الاسوس ASUS MK221H شاشة ممتازة جدا بالنسبه لسعرها و تحتوى على منفذ ال hdmi و سعرها 1800 جنيه
https://www.asus.com/products.aspx?l...61&modelmenu=2
هتلاقيها فى شركة visa فى كمبيو بلازا بجوار مول الاسيوطى فى شارع الخليفة المامون فى مصر الجديدة
السلام عليكم ورحمة الله وبركاته
اريد شراء شاشة LCD فى مصر 22 بوصة
ولكن محتار جدا وليس لدى ادنى فكرة عن هذه الشاشات
سوى بعض المعلومات من خلال بحثى على الانترنت
اريد شراء شاشة عريضة ( وايد ) وتتمتع بمواصفات ممتازة .. تتيح لى تشغيل أى شىء مستقبلاً
وبجودة فائقة .. خاصة اننى لدى كارت ستلايت على الجهاز واريد مشاهدة القنوات والافلام بجودة عالية
ياريت تنصحوني .. الى اين اتجه للشراء وكام السعر ورقم الموديل .. والمميزات والعيوب
و لو أمكن صورة للشاشة وموقعها على الانترنت
مع جزيل الشكر
الاسوس ASUS MK221H شاشة ممتازة جدا بالنسبه لسعرها و تحتوى على منفذ ال hdmi و سعرها 1800 جنيه
https://www.asus.com/products.aspx?l...61&modelmenu=2
هتلاقيها فى شركة visa فى كمبيو بلازا بجوار مول الاسيوطى فى شارع الخليفة المامون فى مصر الجديدة
اشكرك .. الشاشة ASUS MK221H مواصفاتها جيدة .. لكن بها بعض الكماليات لا اريدها
فى الحقيقة هذه الكماليات تزعجني .. مثل الكاميرا العلوية
ايضا مدخل ال usb لا اريده ولن استخدمه .. كذلك السماعات .. لدى كريياتف .. فبالتأكيد لن استخدم سماعات الشاشة
وفى النهاية هذه الكماليات رفعت من سعر الشاشة ايضاً
حضرتك تريد مشاهدة القنوات و الافلام بجودة عالية صح و الشاشة ده بالذات فيها منفذ hdmi تتيح لك الكلام ده و ممكن تدخل على الرابط ده لتعرف المزيد عن هذا المنفذ :المشاركة الأصلية كتبت بواسطة DreAmO
https://arabhardware.net/forum/caoco...aeydh-dvi.html
ياريت لو شاشة فى نفس امكانيات الأسوس .. لكن بدون كاميرا و USB والسماعات لو أمكن
ويكون مرفق معها كابل التوصيل HDMI .. لأن الشاشة الأسوس بها مدخل HDMI .. لكن بدون كابل
ايضاً أفضلها سامسونج .. هل موجودة هذه المواصفات فى مصر ؟
أخى moatez .. صراحة مواصفات الأسوس مغرية جدا جدا .. ولم اجد هذه المواصفات فى ماركات أخرى
كنت أتمنى ان احصل على نفس المميزات من سامسونج .. لكن الظاهر مفيش
ياريت تقولى نفس الشاشة مقاس 24 بوصة سعرها كام فى مصر واين تباع
لأن ال 24 بوصة يصل الرزيليوشن فيها ال 1920 .. وهو الدعم الكامل لل HD
هنا الشاشة https://www.asus.com/products.aspx?l...63&modelmenu=2
وشكرا لك .
العفو يا اخى ال ASUS MK241h سعرها 3700 جنيه و شاشات الاسوس ده عموما هتلاقيها فى شركة اسمها visa فى كمبيوبلازا بجوار مول الاسيوطى فى شارع الخليفة المامون فى مصر الجديدة و عليهم ضمان 3 سنوات علشان تبقى مطمئن اتمنالك التوفيق ان شاء الله
أخي moatez .. منذ عام تقريباً .. قمنا بشراء شاشة اسوس 19 بوصة .. لأحد الأصدقاء .. لا اتذكر الموديل
لكنها كانت الأفضل فى ذلك الوقت .. وكان سعرها 1200 جنيه مصري .. مع ضمان تلات سنين
ولكن للأسف كان بها بعض العيوب .. او ربما هذه امكانيتها
بالنسبة للألوان .. اذا نظرت للشاشة من الجانب قليلا .. اى لا تكون غير مواجه لها تماما ( مجرد ميل بسيط )
الميل للأعلى او الجانب .. كانت الألوان تبهت تماما وتصبح غير واضحة
يجب ان تكون مواجه لها تماما لترى الصورة صحيحة
كذلك كانت الحروف فى الكتابة .. مثل هذه الحروف اللتى نقرأها الأن .. متكسرة ( مبكسلة )
وانا أخشى ان تكون الأسوس 22 اللتى ذكرتها لى .. بها نفس العيوب
فأحيانا تجد قطع لها مواصفات ممتازة .. ولكن التجربة الفعلية تكون غير مريحة
فياريت من جرب هذه الشاشة .. او اذا كنت انت جربتها ان تقول لى ما وضعها مع الالوان ووضح الصورة
خاصة ان الاسوس بالذات .. البائع يرفض ان يطلعها من العلبة اساسا .. فبالتأكيد لن تسطيع تجربتها الا بعد الشراء
وشاكر لك
بص يا اخى المسئول عن الموضوع ده حاجة اسمها زاوية الراؤية و هى المفروض متقلش عن 160/160 و فى الشاشة الاسوس ده اعتقد انها كده بس انا معاك برده ان التجربة العملية تحكم اكثر فممكن تحط سؤالك فى الرابط ده و ان شاء الله يفيدوك :
https://www.arabhardware.net/forum/c...aonie-263.html
السلام عليكم ورحمة الله وبركاته.,
اخوانى الافاضل , لقد قمت بشراء الاسوس ال22 منذ يومين والحمد لله, بعد ان بحثت عن السامسونج ال BW حيث لم اعثر عليها , وبما اننى اضع الاسوس فى ثانى اختياراتى, قمت بعملية الشراء ب 1790 جنيه.
سؤالى الان عن فترة الضمان الاكيده , هل هى عامين ام ثلاثة اعوام؟ لان البائع اكد لى انها عامين فقط, وكتب الفاتوره على هذا الاساس, ارجو التأكيد لى من فضلكم لمراجعته .
بالنسبه للاخ الكريم الذى يستفسر عن زاوية الرؤيه , فاللاسف انا جديد فى استخدام الLCD , وان كنت اقول ان الالوان الحمد لله جيده وان كانت فى البدايه محبطه لى بمقارنتها مع شاشات ال CRT .
مبروك عليك الشاشة يا samehking
بالنسبة للضمان .. على حد علمى .. ان ضمان الشاشات 3 سنوات .. وبالأخص أسوس .. تعطى ثلاث سنوات
وعندما قمنا بشراء اسوس 19 منذ عام .. اخدنا ضمان 3 سنوات .. وكان من مول سفنكس .. ونفس الشاشة فى البستان بضمان 3 سنوات
و يجب عليك التأكد أكثر بسؤال بائع أخر لديه نفس الشاشة .. واذا كان الضمان فعلا 3 سنوات لهذه الشاشة
فبدون تردد ... ارجع للبائع .. و أطلب منه ضمان 3 سنوات .. والا رجع له الشاشة .. وهذا حقك
قانون حماية المستهلك الجديد .. يحق لك ارجاع اى سلعة خلال 15 يوم تقريباً .. بدون شروط .. واذكر له هذا
اما اذا كان فعلا الضمان سنتين .. يبقى تمام
بالنسبة لزاوية الرؤية .. المقصود بها .. انك عندما تجلس فى مواجهة الشاشة تماما .. اى انت والشاشة على خط واحد مستقيم .. اى ان كانت المسافة بينك وبينها
فأنت ترى الصورة واضحة .. وطبيعية ..
ومن المفترض .. انك اذا نظرت للشاشة من زاوية مائلة .. اى انك ذهبت يمين .. او يسار .. او اعلى .. او اسفل
ونظرت للشاشة تكون الصورة واضحة وطبيعية ايضاً .. حتى زاوية ميل 160 درجة تقريبا .. وهى زاوية كبيرة
وللأيضاح اكثر .. انت اذا كنت على زاوية ميل بالنسبة للشاشة 180 درجة .. فأنت فى هذه الحالة ترى جانب الشاشة تماما
أخر شىء .. اريد تفاصيل منك .. بقولك .. ان الالوان فى البداية كانت محبطة لك مقارنة مع الشاشة CRT
حيث من المفترض ان تكون الشاشات LCD .. أكثر وضوح ونقاء من الشاشات ال CRT
والا ما الداعى من ارتفاع سعرها اكثر من ثلاث اضعاف .. سعر الشاشة العادية ال CRT
الله يبارك فيك اخى العزيز DreAmO , سوف احاول التأكد من موضوع الضمان والرجوع للبائع لانى بصراحه شاكك فى الموضوع فعلا.
بالنسبه للشاشه فهى كما قلت ماشاء الله ممتازه من ناحية الالوان والسطوع والحديه , ولكن كما تفضلت انت وقلت فى وضعية المواجههالمباشره للشاشه 90 درجه يعنى, وقد قمت بتحريك اتجاهى بزوايا مختلفه يمين ويسار فكانت النتيجه انه كلما زادت الزاويه حده سواء يمينا او يسارا كلما قلت نسبة السطوع وتغيرت الالوان قليلا , ولكنى مازلت لا اعرف هل هذا طبيعى بالنسبه لشاشات ال LCD ؟
بالنسبه لموضوع الاحباط بقى , ف انا كنت املك شاشه SUN 21 super flat CRTوبمقارنه جوده الصوره وحدتها ووضوحها ف بصراحه لا وجه للمقارنه بين اى شاشه LCD 22 وشاشات ال CRT من نفس المقاس, وهذه عن تجربه عمل بها لمدد طويله, حتى فى السعر اخى , انظر الى شاشات ال سامسونج ال CRT ال 22 ستجد ان اسعارها تتراوح بين ال 3000 و ال 4000 جنيه مقارنه بين سامسونج ال 22 ال LCD التى اسعارها تتراوح بين ال 1700 وال 2000 , ولكن كما تعلم اهم ميزه لل LCD حتى الان هو الحجم المدمج .
على فكره يمكنك ان تشاهد الاسوس مفكوكه من العلبه وشغاله كمان من المحل الذى قمت انا بالشراء منه حيث كان يعرض الاسوس ال 24 منها , وقام بتشغيلها لى .
الشاشات ال CRT .. بالتأكيد لها أضائة أقوى .. وسطوع أقوى من ال LCD
ولكن هذا على حساب كمية الاشعاع الساطعة منها .. مع حرارة هائلة
ميزة ال LCD .. اشعاع شبه منعدم .. حرارة حوالى 10 % .. من حرارة ال CRT .. حجم أقل .. وزن أقل
اما عن دقة الالوان والصورة .. ايهما افضل .. لا اعرف
ولكن أعتقد ان سبب ارتفاع سعر الشاشة ال CRT الى 4000 جنيه مثلا
هو انها أطول عمراً .. فرص الأعطال قليلة .. تتحمل الظروف الصعبة مثل جرح او خدش او حتى صدمة
حتى ان حجمها ووزنها الهائل .. يعطيها ثبات وقوة اكثر .. لدرجة انه اذا شخص صدمها بدون قصد .. من الممكن ان يتأذى هو .. والشاشة لا يصيبها شىء
عكس ال LCD .. يجب التعامل معها بلطف شديد .. واقل شىء ممكن يؤثر عليها
طيب .. ياريت تقولى على المحل .. علشان اروح اخود فكرة عنها على الطبيعة .. واشوف الوانها .. لأنى بصراحة متحمس لها جدا
مميزاتها مغرية جدا مقابل سعرها .. خاصة انه لا بديل لها فى السوق المصرى بنفس المميزات .. بغض النظر عن السعر
و انا مهتم بموضوع الالوان وزاوية الرؤية كثيرا .. لأنى فى بعض الاوقات ستكون المشاهدة عن بعد .. مع زاوية ميل
عند تشغيل كارت الدش مثلا .
اخر شىء اريد ان اعرفه منك .. هل الحروف العربية والانجليزية على صفحات الانترنت .. او اللتى على سطح المكتب
مثل كلمة ( My Computer ) .. تظهر لك بشكل طبيعى على اى ريزولوشن .. ام انك تلاحظ تكسير فى الحروف ( بكسلة )
شوف , بالنسبه للحروف والكلمات, انا زى ماقلتلك تعتبر اول مره لى اتعامل مع ال LCD فى الاول حسيت بتغيير عن نوع الشاشات اللى انا متعود عليها , جالى احساس انها فعلا بها تكسير , بس الان وبعد اربعة ايام مش ملاحظ الشىء ده اطلاقا, الا اذا دققت ولازقت فى الشاشه عشان تطلع الحاجه دى , وده طبعا هيكون صعب اوى لان الشاشه ماشاء الله كبيره وسطوعها قوى جدا وهتأزى عينك.
فى نظرى الى الان رغم قناعتى واعجابى بالاسوس الا ان ال CRT افضل زى ما انت اتفضلت وقلت بعض مميزاتها .
بالنسبه للمحل اللى انا اشتريت منه الشاشه , للاسف معنديش كارت بأسمه بس على الفاتوره مكتوب عنوانه ومكانه والراجل حطلى رقم التليفون واسمه.
سوق العصر الخليفه المأمون الدور الارضى محل رقم 105 , ورقم التليفون 22597099 , واسم البائع خالد , شاب لطيف بس طالع عينه لانه بيجى كل يوم من مدينة العاشر من رمضان :D (حكالى قصة حياته)
معلش انا بقى لى طلب عندك, بما انى للاسف ساكن بعيد شويه عن منطقة اسواق الكمبيوتر, ممكن تتأكد لى ولك عن موضوع فترة الضمان الاكيده , بما انك هتكون فى وسط السوق.
ربنا يوفقك وتلاقى اللى بتدور عليه وتكون راضى ومقتنع به.
صحيح بالمناسبه., لسه الان مجرب على الشاشه فيلم من نوع ال HD , الصوره شىء تانى خالص بسم الله ماشاء الله, وعلى فكره ميزه الشاشه دى انها ال Contrast Ratio فيها 1:1000 و 1:5000
, وهتلاقى فيها كميه من الوضعيات تختار منها اوبشنز كتير يعنى.
ما شاء الله .. مبروك عليك بجد الشاشة مواصفاتها قوية فعلاً
ان شاء الله .. من غير مل تطلب مني .. انا حاطت فى دماغى اتأكد من موضوع الضمان دة لما اروح للمول
وهبلغك طبعاً .. لكن انا مش رايح اليومين دول .. لأنه برده بعيد عنى .. عايزله يوم مخصوص
لكن أنت ممكن تعمل حركة ظريفة
كان فى موضوع هنا مكتوب فيه كل عناوين وتليفونات وكلاء الماركات المختلفة فى مصر
شوف توكيل اسوس .. واتصل بيه و اسأل عن الشاشة كأنك هتشتريها .. وشوف الضمان اد ايه
وممكن كمان تتصل بالشاب اللى باع لك الشاشة .. وتقوله انك سألت على الشاشة فى اماكن تانية .. ولقتها بضمان تلات سنين
وصمم على كلامك .. وشوف رد فعله ايه ؟
بالنسبة لموضوع تكسير الحروف .. انا سألتك لأنى لاحظته بشدة فى الاسوس 19 .. وله حل هنا تقدر تجربه وتشوف الفرق
https://www.microsoft.com/typography...ner/Step1.aspx
بالنسبة لأفلام ال HD .. هى افلام نقية جداا .. وتبهرك على اى شاشة .. ولكن الابهار له درجات تختلف من شاشة لأخرى
كذلك كارت الشاشة .. ونوع التوصيل بين كارت الشاشة و الشاشة
ياريت تقولى نوع الكارت عندك ايه .. والتوصيل من مخرج الكارت .. الى مدخل الشاشة
لأن الشاشة بها اكثر من مدخل توصيل .. والكروت كذلك
وان شاء انا مش هنسى ارود عليك لما اسأل على الضمان .. ( الموضوع محفوظ عندى )
ضوابط المشاركة
المفضلات