اخوانا الاساتذة اعملوا اسطوانات تعليمة بمقابل مادي

[فارس الصعيد]

اولا بسم الله الرحمن الرحيم وكل عام وانتم بخير
احب ابدأ كلامي بالشكر لكل عضو ساهم في كورسات الفيديو في المنتدي بس معلش استحملوني شوية حضراتكم حببتونا في الشبكات وكورساتها واحنا تابعنا معاكم وكنتم اصحاب فضل كبير وتفضل علينا بس المشكلة مفيش حد فيكم كمل كورسه للاخر ولا واحد ولما بعض الاعضاء اعترض او يعني سأل كانت الاجابة ان حضراتكم بتعملوا كدة لوجه الله ولخدمة الشباب العربي وانتوا طبعاً مشكورين بس انتوا كدة دخلتونا البحر وسبتونا في النص لااحنا طلعنا ولا احنا رجعنا زي مكنا وبعدين الاسطوانات التعليمية الاجنبية مش قادرين نفهمها زي الشرح العربي لأن العملية مش انجليزي مش عارفينة لا ده انجليزي شرح ولغة عامة الي بيشرحوا بيها مش زي الكتب لغة مفهومة فأرجوا من حضراتكم انكم تكملوا الكورسات وتطرحوها بالسعر المناسب لتعبكم ومجهودكم ودي مفيهاش حاجة لأن ده حقكم وكمان حقنا عليكم انكم تكملوا الي بدأتوه فارجو دراسة الموضوع واعملوها وريحوا الناس لأن كدة من وجهة نظري مفيش حد مستفيد لا احنا ولا المنتدى ولا حضراتكم وارجو من الاعضاء التصويت وإبداء الرأي في الموضوع عشان يتاخد على محمل الجد رجاء من الاعضاء رأيكم ايه

[nader221]

كلامك صح ومتفق معاك فية واضم صوتى ليك فعلا

[ELnobY2006]

وانا كمان اويدك و اضم صوتي الي صوتك خصوصآ في حتة
( دخلتونا البحر وسبتونا في النص لااحنا طلعنا ولا احنا رجعنا زي مكنا )

عندك حق فيها قووووووووووووووي

[mohamed.elshair]

المقابل المادي اللي احنا عايزينه اكبر بكتير من انك تقدر تدفعه
لان المقابل اللي احنا عايزينه هو رضا الله .

بالنسبة للكورسات انتوا نفسكوا مش عايزين تساعدوا نفسكوا

قولنا ان معندناش وقت ومش فاضين زعلتوا
قولنا هانحاول نكمل قولتم خدوا وقتكم
عملنا مجموعة حلقات كلمتين وبس علشان نشرح اي حاجة في السريع تفيد الناس محدش تجاوب
قولنا ياجماعة اللي عنده اي معلومة يخش يشرحها محدش عمل حاجة

انا ملاحظ ان كل الناس بتلعب دور السميعة بالظبط زي برنامج ما يطلبه المستمعون
اخي الكريم انا تحت امركم في وقت ومش محتاجين اي اجر لان اجرنا علي الله سبحانه وتعالي الذي لا يعطي الاجر الا غيره .

وتذكر دائما " لو فر ابن ادم من رزقه كما يفر من الموت لادركه رزقه كما يدركه الموت "

والرزق مش مال بس دا ممكن يكون صحة او بركه في العمر او زيادة في العلم

[Mohamed Elshreef]

( دخلتونا البحر وسبتونا في النص لااحنا طلعنا ولا احنا رجعنا زي مكنا )

بص اخي الكريم طيب كويس انك دخلت وشوفت شكل البحر يعني لو حد
مكملش الكورس انت خدت جزء كبير من الشرح يبقا تحاول بقا تعوم وتكمل الباقي لوحدك
صدقني ده شيء سهل جدا مش صعب والناس كلها اللي بتعمل فيديوهات هدفها اكبر
من الفلوس مش كل حاجه اخي الكريم تقاس بالفلوس وعمر ما الفلوس تشتري بيها انسان
واللي مش بيكمل شرح في كورس اخي الكريم ده ربنا بيعلم بظروفه انت اخي عايز الشرح
النهارده قبل بكره وبتبص على ظروفك بردو شوف ظروف المدرب ممكن يكون معاه مشغوليات
او حاجات بتمنعه من التكمله خاصه ان موضوع الشرح على النت ده بيستهلك وقت
اكبر من الوقت في الكورس

[المستعصم بالله]

كتر خير البشمهندسين انهم بيحاولو يساعدوا الناس هنا ويجعل تعبهم فى ميزان حسناتهم
وفى حاجة كمان لما حد من اساتذتنا بيتأخر فى الكورس ده بيرجع لمشغوليته
لان كل واحد منهم شغال شغلانة كويسة ومش محتاج الفلوس اللى هاتدفعها لان ده عمل لوجه الله
ونصيحة منى اعتمد على نفسك من اولها لان بعد كده هاتلاقى فيه كورسات غالية جدا ولازم تذاكرها لوحدك فاعود نفسك من دلوقتى على المذاكرة لوحدك

[sharif_soper]

اولا بسم الله الرحمن الرحيم وكل عام وانتم بخير
احب ابدأ كلامي بالشكر لكل عضو ساهم في كورسات الفيديو في المنتدي بس معلش استحملوني شوية حضراتكم حببتونا في الشبكات وكورساتها واحنا تابعنا معاكم وكنتم اصحاب فضل كبير وتفضل علينا بس المشكلة مفيش حد فيكم كمل كورسه للاخر ولا واحد ولما بعض الاعضاء اعترض او يعني سأل كانت الاجابة ان حضراتكم بتعملوا كدة لوجه الله ولخدمة الشباب العربي وانتوا طبعاً مشكورين بس انتوا كدة دخلتونا البحر وسبتونا في النص لااحنا طلعنا ولا احنا رجعنازي مكنا وبعدين الاسطوانات التعليمية الاجنبية مش قادرين نفهمها زي الشرح العربي لأن العملية مش انجليزي مش عارفينة لا ده انجليزي شرح ولغة عامة الي بيشرحوا بيها مش زي الكتب لغة مفهومة فأرجوا من حضراتكم انكم تكملوا الكورسات وتطرحوها بالسعر المناسب لتعبكم ومجهودكم ودي مفيهاش حاجة لأن ده حقكم وكمان حقنا عليكم انكم تكملوا الي بدأتوه فارجو دراسة الموضوع واعملوها وريحوا الناس لأن كدة من وجهة نظري مفيش حد مستفيد لا احنا ولا المنتدى ولا حضراتكم وارجو من الاعضاء التصويت وإبداء الرأي في الموضوع عشان يتاخد على محمل الجد رجاء من الاعضاء رأيكم ايه

السلام عليكم اخي فارس الصعيدي اظن ان حضرتك اخطأت التعبير في ذلك كان ممكن تقترح اقتراح عمل كورسات للكورسات الناقصة اي التي لم تعمل وبدل ماتجرح في الناس اللي بتعمل كورسات لانهم عندهم ظروف ومكنش ليها لازمة هذا الكلام
دخلتونا البحر وسبتونا في النص لااحنا طلعنا ولا احنا رجعنا
عملية اقتراح كورسات بالفلوس دة كان اقتراح علي بالي ولكن للكورسات اللي ماتعملتش والمقصود بيها هنا اللي مفيش عضو قام بشرحها وبلاش هذا الكلام ياخي الكلام الجارح اقترح اقتراح ماشي بدون جرح الاخرين وارجوا منك الالتزام بقانون المنتدي وهو عدم تجريح الاخرين وبالاخص الذين ياقمون بالكورسات من حقك ان تنقض معلومة اوي شي ناقص والغرض منة الافادة للاخرين وبدون الاستهزاء بالاخرين لانهم يكفي انهم بيعملوا هذا العمل لوجة الله وارجوا علي كل عضو الالتزام بقانون المنتدي لان مرفوض عملية الضجر وتقليل او عدم شكر الاخرين بما يقدموة واظن لا نريد الي الوراء مرة ثانية وليس لنا ولا اي عضو او الموقع فرض علي الناس اللي بتقوم بهذا الكورس لانة عمل تطوعي واظن في اسلوب خطاب افضل من ذلك وبعدين ياخي ملكش كام شهر وجاي زعلان اوي وفي اعضاء كانت مع بداية هذة الكورسات ولم تفعل ولم تقل الكلام اللي قلتة اطلب باسلوب افضل من ذلك وليس لك الحق ان تطلب بهذا الاسلوب لانة مخالف وارجو الالتزام الالتزام بقانون المنتدي وعدم تكرار اسلوب الضجر وان يكون لغة خطاب افضل من ذلك

موضوع مخالف لقانون المنتدي يغلق وعدم تكرار هذا الكلام الجارح