ازاي ممكن أتحكم في الشبكة

[enfelak]

السلام عليكم ورحمة الله وبركاته
إخواني الكرام أعضاء المنتدى أرجو أن يتسع صدركم لسماع مشكلتي
الحقيقة العبد لله عامل خط الدي اس ال بقالي تقريبا سنة والسرعة عندي 256 وفي واحد تاني بس مشترك معايا وكل اللي حصل اني وصلتله الخط يعني جبت السلك بتاعه حطيته في الراوتر لأنه عندي فأولا أنا عاوز أسئل هل بالطريقة دي بقي فيه شبكة بيننا ؟
المشكلة بقى انه هو لما أنا أكون بعمل داونلود وأنا مثلا الداونلود عندي بقي 50% وهو بدأ يعمل داونلود ألاقي عندي سرعة الداونلود وصلت 0 كيلو بايت / ثانية وميرضاش يكمل الداونلود وأنا علشان الراوتر اللي عندي سبيد تتش ففي في الراوتر لمبة لكل مستخدم بتنور أول لما يشغل الجهاز ولما يكون المستخدم بيعمل داونلود اللمبة بتطفي وتولع بسرعة فبعرف المهم انه بيعمل داونلود والحقيقة أنا مرضتش أظلمه ولا أشك فيه وخصوصا إني أنا عارف انه مبيعرفش قوي في النت والعبد لله معلمه شوية حاجات أول لما وصلنا الخط وعلاقتي بيه طيبة فلما سألته لقيته بيعمل داونلود ببرنامج ال bit commit وعرفت برضه ان البرنامج ده لما بيعمل داونلود بياخد السرعة كلها وسواء هو كان عارف ده وبيعمله متعمد أو مش عارف فأنا مش عاوز أعمل أي مشكلة معاه لأني أنا بحبه وبحترمه وخصوصا ان هو جاري والنبي وصى على سابع جار بس عاوز طريقة أقدر بيها لما هو يكون بيعمل داونلود اني أقسم السرعة بيني وبينه بالإنصاف بحيث لا أنا اتظلم ولا هو كمان
أرجو الإفادة ولو في اي استفسارات اكتبولي في الموضوع وأنا هجاوبكم
بارك الله فيكم وجزاكم كل خير
والسلام عليكم ورحمة الله وبركاته

[memoragaa]

اخى الكريم انا لم افهم سؤالك عذرا ما هو المطلوب معرفته بالضبط ؟؟
بالنسبة لبرنامج ال bit commit فهو فعلا بيسحب السرعة كلها وذلك لأنه اولا بيستخدم ال Upload Traffic الخاص بالسرعة وبالتالى لا تستطيع حتى فتح مواقع لأنه لا يمكنك الخروج اصلا إلى سيرفر الشركة لكى تعطى ال Request الخاص بك وبالتالى الداونلود لا يستطيع العمل وذلك لأنه يتعامل ب TCP Protocol وبالتالى لابد من التأكد من وصول الداتا حتى يتطيع ارسال غيرها ومن هنا نجد انك لا تستطيع استكمال الداونلود الخاص بك وتصل سرعته إلى 0 للأسباب التى تم ذكرها أرجو ان أكون استطعت توضيح المشكلة

وبالنسبة للحل يمكنك الدخول على البرنامج عند جارك ومن خانة ال Tools تختار ال Connections ومنها تحدد سرعة ال Upload and Download وبما ان اشتراكك 256 ولكى تستطيع ان تعمل انت وهو فى نفس الوقت يمكنك تحدي ال Upload 4Kb وال Download 8Kb واعتقد هذا الحل مناسب وارجو ان تكون وضحت المشكلة ووضح الحل

[enfelak]

بارك الله فيك أخي الكريم على الرد الجميل وجزاك الله خيرا
ولكن كان عندي سؤال ممكن أقدر أتحكم في السرعة من على الشبكة نفسها بدون ما أظبط البرنامج من عنده بمعنى آخر هل في برامج أقدر عن طريقها أحدد له السرعة بتعته بيها من عندي أنا وكما قلت من قبل ان الراوتر عندي

[Nightspy]

بس انت بتقول ان السرعة 256 ودى سرعة ضعيفة جدا هتحدد فيها اية وكمان اى داونلود هيشتغل هيضعف الشبكة عندك لان السرعة ضعيفة

[memoragaa]

والله اخى الكريم السرعة لا تحتاج لتحكم كما ذكر اخونا المميز نايت سباى يمكنك ان تتكلم مع جارك وتعرض عليه المشكلة وانك لا يمكنك عمل اى شئ او تصفح طول ما هوا مشغل برنامج ال bit torrent وحلو المشكلة وديا

[enfelak]

بارك الله فيكم جميعا إخواني ووفقكم دوما إلى الخير وجعلكم في قضاء حوائج الناس وبلغكم جميعا رمضان وجعلكم من عتقائه من النار فيه
والسلام عليكم