النتائج 1 إلى 6 من 6

الموضوع: كيف تعيش فى مصر ب 1000 جنيه في الشهر (بعيدا عن السياسة يا مشرفنا الهمام شريف )

  1. #1
    عضو برونزي الصورة الرمزية ameer_s
    تاريخ التسجيل
    May 2008
    المشاركات
    1,808
    الدولة: Qatar
    معدل تقييم المستوى
    11

    كيف تعيش فى مصر ب 1000 جنيه في الشهر (بعيدا عن السياسة يا مشرفنا الهمام شريف )




    السلام عليكم ورحمة الله وبركاته











    كيف تعيش فى مصر ب 1000 جنية




    لو شاطر ... تعرف تعيش فى مصر بـ 1000 جنيه ! ! !







    عيش بلدي 1 ج يوميا 30 شهريا
    بس لازم تلحق دورك فى طابور الفرن وتلحق شغلك فى نفس الوقت ربنا معاك


    حليب 4 يوميا 120شهريا
    عدد واحد لتر يومياً ويارب ميطلعش بودرة سيراميك ويكفى العيال


    فول 8 اسبوعيا 32 شهريا
    كيلو فول اسبوعيا يعنى 125 جرام يوميا رضا والحمد لله


    جبنة بيضاء 20 اسبوعيا 80 شهريا
    كيلو في الأسبوع 125 جرام يوميا انت عايش


    بيض 20 شهريا
    عبارة عن 10 بيضات فى الاسبوع يعنى لو اربع افراد يبقى بيضه ونص يوميا للاربعة


    خضار10 يوميا 40 شهريا
    عبارة عن صنف واحد بس + كيلو طماطم + لمونه وحزمة جرجير اسبوعيا


    فواكه 5 اسبوعيا 20 شهريا
    عبارة عن كيلو برتقال أو قشر موز مرة اسبوعيا علشان العيال تفتكر اسمة


    شاى10 شهريا
    لزوم الكيف اللى بيذل والضيوف الرزلين


    سكر 4 اسبوعيا 16 شهريا
    عدد واحد كيلو اسبوعيا مش بقولكم الكييف يذل وسلملى على الحكومه


    ارز 4 اسبوعيا 16 شهريا
    عدد واحد كيلو اسبوعيا للعائلة كلها يعنى 125جرام يوميا متوسط الفرد 40 جرام


    زيت 10 اسبوعيا 40 شهريا
    لتر اسبوعيا علشان تشرب بق على الريق يزيت معدتك 000 يستعمل كبديل للخضروات


    مكرونه 8 اسبوعيا 32 شهريا
    عبارة عن عدد 4 كيس 400 جرام اسبوعيا 0000 خلى العيال تنبسط


    دجاج 20 اسبوعيا 80 شهريا
    عدد واحد دجاجة اسبوعيا للعائله 000000 اظن معقول


    لحم 30 اسبوعيا 120 شهريا
    عدد واحد كيلو لحم اسبوعيا لزوم صنف الخضار واللمونه وحزمة الجرجير 000 الف هنا


    بقوليات 10 شهريا
    عبارة عن كيلو واحد بس شهريا ونقى اللى بتحبه براحتك ( عدس - لوبيا - فاصوليا )


    توابل 10 شهريا
    عبارة عن دقيق + ملح + كمون + فلفل + كسبرة + وممكن تديها خل براحتك


    صابون 15 شهريا
    عبارة عن صابونه واحدة للحمام + صابون مواعين + مسحوق للملابس ( النظافة عموما )


    مواصلات 2 ج يوميا 60 شهريا
    بعد طابور الفرن تركب أتوبيس الهيئة ذهاب وعودة وبهدله وفرهده لفرد واحد يوميا


    حلاق 10 شهريا
    عبارة عن حلاقة الشعر + ماكينات حلاقة الذقن ( طبعا متنساش انت جبت صابونه للحمام هى هى الصابونه اللى هتحلق بيها دقنك ( نعيما ياباشا )


    مدرسة 10 اسبوعيا 40 شهريا
    عبارة عن مصروفات المدرسة + مصروف العيال اليومى + كراسات واقلام وجلاد 00ألخ


    دكتور 30 شهريا
    نمرض بالدور طبعا عدد اربع افراد مرة واحدة للفرد كل 4 اشهر وربنا يستر


    ادوية 50 شهريا
    أكيد طبعا العلاج بالدور وربنا يستر واتنين ميمرضوش فى وقت واحد تبقى كارثه


    تليفون 10 شهريا
    اشتراك الهيئة هنرد بس ومش هنتكلم معدش ينفع كلام


    مياة 10 شهريا
    للاسف لازم نشرب مياة ملوسة بالمجارى


    غاز 5 شهريا
    الحمد لله غاز طبيعى الله فى عون اللى عنده انابيب ( 10 جنيه للانبوبه ) وممكن تطلع فاضية


    نور 20 شهريا
    لمواكبة التطور غساله ملهاش مسحوق - تلاجة فاضية - بوتجاز يستخدم مرة كل اسبوع


    قمامة 10 شهريا
    اجبارى طبعا ومن الواضح ان العشة دى مفيهاش اكل اساس يبقى القمامة هتيجى منين


    بواب 15 شهريا
    مهو من حقه يعيش هو كمان لو عشر شقق يبقى 150 جنية شهريا


    صيانة 30 شهريا
    لاصلاح الاجهزة بالدور غساله - سخان - بوتجاز - مروحه - تلاجة - سباكة - لمبات انارة الخ



    ملابس 100 شهريا
    عبارة عن الصيفى والشتوى داخلى وخارجى واحذية وشرابات وكلونات واتصرف بقى



    الاجمالى 1081








    اكيد اللى هيخليك تعرف تعمل الكلام اللى فوق ده هيخليك تتصرف وتضغط مصروفاتك شويه علشان تبقى الحسبة 1000 جنية اقولك متمرضش ومتخدش ادوية وشيل 80 جنية معلش ربنا يقويك وينصرك على من يعاديك ويكفيك شر المرض .



    ايجار الشقة طبعا قانون جديد وللاسف ملهوش قانون كل واحد وبخته ومش هنحسبها كل واحد يقعد عند امه وبالمناسبة ملكشى دعوه بشوية المصريف الى احنا هنقولها دى :



    عيد الام
    ربنا يخليها ويديها الصحه
    كل سنة وهى طيبة
    ( 0 )


    عيد الكحك
    مضر وملهوش لزمة
    كل سنة وانتم طيبين
    ( 0 )


    عيد اللحمة
    مضر وملهوش لزمة
    كل سنة وانتم طيبين
    ( 0 )


    حلاوة المولد
    السكر مضر وملهوش لزمة
    كل سنة وانتم طيبين
    ( 0 )


    أخ خ نسيت احسب زكاة الفطر بس مش عارف هتدفع ولا هتأخد ؟


    عموما نقول على قائمة الممنوعات والمحظورات 000 متقربوش منها علشان تعرفو تكملو الشهر.


    ممنوع عنك الحلاوة والمربى والعسل والزبدة وكافة انواع الجبن عدا ماذكر فى التعيين (الجبنه البيضا) فقط .


    المعلبات تونه بلوبيف لانشون سالمون فول وطبعا البسطرمة والزيتون والمخللات ممنوووووووووووع .








    اوعى قلبك يحن لعيل من العيال وتجيبله شيبسى ولا ببسى أو كراتيه أونايتى أو عسلية أو بسكوت أو شيكولاته اياك ومنتجات العيال الصغيرين حتى لو حليب بالفواكهه او لبانه وجيلى كولا وهوهوز حتى الشيتوس يتفرج على الكرتون بتاعه فى التليفزيون ومتخليهوش يتفرج على الاعلانات بين الفاصل كمان .... وربنا معاك .


    احظر اللحوم بانواعها البفتيك والاستيك والرقبة والموزة واللوزة كله كلام فاضى خليك فى تعيينك الاسبوعى .


    ومتنساش ان البانية والفليه من الممنوعات ومتقربش ومتمشيش فى الشارع جنبك كنتاكى وهاردييز وهاربيز ومؤمن وكوك دور واياك من السندوتشات عموما زى الطعمية والبطاطس والبذنجان الحجات الحلوة دى مش مطلوبه تعملك حموضه وهتحتاج فوار واحنا منعناه مع الدوا وطبعا مش محتاج اقولك وافكرك انك ممعكش فلوس علشان يبقى نفسك فى سندوتش فرنساوى مليان كبدة اسكندرانى ولا مخ وتفكر تجيبه .


    خليك واقعى وانسى المحمر والمشمر واللب والسودانى والتسالى بانوعها والمحمصات والمقرمشات والمكسرات بانواعها بالعربى انت زى العصفورة تاكل عيش ودنيبة رز وتشرب ميه عمرك سمعت عن عصفورة ركبت دش أو وصلت نت او حتى فكرت تاكل ترمس او تشرب حمص كله كلام فاضى ممنوع فاهم يعنى ايه ممنوع .







    اهم حاجة مترحش لدكتور متجبش مدرس ولا ادوية واياك من المعجنات زى البيتزا والفطائر ومش محتاج افكرك ان البسبوسه والجلاش والكنافة والقطايف والجاتوة والشاتوة والتورت وام على وصوابع زينب ورموش الست والكحك والغريبة ممكن تستغنى عنهم .


    طبيعى انك مش هتقرب من الفواكهة خالص البرقوق المنجو البطيخ الفراوله الكيوى الخوخ العنب التفاح حتى الكاكا والحرنكش والنبأ والقصب والدوم والتوت ممنوع سيادتك .


    وطبعا معجون الاسنان والحلاقة والشامبو والبلسم كلها رفهيات ملكش فيها زى البصل والتوم والبطاطس كلها اساسيات ملكش فيها برضه ومتنساش تبلغ الناس اللى تعرفهم هما اكيد زيك محتاجين شوية نظام مش اكتر هما غلابة وفكرهم يقولو لعيالهم لو شافو مسلسل فى التليفزيون مليان بهرجه ان دى قصص خياليه كانت فى العصور القديمة فترة من الزمن و ان الواقع زى ماهما شايفيين حتى الاعلانات حاولو تفهموهم انها مجرد الوان مبهرة وتكنولوجيا فى علم التصوير وتخيلات ممكن تحصل بعدين زى ماحصل فى امريكا وكندا وفرنسا والمانيا واوربا كلها وان الحجات دى علشان لما الناس دى يجو عندنا يلاقو منها ويعرفو يعيشو هى مش لينا دى ليهم هما اصحاب البلد ولازم ينبسطوا .


    عموما لو على الكلام مش هيخلص روح الحق طابوووووور العيش تبقى مصيبة لو الفرن شطب .



    تفتكروا 1000 جنية ... تكفى ؟


    طب أيه رأيك فى الى بياخد 200 جنيه !!


    تتوقع أنسان زى ده يقدر يعيش أزاى !!


    منقول للأمانة

  2. #2
    عضو الصورة الرمزية wolf_moon82
    تاريخ التسجيل
    Sep 2008
    المشاركات
    497
    معدل تقييم المستوى
    10

    رد: كيف تعيش فى مصر ب 1000 جنيه في الشهر (بعيدا عن السياسة يا مشرفنا الهمام شريف )

    مش هقول غير
    حسبي الله ونعم الوكيل
    MoDy2008 سابقا

  3. #3
    عضو برونزي الصورة الرمزية sharif_soper
    تاريخ التسجيل
    Dec 2006
    المشاركات
    2,780
    معدل تقييم المستوى
    14

    رد: كيف تعيش فى مصر ب 1000 جنيه في الشهر (بعيدا عن السياسة يا مشرفنا الهمام شريف )

    السلام عليكم اخي امير ممكن بعد اذنك ماذا تريد من الاعضاء او المنتدي يفعل في مشاكل بلد واظن لو فتح هذا الحوار معظم المصرين بيعانوا من هذة المشكلة وبل العالم العربي والعالم بيشتكي من الغلاء وهل تعتقد هل انت ولا انا ولا غيرنا سوف يحل مشكلة بل المشكلة فينا ولربنا قال ان الله لايغير بقوم حتي يغيروا بانفسهم يعني لازم كل واحد يبدء بنفسة ويحب الخير للاخرين ونتكاتف والحل هو العلم ثم العلم لماذا الغرب وامريكا بتتحكم في العالم وبعدين ربنا يسهل بس نبدء نفسينا وتركنا الغرب يتحكم فينا لحد ماعمل فتنة بين العرب وبين المسلمين نفسهم وبدل مانتحد دخلنا في ملل وسنة واعراق وكل واحد بيقول انا صح وطبعا كل واحد شيف نفسة الصح والحل نتفق في قانون عام بينا اما مين الصح ومين الغلط اللي يحكم في الموضوع ربنا والموضوع اصبحت مهذلة وغير في ناس بتتقاتل علي السلطة وخلاضة الكلام ندعوا من الله الهداية ولم الشمل العربي والاسلامي وعموما اخي امير سوف اترك الموضوع للادارة اذا رات ترك الموضوع او غلقة

    انك لاتهدي من احببت ولكن الله يهدي من يشاء
    وان الله لايغير بقوما حتي يغيروابانفسهم
    وتامرون الناس بالبر والمعروف وتنسون انفسكم

    [B][CENTER][SIZE=5][COLOR=Navy]الحق يحتاج إلى رجلين .. رجل ينطق به ورجل يفهمه.[/COLOR][/SIZE][/CENTER]
    [/B]
    [CENTER][SIZE=4][B] [COLOR=DarkGreen]الجوع طعام الزاهدين والذكر طعام العارفين [/COLOR][/B][/SIZE][/CENTER]

  4. #4
    عضو برونزي الصورة الرمزية sharif_soper
    تاريخ التسجيل
    Dec 2006
    المشاركات
    2,780
    معدل تقييم المستوى
    14

    رد: كيف تعيش فى مصر ب 1000 جنيه في الشهر (بعيدا عن السياسة يا مشرفنا الهمام شريف )

    اقتباس المشاركة الأصلية كتبت بواسطة MoDy2008 مشاهدة المشاركة
    مش هقول غير
    حسبي الله ونعم الوكيل
    هل تريد الحوار يصبح مثل ذلك اخي امير وتقولي الموضوع ليس لة بالسياسة
    [B][CENTER][SIZE=5][COLOR=Navy]الحق يحتاج إلى رجلين .. رجل ينطق به ورجل يفهمه.[/COLOR][/SIZE][/CENTER]
    [/B]
    [CENTER][SIZE=4][B] [COLOR=DarkGreen]الجوع طعام الزاهدين والذكر طعام العارفين [/COLOR][/B][/SIZE][/CENTER]

  5. #5
    عضو الصورة الرمزية wolf_moon82
    تاريخ التسجيل
    Sep 2008
    المشاركات
    497
    معدل تقييم المستوى
    10

    رد: كيف تعيش فى مصر ب 1000 جنيه في الشهر (بعيدا عن السياسة يا مشرفنا الهمام شريف )

    هل تريد الحوار يصبح مثل ذلك اخي امير وتقولي الموضوع ليس لة بالسياسة
    ان اردتم مسح المشاركة فامسحوها ذلك لن يزعجني لكنه واقع و الناس كلها عارفة السبب
    MoDy2008 سابقا

  6. #6
    عضو برونزي الصورة الرمزية one-zero
    تاريخ التسجيل
    Jul 2007
    المشاركات
    8,296
    معدل تقييم المستوى
    59

    رد: كيف تعيش فى مصر ب 1000 جنيه في الشهر (بعيدا عن السياسة يا مشرفنا الهمام شريف )



    ههههههههههه طب و بعدين ايه يعني و 1000 كويسين يا عم امير في ناس معهاش تأكل

    شكوى دي و لا فزورة ولا ايه
    وبعدين لازم حتتكلم في السياسة بمجرد فتح هكذا موضوع واللهي اول رقم مر في بالي دلوقت 2 مليون دولار واللبيب يفهم بالاشارة و بعد كده افتكرت مثل (مفيش حد بينام من غير عشاء) وقلت اكيد حزب....... اللي قال المثل و بكده دخلنا في السياسة
    بالمناسبة
    تعرف معنى هذة الكلمة الخنوع

    واللهي حزين عليكي يا بهية فستانك كله رقع



    تسمح لي الادارة بغلق الموضوع منعا لاي مهاترات وردود لا حاجة لنا بها
    دون حذفه احتراما لرغبة العضو في مشاركة مشاكل بلده مع اخوانه
    [CENTER][SIZE=4]{[COLOR=red]وَإِذْ يَمْكُرُ بِكَ الَّذِينَ كَفَرُوا لِيُثْبِتُوكَ أَوْ يَقْتُلُوكَ أَوْ يُخْرِجُوكَ وَيَمْكُرُونَ وَيَمْكُرُ اللَّهُ وَاللَّهُ خَيْرُ الْمَاكِرِينَ[/COLOR]}[/SIZE][SIZE=4]…[/SIZE][SIZE=6][SIZE=4](الأنفال:30)
    [URL="http://www.facebook.com/pages/yasserauda/215036411882800"]للتواصل معي عبر الفيس بوك اضغط هنا
    [/URL][URL="http://www.youtube.com/watch?v=37LoZWjv1HE&feature=player_profilepage"][/URL][URL="http://www.facebook.com/pages/yasserauda/215036411882800"] صفحتي الخاصه على الفيس بوك
    [/URL][URL="http://www.facebook.com/pages/Mentored-Learning-New-Horizons-Dubai/234720379925819"]صفحة التعليم الارشادي على الفيس بوك
    [/URL][URL="http://www.youtube.com/user/yasserramzyauda"]قناتي على اليوتيوب
    [/URL][/SIZE][/SIZE][SIZE=3][URL="http://yasserauda.blogspot.com/"]مدونتي الخاصه[/URL][/SIZE][/CENTER]

المواضيع المتشابهه

  1. موبايل اندرويد ب 1000 جنيه
    بواسطة karem_love في المنتدى الأرشيف
    مشاركات: 7
    آخر مشاركة: 31-10-2012, 13:20
  2. مشاركات: 5
    آخر مشاركة: 06-07-2011, 19:53
  3. تجميعه ب 1000 جنيه مصر
    بواسطة తో Mezoo తో في المنتدى الأرشيف
    مشاركات: 1
    آخر مشاركة: 31-07-2010, 23:11
  4. مشاركات: 1
    آخر مشاركة: 18-04-2010, 13:35
  5. مطلوب تجميع كيسه بـ (1000) جنيه وأخرى (1250) جنيه .
    بواسطة yassooforever في المنتدى الأرشيف
    مشاركات: 0
    آخر مشاركة: 28-06-2009, 21:46

الكلمات الدلالية لهذا الموضوع

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •