أولاًُ: مشكلة جهازي مشكلة غريبه جداً جداً و أنا لا أعرف لها حلاً و المشكلة هيا أن الجهاز بيقوم بعمل ريستارت من نفسه كده من غير أي سابق أنذار و أنا بلعب مثلاً على النت , بسمع أغاني , بشوف فيلم , عني بإختصار في أي وقت أنا حتى خايف ليقطع و أنا بكتب الموضوع ده المهم
طريقه عمل الريستارت مش كأنه بيقفل جهاز عادي بيقفل و كأنه بيتقطع عنه الكهربا خالص يعني كأنك قاعد على الجهاز و فجأه تتقطع الكهرباء يقفل و كمان شويه تيجي يروح فاتح ده بظبط كأنه اللي بيحصل . بمساعده بعض المواضيع في المنتدى و بعض الأراء المهم توصلت أن المشكلة يأما في Power supply أو في تبريد البروسيسور المهم مكدبتش خبر عرفت أن الحل يكون بتغير power supply و شراء نوع كويس و خصوصاً أن تقريباً النوع اللي في الجهاز نوع تجاري المهم شديت الرحال على السخاوي مول و هناك جبت power supply جديد HEC (GAMMA) 350 WATT و قلت إنشاء الله هيكون فيه الحل الشافي المهم ركبته و لا حياة لمن تنادي فكرت تاني و عرفت أن ممكن يكون حرارة البروسيسور بتعلى مثلاً و أنا مش واخد بالي طيب مدام بتعلى و هيا مش تمام ليه بقى دلوقتي بس بيفصل يعني ليه لما أشتريته مكنشي بيفصل و السؤال ده ملوش إلا ردين الأول أن المروحة تكون باظت و مش شغاله تمام و الحل التاني أن معجون التبريد يكون أختفى و ده عامل فجوة بين البروسيسور و المشتت و تاني مرة مكدبتش خبر و شديت الرحال على السخاوي مول و من هناك جبت معجون تبريد و ده أملي الوححيد و حطيته على البروسيسور و فردته و ركبت المشتت و المروحه و شغلت الجهاز و نفس المشكلة برضه أنا بجد كده هتجنن مش عارف أعمل أيه أرجوكم ساعدوني قبل ما الجهاز يخلص عليا و للعلم أمكانيات جهازي :
بروسيسور بانتيم 4 2.8 ghz و كاش ميموري 512
و مذر نوعه قديم كده من أنتل d865perl
و هارد 80 جيجا و بس
و ديه كل معلومات الجهاز و أسف على الإطاله بس كنت بشرح المشكلة بالتفصيل و أرجو أن ألقي هنا من خبراء الهاردوير الجواب الشافي ..