مساعدة فى كسر سعة e2180مع945pl

[BAZOOKA_N2O]

شوف ياسيدي انا وجدت الاتي
cpu multi = 250
ram fer = 2.66 واعتذر عن الخطأ (انا قلت قبل كده 3.33 )
بالنسبة للفولت كله على normal
اما بالنسبة لل pci ex
المفاجأة وبعد محاولات لقيتها 115

[Stokon]

مش كتير 115؟

[BAZOOKA_N2O]

يعني ايه طيب افضل كده واطنش ولا بناقص الاوفر كلوينج

[BAZOOKA_N2O]

وانت كمان جرب نفس الاعدادات اللي انا عاملها وقولي الاخبار ايه معاك
ولازم يبقى قلبك جامد ومش لازم تخاف عشان البيوس لو لقى الاعدادات اللي انت حاطهها مش مناسبة مش هيقبل يفتح زي ما بيحصل معاك الخوف بيجي لما الجهاز يقبل ويشتغل بس الهاردوير ميستحملش لفترة طويلة

[Stokon]

بس أنا أنصحك بلاش 115 ديه خالص نصيحة من أخوك يا باشا
معروف بعد 100 لو زادت لفترة هتضر الكارت ما بالك ب115؟؟
بعدين أنا خلاص شكلى مش عامل overclcok ولا حاجة

[BAZOOKA_N2O]

بص يا سيدي بعد محاولات اقدرت اوصل ل 113 وده اخر حاجة الجهاز رضى انه يقبلها
بس انا فعلا بصراحة مش عارف ومتردد جدا لأن الجهاز بعد الاوفر كلوينج اداءه بقى حاجة تانية وخصوصا في التطبيقات الجامدة وجربت اعمل اختبارات ببرامج قياس ثبات الجهاز وصلت لحد ساعة ونص بدون اي مشاكل ماعدا ارتفاع درجة الحرارة وصل معايا لحد 65 واقدرت اتغلب على النقطة دي بعد مانزلت فولت البروسيسور ل1.15
وصلت الحرارة بعدها 50-55 وثبتت على كده مع العلم ان البرنامج كان شغال وانا مشغل برامج وحاجات كتير في نفس الوقت ولم اشعر بأي تهنيج او حتى تأثير ولو بسيط على الاداء مع العلم برضه ان البرنامج لوحده بيوصل استهلاك البروسيسور ل100%
فأنا شايف انه كله تمام بس الرأي الاول والاخير للخيراء وخصوصا في الموضوع ده

[Stokon]

أزاى فولت 1.15 !!!!! و ثابت !!
الأفتراضى 3.2500

[yazan soft]

أزاى فولت 1.15 !!!!! و ثابت !!
الأفتراضى 3.2500

:eek::eek::eek:

بنتيوم ديول كور ,, بعد فولت 1.50 مبشر له بالموت :eek: فما بالك ب 3.2500 شو رح يصير فيه :eek: حيكون مات وخلص اعتقد تقصد 1.325

[BAZOOKA_N2O]

هو فعلا يقصد 1.325
بس السبب الاساسي اللي خلاني انزل الفولت من 1.325 الى 1.15 هو الفولت اللي شغال بيه البروسيسسور ولو حتى مع اقصى درجات التحميل لم يتجاوز 1.68 طبقا لبرنامج افريست و cpu z

(بصرف النظر تماما انه طبقا للمنطق العكس هو الصحيح وخصوصا مع الاوفركلوينج)

لكن هذا هو واقع جهازي الان (وربنا يستر):D:D:D

[Stokon]

أنا أسف كنت أقصد 1.3250
واضح عندى أن البوردة فيها مشكلة لأانى خفضت تردد المعالج ألى 195 و الجهاز مفتحش!!

[BAZOOKA_N2O]

يا عم واحدة واحدة
اولا البرسيسور 2.0 جيجا هيرتز
يعني الباص سبيد (اللي انت خليته 195) الطبيعي =200
معامل الضرب الطبيعي =10
سرعة ناقل السرعة الامامي (fsb )
=800
200 * 10 = 2000 ميجاهيرتز وسرعة الناقل 800

نيجي لو حسبنا اوفركلوينج بنسبة 25% زي ما انا عامل هنلاقي:
250 * 10 = 2500 ميجاهيرتز و fsb = 1000

[BAZOOKA_N2O]

المشكلة الاساسية في اوفر كلوينج هي
انك ماتقدرش تعلي حاجة وتسيب حاجة في حاجات غصب عنك لازم تعلى معاك زي تردد ال pci ex
مثلا وبالتالي هتلاقي حاجات كتير مش هتظبط معاك زي ماهو حاصل معايا حاليا

وفي حاجة مهمة مش لازم لا انا ولا انت ننساها

الشيبست 945 محدودة جدا في كسر السرعة للأسف

بإستثناء تجربتي السابقة اللي انا قولتلك عليها مع e2140 فالكل بيأكد هذه الحقيقة

[Stokon]

أنا بجرب downclok منفعش!!!

[BAZOOKA_N2O]

يا سلام عليك
انا عمري في حياتي ما عملت داون كلوك غير مرة واحدة وكنت لسة جديد في الموضوع ده واللي حصل ان انا نزلت معمل ضرب البروسيسور من غير ما الاحظ والتردد نزل كتير وايامها فكرت ان البروسيسور باظ (الكلام ده من 8 سنين ايام بنتيوم 3)

[BAZOOKA_N2O]

بص يا سيدي اشتري دماغك
لو انت من الاخر يعني غاوي اوفر كلوينج وانك توصل بالجهاز لأعلى من أعلى اداء ممكن ليه يبقى البوردة ده مش هتنفع معاك
اما لو انت زي العبد لله نفسك كل حاجة تشتغل عندك وبأقل امكانيات فأقدر أقولك ان البوردة دي ممكن تحققلك ده
الخلاصة يا تجمد قلبك وتعمل اوفر كلوينج زي انا كده يا تستنى شوية وتجيب بوردة اعلى
يا ترضى باللي عندك وهي والله كويسة جدا وانا شغلت كل الالعاب الحديثة بأداء مقبول جدا بما فيها كرايسس