النتائج 1 إلى 15 من 15

الموضوع: أرجو المساعدة من أصحاب الخبرة في مجال الشبكات

  1. #1
    عضو
    تاريخ التسجيل
    Jun 2008
    المشاركات
    144
    الدولة: Egypt
    معدل تقييم المستوى
    0

    أرجو المساعدة من أصحاب الخبرة في مجال الشبكات



    إخواني الكرام
    السلام عليكم ورحمة الله وبركاته
    تعد هذه أولى مشاركاتي في منتداكم الكريم ولقد دعيت إلى هذا المنتدى عن طريق شخص لا أعلم ما إذا كان عضوا في المنتدى أم لا ولكن هذا الشخص كنت قد طلبت منه أن يدلني عن طريق أبدأ منه رحلتي في مجال الشبكات فأفادني ببعض الكلام المختصر ثم دلني على هذا المنتدى وقال لي أن هذا المنتدى من أكبر المنتديات في هذا المجال وأنني سأجد من يساعدني في هذا المجال إن كنت في حاجة إلى العون وأبلغني أنا من أكبر العوامل لذلك أنه في منتداكم الكريم هناك الكثير من الأعضاء لديهم أصعب وأكبر شهادات سيسكو وهي ال ccie وسوف يخدمونني في هذا المجال.
    لا أطيل عليكم الكلام مشكلتي بإختصار هي أنني من المهتمين بمجال الشبكات جدا جدا وأريد أن أكون محترفا في هذا المجال ولكن الغريب في الموضوع هو أن علمي في هذا المجال لا يتجاوز أبدا علم طفل ولد حديثا بكيفية الكلام أي أنني تقريبا لا أعرف شيء كما أنني بصفتي لازلت طالبا في الجامعة وأعيش حياة متوسطة لا أمتلك المال الكافي الذي يعينني على أن آخذ الدورات في هذا المجال ولكن لحرصي الشديد على أن أتعلم في هذا المجال ولحين توافر المال أردت أن أبدأفي التعلم عن طريق الجهود الذاتية وعن طريق الإنترنت ولكن أردت من يرشدني إلى بداية الطريق في هذا المجال لأني تائه ولا أعلم من أين أبدأ
    وأرجو إن أي حد يقرأ المقالة دي وعنده خبرة في مجال الشبكات انه يساعدني ويعرف إني والله من طلاب العلم الجادين جدا بس في نفس الوقت يعتبرني مبفهمش أي حاجة في المجال ده خالص ولما يبعتلي لينكات يبعت حاجات على أساس إن أنا مبتديء جدا جدا بس من ناحية اللغة مفيش مشكلة أنا اللغة عندي في الإنجليزي كويسة وأقدر أفهم الكلام الإنجليزي يعني حتى لو كانت الكورسات باللغة الإنجليزية فأنا مستعد لذلك.
    طلب أخير
    أرجو منكم إنكم تقولولي بالتفصيل ايه الخطوات اللي ممكن أسلكها حتى أستطيع الحصول على أعلى شهادات سيسكو علشان لما أمشي في المجال أبقى شايف أنا ماشي ازاي ومحدد هدفي كويس
    معلش أنا يمكن طولت عليكوا شوية في الكلام ولكن أملي فيكم بعد ربنا كبير جدا انكم تساعدوني
    وجزاكم الله خيرا
    والسلام عليكم ورحمة الله

  2. #2
    عضو
    تاريخ التسجيل
    Sep 2006
    المشاركات
    262
    الدولة: Egypt
    معدل تقييم المستوى
    0

    رد: أرجو المساعدة من أصحاب الخبرة في مجال الشبكات

    بص ياابن الحلال اقعد اقرى اسبوع او 10 ايام داخل المنتدى وشوف كل المشاركات القديمة يعنى ولا تقرى ولا حاجة حاليا فى اى كتاب شوف الشباب كتبين اية بجد هتلاقى نفسك لوحدك عرفت انت هتعمل اية وخد بالك هتلاقى قسم سيسكو وقسم ميكروسوفت وقسم كومباتيا اقعد وادى نفسك فرصة بس وبص على كل المشركات الموجودة هتطلع بكلم جميل اوى وهتلاقى كتب كتيرة جدا وهتلاقى شباب زيك كتير بيستفسر والشباب دول بقو بسم الله مشاء الله اعمدة من اعمدة الشبكات دور فى المنتدى
    هذا من فضل ربى سبحان الله والحمد لله والله اكبر
    لا تجعل الحياة تقودك بل كن انت القائد

    يارب ارحمنى وسامحنى وارحم ابى وامى فى الدنيا والاخرة
    الهم انى استغفرك واتوب اليك
    It's not about the number of certifications you have, it's all about the knowledge behind them
    CCIE#244XX R&S


  3. #3
    عضو الصورة الرمزية rio
    تاريخ التسجيل
    Apr 2008
    المشاركات
    366
    معدل تقييم المستوى
    0

    رد: أرجو المساعدة من أصحاب الخبرة في مجال الشبكات

    انا كمان بضم صوتى ل صوت امون و هتستفاد كتير اوى اوى لما تدور الاول فى المنتدى و هتلاقى استفسارات و دروس كتيرة و مش تشتت نفسك و تقعد تنزل فى اى درس ولا اى كتاب تقابله و فى الاخر تلاقى عندك مكتبة و منتش عارف تبدأ منين ولا منين .. المهم انت بعد ما تقرا مواضيع المنتدى كويس خصوصا قسم ال CCNA هتعرف كويس تحدد اتجاهاتك و طريقك و مش تقلق من موضوع انك لسه متعرفش حاجة عن الشبكات كلنا بدأنا مدا و الحمد لله و بفضله مع شوية تعب و مجهود منك هتقدر توصل لل انت بتتمناه الموضوع سهل و بسيط بس محتاج تركيز و انا من رأيى انك تبدأ ب كورس Network+ و هتلاقى مستر لومارك شارح جزء منه و هو بسيط يعنى بس مقدمة فى علم الشبكات و دى احسن مقدمة مجرد تزاكرها بس مش تمتحنها يعنى .. بعد كدا ان شاء الله تبدأ فى كورس ال CCNA و فى اساتذة كتيرة فى المنتدى شارحين حاجات مفيدة جدا منهم المهندس محمد سمير و احمد نميطة و وبــو و ناس تانية كتير ربنا يفتحها عليهم جميعا .. مش تقلق و اتوكل على الله .

  4. #4
    عضو
    تاريخ التسجيل
    Jun 2008
    المشاركات
    144
    الدولة: Egypt
    معدل تقييم المستوى
    0

    رد: أرجو المساعدة من أصحاب الخبرة في مجال الشبكات

    بجد أنا مش عارف أقولكم ايه
    بارك الله فيكم وغفر لكم ولوالديكم وأسكنكم الفردوس الأعلى من الجنة

  5. #5
    عضو الصورة الرمزية rio
    تاريخ التسجيل
    Apr 2008
    المشاركات
    366
    معدل تقييم المستوى
    0

    رد: أرجو المساعدة من أصحاب الخبرة في مجال الشبكات

    بارك الله فيك و ربنا يخليك على الدعوة الجميلة دى .. بالتوفيق فى مشوارك ان شاء الله

    ملحوظة ... كل ما تلاقى نفسك بتكسل فى المذاكرة ادخل موضوع التهانى و المباركات للناس الى نجحت فى CCNa مثلا وانت هتتحمس و ترجع تذاكر كويس تانى

  6. #6
    عضو
    تاريخ التسجيل
    Jun 2008
    المشاركات
    144
    الدولة: Egypt
    معدل تقييم المستوى
    0

    رد: أرجو المساعدة من أصحاب الخبرة في مجال الشبكات

    كان ليا سؤال هل لازم علشان أدخل أذاكر ال CCNA لازم الأول أذاكر ال NETWORK + مع العلم إني ابتديت فعلا في ال NETWORK + ولكن هو سؤال عام وياريت حد يقدر يجاوبني عليه

  7. #7
    عضو الصورة الرمزية rio
    تاريخ التسجيل
    Apr 2008
    المشاركات
    366
    معدل تقييم المستوى
    0

    رد: أرجو المساعدة من أصحاب الخبرة في مجال الشبكات

    لا يا جميل مش لازم مش شرط يعنى لو انت هتقدر تفهم من كورس ال CCNA علطول مفيش مشكلة لكن انت قلت ان خبرتك فى مجال النيتورك مش اد كدا فا انا رشحتلك زى ما اى حد هتسأله فى المنتدى هيرشحلك كورس النتروك بلس الاول لانه مدخل كويس جدا لعالم الشبكات يعنى انت ممكن تخلصه فى اسبوع لو خصصت كل يوم ساعتين تلاتة كدا و ربنا معاك و اى استفسار احنا كلنا موجودين و بنساعد بعض ..

  8. #8
    عضو الصورة الرمزية ah_khairy
    تاريخ التسجيل
    Feb 2007
    المشاركات
    546
    الدولة: Egypt
    معدل تقييم المستوى
    0

    رد: أرجو المساعدة من أصحاب الخبرة في مجال الشبكات

    ممكن طبعا غير انك تقرأ المشاركات فى المنتدى ممكن تبتدى بكورس زى ال CCNA و انا بفضل نظام سيسكو اكاديمى و ربنا يوفقك و ان شاء الله تبقى احسن مننا احنا كلنا فى البدايه مكناش نعرف حاجه فى النتورك لكن الحمد لله من كتر الشغل فيه و من كتر المشاكل اللى بنحلها الحمد لله بقينا كويسين و يعتمد علينا


    Eng. Ahmed Khairy
    CCVP & MCSE(Messaging) Certified



  9. #9
    عضو
    تاريخ التسجيل
    Jun 2008
    المشاركات
    144
    الدولة: Egypt
    معدل تقييم المستوى
    0

    رد: أرجو المساعدة من أصحاب الخبرة في مجال الشبكات

    طيب ليا سؤال تاني
    الحقيقة أنا لاأمتلك إمكانية الشغل العملي بإيدي وده لأني مش باخد دورة ولكن أنا معتمد على نفسي في الموضوع ده وغير كدة أنا عايش في محافظة لا أظن إني هلاقي فيها إمكانيات كبيرة وهي محافظة أسوان فهل الموضوع ده هيأثر معايا ولو هيأثر هل هلاقي له حل عند أصحاب الخبرة بمعنى إنه هل لو شغلي كله نظري ده هيبقى عقبة ولا ايه
    أرجو الإفادة
    معلش أنا عارف إني أسئلتي كتير وإن أنا مقرف شوية بس أنا أظن بكم خيرا في انكم هتساعدوني لحد موصل للي أنا عاوزه ويارب ربنا يجعل ده في ميزان حسناتكوا دايما ويفقكوا كلكوا لكل خير يارب
    بارك الله فيكم

  10. #10
    عضو
    تاريخ التسجيل
    Feb 2008
    المشاركات
    664
    الدولة: England
    معدل تقييم المستوى
    10

    رد: أرجو المساعدة من أصحاب الخبرة في مجال الشبكات

    بالتوفيق اخي في الـ network+

    اما بخصوص سؤالك الاخير فأن بدات في المستقبل القريب في مجال سيسكو مثلاً هناك simulations يمكنك التطبيق عليها ومنها على مستويات هناك السهل التعامل معها مثل برنامج الـ packet tracer من شركة سيسكو ولكنه محدود الاوامر وهناك برنامج دينامبس الذي شرحه اخي lumark وهوا ليس بتلك السهوله التي يحتويها packet tracer ولكن يدعم الكثير من الأوامر.

    اما من ناحية الروترات فهيا مكلفه ولكن يمكنك ان تذهب الى موقع سيسكو مثلاً www.cisco.com وتختار مثلاً من products routers ويمكنك ان ترى انواع الروترات وايضاً بأمكانك ان تشاهد 3D بحيث يمكنك ان تتعرف على الـ ports وايضاً يمكنك التعرف على تفاصيل الموديلات.

    وهناك الكثير يمكنك من خلالها ان تتعرف على المنتجات والأوامر التي يمكن ان تساعدك في مجال العمل مستقبلاً مثلاً ولكن العمل على روترات حقيقيه وعلى معدات حقيقيه افضل بكل تأكيد.

    اما ان اخترت ان تسلك مجال microsoft فهناك برنامج مجاني من مايكروسوفت يمكنك من خلاله تنزيل عدد من الويندوز لعمل شبكه تصويريه اسمه virtual pc

    ولكن اخي لا تربك نفسك بهذه التفاصيل من الان حيث انك مازلت في بداية الطريق وعندما تنتهي من الـ network + ويكون بامكانك معرفه اي السبيلين افضل لك يمكن لك ان تتفحص كيفيه التطبيق وما الى ذلك.

  11. #11
    عضو الصورة الرمزية rio
    تاريخ التسجيل
    Apr 2008
    المشاركات
    366
    معدل تقييم المستوى
    0

    رد: أرجو المساعدة من أصحاب الخبرة في مجال الشبكات

    نعم اخى .. كما قال اخونا takiadeen سوف تجد فى هذا المنتدى برامج سميولشن كئيرة و هى تحاكى الواقع بنسبة كبيرة لان لديك راوتر وانت تعمل الكونفجر الخاص بيه .. لكن أروع هذه البرامج على الاطلاق هو برنامج Dynampis وسوف تجد شرح له من مستر لومارك فى قسم شهادات سيسكو .. ولا تقلق ف انت مازالت فى بداية الطريق .. وفقك الله

  12. #12
    عضو
    تاريخ التسجيل
    Jun 2008
    المشاركات
    144
    الدولة: Egypt
    معدل تقييم المستوى
    0

    رد: أرجو المساعدة من أصحاب الخبرة في مجال الشبكات

    هو إزاي أنا أقدر أفرق بين ال host id & network id في الآي بي آدريس وايه معنى إن ال host id مش من المفترض انه يبدأ برقم 127 أو ينتهي برقم 0 أو 255

  13. #13
    عضو
    تاريخ التسجيل
    Jun 2008
    المشاركات
    144
    الدولة: Egypt
    معدل تقييم المستوى
    0

    رد: أرجو المساعدة من أصحاب الخبرة في مجال الشبكات

    هل الgateway هو هو ال network id أم يختلف عنه وإذا كان يختلف عنه فما هو الفرق بينهما

  14. #14
    عضو الصورة الرمزية rio
    تاريخ التسجيل
    Apr 2008
    المشاركات
    366
    معدل تقييم المستوى
    0

    رد: أرجو المساعدة من أصحاب الخبرة في مجال الشبكات

    اخى الحبيب ... يجب ان تبحث هنا و هناك حتى تعرف المعلومة التى تريدها .. انا لا أبخل عليك بالمعلومة لا سمح الله لكنى اريدك ان تتعلم كيف تبحث عن ما تريد حتى تصل الى الحل و يثبت عندك .. على العموم راجع فيديو الشرح للكورس للمهندس محمد سمير و سوف تجد ما تبحث عنه .. او ابسط شىء ادخل Google و اكتب ما تريده فى السيرش ستجد لينكات كئيرة تشرح هذا الفارق باستفاضة .. ربنا يوفقك ان شاء الله

  15. #15
    عضو
    تاريخ التسجيل
    Feb 2008
    المشاركات
    664
    الدولة: England
    معدل تقييم المستوى
    10

    رد: أرجو المساعدة من أصحاب الخبرة في مجال الشبكات



    اقتباس المشاركة الأصلية كتبت بواسطة enfelak مشاهدة المشاركة

    هل الgateway هو هو ال network id أم يختلف عنه وإذا كان يختلف عنه فما هو الفرق بينهما

    الـ gateway هو الطريق الذي سوف يسلكه جهازك من اجل الخروج الى عالم الانترنت ، وعاده هذا العنوان هوا الـ IP address الذي يتم اعطائك من شركة الانترنت.

    فمثلاً انت كامشترك مع شركة الانترنت يتم اعطائك IP address هذا الايبي ادرس بالنسبه لجهازك هوا الـباب الذي يمكن منه الخروج الى الانترنت.

    gate معناها حاجز او الباب او المنفذ فمن هذا المنفذ يمكنك الخروج الى خارج الشبكه


    اما الـ Network ID
    يحدد مانوع الشبكه التي انت عليها هل هيا Class A , b , c

    فمثلاً "Class A Network ID"


    يرمز له بـ255.0.0.0

    بحيث ان الـ 255 يحدد ان اول octect هوا عنوان الشبكه ويجب ان يكون متوافق مع كل الاجهزه في نفس الشبكه.

    اما الثلاثه الاصفار فسوف تختلف من جهاز الى جهاز من على الشبكه.

    وهكذا مع بقية العناوين

    أما سؤالك

    هو إزاي أنا أقدر أفرق بين ال host id & network id في الآي بي آدريس وايه معنى إن ال host id مش من المفترض انه يبدأ برقم 127 أو ينتهي برقم 0 أو 255
    فلم افهم ماذا تريد ونصيحه اعد ماقمت بالاستماع او بالاطلاع عليه حتى تفهم اكثر او اختر مصدر اخر في هذا المجال.


    ولكن يمكنك ان تبحث في جوجل عن

    RFC 1918
    وهوا يشرح عن Private IPS

المواضيع المتشابهه

  1. استفسار حول Volume Licensing ! أرجو المساعدة من أصحاب الخبرة
    بواسطة Mohmmadjuve في المنتدى منتدى الشهادات العام
    مشاركات: 0
    آخر مشاركة: 30-04-2013, 10:32
  2. ثلاث إستفسارات أرجو الإفادة من أصحاب الخبرة
    بواسطة RIKA في المنتدى الأرشيف
    مشاركات: 4
    آخر مشاركة: 02-07-2010, 14:24

الكلمات الدلالية لهذا الموضوع

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •