السلام عليكم و رحمة الله و بركاته ،
أخواني الأفاضل في هذا المنتدى المبارك ..
بصراحة تشرفت جدًا و سعدت يوم عرفت عن هذا المنتدى الخرافي و الهائل ،
كنت كاتب موضوع في منتدى آخر طلب مشورة عن دورات سيسكو و كيفية أخذ شهادة CCNA ؟
و جاء واحد رد علي و قال في منتدى اسمه عرب هاردوير مختصين بالسيسكو ..
جيت طاير أشوف و أدور و الحمدلله لقيت ما يثلج الصدر ..
و حملت كل الحلقات الـ 18 اللي موجودة في موضوع لومارك و الحين بديت أشوفهم ..
حقيقة لا أخفيكم أني خريج دبلوم اتصالات و شبكات حاسب من جامعة الملك سعود بالرياض ..
و أكثر الدكاترة كلمونا و وصّونا نكمل و ناخذ شهادات سيسكو CCNA و CCNP و غيرها ..
و الحمدلله لدي قاعدة جيدة جدًا في مجال الشبكات لأننا درسنا في المستوى الخامس و السادس منهج سيسكو بالعربي ،
و أغلب مناهج الدبلوم كان فيه أشياء كثيرة من سيسكو ..
فالحمدلله أساساتي قوية و دخولي لدورات CCNA سيكون مباشرًا و سريعًا ..
لكن الحين أنا محتار !
أدخل معهد و أخذ الدورة عندهم خلال 10 أيام بـ 10 آلاف ريال دورة مكثفة من 8 ص إلى 4 م بمعهد نيوهورايزن و فيه معمل سيسكو أكاديمي ،
و مدربين عندهم شهادات و على مستوى عالٍ ..
أو أدرس دراسة ذاتية من خلال الدروس اللي موجودة هنا و تكفي بإذن الله ..
أنا بصراحة عاجبني المعهد لأنه شغل عملي و تطبيق و راح نشتغل بيدنا و عندنا أستاذ راح يساعدنا ..
لكن يوم شفت الدروس هنا و الأخوان المتحمسين و المواضيع الطيبة تمهّلت شوي و قلت بسأل و بشوف ..
فما أدري هل أحد عنده خبرة بالمعاهد اللي تعطي دورات CCNA في الرياض و تكون متمكنة و قوية ..
و ما رأيكم أدخل معهد و أدرس الـ CCNA أو يكفيني هذا الموقع بإذن الله ..
جزاكم الله خير و بارك الله في وقتكم و جهدكم ،
لا أستغني عن أي رأي و مشورة يا أحبة
المفضلات