دكتور وبوووو توقف ودكتور محمد الشاعر يريد ان يتوقف

**sisaoking** · 14-07-2008, 14:52

الدكتور وبوووووو توقف وذلك لاسباب كلنا تقريبا يعلمها

وهى السفر والعمل بالخارج واستكمال الدراسات الخاصه بسيسكو وللانشغال العام

وربنا يوفق دكتور وبوووووو يارب (بصراحة الراجل عمل اللى عليه وزياده شويه)
بالاضافه الى انه قدم اعتذار رسمى فى موضوع منفصل
ربنا يباركله

لكن السؤال هنا من سوف يستكمل شروحات 290 بصراحة انا كنت برشح دكتور محمد الشاعر
لكن فوجئت بانه يريد التوقف

ارجو من كل من يقرأ هذا الموضوع ابداء رايه فى التوقف هذا
لان سبب التوقف على لسان دكتور محمد الشاعر كالاتى

ان عضو قليل الادب يدعى بهاء قد تطاول على الدكاتره العظام امثال (د لومارك د محمد الشاعر د محمد د وبووو )

وقد اخذ هذا العضو جزاءه بالفصل من المنتدى

وايضا اغلق الموضوع لمخالفة القوانين

وايضا رد الدكتور لومارك عليه رد رادع والدكتور وبووووو ايضا
ورد الدكتور محمد الشاعر عليه ايضا لكن بالاتى

{حيث ان المشاركات اصبحت بهذا الشكل فاعتقد انه فعلا ياخ لو مارك انه حان وقت الرحيل

ولان الاستاذ مش عاجبه الشغل بتاعنا ، اعتقد ان المراكز اللي بيندفع فيها 17000 زي سينيرجي وغيرها ، جاهزة لاستقباله .
ولذلك اعلن اعتذاري عن الكورس 70-291 طالما انت تريد وقت لابتداء الكورس ووقت لانتهائه .
ولذلك احب ان اخبرك ان وقت انتهائه الان .
لو في حد من الاخوة الافاضل يحب يكمله يكون جزاه الله خيرا ، ومن الان اعتبر نفسي مشاركاتي ليست الزاما علي .
اذا قمت بانزل اي حلقة تكون تطوعا مني واذا لم افعل لا يكون لوما علي حيث انني اعتذرت عن الكورس .

اسف ياخواني علي كلامي هذا ، ولكن هذا كان نتيجة لقلة التقدير من الاعضاء .
واعتقد انكم سوف تجدون الكثر من الاخوة الافاضل الذين سيكملون الطريق

السلام عليكم ورحمة الله وبركاته }

والله دكتور محمد احنا بنحبك وبنحب العلم وبجد عايزين نستفيد
وارجو ان حضرتك تكمل علشان الاتى : -

والله العظيم الدنيا بخير

بلاش حضرتك تأخذ بكلام اى ناقد هدام دول اعداء النجاح اضافة الى ان المنتدى اخذ شهره واسعه الفتره الماضيه
بسبب حضرتك وامثال حضرتك من من يريد اعلاء الاسلام والمسلمين واعلاء العلم

وهناك من يريد ان يكسر شوكة هذا المنتدى لكى لا يستمر اكيد الناس اللى مش بتتكلم كويس دول من هذا النوع الاخير

ولى عند حضرتك نقاط اود توضيحها

اولا : - لان عمل حضرتك ده بيعتبر من افضل الاعمال مثابة
( خيركم من تعلم العلم وعلمه)
( اذا مات ابن ادم انقطع عمله الا من ثلاث منهم علم ينتفع به)

ثانيا : - ابتغاء مرضاة الله هى الاهم دكتور محمد ليس المهم مرضاة البشر

ثالثا : - لا يؤخذ بكلام السفيه و الجاهل ( عدو عاقل خير من صديق جاهل فهو يريد ان ينفعك فيضرك) والاخ الذى تحدث فى الموضوع زهقنا خلاص ما هو الا جاهل ولا يؤخذ الكل بجهل الجزء يا دكتور

رابعا : - اذا حضرتك سألت الدكتور محمد القائم على شرح الايزا 2004 سوف يخبر حضرتك انى قد اعتذرت له نيابة عن الاعضاء جميعهم

خامسا : - الدكتور وبوووووو انقطع هذه الفتره لانه سوف يسافر للعمل بالخارج والدكتور محمد سمير مشغول فى هذه الفتره والدكتور محمود سليمان ايضا مشغول وانا كنت هرشح حضرتك لانك تكمل 290 بالاضافه لل 291 طبعا بعد راى حضرتك لكن حضرتك فاجأتنى بالتوقف

سادسا : - الموضوع ( زهقنا خلاص) تم غلقه وحذفه من قبل الاداره

سابعا : - الشجره المورقه والمثمره دائما يقذفها الناس بالحجاره ومع ذلك تلقى باطيب الثمار

ثامنا : - بالنسبه لدراسات حضرتك العليا اتمنى ان تاخذ حضرتك الدكتوراه وقد تمنيت لحضرتك ذلك قبل حتى ما اعرف ان حضرتك بتحضر دراسات عليا

تاسعا : - اتركك فى مواجهه مع النفس دكتور محمد

فى حفظ الله وامنه
والسلام عليكم ورحمة الله وبركاته

اخوك الصغير وتلميذك
محمد مصطفى
sisaoking

وفى النهايه ارجو ردا صريحا وقاطعا منك يا دكتور محمد صادر من تفكير عميق منك
وارجو مشاركة جميع الاعضاء برايهم فى توقف الدكتور محمد الشاعر (ستصبح قضية راى عام)

**hisham_munshar** · 14-07-2008, 21:16

اتمنى من الاخ محمد الشاعر اكمال الكورس
و كما قلت اخي محمد مصطفى بانه هناك نوع من النقد الهدام و نوع من الناس لا تحب الخير لغيرها و الذي من خلاله يهدف الى دفع صاحب العمل الى التوقف عن اكمال الكورس
و لا تنسى اخي محمد كمية الاشخاص التي استفادت من شرحك و تدعو لك ليل نهار
سير و نحن معك
بالتوفيق

**anad_mm** · 19-07-2008, 23:41

السلام عليكم ورحمة الله وبركاته
انا اقول يا دكتور محمد لا لاتحكم على الطلاب الاخرين بسبب واحد
وأسأل الله لك التوفيق وجزاك الله خيرا بكل ماعلمته وادعو الله يزيدك علم

وبارك الله فيك

**king_99999** · 01-08-2008, 15:51

دوكتور محمد ارجوك كمل واحب اضيف رد الكافله تسير و.............. اكيد فهمني وميش لازم اوضح علشان لو الناس بتغلط لا زم الواحد ميسمع لهمش ويكمل واحنا عرفين انك تعبط بس هي كده الحياه زاي مفي ناس بتحبك في ناس مبتحبكش باس الي بيحبك اكتر وكفاي انك بتعمل العمل ده لوجه الله وربني يكرمك وجزيك علي عملك خير
والله ولي التوفيق

**hamdy916** · 02-08-2008, 04:44

ارجو من اخونا الكبير محمد الشاعر تكمله المسيرة الخيرية ولا يتوقف عنها وربنا ان شاء الله يجزيه

كل خير باذن الله

**Foadd** · 02-08-2008, 20:04

للأمام د محمد
وصدقني هتلاقي ناس بتحبك تشجعك

**smart_772** · 03-08-2008, 04:04

لابد من مشاركت الاعضاء فى هذا الموضوع
عل الله يهديتا جميعا لما يحبه ويرضاة
يادكتور محمد
اذا كان هناك فسادا من عضة فهذا ليس معناه ان باقى الاعضاء مثله
نحن نحترمك ونقدرك وندعو لك بالصلاح والنجاح
فعد ولا تهتم بهؤلاء الشرازمه اعداء النجاح
نحن تلاميذك يادكتور محمد

تلميذك محمد سلامه
smart_772