عاوز أجمع جهاز قوي فحدود 1600

[cool_guy4ever15]

السلام عليكم و رحمه الله و بركاته

انا يا جماعه هنزل انهرده او بكرة ان شاء الله أجيب كيسه جديده هو انا عندي هرد 160 ساتا لسه جايبوا جديد و عندي

الروم و السماعات يعني محتاج البورده و البروسيسور و الرامات و كرت الشاشه و البائي يعني بس الهرد و الcd-rom

عندي.انا عاوز الجهاز للعب أئدر ألعب عليه لأني بلعب اللعب التئيله جدن و عندي تست درايف و أساسيان كريدز و مش شغاله عالجهاز الأديم

فياريت تفيدوني إني أئدر أجمع جهاز يكون جااااامد جدن في اللعب و يكون في حدود السعر ده يعني يزيد 100 أو يقل 100 مش هتفرق قياريت تؤلولي إمكانياته

و الأسعار و هل انتوا متأكدين من الأسعار دي ولا ايه النظام و موجوده فاني مول بالظبط و أنهي أنضف مول أئدر أروحوا

و يكون رخيص بردو الأسعار فيه مش عاليه أوي هو انا كده كده هسئل عند كذا واحد معلش انا طولت عليكوا و مستني ردكوا

بأسرع وئت لو سمحتوا....

[dxbboy77]

تمت الموافقة علي الموضوع ..
dxbboy77 ..

[dxbboy77]

تمت الموافقة علي الموضوع ..
dxbboy77 ..

[cool_guy4ever15]

شكرن عالموافقه و منتظر تفاعل الأعضاء

[r_Rozx]

انت عايز تشغل الالعاب على اعلى اعدادات!!!
لو كده فتأكد تماما ان 1600 جنيه متكفيش لانك لو هتشتري كرت كويس الى حد ما ز ي اتش دي 3870 سعره 1050 جنيه-__-خلي باللك ان الكرت ده يعتبر اقل كرت ممكن تشتريه عشان تشغل جيمز عالي___ لوحده ازاي هتشتري بروسسر وماذربورد ب 500 جنيه الباقيه!!!!صعب قوي!!!!
ولكن لو عايز تشغل الجيمز على اعددت متوسطه ودايركس 9 مش دايركس 10 ففي احتما انك تشتري امس 1950 برو ب 550 جنيه وممكن تشتري بروسسر اي 4500 ب 600 جنيه ويفضلك 400 جنيه للماذر!!!!برده صعب
لازم ترفع ميزانيتك شويه عشان تشتري جهاز يلبي طلباتك وان شاء الله الاعضاء هيفيدوك اكتر

[lTTl]

بميازنيتك حلول AMD أفضل
لوحة + AMD 5200 X2 + ATI 1950 pro

[ebnfelestine]

ميزانيتك منخفضة جدا محتاج ترفعها شوية

[cool_guy4ever15]

يعني أئدر اؤول اني لو جبت الكمبيوتر بالمواصفات الاّتيه دي مواصفات جيده

AMD Athlon64 X2 5000 2.6GHz السعر 480 جنية

GIGABYTE GA-MA69VM-S2 السعر 310 جنية

GIGABYTE ATI HD 2600Pro 512MB السعر 350

Kingston 2GB bus 800MHz السعر245جنية

GAMMA small 350W السعر 290 جنية

SAMSUNG X20 SATA السعر 140 جنية

و يبئه السعر كده كلوا 1800 و هل البورده دي تمشي مع البروسيسور ده ولا إيه؟!!!

ها إيه رأيكوا في الجهاز ده و معلش عاوز اعرف حاجه كمان إيه ده SAMSUNG X20 SATA السعر 140 جنية

ده رايتر ولا ايه و هل كده فيه حاجه مهمه نئصه غير الهرد طبعن ده عندي ...