السلام عليكم ورحمة الله وبركاته

أولا:الاخوة الاعزاء في منتدى عرب هاردوير اللي بجد فخور انه يكون وسطهم اتمنى لكم الصحة والسعادة.
اجمل ما في هذا المنتدى فعلا روح الاخوة مابين الاعضاء ومحاولاتهم الدئوبة لنفع بعضهم البعض
ومعظمها بيكون لوجه الله تعالى واتمنى اكون واحد من الناس اللي بياخدوا حسنات كتيرة لمساعدة غيرهم.
واتمنى استمرار هكذا اعمال لان اظن لو كل العرب والمسلمين تحلوا بهذه الروح هنستعيد امجادنا مرة

اسف على الاطالة في المقدمة فده اول موضوع لي هنا:cool::p.

ثانيا: في اول مناقشاتي معكم عايز اعرف رايكم في الاتي:

فائدة كلية الهندسة لخريجها وخصوصا خريجي قسم الاتصالات والالكترونيات في مجال الشبكات؟
وحابب اوضح وجهة نظري بمثال .

افرض دلوقتي بعد اجتياز مرحلة الثانوية العامة (قول كان عندك 20 سنة:D) دخلت انت كلية هندسة
صاحبك قال هخش في مجال الشبكات على طول وخد كورس N+ وبعدها كورس ccna واخد الشهادة بعد سنة مثلا (كنت انت يا دوب مخلص اعدادي وجبت جيد جدا وضمنت انك تخش قسم كهرباء:D) .
السنة اللي بعدها صاحبك درس الccnp وخد شهادتها وانت دخلت قسم اتصالات.
صاحبك عمل السي في بتاعه وبدات الشركات الكبرى تطلبه وانت لسه قدامك 3 سنين عشان تخلص الكليه ولسه هيتقال عليك حديث التخرج ومش هتاخد غير القواعد البسيطة جدا في الشبكات ده غير الضغط وتعب الاعصاب اللي انت بتبقى عايش فيه.
وتبدا انت فيما بدا فيه صاحبك من 5 سنين و تمكن منه وقد يفضله بعض رؤساء العمل عنك رغم انك جايب مثلا تقدير جيد جدا.
في حالات زي كده ازاي الكلية هتكون نفعتك؟:confused:
هذا مثال فرضي جدلي حبيت اوضح بيه فكرتي:cool:
وارجو ان اكون وفقت في هذا:o
وبالطبع انا طرحت الموضوع عشان اعرف ارائكم
اسف على الاطالة:p:p
والسلام عليكم ورحمة الله بركاته