صفحة 1 من 6 1 2 3 4 5 6 الأخيرةالأخيرة
النتائج 1 إلى 15 من 83

الموضوع: ۞ لمحبي العلم نصائح غاليه عن كيفية دراسه كورس mcse ذاتيا (موضوع قوي) ۞

  1. #1
    عضو
    تاريخ التسجيل
    Aug 2005
    المشاركات
    196
    الدولة: Egypt
    معدل تقييم المستوى
    19

    Smile ۞ لمحبي العلم نصائح غاليه عن كيفية دراسه كورس mcse ذاتيا (موضوع قوي) ۞

    اخواني اعزائي اعضاء المنتدى الغالي والمشرفين الافاضل اقدم لكم هذا الموضوع الذي اتمنى ان يفيدكم وهو بخصوص كيفية الحصول على شهادة mcse ليس امتحانات فقط طبعا ولكن ايضا فهم المادة العلميه وتطبيقا ان شاء الله ذاتيا

    هذا الموضوع اقدم فيه كل ما اعطاني الله فيه من مواهب وعلم وخبرة متواضعة في مجال ال IT الذي احبه واعشقة من قلبي وهو عبارة عن نصائح ثمينة وطرق لكيفية الحصول على هذا الكورس
    الذي اثار في الاونه الاخيرة العديد من المناقشات والمداولات الساخنة في كل الكرة الارضية خاصة الوطن العربي حاليا لمعرفة الناس بان مجال it قوي ودخله كويس ولكن العديد لا يعرفون كيفيه الحصول عليه بمنتهى البساطه فواحده واحدة كده مع بعض وباذن الله ربنا يقدرني وافيدكم ان شاء الله بس قبل ما اتكلم عن اي حاجه احب اوضح معلومه مهمه جدا

    العلم ليس حكرا على احد واكرر واقول تاني العلم ليس حكرا على احد مع اني في كليه هندسة بس اتمنى من ربنا اطلع منها على خير لانها عقدتي واوضح الاتي

    هندسة الشبكات ليس حكرا على خريجي الهندسة وعلوم الكمبيوتر مجال ال it مفتوح للجميع
    والي بيجتهد يلاقي فسيبك ولا تسمع كلام يحبطك وياخرك اذا كنت شايف انك موهوب ويجي منك في الكمبيوتر وعاوز تاخد mcse باذن الله ربنا حيوفقك ويديلك على اد تعبك عمر ما الشهاده الجامعية حتوقفك غيرك كتير واحترمهم نجحو في المجال ومعظمهم مش خريجي هندسة
    حتحبط ويجيلك احباط من كلام الناس ارجوك متكملش المقال سيبه لغيرك وباذن الله حينجح
    لان المجال ال it ده مجال اسمه على فكرة challenging career يعنية وظيفة مرموقه للناس الي بتعرف تتحدى الظروف وتنجز وتجتهد وتنجح بشرف ومفيش حاجة بتيجي طبعا بالساهل
    --------------------------------------------------------------------------------------------------
    اوك نتوكل على الله واقولكم ازاي تاخد كورس mcse امتحانات واهم من كده طبعا المعلومه العلم الي حتفيد بيه الناس في الشركات
    هذا المقال لمحبي العلم الي عاوزين يا خدو الكورس ذاتيا وغير قادرين على تحمل المصاريف الباهظه لاخدة في مراكز تدريبه وخلافة كل الي عاوزة منك وطالبه كمبيوتر بتاعك وانترنت وتوكل على الله

    هل ممكن فعلا اخد الكورس mcse ذاتيا ؟
    طبعا مفيش حاجة اسمها مستحيل بس يكون عندك اساس في الكمبيوتر وشغف بانك تتعلم الجديد فيه ودايما انصح بالي معندهوش اساس في الشبكات بكورس network+ وانك تكون جيد
    في الانجليزي لان معظم المواد العلمية بالانجليزي . وان يكون ايمانك بالله اولا وبنفسك كبير جدا
    بس

    طيب ايه فايده الكورس حتعلم ايه لما اخلصة كله ؟
    ببساطه تبقى مهندس شبكات انك تصمم وتدير شبكات الكمبيوتر للشركات وياه ما اكترها كل شركة ومصنع ووزارة وجامعات الا عندها شبكات وحتحس بقيمتك في انك بتشتغل في مجال قوي
    مجال التكنولوجيا والمرتب مش وحش كويس بس مطحطش دي اول اولوياتك الرزق موجود
    وما من دابة في الارض الا وعلى الله رزقها بس ان شلت هم شيل هم المعلومه (العلم) واتعب في
    انك تتعلم علشان ربنا يديلك على اد تعبك وربنا يكرمنا ويكرمكم يا رب

    طب حنذاكر منين ده في مواد تعليمية كتير جدا جدا ؟
    ياه ه ه ما اكتر المواد التعليمية في هذا الكورس كتب كبيرة اسطوانات تعليمية موك باور بوينت مواقع ياه ه ه حاجة تجنن في ناس وانا عارفهم كتير جدا يقولك انا معايا 50 جيجا ماتريال وتيجي تساله قريت فيهم حاجة يقولك شويه يا سلام؟ تعرفو والله اعلم ده لو كان قرى وذاكر بس نصهم
    يعني 25 جيجا كان زمانه بقى داهيه والله اعلم متقلوقش حلكم احسن واقوى حاجه
    ودي عن خبرة وتجربه شخصيه وربنا يكرمكم انصحكم في اي كورس انك لو شوفت كتاب كويس اقراه من الالف الى الياء مش من الجهاز pdf لا اشتريه احسن لو قررت انك تذاكر اسطوانه تعليميه
    ذاكرها من الالف الى الياء العلم كده بتبني حاجة فوق حاجه لو اخدت قشور معلومات مش حتقدر تبني حاجه

    ------------------------------------------------------------------------------------------------------
    اوك اقول ليكم الطريقة

    اولا واهم حاجه حد في بالك دي دايما
    افصل نهائيا في هذا الكورس بين الامتحانات والمعلومه يعني ايه ؟

    علشان تفهمو الموضوع ده اليكم واقع السوق وملناش دعوة بما يسمى بالواسطه واسطتنا احنا ربنا وعلمنا والي مقتنع وراسخة في دماغة حتت الواسطة ميكملش الموضوع (الظاهر انو كله مش حيكمل الموضوع ههههه)

    1- ان يكون معاك الشهاده علشان تقدمها في سيرتك الذاتيه ويتصلو بيك جميل وربنا يوفقكم
    طب بعد ما يتصلو بيك في حاجة اسمها انترفيو (مقابله) ودي محتاجة منك ايه طبعا العلم
    والمعلومه (على فكرة في ناس كتير بتمتحن وبس ومش مذاكرة ولا فاهمه ومستعجله
    شيء طبيعي ان معظمهم يفشل لسبب فاقد الشيء لا يعطيه ) وبالنسبه لموضوع
    الامتحانات ده ما ايسره واسهله
    2- العلم المعلومه وهي اهم حاجة ةهيا ناتجه عن فهمك للمادة العلمية وتطبيقك العملي فيها
    وده الي انا حشرحة ازاي تقوم بيه ذاتيا

    --------------------------------------------------------------------------------------
    في حاجه مهمه جدا جدا جدا لازم تحطوها في الاعتبار
    الوظيفة دي مهندس شبكات او مدير شبكه محتاج مواهب من نوع معين من وجهة نظري
    بجد والله وطبعا انتو عارفين ان مجال التكنولوجيا ده كل يوم في جديد وان لايمكن ابدا مطلقا
    ان واحد ياخد كورس حتى لو في اعتى مراكز التدريب العالميه ويطلع من الكورس محترف
    مطلقا لا دة بيرجع برضه ليه في انة يذاكر ويطبق وكده وطبعا الكمال لله وحده مواهب زي ايه
    ومحدش يستغرب دي وجهة نظر وعلى فكرة مجال الشبكات مش للاذكياء فقط ده مجال المحترف فيه الي بيفرقة عن الهاوي ان عندة كم من المعلومات رهيبة دة مجال الاحتراف فيهبالكم ليس زي البرمجة وقواعد البيانات تتطلب موهبة معينة وذكاء بعض الشيء وتفكير طب ايه هيا المواهب

    1- القدرة على الحصول على حل للمشكله بنفسه عن طريق البحث فيالانترنت او الكتب الي قراها
    او اي مصدر اخر بدون الاستعانه باحد

    2- القدرة على التطور ومجاراه ومحاكة كل جديد يعني بيطور نفسة بسرعة كل ما التكنولوجيا
    بتتقدم ودي على فكرة بتيجي مع الوقت والخبرة

    3- موهبة التخيل نعم!!!!!!!!! التخيل اه والله التخيل ودي موهبه من عند ربنا يعني ايه تخيل يعني
    في ناس ربنا كارمها بحاسة سابعة ثبتت علميا بانهم اسمهم system thinkers دولا ناس اول
    ما تحصل مشكلة في الشبكة ودة شيء طبيعي بمجرد ما يتخيلو الي بيحصل يحلو المشكلة
    بسرعة وبسهوله عن غيرهم يعني ممكن تحصل مشكلة عويصة الناس تفضل تفكر بالساعات
    وتحاول في حل المشكلة ويجي واحد في ثواني وببساطه يحلها موهبة موجوده حاولو تنموها

    ----------------------------------------------------------------------------------------------------

    طيب يا عم احمد حالو كل ده جميل نذاكر ازاي self study ؟

    حاضر حاضر حقولكم معلش طولت عليكم
    اولا : بالنسبة للمعلومه
    ببساطه شديدة جدا جدا بعد ما يكون ليك اساس في الشبكات
    متستخدمش حاجة خالص الا ماتريال واحدة بس واحدة بس الي هيا ايه
    اسطوانات التعليمية testout فقط فقط

    ياسلام عليك طب كلنا عارفين الكلام ده جبت التايهه يا احمد حالو
    اصبرو حقولكم بقى تذاكروها ازاي وفي وقت قليل والله وباحتاف عالي وبمتعة ان شاء الله
    بس بشرط انك تكون مظبط network + كويس اوي اوي اوي مش حتتعب خالص في mcse
    وانصحكم جدا بالسطوانتين التعليميتين testout network+ n جامدين جدا جدا

    طيب نذاكر ازاي التست اوت بصو يا اعضاء المنتدى الاعزاء
    mcse2003 هما سبع تراكات انا عارف وانتو عارفين الي هما

    XP 70-270
    70-290 SERVER 2003
    70-291 Implementation infra 1
    planing infra 2 70-293
    design infra 70-297
    active directory 70-294
    isa 2006

    1- لا تتعامل ابدا ابدا ابدا على انهم 7 تراكات ابدا تعامل معاهم انعم كورس واحد
    لانك انت في الشغل مهندس شبكات بتاع كله يعني مش تراك وتراك

    2- اهم حاجة فيهم اهم حاجة فيهم فعلا هو ده شغل الهندسة
    Active directory
    Infrastructure
    بجد يعني xp و server ملهومش لزمه عاوز رايي مش هما الي يخلوك مهندس شبكات ابدا
    الاتنين دول هما الي حيخلوك مهندس شبكات فعلا

    ---------------------------------------------------------------------------------------------------

    طيب براحة كده بالخطوات نمشي ازاي :-

    (كل حاجة عاوز تطبقها عملي طبقها يا امى بال virtual pc او vmware)
    مفيش فرق بين الي بايخدها كورس والي بياخدها self study بالعكس الي يذاكر ويطبق
    هو الي حينجح الي بيعتمد في الكورس على المدرب فقط مبيبقاش قوي جدا زي لو قرى وذاكر وطبق

    1- network + testout

    2- xp ------> نذاكرة كله لا لا
    ذاكر بس شبكة ال workgroup وطبقها جميل جدا بس في الاول وفي الاخر الشركات مش
    عاوزة منك الا شغل شبكات التراك ده اخره يظبط شبكة workgroup

    3- server 2003 -------> نذاكرة كلة لا طبعا
    يا اعضاء المنتدىالاعزاء ال server2003 لو سطبطة لوحد في الجهاز هو هو xp الا لو
    سطبت عليه active directory وتعمل شبكة domain من هنا بقى الشغل الصح التقيل
    عارفين ظبت هنا بس عملية join domain يبقى كويس قوي يعني اعمل شبكة دومين
    ووصل اجهزة الاكس بي بالسرفر يبقة كويس اوي خش بعد كده على الشغل الصح

    4- active directory
    من التست اوت ذاكرة كله من الالف الى الياء ولو عاوز تبقى محترف جدا جدا ذاكر معاه
    اسطوانه الاكتيف ديروكتوري بتاعت شركة cbt-nuggts قويه

    5- اجد واقوى كورس infra بفروعة التلاته
    implementaion
    planning
    design
    بجد الي عامل infra كلهم انستركتور واحد بس شديد جدا جدا

    6- isa2006 ودة برنامج بسيط جدا جدا للتحكم في صلاحيات الانترنت للمستخدمين
    وبيستخدموة في ال security وشرحة كتير في المنتديات العربيه

    بس خلاص مع الكتاب الي بالعربي الي موجود في توقيعي بجد وهو فيه حاجت مش موجوده في
    التست اوت كمان وكله بالعربي كافي جدا جدا في انك تكون حصيلة معلومات كبيرة وكامله عن كورس كامل زي ال mcse وكل حاجة تطبقا وتعمل سرفر ورا سرفر حتكون قوي جدا باذن الله

    وحتستفاد بعد ما تعملو الطريقة الي فوق الاتي

    1- اطمن على نفسك وفي معلوماتك لانك واخده من اعتى الناس في التكنولوجيا في امريكا
    2- حتعرف لو وقعت في اي مشكلة في الشغل ترجع للعملي في ثواني وتشوفه وتحل المشكله
    بسهولة مش لسة تدو في كتب وكده
    3- الخبرة لان simulation الي في التست اوت بيحطك في واقع السوق فقوي جدا
    4- التطبيق العملي بايدك ويا سلام لو توفر فلو الكور في انك تجيب بيها جهاز تاني وتعمل شبكة
    وتطبق عملي بدل ال virtual تبقى معلم
    5- اي سؤال في المقابله اترفيو حتلاقي دماغك ومعلوتك ان شاء الله منظمة وعارف تجاوب لان
    دماغك مركزة في source واحد هوا التست اوت فاي سؤال حيساله حتعرف على الاقل الاجابه
    وفي اي حته في التست اوت
    6- ودي اهم حاجة حتحس بقيمتك وبمتعة انتصار بانك قدرت تخلص من فهم تكنولوجيا بنفسك

    ده بالنسبة للمعلومه وربنا يا رب يوفقكم من قلبي

    -----------------------------------------------------------------------
    ونصحكم بعد كده بال update 2008
    لان تكنولوجيا server2008 و vista رهيبة جدا جدا
    والي عاوز يتميز جدا انصحة بحاجتين رهاب جدا
    Excahne2007 لعمل mail system
    SQL 2005 لعمل database system
    ------------------------------------------------------------------
    واحد يقول فين روابط testout لا خلاص اتفقنا انك تجيبها بنفسك ازاي طيب ادامك طريقين
    1- وده ابسطهم نزل برنامج emule واكتب testout في البحث وحيجبهالك ببساطه
    2- جرب مواقع التونت وحتلاقيها موجوده ان شاء الله وكتير وانصحكم بال bittorent

    وممكن تلاقيها في اي منتدى عربي من وفي في المنتدى ده برضه اعضاء في غايه التميز يا ما استفدنا منهم وربنا يا رب يوفقهم

    طيب بالنسبة للامتحانات مع اني محبش اكلم فيها لاني راجل بحب العلم لكن برضه علشان يبقى
    الموضوع كامل بس متعتمدوش علشان خطري على الامتحانات بس نصيحة اخويه حتجيبك احباط كبير وحتخليك متوهم في نفسك حاجة هيا مش فيك وتوقفك محلك سر وتشوف غيرك ينجح وانت
    معملتش حاجة جامده فظبط المعلومةالاول واتعلم وبعد كدة الامتحانات دي سهلة مساله فلوس مش اكتر

    الامتحانات حاجتين
    الموقع :www.examcollection.com تنزل اخر فرجن امتحان الي عاوز تمتحنه
    وتشغلة وتذاكر ببرنامج virtualcert exam

    وحتلاقي شرح للطرق دي للامتحانات في المنتدى ان شاء الله

    --------------------------------------------------------------------------------------------------

    ارجو يا رب من ان يكون المقال ده عجبكم وتستفادو منه ان شاء الله وكل ما اطلبه منكم
    هو بس الدعاء لي بالنجاح والتوفيق ودي اغلى عندي من فلوس الدنيا كلها

    وعاوز اقول بس كلمه شكر لكل من يساهم في المنتدى بمعلومه بشرح بنصائح غاليه
    واتمنى لينا جميعا التوفيق والارتقاء الفكري والى الامام جميعا ان شاء الله

    اخوكم
    Ahmed halo

    -----------------------------------------------------------------------------------------------------
    حان الوقت لكي تصبح محترف
    www.ahmedhalo.com

  2. #2
    عضو
    تاريخ التسجيل
    Feb 2008
    المشاركات
    81
    معدل تقييم المستوى
    0

    رد: ۞ لمحبي العلم نصائح غاليه عن كيفية دراسه كورس mcse ذاتيا (موضوع قوي) ۞

    اخي العزيز والغالي دائما وابدا ((احمد حالو))

    حقيقة يشرفني ويعز من مقداري ويسعدني اشد السعاده ان اكون اول من يرد علي موضوعك الشيق وموضوعك القوي والمليئ بروح التحدي وحب العلم وتنمية المنافسة والخروج من بئر الاحباط الذي عشنا ومازلنا نعيش فيه نحن العرب ..واحييك بجد علي كلامك الرزين والعلمي العملي لمعالجة واقع تلك الشهادة وان كنت قد تشرفت بفضل من الله للقاء انسان مثلك وان اكون ممن يتعلمون تحت ايدك ومن مدرستك
    واخيرا وليس اخرا
    ادعو لك بكل التوفيق يارب وكل النجاح ومزيد من العلم النافع الذي تستحقه فانت لا ولم ولن تبخل ابدا بمعلومة حباها الله لك وذادك الله تواضعا علي تواضعك
    اخوك وتلميذك بكل فخر
    احمد فخر
    ضحكت فقالوا الا تحتشم..بكيت فقالوا الا تبتسم
    بسمت فقالوا يراي بها .....عبست فقالو بدا ماكتم
    صمت فقالوا كليل اللسان.نطقت فقالو كثير الكلام
    حلمت فقالوا صنيع الجبان...ولو كان مقتدرا لانتقم
    بسلت فقالوا لطيشٍ به. وما كان مجترئًا لو حكم
    يقولون شذّ إذا قلت لا...... وإمعةً حين وافقتهم
    فأيقنتُ أنّيَ مهما أرِدْ رضا الناس لا بد من أن أذمّ

  3. #3
    عضو
    تاريخ التسجيل
    Apr 2007
    المشاركات
    300
    الدولة: Egypt
    معدل تقييم المستوى
    18

    رد: ۞ لمحبي العلم نصائح غاليه عن كيفية دراسه كورس mcse ذاتيا (موضوع قوي) ۞

    موضوع رائع
    جزاك الله خيرا

  4. #4
    عضو برونزي
    تاريخ التسجيل
    Apr 2008
    المشاركات
    1,430
    معدل تقييم المستوى
    17

    رد: ۞ لمحبي العلم نصائح غاليه عن كيفية دراسه كورس mcse ذاتيا (موضوع قوي) ۞

    ربنا يزيدك علم

  5. #5
    عضو برونزي
    تاريخ التسجيل
    Oct 2006
    المشاركات
    4,302
    الدولة: United Arab Emirates
    معدل تقييم المستوى
    0

    رد: ۞ لمحبي العلم نصائح غاليه عن كيفية دراسه كورس mcse ذاتيا (موضوع قوي) ۞

    اسلوبك سهل وممتع تسلم اخي الكريم

  6. #6
    عضو
    تاريخ التسجيل
    Dec 2004
    المشاركات
    4
    معدل تقييم المستوى
    0

    رد: ۞ لمحبي العلم نصائح غاليه عن كيفية دراسه كورس mcse ذاتيا (موضوع قوي) ۞

    ما شاء الله موضوع متكامل ويدل على فهمك العالي للموضوع وحرصك على ايصال النقاط المهمة لاخرين
    جزاك اله كل غير على ما قدمته وتاكد انك كسبت الكثير من الاحترام والتقدير م جميع الاعضاء

  7. #7
    عضو الصورة الرمزية eslamf
    تاريخ التسجيل
    May 2008
    المشاركات
    327
    معدل تقييم المستوى
    0

    رد: ۞ لمحبي العلم نصائح غاليه عن كيفية دراسه كورس mcse ذاتيا (موضوع قوي) ۞

    بارك الله فيك
    وربنا ينجحك وتخلص من الهندسة اللى معقداك ديه ههههه

    بجد اسلوبك ممتع
    ما شاء الله ولا قوة الا بالله

  8. #8
    عضو الصورة الرمزية mohamed.elshair
    تاريخ التسجيل
    May 2008
    المشاركات
    128
    الدولة: Grenada
    معدل تقييم المستوى
    16

    رد: ۞ لمحبي العلم نصائح غاليه عن كيفية دراسه كورس mcse ذاتيا (موضوع قوي) ۞

    بسم الله ما شاء الله

    اسلوب جيد في الشرح

    معلومات وفيرة

    اعتقد انه يجب ان تبدأ بوضع شروحات لاي كورس من كورسات MCSE حيث انك تتمتع باسلوب مميز في الشرح


    وفققك الله
    https://t.me/pump_upp

  9. #9
    عضو
    تاريخ التسجيل
    Jan 2007
    المشاركات
    594
    الدولة: Egypt
    معدل تقييم المستوى
    0

    رد: ۞ لمحبي العلم نصائح غاليه عن كيفية دراسه كورس mcse ذاتيا (موضوع قوي) ۞

    جزاك الله كل خير
    سبحان الله و بحمده سبحان الله العظيم

  10. #10
    عضو
    تاريخ التسجيل
    Jul 2008
    المشاركات
    147
    معدل تقييم المستوى
    0

    رد: ۞ لمحبي العلم نصائح غاليه عن كيفية دراسه كورس mcse ذاتيا (موضوع قوي) ۞

    موضوع جميا جدا
    جزاك اللة خير
    وانا بقالي بالظبط شهرين في مجال الشبكات و ابتديت بال MCSE بس لسة مش اعرف حاجة عن el Net work + بس ان شاء اللة لما اخلص el xp مش حكمل غير لما اخد el Network +

  11. #11
    عضو برونزي الصورة الرمزية ameer_s
    تاريخ التسجيل
    May 2008
    المشاركات
    1,808
    الدولة: Qatar
    معدل تقييم المستوى
    17

    رد: ۞ لمحبي العلم نصائح غاليه عن كيفية دراسه كورس mcse ذاتيا (موضوع قوي) ۞

    تسلم يا باشمهندس على الموضوع

  12. #12
    عضو
    تاريخ التسجيل
    Dec 2004
    المشاركات
    4
    معدل تقييم المستوى
    0

    رد: ۞ لمحبي العلم نصائح غاليه عن كيفية دراسه كورس mcse ذاتيا (موضوع قوي) ۞

    اتمنى يا باشا لو تمدنا بالمتريال وخصوصا Testout

  13. #13
    عضو
    تاريخ التسجيل
    Jul 2005
    المشاركات
    207
    معدل تقييم المستوى
    0

    رد: ۞ لمحبي العلم نصائح غاليه عن كيفية دراسه كورس mcse ذاتيا (موضوع قوي) ۞

    testout موجود كله عندي MCSE2003
    اللي عاوزه في السعودية بالمجان الا قيمة الشحن ولا ريال بس دعوة حلوة
    هوا دي في دي واحد
    يرسل على الخاص لطريقة التوصيل
    عطر فمك ......بالصلاة على الرسول
    صلى الله عليه وسلم

    اللهم أعز الأسلام وانصر المسلمين
    اللهم عليك باليهود الغاصبين

    CCNA --------------> PASS
    MCSE-----> IN PROGRESS

  14. #14
    عضو الصورة الرمزية smart_772
    تاريخ التسجيل
    Jul 2008
    المشاركات
    164
    معدل تقييم المستوى
    0

    رد: ۞ لمحبي العلم نصائح غاليه عن كيفية دراسه كورس mcse ذاتيا (موضوع قوي) ۞

    طبعا مش هقدر اقول اكتر من الكلام الجميل اللى قالوة الاعضاء ردا على مقالك الجــــــــــــــــــــــــــــامد جدا يابشمهندس احمد
    الله يعطيك العافيه
    معلوماتك قيمه ومرتبه
    اشــــــــــــــــــــــــــــــــــــــــــــــــ ــــــــــــــكرك جزيلا صديقى

  15. #15
    عضو الصورة الرمزية smart_772
    تاريخ التسجيل
    Jul 2008
    المشاركات
    164
    معدل تقييم المستوى
    0

    رد: ۞ لمحبي العلم نصائح غاليه عن كيفية دراسه كورس mcse ذاتيا (موضوع قوي) ۞

    بس ياصديقى انا باخد القرص دة فى القاهرة الان فى N.HO ممكن اطبق الطريقه بتاعتك ولا مش هينفع؟
    ارجو الرد

صفحة 1 من 6 1 2 3 4 5 6 الأخيرةالأخيرة

المواضيع المتشابهه

  1. ۞۞۞ أكبر تشكيلة توزيعات لينوكس ۞۞۞
    بواسطة thelionx6 في المنتدى الأرشيف
    مشاركات: 5
    آخر مشاركة: 07-07-2010, 09:49
  2. مشاركات: 14
    آخر مشاركة: 07-10-2009, 20:00
  3. مشاركات: 0
    آخر مشاركة: 22-04-2009, 08:59
  4. مشاركات: 23
    آخر مشاركة: 18-02-2009, 03:36
  5. مشاركات: 11
    آخر مشاركة: 29-11-2007, 05:13

الكلمات الدلالية لهذا الموضوع

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •