شهادة A+ في سوريا

**Senshi Kodo** · 01-07-2008, 07:07

هل يمكن الحصول على شهادة A+ معتمدة من CompTIA في سوريا..لانه حسب موقع CompTIA سوريا مصنفة ضمن دول الشر...وهذا الرابط من هنا
وتحديدا في البند 19:
19. Limit on Exportation. Unless otherwise specified, this Website is intended solely for use in the United States of America. CompTIA operates Website from its offices in the State of Illinois, United States of America. CompTIA makes no representation that the materials on the Website are appropriate or available for use outside of the United States. Those who choose to access the Website from outside of the United States do so with this understanding and are responsible for compliance with local laws. Software on the Website is subject to United States export controls. No software from the Website may be downloaded or otherwise exported: (i) into or to a national resident of Cuba, Libya, North Korea, Iran, Syria or any other country to which the United States has embargoed goods, or (ii) to anyone on the U.S. Treasury Department List of Specifically Designated Nationals or the U.S. Commerce Department's Table of Deny Orders. By using the Website, you represent and warrant that you are not located in, under the control of, or a national or resident of any such country or on any such list.

**Ziad.CCIE** · 01-07-2008, 15:27

بسم الله الرحمن الرحيم

السلام عليكم ورحمة الله وبركاته

الأخ العزيز سينشي لازم تكون محقق أشطر من هيك بكتير :rolleyes:... أوكيه حاليا ومتل ماكتبت سوريا لا تحوي إمتحانات لأي من مايكروسوفت , كومبتيا , سيسكو , أدوبي , الخ الخ .....

بالتالي أمل عليك التوجه إلى لبنان :confused: طبعا يوجد بطرابلس المركز اللبناني الكندي وهو معروف جدا ... مقره ضمن السيتي كومبلكس ... المدخل الخلفي الطابق الأول ... أو بالعاصمة بيروت بمركز نيو هورايزون أو عليك التوجه إلى عمان الأردن وهناك يوجد عدة مراكز إمتحانية .... أرجو أن اكون قد وفقت في الاجابة

**shakermazen** · 02-07-2008, 00:41

مرحباً
انا من سورية وبدي سوي امتحان +A
بس ما في عنا مراكز لأنو لحنا محظورين من الولايات المتحدة
و مو بس لحنا عندك كوبا - ليبيا - كوريا الشمالية - ايران )
لذا دروس منيح وروح على الأردن
لأنو متل ما قالولي الأردن ارخص من لبنان
.....

**Senshi Kodo** · 02-07-2008, 01:51

سالت معهد نيوهورايزن بشارع بغداد من شان الشهادة قالولي نحنا منعطيك الشهادة ونظامية ومعتمدة من CompTIA!!!!!

**OoBiLaLoO** · 05-07-2008, 20:04

لا أخي معهد نيوهورايزن بعطيك شهادة إتمام المنهاج ( يعني فيك تقول دفتر حضور ) وبس
أما الشهادة فمتل ما قالوا الشباب يا من لبنان يا من الأردن

**ArabSupport** · 06-07-2008, 10:34

والله مشكلة هالشهادات مشكلة
فلذلك انا بنصح كل اخوتي بسوريا انو ما يصدقوا ولا مركز بيقول انو بيعطي شهادة مصدقة للشهادات المذكورة كلها
لأنو مفروضة علينا عقوبات من امريكا
المهم الحل الأمثل اعملو دورة تدريبية بسوريا وحضرو المنهج منيح وقدموا الفحص في الأردن او لبنان متل ما قالو باقي الأعضاء
وبس

**JUBA** · 06-07-2008, 18:41

اخي العزيز هناك فرق كبير بين شهادة الحضور وشهادة الاعتماد الحضور تثبت انك قمت بحضور الكورس او الدورة التدريبية اما الشهادة المعتمدة تكون من الشركة الام صاحبة الاعتماد وذلك عندما تجتاز الاختبارات المقررة بنجاح

**Senshi Kodo** · 07-07-2008, 02:57

شكرا لكم ....باين هالشهادة صعب الحصول عليها بسوريا...قررت الانتقال لشهادة Cisco هي بظن معتمدة بسوريا..

**ArabSupport** · 07-07-2008, 12:08

قررت الانتقال لشهادة Cisco هي بظن معتمدة بسوريا..

للأسف كمان لا

مو معتمدة بسوريا

**Ziad.CCIE** · 12-07-2008, 16:01

بسم الله الرحمن الرحيم

السلام عليكم ورحمة الله وبركاته

يا سينشي كودو ... تعرف المتل اللي يقول قمنا من تحت الدلف قعدنا تحت المزريب .... يا أخي نفس الشي روح مركز Telepropبعمان بعتقد هو احسن مركز إمتحاني هنيك وأسعارو كتير حلوة

بظن أنو أنا ذكرت أنو الشركات كومبتيا . مايكروسوفت . سيسكو غير معتمدين بسوريا ... بدك شي معنمد عمول ICDL ومشي أمورك يا أخي :Big: