله لل SSID بتاع الاكسس بوينت , و ما هو ال SSID هو اختصار ل service set identifier و باختصار اكتر هو network name يعنى اسم الشبكه و هنقول مثال ::

    مثلا احنا فى شركه معينه دلوقتى و فيها 5 اكسس بوينت مثلا عشان تغطى كل اماكن الشركه
    هنسمى اول اكسس بوينت Glob1 و تانى واحده Glob2 و تالت واحده ..... و هكذا و طبعا اليوزرز بيلقطو الاتصال من اى اكسس بوينت حسب مكانهم و قربهم من الاكسس بوينت و اول ما الاتصال بيتم التقاطه بيتكتب ال SSID ده الى انا قلتلكو عليه عشان اليوزر يقدر يجدد دى شبكه مين بالظبط
    و هنعرف بعد كده ان من اساسيات الويرليس سيكيورتى اننا نعمل hide لل SSID

    و دلوقتى بقا هندخل على فيرجنات versions ال IEEE 802.11x و التردد الى بيعمل عليه كل فيرجن ::

    802.11a
    التردد : 5 GHZ

    802.11b
    التردد : 2.4 GHZ
    و هو الاكثر استخداما حاليا

    802.11g
    التردد : 2.4 GHZ
    و هو ايضا كثير الاستخدام و الاكثر امنا

    و فيه فيرجنات تانيه بس دول لسه بيطورو فيهم و مش هذكرهم عشان مخشش فى تفاصيل كتير

    البروتوكول الاول الى هو 802.11a ده غير مستخدم الا قليل جدااا جدااا لان مداه قصير اوى و حتى مع ال range extenders مش بيوصل الاتصال بتاعه كويس

    الفيرجن التانى و التالت دول بقى تمام جدااا و مستخدمين بكثره جداا و مشكله ال wifi عموما هى التردد هتقولى ليه !؟
    هقلك لان التردد الى ال wifi بتشتغل عليه Free يعنى مش محتاج تدفع فلوس عشان تستخدمه او تنشأ عليه شبكه اتصال عكس اتصال الموبايل طبعا الى شركات المحمول بتدفع ملايين الملايين كل سنه عشان تحجز ترددها الى هى شغاله عليها و بتنقل عليها الترافيك بتاعتها كلها
    و ده طبعا ادى لعمل interference يعنى تداخل بين الشبكات و بعضها فى ال wifi لانك ممكن تلاقى مثلا فى شارع واحد فيه اكتر من شركه و كلهم wifi و كلهم على تردد واحد طبعا دى مشكله لان الداتا هيحصلها interference زى ما قلت و المشكله دى بيكون حلها حاجتين ::
    اولا الdesign الجيد للشبكه بحيث اتجنب الinterference على قدر المستطاع
    و استخدم channels بعيده عن الشانيلات الى بتستخدمها الشركات التانيه حوليه
    و دى بردو حاجه صعبه جداا عشان عدد ال channels الى هى قنوات الاتصال محدود و هو من 1 الى 14 بس احنا عننا فى مصر مسموح لينا نستخدم من 1 الى 11 فقط
    و الباقى مصرح بيه فى اوروبا و اليابان و الادوات الى بتنزل مصر عشان تستخدم فى ال wifi بتكون مصنوعه على انها تستخدم channels معينه داخل البلد دى

    هننتقل دلوقتى لنقطه تانيه و هى نقطه فى غايه الاهميه ::
    طبعا مفيش اتصال لاسلكى هيتساب كده من غير تشفير عشان الداتا مش اى حد يلقطها و يعرف كل حاجه
    فدلوقتى عندنا نوعين من تشفير ال wifi
    1- WEP = wired equivalent privacy
    و ده كان اول نوع ظهر و ما زال مستخدم بالرغم من عيوبه و ضعفه
    2-WPA = wifi protected access
    3- WPA-PSK = WPA pre-shared key
    4- WPA version 2

    و طبعا مش محتاج اعرف اسامى اخر اتنين كاملين
    المهم مش هخش فى تفاصيل بروتوكولات التشفير عشان موجعش دماغ القارئ
    لكن بأختصار اقوى انواع التشفير الموجود هو WPA بكل انواعه
    و اضعفهم هو ال WEP
    و هو يحتوى على ثغره خطيره جدااااا فى البروتوكول نفسه تمكن الهاكر من استخلاص ال key عن طريق التقاط حزم من داخل الشبكه و تحليلها

    طيب صحيح ايه هو ال key اصلا ؟!
    ال key ده يا سيدى هو الباسورد الى بتدخل بيها على الكونكشن الويرليس بتاعك و فى المثال الى انا ذكرته فوق بتاع الشركه و قلت ان الاكسس بوينت بتبتعت اشارات beacons عشان الكروت تلقطها و تبتدى تعمل كونكت على الشبكه الاسلكيه طبعا الكارت بيلقط الاتصال ايوه ! لكن مش بتقدر تستخدمه او ببساطه تشوف عن طريقه صفحه انترنت واحده الا لما تعمل كونكت عليه يعنى تتصل عليه عشان تدخل جوه الشبكه و ده بيتطلب ال key يعنى الباسورد بمجرد ما بتدوس connect على الاتصال الى لقطه كارتك بيقلك please enter the key يعنى عايز الkey عشان يدخلك على الكونكشن الا فى حاله ان الاتصال اصلا كان مفتوح و غير مؤمن ب key
    اظن النقطه دى واضحه

    تشفير ال WPA معموله ادوات عشان تفكه لكن 90% من محاولات التشفير فاشله لانه بيحتاج لسته كلمات و ابرنامج بيقعد يجرب يعنى مش بيعتمد على الباكيتس الى انا بلقطها من الشبكه و بس زى ال WEP !
    عشان كده صعب جداا فكه


    منقولللللللللللللللللللللللللللللللللللل للعلم
    "Rise and rise again, until lambs become lions

  2. #2
    عضو
    تاريخ التسجيل
    Apr 2007
    المشاركات
    532
    معدل تقييم المستوى
    0

    رد: شرح الواير ليس بصورة عامة

    الف شكر ليك على النقل

    ويعطيك ربي الف عافيه

  3. #3
    عضو فضي الصورة الرمزية ahab
    تاريخ التسجيل
    Mar 2008
    المشاركات
    2,669
    الدولة: Saudi Arabia
    معدل تقييم المستوى
    22

    رد: شرح الواير ليس بصورة عامة

    أجمل حاجة فيك يا أخي إنك مجتهد ودايمًا بتبحث عن الشيئ اللي انت محتاجه
    ربنا يبارك فيك وشكرًا على هذا المجهود.

  4. #4
    عضو الصورة الرمزية moh-amin
    تاريخ التسجيل
    Aug 2006
    المشاركات
    280
    الدولة: Saudi Arabia
    معدل تقييم المستوى
    18

    رد: شرح الواير ليس بصورة عامة

    تسلم يا غالي على الموضوع

    لكن هناك سؤال ؟ كده انت غطيت موضوع الويرلس اللي في منهج CCNA ايه ؟

    ولا هو مجرد مقدمة وتعريف ....
    https://img262.imageshack.us/img262/1552/do3aans5.gif

    سبحان الله وبحمده ** سبحان الله العظيم

  5. #5
    عضو برونزي الصورة الرمزية sharif_soper
    تاريخ التسجيل
    Dec 2006
    المشاركات
    2,780
    معدل تقييم المستوى
    21

    رد: شرح الواير ليس بصورة عامة

    السلام عليكم جميل ياباشا الي الامام دوما
    [B][CENTER][SIZE=5][COLOR=Navy]الحق يحتاج إلى رجلين .. رجل ينطق به ورجل يفهمه.[/COLOR][/SIZE][/CENTER]
    [/B]
    [CENTER][SIZE=4][B] [COLOR=DarkGreen]الجوع طعام الزاهدين والذكر طعام العارفين [/COLOR][/B][/SIZE][/CENTER]

  6. #6
    عضو فضي الصورة الرمزية okaenrique
    تاريخ التسجيل
    Jun 2005
    المشاركات
    513
    الدولة: Suriname
    معدل تقييم المستوى
    0

    رد: شرح الواير ليس بصورة عامة

    بالحقيقة راجعت موضوع السيكيوتي في سايبكس وكانت الامور صعبة بعد قرائتي لهذا الموضوع اصبحت الامور سهلة مية بالمية
    "Rise and rise again, until lambs become lions

المواضيع المتشابهه

  1. مشكلة تهنيج الجهاز بصورة غير طبيعية
    بواسطة m1m6 في المنتدى مشاكل الحاسب وحلولها
    مشاركات: 8
    آخر مشاركة: 14-09-2012, 01:03
  2. الرجاء ح مشكلتي بصورة عاجلة
    بواسطة new man في المنتدى الأرشيف
    مشاركات: 9
    آخر مشاركة: 25-08-2011, 07:19
  3. عبر عن جهازك بصورة
    بواسطة 3bd elr7man في المنتدى الأرشيف
    مشاركات: 2
    آخر مشاركة: 18-08-2011, 04:29
  4. مشكلة بصورة
    بواسطة tge55 في المنتدى الأرشيف
    مشاركات: 3
    آخر مشاركة: 26-08-2003, 00:39
  5. الجهاز بيهنج بصورة غريبة
    بواسطة dr.obay في المنتدى الأرشيف
    مشاركات: 2
    آخر مشاركة: 09-02-2003, 20:47

الكلمات الدلالية لهذا الموضوع

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •