ضمان جرير زفت بما تحمله الكلمة من معنى

[ABDULAZYZ11]

بسم الله الرحمن الرحيم
السلام عليكم ورحمة الله وبركاته
ملخص السالفة من أولها لاخرها :
ضمان جرير زفت بما تحمله الكلمة من معني

انا عاانيت انا وياهم بالبطارية
وهذي قصتي :
في يوم الخميس 25/2/1428هـ اشتريت جهازي الـdv2282ea hp بعد مشاورات ومداولات لان قيمة الجهاز عندي تعتبر مثل قيمة سيارة << طالب
اهم شئ رحت لجرير (فرع بريدة-القصيم)
واشتريت الجهاز بـ 4990 ريال طبعا ما عطوني شئ لا شنطه ولا فارة << يعني الجهاز وكرتونه بس

طلعت مستانس بجاهزي الجديد
وبعد شهرين صارت عندي مشكله بالمفاصل < واحد منهم مرتخي
رحت لم جرير (فرع بريدة-القصيم)
وقلت له المشكلة قالي بالحرف الواحد : المفاصل ما تدخل تحت الضمان << قلنا يمكن يعتبرونها سوء استخدام
طلعت
وبعد شهر تقريبا شهر خمسة هجري (الجهاز لحد الآن ما كمل ثلاث شهور)
خربت عندي البطارية < صارت ما تكمل 10 دقايق
رحت لم جرير وقالي الموظف (***) : البطارية ما تدخل تحت الضمان << وش بقي بالله
واتمشكل انا وياه
قلت له وش اللي يدخل تحت الضمان اجل
ويعدد لي اشياء ما فيه امل تخرب
اهم شئ كان الوقت متأخر وطلعت ولاكان قومت الدنيا ولا قعدته
اهم شئ رحت لمهم بعد ثلاث اشهر من السالفة (الجهاز تحت الضمان)
قلت خل نسأل عن البطارية يمكن غيروا نظامهم
سألت ويقولي نفس *****: البطارية تدخل تحت الضمان أول ثلاث شهور << بغيت اصفقه بكف اخليه ينسى كان على البطارية ضمان ولا لا
قلت وشلون تقولي قبل انه ما تدخل
ولا الرجال ناسي اني كد جيته
واقوم الدينا ولا اقعده
ويقولي ما فيه شئ يثبت انك جيت عندنا قبل ثلاث شهور
طلعت من عندهم اجر اذيال الخيبة << اقاله لغة
اهم شئ قبل شهر ( يعني الضمان منتهي له ثلاث شهور)
رحت لم فرع الرياض ابشتري هاردسك قلت خلنا نمر على الصيانة نسألهم << كل ما دخلت جرير أسألهم
اهم شئ دخلت وسألت وتفاجأت به يقول ان اي قطعه بالجهاز تدخل تحت الضمان لاخر يوم من الضمان
قلت طيب وش اسوي انا الحين قالي رح لم الفرع اللي قالوا لك هالكلام وادخل على المدير خله يعطيك ورقة علشان نبدل لك البطارية
قلت زين
واطلع من عندهم واتصل على فرع بريدة واقولهم ابي المدير
واكلم المدير واقوله السالفة من طق طق الى مع السلامة
يقولي ان البطارية ما تدخل الا اول ثلاث شهور
اقوله يا ابن الحلال حقين الرياض يقولون تدخل تحت الضمان
يقولي دق عليهم قلهم يرسلون لنا ايميل بالتعليمات اللي عندهم << شغال عند اللي خلفوك

اهم شئ اني قلت له دق انت عليهم
قالي خلاص
يوم دريت ويدقون علي حقين الرياض ويعطونن رقم ويقولون هذا رقم الادارة دق وقدم شكوى حنا مانقدر نسوي لك شئ<< يعني تقلع

وادق على الرقم ما يردون
وادق ما يردون
وادق مقطوع الرقم
يعني معطينن رقم عشوائي

قلت انا منب اقولهم دخلون الجنة خلهم يتقلعون بقريح اللي ما يردهم لاهم ولا بطارياتهم

اهم النقاط التي تستفاد من قصتي :
1- ضمان جرير زفت
2- قله الخبرة بعض لدى موظفين جرير
3- اذا رحت لم اي محل قله يعطيك ورقة تثبت زيارتك له حتى لو ما شريت شئ <
أي واحد عنده اقتراح يفيدنا على الايميل التالي :
abdulazyz11@w.cn
ونقبل الاضافات من قبل المسؤلين << ارحمنا يا شيخ

مع اني ايست من شئ اسمه بطارية

بطاريتي الآن تستمر لمدة 20 ثانية

شكرا

[Mubarak]

اعتذر على التصرف في مقالك بإزالة الجنسية لأنه تثير الحساسية وهذا نرفضة في منتدانا.

أما جرير فليست بشركة كمبيوتر ولا لها علاقة بالكمبيوتر حدها الكتب، لذلك لا أشجع على شراء أجهزة متكاملة منها.

الجهاز كاملا يدخل في الضمان، وإذا فعلا كانت قصتك حقيقية فهذا يعني أنك تتعامل مع حفنة من اللصوص.

والذي أقترحه عليك أن تصدمهم بتصرف عجيب وهو تقديم بلاغ ضدهم في الشركة، ويمكنك التواصل مع محامي لتستشيره.

[ABDULAZYZ11]

اولا اعتذر عن خطأي لكن من باب شمولية القصة

ثانيا :
اقسم بالله العظيم ان هذا اللي حصل بالضبط

ثالثا :
قدمت شكوى لشركة HP
وردوا علي برد عجزت لا افهمه يخربط يقولي
نشط البطارية وقم بخفض الاداء لجعل البطارية تدوم لفترة اطول

يعني ولا كأني قايل لهم ان البطارية خربانه وان البلا من جرير

[AMD_PC]

خارج الموضوع اخي الكريم
هل انت تستخدم الجهاز عن طريق المحول ( الشاحن ) والبطاريه راكبه بالجهاز ؟

[ABDULAZYZ11]

نعم استخدمه
لكن هذا لا يلغي الضمان
وانا اعلم ان هذا سبب خراب البطارية

[muerte]

فعلا، لا أدري ما سبب إقبال الناس على الشراء من جرير رغم أسعارهم وسوء الخدمة.
رغم فترة إقامتي البسيطة في المملكة، إلا أن ما أرى من أجهزة تأتي لي من مكتبة جرير ومستوى أسعارهم مقابل الخدمات المقدمة، لا يعطي انطباعا جيدا.

[ABDULAZYZ11]

فعلا، لا أدري ما سبب إقبال الناس على الشراء من جرير رغم أسعارهم وسوء الخدمة.
رغم فترة إقامتي البسيطة في المملكة، إلا أن ما أرى من أجهزة تأتي لي من مكتبة جرير ومستوى أسعارهم مقابل الخدمات المقدمة، لا يعطي انطباعا جيدا.

سبب شرائي للجهاز من عند جرير هو فلة المحلات اللي تنزل الاجهزة الجديدة عندنا
وبس

[FAO]

سبب شرائي للجهاز من عند جرير هو فلة المحلات اللي تنزل الاجهزة الجديدة عندنا
وبس

هذا السبب ينطبق على السوق السعودي بشكل عام مع تفاوت بسيط بين بعض المدن أضف الى ذلك ضعف الوعي عند المستهلك فلا أبالغ إذا قلت أن 70% أو 80% ممن يرغبون في الحصول على أجهزه -محموله كانت أو مكتبيه- لايعرفون الفرق بين عمل الرام و الهاردسك مثلا
ولذلك يكونون ضحية لطمع كثير من التجار.

[ABDULAZYZ11]

هذا السبب ينطبق على السوق السعودي بشكل عام مع تفاوت بسيط بين بعض المدن أضف الى ذلك ضعف الوعي عند المستهلك فلا أبالغ إذا قلت أن 70% أو 80% ممن يرغبون في الحصول على أجهزه -محموله كانت أو مكتبيه- لايعرفون الفرق بين عمل الرام و الهاردسك مثلا
ولذلك يكونون ضحية لطمع كثير من التجار.

صحيح
ولا يكون فيه محل متخصص بالاجهزة المحمولة وبسعر معقول كان شف سوق جرير وغيره كيف بيكون

وبالنسبة لقله الوعي فهي موجودة وبكثرة

[one-zero]

طيب يا جماعة في هذا الشهر الفضيل نطبع فلايرز او بورشرات ( دليل صغير من ورقة واحدة ) يوعي الناس و يوضح لهم اهم النقاط التي من الممكن تؤدي الي النصب عليهم في مجال شراء laptops

[muerte]

معروف أن جرير وكيل لأكثر من ماركة ومنهم dell
ولكن ليست الوكيل الوحيد.
فهناك مترا أيضا، وهي الوكيل الذي يتعامل معه أغلب تجار الجملة.
وتجار الجملة يتعامل معهم التجار، ومنهم من له معارض يبيع فيها.
ورغم أن الربح موزع بين (مترا - تاجر الجملة - التاجر) ولكن السعر النهائي يكون أقل من سعر جرير وفي حالتهم الربح كله يكون لجرير فقط.

أعتقد أن إرسال تقرير بالحادث إلى شركة dell قد يفيد، لا سيما إذا تكررت الخطابات فربما تضغط dell على جرير لتحسين خدمات ما بعد البيع، لأنها كوكيل مسئولة عن تقديم هذه الخدمات لأنها تعتبر ممثل لdell

[Mubarak]

معروف أن جرير وكيل لأكثر من ماركة ومنهم dell
ولكن ليست الوكيل الوحيد.
فهناك مترا أيضا، وهي الوكيل الذي يتعامل معه أغلب تجار الجملة.
وتجار الجملة يتعامل معهم التجار، ومنهم من له معارض يبيع فيها.
ورغم أن الربح موزع بين (مترا - تاجر الجملة - التاجر) ولكن السعر النهائي يكون أقل من سعر جرير وفي حالتهم الربح كله يكون لجرير فقط.

أعتقد أن إرسال تقرير بالحادث إلى شركة dell قد يفيد، لا سيما إذا تكررت الخطابات فربما تضغط dell على جرير لتحسين خدمات ما بعد البيع، لأنها كوكيل مسئولة عن تقديم هذه الخدمات لأنها تعتبر ممثل لdell

عين الصواب

[C|EH]

السلام عليكم ورحمة الله ،،

انا عضو في جرير قديم وعندي بطاقة VIP بخصم 20% وجرير تعتبر من افضل اماكن الشراء ، واسعار اجهزتها جيدة جدا ،،

انت المفروض تتعامل مع الموقف صح ، من الاول تدخل على المدير ، في مثل هذه الامور لا ينفعونك الموظفين العاديين ،،

في مشكلى صارت قبل ببعض اجهزة سيمنز و hp وهي تفريغ البطارية ، بسرعة تتفرغ البطارية ، بس اللي اعرفة انهم اصلحوها ،،

انت الله يعينك ، انا اقول شوف لك حيلة تاخذ فيها بطارية ، واحد من جماعتك مثلا عندة نفس الجهاز او جهاز تركب عليه نفس البطارية ، ويكون جديد ابو 3 شهور ، بدل معه البطارية وخل يروح جرير ،، ويعطونة جديدة وخذها انت ،،

[ABDULAZYZ11]

السلام عليكم ورحمة الله ،،

انا عضو في جرير قديم وعندي بطاقة VIP بخصم 20% وجرير تعتبر من افضل اماكن الشراء ، واسعار اجهزتها جيدة جدا ،،

انت المفروض تتعامل مع الموقف صح ، من الاول تدخل على المدير ، في مثل هذه الامور لا ينفعونك الموظفين العاديين ،،

في مشكلى صارت قبل ببعض اجهزة سيمنز و hp وهي تفريغ البطارية ، بسرعة تتفرغ البطارية ، بس اللي اعرفة انهم اصلحوها ،،

انت الله يعينك ، انا اقول شوف لك حيلة تاخذ فيها بطارية ، واحد من جماعتك مثلا عندة نفس الجهاز او جهاز تركب عليه نفس البطارية ، ويكون جديد ابو 3 شهور ، بدل معه البطارية وخل يروح جرير ،، ويعطونة جديدة وخذها انت ،،

طيب ما فيه رقم تسلسلي للبطارية

لكن خل عنك الفكرة قوية:eek:

[ABDULAZYZ11]

ومشكورين يا اخوان على الردود