إستفسار بشأن إعادة إمتحان CCNA

**polaris** · 02-09-2008, 13:44

السلام عليكم ورحمه الله وبركاته
يا جماعة واحد من الطلبة اللى انا كنت بديهم الكورس راح يمتحن فى سنتر معين فى الشرقية الكهربا قطعت عليه فى سؤال السيميوليشن وطبعا كلكم عارفين ان السؤال دا عليه اعلى درجة فى الامتحان دا غير ان الجهاز هنج تلت مرات و الكيبورد اتغيرت مرة وكل دا وهوا قاعد يمتحن وفى الاخر النتيجة الطبيعية انه نزل فى الامتحان وعلى درجة 815 ولما طلع الريبورت اكتشف ان السؤال اللى نزله هوا سؤال السيميوليشن رغم انهن قالو له هناك ان كل حاجة بتتسيف على السيرفر
وطبعا قالوله ان دى مش مسؤليتهم ورغم كدا قال ماشى طيب على الاقل اشوف حكاية ال second shot قالوله بردو انهم مش هيساعدوه فى حاجة لان مفيش حاجة اسمها كدا
وكدا هيمتحن تانى على حسابه
طيب يا ترى الكهربا اللى قطعت والجهاز اللى هنج تلت مرات دى مسؤلية مين؟
و يا ترى مفيش اى طريقة يروح يمتحن تانى ببلاش second shot
برجاء سرعة الرد

**هندسه العاشر** · 02-09-2008, 19:24

اخي العزيز
اعتقد ان هدفك هو مراسلت شركه vue
وذكر ما حدث بالتفصيل وكل شئ وطلب فرصه اخري مجانيه
وذكر مشاكل المركز حتي يكون موضوع تحت اعنيهم واساسا معرفتهم لشئ مثل هذا يحتمل الغائهم كمركز اختبارات اساسا
واري ان ترسل نفس الرساله الي شركه سيسكو
وتنتظر منهم الرد
ولكن لا تنسي ذكر كالتفصيل
اي طالبك يقول كل شئ ومكان المركز والساعه وكل التفاصيل التي حدثت
وان شاء الله يمتحن مره اخري مجانا
والمركز يأخذ جزاته من الVUE بسبب الاهمال ووجود اجهزه ذات مستوي سئ وغيرها
وابقي طمنا والله مع طالبك اخي العزيز

**polaris** · 03-09-2008, 10:26

ميرسى اوى يا باشا على المعلومة بس يا ريت تقولى ازاى ابعت ل vue و cisco واراسلهم على اى ايميلات؟
وبالنسبة لبيانات الطالب هتصل بيه دلوقتى ان شاء الله واعرف بياناته كلها
يا ريت سرعة الرد قبل ما يدخل الامتحان تانى
وميرسى اوى اوى تانى

**hodhodegypt13** · 03-09-2008, 12:31

https://ciscocert.custhelp.com/cgi-b...ge=std_alp.php

**lumark_s** · 03-09-2008, 12:39

السلام عليكم

غيرت عنوان موضوعك لأنه لا يصح يا أخي أن تعنون المقال بإسمي، وكما ترى فالمهندس محمد عادل هو من أجابك ولست أنا ، فبرجاء الإبتعاد عن عنونة المواضيع بإسمي أو بإسماء مشرفين، لأنني بصراحة لست أفضل من هؤلاء النخبة في المنتدى، كلهم أفضل مني وأقدر مني على إجابتك بسرعة، فيرجى عدم عنونة مواضيع بإسمي لأنني ببساطة لست أفضل منهم.

**polaris** · 04-09-2008, 10:00

انا اسفة جدا يا باشا انا اللى كنت اقصده انى عارفة انك ممكن تساعدنى بشكل عملى
لكن انا عارفة ان كل المنتدى كفاءات

**hungrymind** · 06-09-2008, 18:52

اعتقد شخيصيا ان ممكن المركة يتسحب منه رخضة امتحانات سيسكو لو بلغ سيسكو الكلام ده والله اعلم لان ده استعباط من المركز

**polaris** · 07-09-2008, 10:19

يا جماعة الحمد لله الطالب امتحن امبارح ونجح بعد ما بعت ايميل شكوى ل vue وحكى لهم اللى حصل فبعتوله ايميل اعتذار وامتحن مجانى
عايزة اقولكم انه راح امتحن فى نفس السنتر لانه مش يعرف مكان غيره وهوا بيمتحن لقا واحد دخل على جهازه remotly ببرنامج ال netop
بس الحمد لله عدت على خير ونجح
ميرسى اوى اوى على ردودكم ومساعدتكم لينا