النتائج 1 إلى 12 من 12

الموضوع: ما لا تعرفة عن شاشة LCD وما يجب معرفته عند شراء شاشةLCD جديدة

  1. #1
    عضوية جديدة
    تاريخ التسجيل
    Aug 2008
    المشاركات
    18
    معدل تقييم المستوى
    0

    Thumbs up ما لا تعرفة عن شاشة LCD وما يجب معرفته عند شراء شاشةLCD جديدة



    بسم الله الرحمن الرحيم

    الموضوع رح يكون عن شاشات ال LCD
    و انا لاحظت بالفترة الاخيرة انو معظمنا بلش يغير شاشة الكمبيوتر ويحط بدالها LCD
    شغلة منيحة يعني

    وحبيت اعمل موضوع عن هالموضوع مشان الناس تعرف تميز وتقارن بين الشاشات وخصائص الشاشات وتعرف عيوب كل شاشة و تعرف شو لازم تسوي لما تنزل تشتري شاشة LCD
    ولازم الكل يتعرف على الشاشة ازا كانت منيحة ولا لأ


    1- --- أهم شي في شاشة LCD شغلة اسمها Response Time و هي معناها المعدل الزمني للاستجابة ( لمؤثر بصري ) وهاد مهم كتير كتير كتير في كفاءة الشاشة ونقاء الصورة بالعرض

    - ازا في حدا منا جاب شاشة LCD من زماااااان كنا لما نتفرج شغلة عالشاشة كنا نشوف او نتوهم بوجود تبقع و مربعات (وكأنو مكبوب مي عالشاشة ) السبب : لانو Response time كان عالي كتير هديك الفترة وكان تقريباً MS 20


    اما هلا بهاد الوئت الشركات تطورت وتقدمت وحسنت ال Response time لدرجة انه نزلت لحد ال MS 2
    شوفو الفرق بين ال MS 20 و MS 2 :eek:
    شفتو الفرق شو كبير واااااضح وهاد يلي خلا الشاشة رااائعة بعرض المؤثرات البصرية متل الالعاب والافلام وغيرها ........


    و مشان نضل تحت المجهر وتحت الامر الواقع ثبت انو أي شاشة ال Respose time خاصيتها لا تقل عن MS 7 فهي شاشة جيدة وتتناسب مع الالعاب والافلام
    انا شفت عنا بسوريا معظم الشاشات بين ال MS 5 و MS 2
    وهاد شي لو وبيخلي المستهلك مرتاح كتير وما يخاف من الغش او الجهل


    2- --- ال Refresh rate وهيه تاني اهم شغلة بالشاشة وهي معدل التجديد ( التنشيط ) وهي فائدتها مهمة كتير كتير بالالعاب وبتظهر بالالعب كتير كتير كتير بالالعاب اللي فيه9ا خطوط مستقيمة متل الفيفا
    ومنلاحظ كمان انو بيصير في تكسير وتموج بالخطوط لما بيكون ال Refresh Rate قليل وغالباً ما يكون ال Refresh Rate بمعظم الشاشات من 60Hz الى 72Hz بال LCD
    وطبعاً في شاشات بتوصل لحد 200Hz بس هي سعرها خرااااافي ههههههه
    يعني احسن شي للمستخدم المنزلي 85Hz
    بس كلامي ما بيعني انو ال 72 و 75 مو منيحة بس متل ما حكينا سوا كل ما كانت ال Refresh rate اكتر بيكون احسن


    3- --- هي النئطة يعني بصراحة مو مهمة كتير كتير وهيه ال Contrast ratio
    وهيه يعني معدل التباين وهاد بيفرق بالسطوع ووضوح الالوان على الشاشة وهو غااااالباً صغب التفريق فيه بس معظم واغلب التجارب والملاحظات اثبتت انو من اول نسبة 1:700 لحد نسبة 1:5000 تحتوي كل الاولان الطبيعية ويصعب التمييز بينهم
    والحمد الله انو هلا بالسوق كلون 1:700 لو 1:1000 و نادرا تلاقى اعلى من هيك



  2. #2
    عضوية جديدة
    تاريخ التسجيل
    Aug 2008
    المشاركات
    18
    معدل تقييم المستوى
    0

    رد: ما لا تعرفة عن شاشة LCD وما يجب معرفته عند شراء شاشةLCD جديدة

    =====

    على حد علمنا شاشة ال LCD رقيقة كتير و غير هيك انو سطحها رقيق وبيتأثر بالطير الطاير حتى لو كانت شغلة صغيرة

    وهي قائمة ب أكثر الاشياء المضرة بالشاشة :

    1 : -- لا تحط اي شي سخن او باااااااارد جنب الشاشة لأنو أي بخار متصاعد بيأثر على المكثفات

    وغير هيك انو بلورات الكريستال بتتأثر بسرعة بدرجة الحرارة والدليل انك اول ما تشغل الشاشة بتشوف الاضاءة ضعيفة وبعدين تدريجياً الاضائة بتزيد بالتريج
    =======

    2 : -- للمدخنين في ناس بتحب تدخن وهي عم تشتغل عالجهاز متلي انا :p وووو بالصدفة ها
    وهو عم يأشر على الشاشة بتيجي السيكارة لامسة الشاشة وبسرعة البرق بتكون عملت نئطة صفراء مع اسوداد الحواف و كأنك حارق كيس نايلون ابيض والسبب انو سطح هالشاشة الخارجي مغلفة بغشاااء جلاتينيي ضاااااغط

    3: -- يلي عندو اخوات زغنيط ( صغار ) حااااول بقدر الامكاان انك تبعد الصغار عن الشاشة لانو لو ضغط على سطح الشاشة بقوة رح تسبب الضغطة علامة دائمة ( طول العمر ) متل ضربة الموس على البني أدم

    =======


    4: -- شاشات LCD بشكل عاااام مفروض يجي معها كبل كهرباء والفيش ثلاثي مشان تتوزع الكهرباء الزائدة بشكل مستقيم او المحافظ على معدل الكهرباء وهذا حال كل وصلات الكهرباء
    يعني احيانا بتلائي الوصلة عادية بهي الحالة يا وصل الشاشة بمنظم كهربا او شفلك حلة من عندك ( الشغلة صارت ب إيدك )

    5: -- أهم نقظة في شاشات LCD و هذا ما لا يعرفه المواطن والشاب العربي
    شاشات ال LCD لها عمر افتراااضي ( ما بتعيش طول العمر شو ما كانت تكون ) يعني ألها عدد ساعاد محدد ومعين رح تشتغلون هي الشاشة وهيهي يعني رح تخرب وتخرب بعد زمن من هالعمر ما تخافو يعني
    و العمر الافتراضي بينقاس بالساعات يعني
    ال Range مثلا 50000 ساعة او 80000 ساعة كمثال
    يعني الشاشة رح تعيش هي المدة المحدة وهي المدة مو صعبة المعرفة لانها متكوبة على الشاشة بالخط العريض وواضحة
    هاد العيب الوحيد لهي الشاشات بالعالم
    يعني العيب الوحيد بين شاشات LCD و الشاشات العادية CRT بتنقاس بمعدل الاهلاك و الاستهلاك يعني حسب حبك للشاشة انت عاد هههههه

    وطبعاً الاستخدام الجيد رح يزيد من عمر الشاشة
    انت طالع مشوار حاول ما تخلي الشاشة شغالة وتطلع وتغيب شي 15 ساعة

    بس ما تتقيد انت وتصير كل ما تروح تسوي كاسة شاي تسكر الشاشة تروح عالسوبر ماركت تسكر الشاشة وترجع تشغلها >>>>> لا


    لانو يا حبيبي انت مثلا جبت شاشة لنفرض انو ال Range كانت
    60000 ( العمر الافتراضي )
    هلا انت قسم ال 60000 على 24 ساعة وهي عدد ساعات اليوم
    رح يطلع معك 2500 يوم قسمهم على 30 يوم عدد ايام الشهر
    رح يطلع معك تقريباًُ 84 شهر رح يطلع معك يا سيدي 7 سنين

    وهاد الحساب على 60000 بس شلون ازا كانت اكتر :D

    بتتصور انك تخلي عندك شاشة 7 سنيــــــــــــــن :eek:

    ههههههههه

  3. #3
    عضوية جديدة
    تاريخ التسجيل
    Aug 2008
    المشاركات
    18
    معدل تقييم المستوى
    0

    رد: ما لا تعرفة عن شاشة LCD وما يجب معرفته عند شراء شاشةLCD جديدة

    بس ضل نقطة واحدة انو من ناحية الانواع والماركات والشركات

    بشكل عاااااام هيه

    ViewSonic , DELL , HP , Philips , SONY , BenQ , Samsung , NEC , TOSHIBA , LG

    وفي ماركات كمان موجدة في دول عربية وغير موجودة في دول اخرى

    اختلاف الاماكن الاستراتيجية واختلاف البلاد المصنعة والاتفاقيات

    على كلن الموهم

    انو هلا حسب البلد وحسب الوكالات انت رح تختار الشاشة

    بسوريا عنا اقوى شركات الشاشات و اكثرها مبيعاً

    SONY
    BenQ
    ViewSonic
    HP








    وهيك خلص الشرح

    و الحمد الله على تمام الصحة و العافية
    وارجو من الله ان تكونو استفدتم
    من الموضوع بشكل كامل ومتكامل




    [/B][/SIZE]

  4. #4
    عضوية جديدة
    تاريخ التسجيل
    Aug 2008
    المشاركات
    18
    معدل تقييم المستوى
    0

    رد: ما لا تعرفة عن شاشة LCD وما يجب معرفته عند شراء شاشةLCD جديدة

    أحسن شاشة LCD سعر/مواصفات/حجم Full HD



    في تجارب أجراها الموقع المشهور toms hardware
    على 6 شاشات 24 بوصة من الفئة الجديدة المخصصة للحواسيب
    و ليس المنزلية رغم أنها تصلح للاستعمالين
    (وجود مداخل YUV أو HDMI
    استنتجوا أن أحسن شاشة جودة صورة و سرعة و سعر
    ( أرخص شاشة في المقارنة 499 يورو ) يعني شي 35.000 ليرة سوري
    يعني شي 2500 ريال سعودي
    يعني شي 700 دولار
    وهيه بجد رخيصة بالنسبة لمواصفاتها

    و هيه شاشة Iiyama ProLite B2403WS،

    وكما ذكرنا في العنوان فالشاشة FULL HD
    أي تعرض بدقة 1900×1600 أي دقة المستقبل خاصة
    مع توجه مصنعي الكاميرات و القنوات الفضائية إلى الHD تدريجيا.
    الشاشات المقارنة :
    Samsung 244T *
    DELL 2407WFP *
    Viewsonic 2435wm *
    Lg L245WP *
    Acer Al2416w*
    Iiyama ProLite B2403WS


  5. #5
    عضو الصورة الرمزية nidal9000
    تاريخ التسجيل
    Jun 2008
    المشاركات
    800
    معدل تقييم المستوى
    10

    رد: ما لا تعرفة عن شاشة LCD وما يجب معرفته عند شراء شاشةLCD جديدة

    الله يعطيك العافيه اخي

    ومشكور على المجهود الرائع

  6. #6
    عضوية جديدة
    تاريخ التسجيل
    Aug 2008
    المشاركات
    18
    معدل تقييم المستوى
    0

    رد: ما لا تعرفة عن شاشة LCD وما يجب معرفته عند شراء شاشةLCD جديدة

    اهلا وسهلا فيك اخي نضال

    وشكرا لك على المرور الكريم واتمنى و أسأل الله انك استفدت من الموضوع

  7. #7
    عضو الصورة الرمزية nidal9000
    تاريخ التسجيل
    Jun 2008
    المشاركات
    800
    معدل تقييم المستوى
    10

    رد: ما لا تعرفة عن شاشة LCD وما يجب معرفته عند شراء شاشةLCD جديدة

    شكرا لك اخي اكيد استفدت من الموضوع

  8. #8
    عضوية جديدة الصورة الرمزية Exganza
    تاريخ التسجيل
    Sep 2008
    المشاركات
    74
    معدل تقييم المستوى
    0

    رد: ما لا تعرفة عن شاشة LCD وما يجب معرفته عند شراء شاشةLCD جديدة

    الله يعطيك العافيه .. معلومات جميلة جدا .. : )
    ( : Success starts with a step

  9. #9
    عضو
    تاريخ التسجيل
    Jan 2008
    المشاركات
    528
    معدل تقييم المستوى
    0

    رد: ما لا تعرفة عن شاشة LCD وما يجب معرفته عند شراء شاشةLCD جديدة

    مشكور اخوي ويعطيك العافيه

  10. #10
    عضو الصورة الرمزية MMBAKRY
    تاريخ التسجيل
    Aug 2008
    المشاركات
    89
    الدولة: Egypt
    معدل تقييم المستوى
    10

    رد: ما لا تعرفة عن شاشة LCD وما يجب معرفته عند شراء شاشةLCD جديدة

    بارك الله فيك

  11. #11
    عضو الصورة الرمزية Mat-Morir
    تاريخ التسجيل
    Jul 2002
    المشاركات
    662
    معدل تقييم المستوى
    17

    رد: ما لا تعرفة عن شاشة LCD وما يجب معرفته عند شراء شاشةLCD جديدة

    ياريت لوكان الموضوع باللغة العربية الفصحة بدلاً من اللهجه المحلية

  12. #12
    عضو برونزي الصورة الرمزية alsadinet
    تاريخ التسجيل
    Feb 2007
    المشاركات
    1,319
    الدولة: Netherlands
    معدل تقييم المستوى
    12

    رد: ما لا تعرفة عن شاشة LCD وما يجب معرفته عند شراء شاشةLCD جديدة



    شكراً على المجهود الطيب.

    ولكن بالنسبة للعمر الافتراضي وأن الشاشة ستنتهي بعدها.... فهذه المعلومة غير دقيقة أخي.
    هذا الموضوع ينطبق فقط على شاشات Plasma
    أما بالنسبة لشاشة LCD فإن العمر الافتراضي هو للمبة (النيون) الاضاءة ضمنها ويمكن تغييرها وتعود الشاشة للعمل من جديد...

    بشكل عام...
    شاشة Plasma إذا انتهى عمرها الافتراضي وتوقفت فإعادة تشغيلها تكلف حوالي 80% من قيمة الشاشة..
    أما شاشة LCD فتكلف إعادة تشغيلها 20% من قيمة الشاشة.
    [CENTER][SIGPIC][/SIGPIC][/CENTER]

    [CENTER][IMG]http://www.upload4arab.com//files/894/rapita5.gif[/IMG][/CENTER]

المواضيع المتشابهه

  1. مساعدة في شراء شاشة جديدة
    بواسطة amgad samir في المنتدى الأرشيف
    مشاركات: 1
    آخر مشاركة: 30-07-2012, 01:24
  2. مساعدة في شراء شاشة جديدة
    بواسطة amgad samir في المنتدى الأرشيف
    مشاركات: 8
    آخر مشاركة: 30-07-2012, 01:20
  3. مشاركات: 18
    آخر مشاركة: 03-02-2012, 16:32
  4. شراء شاشة جديدة
    بواسطة Justs في المنتدى الأرشيف
    مشاركات: 1
    آخر مشاركة: 16-08-2010, 16:22

الكلمات الدلالية لهذا الموضوع

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •