طلب مساعدة من محترفي الماذربورد والبايوس ... ارجوكم الحقوني قبل ما اتجنن

**medomoo** · 21-07-2008, 22:25

اولا ياجماعه احب اوضح مواصفات جهازي

Pros : Dual-Core E 2140@1.6/1M
MoBo : GA P35-DS3R
Ram : 2 X 1 GB/800 Kingstone
VGA : Powercolor X1950 Pro 512
DVD-Rw : Sony Sata 20X 845U

بالنسبة للمشكله الغبيه اللي عندي : دلوقتي انا عندي ديفيدي ساتا لما احب ادخل علي الدوس بيحصل حاجه غريبه >>>>> لما البوت بيبدا يحمل طبعا المفروض يحمل درايفرات الاجهزه الموجوده اللي منها الديفيدي او السي دي روم عشان اقدر ادخل عليه من الدوس .. عندي بيدي الرساله الغريبه اللي في الصوره دي(انا مكنتش موصل الهارد) :-

الغريب في الموضوع اني جربت نفس الحكاية دي بالظبط بنفس الديفيدي والاسطوانة البوت ونفس الكابلات علي بورده GA-945GCM-S2L ونجحت العملية وقدرت اتصفح الاسطوانه من علي الدوس
طبعا قعدت اشد في شعري وفي الاول افتكرت ان العيب في بوردتي .... ثم اكتشفت ان المشكلة دي في كل البورد ال P35 وقعدت ادور علي المنتديات الاجنبيه واخيرا لقيت سبب المشكلة ..........
طلعت المشكلة دي من انتل .... طبعا انتو عارفين ان المسئول في البورده عن الـ SATA , PATA ,USB الخ هو الـ South Bridge Chip وبيكون في البورد الانتل اسمه ICH وبيكون منه اصدارات مثلا في ال945 اسمه ICH7 الاصدار ده بيدعم الدوس والساتا تمام زي الفل لكن الاصدارات تقريبا من اول ICH9 مش مظبطه وهو الشيب المستخدم في عائلات الG والP والX ..... دخلت علي موقع الجيجابايت وانتل لكن لايوجد حل والموضوع ده مهم بالنسبه لي جدا ... فأرجوكم تساعدوني لاني كده تقريبا جبت اخري .... ومشكورين مقدما

**yaslela** · 21-07-2008, 22:46

حسب كلامك انت بتقول (انا مكنتش موصل الهارد) حاول تركب الهارد فربما عند فحص البيوس لجهازك بيلاقى الهارد مش موجود فيعمل المشكله دى . وفى النهايه ننتظر اراء الاخوه . والله اعلم ...وشكرا .

**mohammed2006_eg** · 22-07-2008, 03:41

حاول تستخم اسطوانة هيرنز للتقسيم وان شاء الله هيقرا معاك السي دي روم

**sul2005tan** · 22-07-2008, 06:47

طيب انا عندي بعض الاسئلة اريد ان أسألك .

يوجد على المذربورد منفذين ساتا لونهم بنفسجي ومنفذ IDE لونه اخضر فاتح ، المهم هذه الثلاث منافذ تعمل بواسطة شريحة اسها jmicron لأن شركة انتل تخلت عن منفذ IDE ولم تعد تدعمه ،

المهم هو ان هذه الشريحة المسماة jmicron تقوم بتشغيل منفذين ساتا ومنفذ IDE وهما في هذه اللوحة المنفذين الساتا اللي باللون البنفسجي ومنفذ الـ IDE الاخضر ، إذا كان محرك الاقراص عندك SATA حاول تقوم بشبكه في احد المنافذ البرتقالية ، أما إذا كان المحرك IDE فأبحث عن الدرايفر الخاص بشريحة jmicron قد تجده في فلوبي يأتي مع المذربورد أو قد تجده في اسي دي التعاريف المرفق مع اللوحة الأم بأمكانك الاقلاع من السي دي وتعريف المنفذ . بأنتظارك.

**medomoo** · 22-07-2008, 20:41

مشكورين ياجماعه علي الاهتمام
بالنسبه للاخ Yaslela : موضوع توصيل الهارد مبيغيرش حاجه وانا فعلا جربت لكن للاسف .....
بالنسبة للاخ Mohammed2006_eg : فعلا اسطوانات الهيرين بتقدر تفتحه لأن فيها ملف الـ Gcdrom
(ولكن كنت متعشم اني احل الموضوع بصوره طبيعيه بدل التحايل علي القانون ده )
بالنسبة للاخ Sul2005tan : بالنسبة لسؤالك انا محرك الاقراص عندي ساتا

و فعلا البورده فيها 6 ساتا برتقالي (مسؤل عنهم شيب الـICH9 والي المشكلة في دعمه للدوس) +2 ساتا بنفسجي و IDE اخضر (دول مسؤل عنهم شيب GIGA SATA 2 وده اللي كنت قبل ما اقرا ردك بفكر اوصل عليه واشوف ايه النتيجه ) وجاري التجربه ...... وشكرا