السلام عليكم ورحمة الله وبركاته
أعضاء المنتدى الكرام أنا عارف إن ممكن يكون المنتدى بتاع الشبكات والإتصالات ميخصش قوي الدراسات في الكليات أو بوجه عام الدراسة في مجال الشبكات والإتصالات ولكن أنا أناشدكم أنا تساعدوني لأي محتار جدا
الموضوع بإختصار إن أخوكم داخل السنة اللي جاية قسم إتصالات وإليكترونيات في كلية الهندسة والسنة اللي جاية هي رابع سنة ليا في الكلية يعني باقيلي سنتين وكنت عاوز أبدأفي مشروع التخرج بتاعي بدري شوية بحيث إني أشتغل في المشروع سنتين , آخر سنتين , والمشكلة إني نفسي في أفكار مشاريع جديدة أقدر أنفذها بحيث إن المشروع يبقى شامل ورابط بين مجالي الإتصالات والشبكات لأني نفسي أعمل في الكلية مشروع يكون جديد ومحدش عمله قبل كدة علشان أقدر أفيد بيه الناس والكلية بتاعتنا لسة مفيش أي حد فيها دخل في مجال الشبكات أو عمل مشاريع تخص هذا المجال وعلشان العبد لله هندسة إتصالات فلازم المشروع يبقى رابط بين الإتصالات والشبكات حتى لو كان المشروع كبير شوية بس مفيش مشكلة انتوا إدوني بس أفكار لمشاريع وإن شاء الله أنا علي الإختيار والتنفيذ .
أنا عارف والله إني من ساعة ما دخلت المنتدى وأنا كل شوية أطلب منكم ومأفدتش المنتدى بأي حاجة ولكني أنا لسة عضو جديد ومبتديء في مجال الشبكات وإن شاء الله أول لما ربنا يكرمني وأتعمق في مجال الشبكات شوية أكيد إن شاء الله هيكون ده أول منتدى أفكر في إني أخدمه بكل ما أوتيت من قوة ولكن أنا عشمي في المنتدى وفي أعضاءه كبير جدا جدا إني أتعلم منهم وأستفيد من خبراتهم وربنا يجعل كل الكلام ده في ميزان حسناتكم يوم القيامة ومن كان في حاجة أخيه كان الله في حاجته
المفضلات