صفحة 1 من 2 1 2 الأخيرةالأخيرة
النتائج 1 إلى 15 من 20

الموضوع: عرفت غلطى فعلا الصح صح بردك

  1. #1
    عضوية جديدة
    تاريخ التسجيل
    Jun 2008
    المشاركات
    22
    معدل تقييم المستوى
    0

    Exclamation عرفت غلطى فعلا الصح صح بردك



    انا اسف انى هوجع دماغكو بقصتى بس انا محتاج مساعدتكو اوى بجد

    انا المفروض انى معايا MCSE واختها فعلا بس للعملم وبكل صراحه انا يعتبر واخدها

    بالتست كينج بنسبة 90% وده كنت فاكر انى كده خلاص لكن فعلا بجد انا اول مرة استحقره

    لانى حاسس انى مش كويس خالص وان كنت اعرف الحاجات العملى العبيطة

    بتاعت ازاى اسطب دومين واكتف لكن الحاجات الى فى الكورس لو كنت خته فعلا مش اعرفها

    وحاسس انى فعلا غلط غلط كبير جدا بس مش عاوز اكمل بنفس الغلط

    ياريت تقولولى عشان ازاكرها بجد كانى اختها فعلا اعمل ايه بالضبط معا البعد عن دخول اى

    مركز ونظرا للتكلفه وانى لسه طالب ولا امتلك هذا المبلغ من المال لانه ضاع الاول فى الامتحانات

    والمركز الى كان مفهمنى انه هيدينى الكورس ولكنه نظرا لانى مش كنت فاهم طبعا كان اساسه

    انه يديك الشهاده وخلاص باتست كينج او غيرة وانا سعتها كنت حاسس انه انجاز

    فياريت نصائحكو الطيبة ليه بعد ازنكو

    وربنا يرزقنا جميعا علما نافعا

  2. #2
    مخالف للقوانين
    تاريخ التسجيل
    Aug 2007
    المشاركات
    2,047
    معدل تقييم المستوى
    0

    رد: عرفت غلطى فعلا الصح صح بردك

    أخي العزيز
    سأعتبر أنك سلكت الطريق من آخره إلى أوله
    المفترض أن أخر الطريق وتكليلا لخبراتك أن تأخذ الشهادة الدولية
    وليس العكس
    واكن ملحوقة
    بما انك أخذت الشهادة فعلا
    بقى الجزء الصعب والأهم
    وهو أن تحصل على المعرفة العلمية والخبرة العملية

    أولا: عليك بالفيديوهات:
    الفيديوهات تقدم لك المادة العلمية باختصار وبطريق سهل وسلس ومباشر
    وهي أفضل وسيلة للمبتدئين لتحصيل العلم
    ابدأ بفيديوهات الاخ لومارك في شرح شهادة N+

    بعد ذلك استعن بفيديوهات الأخ محمد سمير في شرح ال MCSE

    بهذا تكون فقط وضعت قدمك على الطريق الصحيح

    ثانيا: اقرأ ثم اقرأ ثم اقرأ

    ابحث عن الكتب العلمية التي تشرح المادة العلمية التي تذاكرها
    مثلا بعد انتهاءك من مشاهدة فيديوهات الأخ لومارك
    ابحث عن الكتب التي تشرح نفس الشهادة
    ستجد في الكتب معلومات متعمقة ومرتبة

    ثم كرر نفس الشيء مع ال MCSE

    ملحوظة هامة:
    احذر مشاهدة الفيديوهات وانت نايم عالسرير
    أو وانت حواليك دوشة
    أو وانت بتشوف ماتش أو مسلسل
    لأ
    بكده هتضيع كل حاجة

    الكمبيوتر يكون في غرفة بعيدة عن كل الضوضاء والمشوشات
    تكون جالس بينك وبين الشاشة مش أقل من متر
    يعني متكونش ماسك الماوس ولا الكيبورد
    تكون قاعد على مكتب كأنك في الفصل في أولى ابتدائي بالظبط
    يكون معاك ورقة وقلم
    وتحاول تلخص كل الكلام اللي بتسمعه
    وتكتبه في الورقة اللي قدامك
    وهييجي في بالك حاجات مش فاهمها
    أو مش عارف انت فهمتها بالكامل ولا ناقصة
    اكتب اسئلتك
    وتعالى هنا اكتبها واستفسر واسأل
    هتلاقي الجواب الشافي بإذن الله

    دي الشروط اللي اعرفها علشان تفهم من الفيديوهات
    غير كده مش هتفهم حاجة وتبقى بتضحك على نفسك

    في أثناء مذاكرتك دي
    حاول تدور على تدريب في أي مكان
    ولو بدون فلوس
    متستناش انك تبقى مية مية في المعلومات وبعدين تقول اشتغل
    لأ
    خلي فيه احتكاك بسوق العمل وانت بتذاكر
    ده هيساعدك في التعلم بسرعة ويثبت المعلومات في دماغك بشكل خرافي
    لن تنسى شيئا تعلمته في كتاب ثم عملته بيديك

    وربنا يوفقك

  3. #3
    عضوية جديدة
    تاريخ التسجيل
    Jun 2008
    المشاركات
    22
    معدل تقييم المستوى
    0

    رد: عرفت غلطى فعلا الصح صح بردك

    بس اما بتفرج على n+ فى حاجات كتير بتبقى بالنسبالى قديمه فبزهق بسرعه

    ولول هبدا mcse ابدها منين بالضبط

    وشكرا على سرعه ردك وعلى النصائح الغاليه ده

  4. #4
    عضو
    تاريخ التسجيل
    Sep 2006
    المشاركات
    281
    الدولة: Egypt
    معدل تقييم المستوى
    12

    رد: عرفت غلطى فعلا الصح صح بردك

    اخي الغالي اول خطوات النجاح الاعتراف بالخطأ

    بس اول خطوات الفشل بجد هو انك تقول انا عارف دي جريها وجري الفيديو وكنسل الكلام دة

    ممكن يكون مش مهم اوك لانك قريتة بس نصيحة مني اوعي تمشي بالطريقة دي لو تعرف معلمة الاحسن ليك اكدها
    بس لو بتذاكر وليك خبرة كبيرة هتلاقي في نقط كتير محتاجة تعرفها وتربطها ببعض

    بجد نصيحة من واحد بقالهة 6 سنين في مجال العمل بالكومبيوتر

    اتعلم واتعلم واتعلم

    والتكرار بيعلم الشطااااااااااااااار يا سيدي

    وصدقني الي بيفوت حاجة بيطلع انستراكتور ناقص منة معلومات وبالتالي بيبان ضعفة

    فياريت بجد تقري كل كلمة مش هتموت يعني لو قريت وخت نص ساعة زيادة

    يلا حبيبي ابدأ وربنا يوفئك ومش مهم تكون بطيء المهم تكون فاهم نظري وعملي

  5. #5
    عضو برونزي
    تاريخ التسجيل
    Apr 2008
    المشاركات
    1,430
    معدل تقييم المستوى
    11

    رد: عرفت غلطى فعلا الصح صح بردك

    كلام الاخ tifa مظبوط وتمام

  6. #6
    عضوية جديدة
    تاريخ التسجيل
    Jun 2008
    المشاركات
    22
    معدل تقييم المستوى
    0

    رد: عرفت غلطى فعلا الصح صح بردك

    بجد انا مش عارف اقولكو ايه على كلامكو الجميل الى فعلا يشجع الواحد بعد ما كنت قولت انى هرمى

    الشهادات ده فى الزباله لانى مش شايف ليها لازمه معايا

    بس ان شاء الله كده هحاول ارتب وابتدى من رايكو با N+ معا العلم ان اخويا لو مارك مش خلصها لسه ولا ابدا فى مواد MCSE ولو ابتديت بيها ابدا من انى

    جزء بالضبط ومعلش وجعت دماغكو فعلا

    وربنا يرزقنا علما نافعا

  7. #7
    عضو فضي الصورة الرمزية dr_timoon
    تاريخ التسجيل
    Apr 2005
    المشاركات
    996
    الدولة: Egypt
    معدل تقييم المستوى
    15

    رد: عرفت غلطى فعلا الصح صح بردك

    السلام عليكم اخى
    اولا احب ان ابارك لك على حصولك شهادة ال MCSE
    ثانيا عليك بالثقة فى نفسك ما دام اجتزت الامتحانات و اكيد اخى انت لم تخرج منها باى فائدة انا
    واثك انك ملم باشياء كثيرة ما لم تكون كل ما فعلتة انك حفظت الاسئلة و دخلت الامتحان
    فا لذلك اعتقد على الاقل انك ملم بالاسيسيات و المبادى فى الكورس
    اليك الخطة من وجهة نظرى الصغيرة التى تتبعها و ان شاء الله فى خلال فترة وجيزة سوف تكون محترف و ملم بكل التفاصيل ان شاء الله .
    هذة كانت طريقة مذكرتى للكورس

    1-عليك بتنزل windows server 2003
    و برنامج vmware اذا كان عندك جهاز واحد فقط و ذلك للتطبيق العملى فا اكيد انت تعرف الان اهمية التطبيق العملى و فوائدة فى الفهم الصحيح للمادة العملية .
    2- انا اتفق مع جميع الاعضاء فى طريقة المذاكرة ولكنى اختلف معهم فى مذاكرة كورس ال N+
    و ذلك لانى اعتقد انك ملم بى الاسيسيات و المبادءى للشبكات و انت فى غنى عن مذاكرة هذا الكورس
    و تضيعة وقتك فية (هذا ما لم تكون فعلان محاتجة و محتاج انك تبدى من اول و جديدة اكيد انت ادرى بذلك )
    3- هيا بنا نبدء الجزء المهم و اولا استعن بالله و ابد المشوار المذاكرة و ذلك بالخطوات الاتية كل كورس على حدة من كورسات ال MCSE

    مثلان دعنا نبدا بى كورس ال XP 70-270
    فهو كورس سهل جدا و ان شاء الله لن تجد صعوبة فى المذاكرة ولا فى التطبيق
    يوجد فى المنتدى شرح للكورس لى الاستاذ محمد جودة اعتقد انة كامل
    امشى معاة خطوة بى خطوة ولا تمل اخى و لا تنساى التطبيق العملى
    اسناء المذاكرة للكورس اكيد سوف تقابلك اشياء لم تفهما فا ليك بال Search
    فهو اعتقد انة من اهم الاشياء فى المذاكرة و الفهم الجيد لانك سوف تتعب عقبال ما
    تجد ما تريدة و بذلك لن تنسى ابدا هذة المعلمومة
    بعد ما تخلص الفيديو انصحك بقراة كتب عن الكورس مثل مثلان SYBEX
    فهى كتب رائعة و بها معلومات اكثر من رائعة
    و القراءة سوف تفيدك جدا اخى
    و ما لم تفهمة لا تترد اخى بالسوال فا انا و كل الاعضاء هنا للمساعدة و لن يبخل عليك احد بالجواب
    و هكذا فى بقية الكورسات
    و اعدك اخى انك بعد ما تخلص المذاكرة سوف تشعر بشعور اخر
    شعور المنتصر ان شاء الله
    و لكن اخى انصحك ان تضع جدول زمنى لكل كورس
    وفقك الله اخى و ان شاء الله سوف تصبح ملم بكل صغيرة و كبيرة
    و كل عليك بالجد و التعب
    اتمنى ان اكون بكلماتى افتك
    و السلام عليكم

  8. #8
    مخالف للقوانين
    تاريخ التسجيل
    Aug 2007
    المشاركات
    2,047
    معدل تقييم المستوى
    0

    رد: عرفت غلطى فعلا الصح صح بردك

    ابدأ الN+ حالا من الفيديوهات المتاحة
    لما تخلصها يكون إن شاء الله نزل باقي الفديوهات
    ولنفرض منزلتش؟
    الفيديوهات المتاحة هتوفر ليك بداية سهلة وقوية
    وتقدر بعديها تعتمد على نفسك وتمشي في الكتاب لوحدك

    ربنا يوفقك

  9. #9
    عضو فضي الصورة الرمزية dr_timoon
    تاريخ التسجيل
    Apr 2005
    المشاركات
    996
    الدولة: Egypt
    معدل تقييم المستوى
    15

    رد: عرفت غلطى فعلا الصح صح بردك

    نسيت شى
    بالنسبة للكورسات الغير موجود لها شرح فى المنتدى
    عليك بى شرح شركة
    CBT NUGGETS
    فهى اكثر من رائعة فى الجزء العملى و بها كثير من التفاصيل التى سوف تنال اعجابك
    و لا تسمع الفيديو مرة واحدة فقط لا اسمعة مرة و اثنين و ثلاثة كمان حتى تقن كل كلمة بة
    و لا تنسى كما تفضل الاعضاء سابقا بتدوين ملاحظاتك على كل فيديو التى بعد ذلك
    سوف تكون كا مرجع لك ان شاء الله
    و لكن هذا لا يغنى عن القراءة للكتب و حتى لا تمل من القراءة على الكمبيوتر ممكن طبعها
    يعنى لو ما تحب القراءة من على الكمبيوتر

  10. #10
    مخالف للقوانين
    تاريخ التسجيل
    Aug 2007
    المشاركات
    2,047
    معدل تقييم المستوى
    0

    رد: عرفت غلطى فعلا الصح صح بردك

    أخي العزيز dr_timoon

    علشان هو دارس ميكروسوفت أو ناوي يدرس ميكروسوفت
    يبقى لازم في الأول يدرس N+ بشكل جيد
    ميكروسوفت مش بتشرح شبكات
    ميكروسوفت بتشرح استخدام المنتج بتاعها في الشبكات
    مبتشرحش التبوبولوجي
    وشرحها لل Subnetting متواضع جدا
    مبتشرحش حاجات كتيرة قوي المفروض بديهية لكل دارس للشبكات
    دول حتى بيطلبو منك قبل دراسة الشبكات يكون معاك N+ أو على الاقل ملم بكل ما فيها من معرفة
    هتخسر كتير لو درست ميكروسوفت وبس

    وهتتحرج كتير لما حد يكون عنده معلومة من N+ في أساس الشبكات وانت متسمعش عنها أساسا

  11. #11
    عضو
    تاريخ التسجيل
    Jul 2008
    المشاركات
    336
    الدولة: Egypt
    معدل تقييم المستوى
    0

    رد: عرفت غلطى فعلا الصح صح بردك

    شكرا علي التوضيح الجميل

    ربنا يكرمك

  12. #12
    عضوية جديدة
    تاريخ التسجيل
    Jun 2008
    المشاركات
    22
    معدل تقييم المستوى
    0

    رد: عرفت غلطى فعلا الصح صح بردك

    بجد مش عارف اعبر عن الشكر ليكو يا اخواتى الاعزاء وبالزات أخي العزيز dr_timoon

    فهو يكاد يكون قرب يفهمنى فعلا ولكنى ليه استفسار انتا قولتلى انى ابدا كورس كورس يعنى مثلا كورس Xp

    ابداه زى ما بتقول من شرح اخونا احمد جوده ماشى وده كفايه وباقى الكورسات ازاكرها منين لان مش كلها مشروحه

    بعدين انا عندى مجموعه testout ينفع ابتدى منها بس وهيا كافيه للموضوع ده ولا اعمل ايه بالضبط

  13. #13
    عضوية جديدة
    تاريخ التسجيل
    Jun 2008
    المشاركات
    22
    معدل تقييم المستوى
    0

    رد: عرفت غلطى فعلا الصح صح بردك

    وعلى فكرة انا مش ميح اوى يعنى انا بردك استفدت يعنى انا الحمد لله بعرف اعمل دومين وانزل DNS والاكتف

    واعمل يوزر و OU عليه يعنى الحمد لله استفدت شوية بردك بس فى حاجات بقى الى بتبقى فنيات ده الى

    مش عارفها وكنت اما اروح اى انتر فيو كان يسالنى مش كنت بعرف اجاوب وحتا كان بيقولى انتا كده شكلك

    خت الشهاده بالتست كينج فعشان كده نفسى ادرسه تانى بس بقوة اوى عشان ابقى كويس فيه باذن الله

  14. #14
    عضو الصورة الرمزية eng2006_moh
    تاريخ التسجيل
    Jun 2007
    المشاركات
    143
    معدل تقييم المستوى
    0

    رد: عرفت غلطى فعلا الصح صح بردك

    اخى الفاضل .اهم حاجة الاتتهاون بالتطبيق العملى للفيديوهات النظرى , قد يبدو لك ظاهريا ان التطبيق سهل ولكنه يظهر لك بعد التفاصيل والمشاكل التى بحلها ستستفيد وتثبت معلوماتك

  15. #15
    عضو الصورة الرمزية hamdy916
    تاريخ التسجيل
    Sep 2005
    المشاركات
    249
    الدولة: Egypt
    معدل تقييم المستوى
    0

    رد: عرفت غلطى فعلا الصح صح بردك



    استعن بالله وابدا مش تضيع وقت
    ربي لجات اليك باكيا .. رحمة وغفران باغيا
    هلكتنى معاصيا نادما .. اسألك قلبا لك خاشعا

صفحة 1 من 2 1 2 الأخيرةالأخيرة

المواضيع المتشابهه

  1. مشاركات: 4
    آخر مشاركة: 29-04-2011, 03:00
  2. الب جل بريك للايفون فور الاصدار 4.3
    بواسطة ابوعليان في المنتدى الأرشيف
    مشاركات: 0
    آخر مشاركة: 26-04-2011, 12:09
  3. لماذا الجيل بريك ؟؟؟؟
    بواسطة Dr_Taha في المنتدى الأرشيف
    مشاركات: 7
    آخر مشاركة: 15-10-2010, 03:49
  4. مشاركات: 3
    آخر مشاركة: 03-12-2009, 14:51
  5. إعرف برجك ...
    بواسطة الفجر القادم في المنتدى الأرشيف
    مشاركات: 8
    آخر مشاركة: 04-01-2005, 19:31

الكلمات الدلالية لهذا الموضوع

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •