هل في افضل من armor plus من شركه thermaltake

[ابو_شهاب]

شباب تاريخ 27/7 ياخذ كيس يديد حصلت عندنا بالكويت armor plus فهل في كيس اخر من شركه ثير مال تاك احسن منه لان عندنا موزع ثيرمال تاك بالكويت اما سعره 70 دينار او بالنت 60
يعني راح تكون صفقه جيده:cool:

[hamad]

سلام عليكم.
اخوي هل اهو الالمنيوم موديل VH6000SWA .؟
اذا اهو اخذه و انت مغمض,انا شاريه قبل جم شهر اب 115 دينار من كونتاكت.
و حسبتها لو بطلبه من بره 60 + 40 شحن و غير الوقت يطلعلي نفس الشي.

[Stone]

السلام عليكم ..

اعتقد سعره 80 دينـــار. واهوا افضل كيس موجود عندنا بالكويت.


موفق

[hamza934]

السلام عليكم
الكيس رائع و ايضا Cooler Master Cosmos ممتاز

[ابو_شهاب]

شباب انا ابيه لون اسود انا الي شفته عنده معروض كان رصاصي اعتقد انه VH6000SWA اما لمن سالته عن الاسود قالي الاسود ارخص جنا او قام شاف السعر او يقولي 70 دينار VH6000BWS هاذي صفحته
https://www.thermaltakeusa.com/Produ...7&ID=1408#Tab0

على فكره انا ابي لون اسود او اذا مافي باخذ VH6000BWS فشنو يفرق عن VH6000SWA

[hamza934]

الفرق بين الاسود و الرصاصي ان الكيس الاسود مصنوع من الستيل و ثقيل الوزن
اما الرصاصي فمصنوع بالكامل من الالومونيوم الخفيف

[ابو_شهاب]

ما فرقت ستيل ولا المنيوم معاي

خلاص باخذ الاسود

بس عندي سؤال النعدن في الكيسن يكون مصبوغ بلون رمادي ولا لا يعني هل يلاحض فرق في الشكل بين الالمنيوم او الستيل

او اذا احد جرب الكيس ياريت يقولنا مدى ازعاج المراوح فيه

[Stone]

الافضل تاخذ الالمنيوم =)

موفق

[hamad]

سلام عليكم.
اخوي بو شهاب الكيس هاديه مافيها ازعاج.
و بالتوفيق انشاءالله.

[ابو_شهاب]

مشكورين على المساعده خلاص نويت على الكيس الاسود .....وزنه 16 كيلو بطلع لي عضلات :rolleyes:

او انشاله ينزل سعره بعد لان شكله طايح بجبده:D

[hamad]

العفو اخوي.
والله ياخوك اذا اهو نفس المحل اللي في بالي ,فهذا عنده عادي يقعد 5 سنين عنده ولا ينزل دينار LOL

جرب روح مجمع ولاء و اصعد فوق حق محل بروفشنال انا شايف عنده الاسود كان علي 60 او 65 بس تاكد من مودل.و هم في محل تحت هم في مجمع ولاء اخر شي تقريبا صاير عنده سوالف كيسات ثرملتيك .
و مبروك مقدما

[ابو_شهاب]

اي اخوي اهو محل كونتاكت بي سي

بس توني ادري ان مجمع ولاء فيه دور ثاني او بروفشنال سامع فيه بس مو رايح له عموما انا ماني مخلي محل بحولي ماني داشه :rolleyes:

[Stone]

تحصله عند كونتاكت او سوفت ايلند في مجمع القيروان.

[ابو_شهاب]

شياي اليوم رحت كونتاكت بي سي يقوول لي الكيس ب 75

اما بروفشنال اقوول ب 60 بس مخلصه منه بعد سبوعين بيب منها

شنو نصيحتكم انطر ولا اشتري من كونتاكت النصاب

[Stone]

لول ..

لو انا منك انطــر =)