لماذا يغلق موضوع شخص يطلب المساعده؟

**young_pharaoh** · 06-07-2008, 01:00

يا جماعه انا طلبت مساعده بخصوص منهج CCNA الجديد وفوجئت ان الموضوع تم اغلاقه بدون حتى اى مقدمات ولا اسباب_ طب ايه المانع انى اطلب المساعده؟ وعلى الاقل كان يوضع سبب لغلق الموضوع

**ahab** · 06-07-2008, 01:13

أخي الكريم اقرأ قوانين المنتدى وسوف تعرف السبب

طبعًا أنا معرفش ايه موضوعك
بس ممنوع طلب المساعدة المبهمة
يعني لازم تحدد في عنوان الموضوع ايه اللي انت عايزه
علشان ما تستهلكش الباندويدث للزملاء كلهم
وتقدر الناس تساعدك بسهولة

**lumark_s** · 06-07-2008, 02:00

أخي الكريم ...

موضوعك لم يكن موضوع طلب مساعدة، بل كان عنوانه عنوان إستجداء ، عنوان موضوعك هو ((ارجوكم ارجوكم ساعدونى))

هذه العنواوين ممنوعة في المنتدى، هذا الإسلوب في طلب المساعدة مرفوض، يجب أن يكون عنوان الموضوع معبر عن فحوى الموضوع.

برجاء الإطلاع على قوانين الكتابة في منتدى عرب هاردوير قبل الكتابة، هذا يسهل المهمة عليك وعلينا.

هل أنت متأكد أخي الحبيب أنك لا تعلم سبب إغلاق موضوعك؟؟؟؟؟؟!!!!!!!!!!!!! راجع نفسك مرة أخرى!!!!

للأسف أخي الكريم فأنت على علم بهذه القوانين، ولكنك تتجاهلها بشكل غريب وعجيب!!!

تفضل إقرأ مقال أخر لك كتبته حضرتك قبل شهر لكي أثبت لك أن تعلم جيداً ماهو سبب غلق الموضوع!!!!!!!!!!!!!!!!

https://www.arabhardware.net/forum/s...577#post606577

للعلم فقط أنا لم أحرر لك أي مخالفة بسبب هاتين المخالفتين، فيا ريت تلتزم أخي الحبيب، هذا منتدى به قوانين وأنظمة لابد أن نلتزم فيها.

والسلام عليكم ورحمة الله وبركاته

**young_pharaoh** · 06-07-2008, 03:12

حضرتك يا اخ لومارك بتقول من شهر وحضرتك ملاحظ كمان ان الموضوع نفسه هو اللى ابحث عنه من شهور وليس شهر وهذا اللى جعلنى اكتب عنوان الموضوع بهذه الطريقه لانى فعلا محتاج المساعده وتعبت من كثرة البحث دون جدوى وعموما انا اسف جدا جدا وساتوكل على الله وساستمر فى البحث لعل وعسى ان اجد ضالتى وشكرا لحضرتك ولكل اعضاء المنتدى

**lumark_s** · 06-07-2008, 04:16

المشاركة الأصلية كتبت بواسطة young_pharaoh

حضرتك يا اخ لومارك بتقول من شهر وحضرتك ملاحظ كمان ان الموضوع نفسه هو اللى ابحث عنه من شهور وليس شهر وهذا اللى جعلنى اكتب عنوان الموضوع بهذه الطريقه لانى فعلا محتاج المساعده وتعبت من كثرة البحث دون جدوى وعموما انا اسف جدا جدا وساتوكل على الله وساستمر فى البحث لعل وعسى ان اجد ضالتى وشكرا لحضرتك ولكل اعضاء المنتدى

هذا ليس عذر يا أخي الحبيب.

لو مقال حضرتك كان ((منهاج CCNA الجديد)) كان رد عليك أكثر من أخ وأرسل لك الروابط.

بس للأسف مقال حضرتك غلط عشان كده محدش بيرد عليك حتى لو الخاص.

على العموم أتمنى إنك تكون عرفت السبب اللي عشانه أنا بغلق المواضيع المخالفة.

أتمنى من أي من الأخوة اللي عنده هذه المواد يضع روابطها للأخ، للأسف أنا معنديش هذه المواد أخي لأنني أنهيت ال CCNA من زمان.

والسلام عليكم ورحمة الله وبركاته.

**saqr8000** · 06-07-2008, 03:31

السلام عليكم

اخى ممكن اكون متعاطف معك بس فعلا فى قوانين لازم كلنا نلتزم بها
وكما قال الاخ ايهاب واخى لومارك فعلا لازم تطلع على هذه القوانين جيدا قبل الكتابه
والعناوين دى والله الواحد ولا بيستفاد منها شىء وساعات الواحد بيزهق من كده
انا اسف انى بقولك كدة ولكن بنقل لك شعورنا او بمعنى ادق شعورى انا نحو هذه العناوين
وكلنا هنا للافادة وكمان نستفيد يعنى بمعنى اخر نفيد بعضنا البعض وكلا منا يوجه الاخر لما فيه الخير
ومش با العناوين دى هتخلى الناس تساعدك
وعلى العموم لا تزعل من كلامى لانى لا اقصد منه شىء وكمان فهو موجه لى ولك ولاى حد
وطبعا مع احترامى لكلام اخونا لومارك & اخونا ايهاب .