.
.
بسم الله الرحمن الرحيم
السلام عليكم .. صباح الخير جميعا .
انا واحد من كثير استفادوا وتعلموا الكثير من هالمنتدى الراقي ومن نقاشاتكم ومعلوماتكم .. هنا أعرض عليكم مواصفات جهازي الجديد + بعض الأختبارات الخفيفه .
طبعا الجهاز كنت انتظره وتعبت وانا اجمع معلومات واقارن واحلل للأستفاده وعشان اوصل لجهاز يرضيني ويجلس معي فتره محترمه .. لأنه من زمان كان ودي اجمع جهاز يعتبر قوي بشكل ما .
هنا المواصفات ( موجوده بالتوقيع ) .. الجهاز تم تركيبه وتجميعه شخصيا .. مع الشكر لكل من أفادني بمعلومه او جهد بسيط .
ASUS P5Q-E P45
Intel Core 2 Quad 9550 2.83GHz + ZALMAN CNPS9700 LED
4GB OCZ Platinum DDR2-8500 2X2GB
EVGA GTX260 SuperClocked
WD 500GB/32MB/7200RPM+ WD 320GB/8MB/7200RPM
LG SuperMulti DVD Burner 20X Sata
Thermaltake Armor+ MX
Thermaltake Toughpower 750W
Logitech G5
Samsung SyncMaster 226BW
Windows Vista Ultimate SP1 x32
المواصفات العامه : مع درجه الحراره بوضع السكون ( درجه حرارة الغرفه 23-24 مئويه ) .
درجه حراره المعالج مع الضغط Prime95 small FFTs لمده 45 دقيقه تقريبا ( تزود شويات وتنقص شويات زي ما تشوفون ) .. عارف استعجلت بس بصراحه زهقت وانا انتظره .. والحين اشوف اغلب محترفين كسر السرعه يختبرون ببرنامج IntelBurnTest لكن المشكله اذا حاولت اشغله على الفيستا يعطيني خطأ ويتوقف البرنامج .. مدري وش سالفته بالضبط يا ليت اللي يعرف يقول .. لأنهم يقولون أنه اقوى من البرايم بكثير وغير كذا ما يستغرق وقت حول يوم او يومين زي البرايم .. يمكن 6 او 5 دقايق لعدد دورات معينه من البرنامج ( المفضل اكثر من 5 ) .
طبعا مع مشتت أنتل كانت اعلى من كذا بكثييييير .. مع أني اعتقد وقتها اني خربت المعجون لأني بالأول ما ركبت المشتت بشكل صحيح وعطاني تحذير اول ما شغلت الجهاز انه الحراره مرتفعه .. بعدين فكيت المشتت وركبته ثاني .
مع كسر بسيط لسرعه المعالج لحد 3200 .. طبعا تجربه ابتدائيه بكسر السرعه لمده بسيطه .. عشان كذا مخلي كل شئ اوتو بالنسبه للفولتات ..
* أختبرت الرام ببرنامج memtest لمده اربع ساعات بدون اخطاء .
الأختبارات القادمه كلها بالترددات الأصلية وبدون ايقاف برامج بدء التشغيل والخلفيه وغيرها .
SuperPi . ( مع كسر السرعه وصل 14.539s ) .
3DMark Vantage
3DMark 06
Lightsmark2008
Crysis Bencmark + درجه حراره الكرت بعد الأختبارات .. طبعا ما تذكرت اشوف حرارته الا بعد كذا دقيقه من الأختبار عشان كذا نزل تردده والحراره شوي .. المفروض أعلى من كذا بمعدل 7 درجات يمكن بحاله اللعب المتواصل .. انا شفته مع لعبه اساسين كريد بعد 4 ساعات لعب يمكن الدرجه حول 68 درجه .. مع كرايسيس اكيد اعلى شويات .. ودرجه الحراره بوضع الخمول 51 درجه مئويه .
هنا أحس فيه شئ غريب .. مو المفروض يصير بحاله 16x اقل FPS من 4x ولا انا واهم ؟!
صوره لداخل الجهاز .. حاولت ارتبه واضبط الأسلاك والحوسه قد ما أقدر .. والكيس والبورسبلاي modular ساعدوني بشكل كبير .
الجهاز بحلته الخارجيه :p
لحد يقول ليش الماوس باد عاديه .. عجزت اتهور واشتري ماوس باد ب150-200 ريال .. أحسها ما تسوى .. خاصه اني منيب هاوي العاب اونلاين بدرجه كبيره . ( يمكن بالمستقبل )
===============
عاد الحين عندي كم سؤال لكم .. هل النتائج معقوله بالنسبه للمواصفات .. مع العلم أني ما غيرت شئ بأعدادات البرامج بالنسبه للـ 3DMark .. برضه العب كل ألعابي على ريزلوشن 1680X1050 ... ايضا حبيت استفسر عن الفرق بين ال x16 والQx16 في خاصيه AntiAliasing
في أختبار كرايسيس مثلا .
جربت اكسر سرعه المعالج لحد 3200 لكني منيب فاضي لبرامج ضغط المعالج اللي تجلس لها 12 ساعه ويوم كامل .. عشان كذا استفسر وبقوه عن برنامج IntelBurnTest وهل جربه أحد وضبط معاه ؟!
أحس عندي استفسارات كثيره بس راحت عن بالي الحين .. انتظر تعليقاتكم ونصائحكم واستفساراتكم ..
سلااام .
المفضلات