النتائج 1 إلى 15 من 15

الموضوع: عايز تشترى شاشة LCD اسوس 22" بسعر الجملة ؟ اتفضل هنا

  1. #1
    عضو الصورة الرمزية Ahmed_
    تاريخ التسجيل
    Aug 2008
    المشاركات
    286
    الدولة: Egypt
    معدل تقييم المستوى
    0

    عايز تشترى شاشة LCD اسوس 22" بسعر الجملة ؟ اتفضل هنا

    ...
    بعد اذن المشرفين ياريت الموضوع يتمسح

  2. #2
    عضو
    تاريخ التسجيل
    Jul 2008
    المشاركات
    33
    الدولة: Hungary
    معدل تقييم المستوى
    16

    رد: عايز تشترى شاشة LCD اسوس 22" بسعر الجملة ؟ اتفضل هنا

    أنا عندي الشاشة دي وبشجع الأعضاء إنهم يشتروها لأنا بجد حاجة حكاية وزمايلي بيحسدوني عليها

  3. #3
    عضو الصورة الرمزية theWarlock
    تاريخ التسجيل
    Aug 2006
    المشاركات
    163
    معدل تقييم المستوى
    18

    رد: عايز تشترى شاشة LCD اسوس 22" بسعر الجملة ؟ اتفضل هنا

    toshkar ya kabeer 3ala el mosahma,, wi 3ayzeen nes2al el tawkeel 3ala el mo3lomat eyaha,, el se3r wi 3adad el kafi lil gomla!! wi rabina yekrimna game3an.

  4. #4
    عضو الصورة الرمزية Ahmed_
    تاريخ التسجيل
    Aug 2008
    المشاركات
    286
    الدولة: Egypt
    معدل تقييم المستوى
    0

    رد: عايز تشترى شاشة LCD اسوس 22" بسعر الجملة ؟ اتفضل هنا

    الميزة إن التوكيل ورا المحل إللى بشتغل فيه
    بس المشكلة إن انا كل يوم بروح متأخر و بروح على الساعة 2 AM مش عارف اروحلهم :D
    و إن شاء الله ربنا يكرمنا و تتم على خير و بسرعة

  5. #5
    عضو الصورة الرمزية Ahmed_
    تاريخ التسجيل
    Aug 2008
    المشاركات
    286
    الدولة: Egypt
    معدل تقييم المستوى
    0

    رد: عايز تشترى شاشة LCD اسوس 22" بسعر الجملة ؟ اتفضل هنا

    اقتباس المشاركة الأصلية كتبت بواسطة therock31 مشاهدة المشاركة
    أنا عندي الشاشة دي وبشجع الأعضاء إنهم يشتروها لأنا بجد حاجة حكاية وزمايلي بيحسدوني عليها
    طب كويس والله مؤيدى الشاشة بيكتروا
    طب بقلك إيه متعرفش موقع عامل review جامد للشاشة ؟
    دماغى مش فايقة لحوارات جوجل و تومهاردوير فالبطيخ مش جايب سيريتها خالص
    كان نفسى اجيبها معاكو دلوقتى
    بس الفلوس إللى معايا يادوب تكفى جهاز محترم من غير شاشة

  6. #6
    عضو الصورة الرمزية *د/أحمد*
    تاريخ التسجيل
    Aug 2008
    المشاركات
    67
    معدل تقييم المستوى
    0

    رد: عايز تشترى شاشة LCD اسوس 22" بسعر الجملة ؟ اتفضل هنا

    انا معاكووووووووووووووو ان شاء الله
    ويارب نلاقي رفيو كويس عن الشاشة دي
    وياريت نسمع اخبار حلوة عن سعر الجملة

  7. #7
    عضو الصورة الرمزية Ahmed_
    تاريخ التسجيل
    Aug 2008
    المشاركات
    286
    الدولة: Egypt
    معدل تقييم المستوى
    0

    رد: عايز تشترى شاشة LCD اسوس 22" بسعر الجملة ؟ اتفضل هنا

    لأسف إللى عرفته إن الشاشة ملهاش ريفيو غير فى newegg و ديه طبعا الريفيوز بتاعة اليوزرز

  8. #8
    عضو
    تاريخ التسجيل
    Aug 2008
    المشاركات
    115
    الدولة: Egypt
    معدل تقييم المستوى
    0

    رد: عايز تشترى شاشة LCD اسوس 22" بسعر الجملة ؟ اتفضل هنا

    على فكرة انا عند الشاشة طلع فيها ديد بيكسل وهيا جددية عشان اغيرها تقعد اسبوعين توكيلها فى مصر اكثر من قذر انا حبيت افيد الناس بس بالاضافى انا شاشات كتير جديدة بتنزل بديد بيكسل ودا حصل ادامى فى محل itd فى السخاوى الى فعلا اكثر من قذر هوا كمان لانة محترم جدا قبل الشراء بعد الشراء ميعرفكش انا مجمع منة جهاز ب 13 الف ولغاية دلوقت لسة مختش الشاشة عشان محل قذر وتوكيل قذر ممكن الشاشة تكون كويسة كامكانيات لا خدمة لا لا لا
    ان شاء اللة قريب لما تيجى الشاشة هحط تقرير كامل عن الموضوع دا وعن جهازى وعن اختبارات وكل شىء ان شاء اللة

  9. #9
    عضو الصورة الرمزية Ahmed_
    تاريخ التسجيل
    Aug 2008
    المشاركات
    286
    الدولة: Egypt
    معدل تقييم المستوى
    0

    رد: عايز تشترى شاشة LCD اسوس 22" بسعر الجملة ؟ اتفضل هنا

    اقتباس المشاركة الأصلية كتبت بواسطة ahms10 مشاهدة المشاركة
    على فكرة انا عند الشاشة طلع فيها ديد بيكسل وهيا جددية عشان اغيرها تقعد اسبوعين توكيلها فى مصر اكثر من قذر انا حبيت افيد الناس بس بالاضافى انا شاشات كتير جديدة بتنزل بديد بيكسل ودا حصل ادامى فى محل itd فى السخاوى الى فعلا اكثر من قذر هوا كمان لانة محترم جدا قبل الشراء بعد الشراء ميعرفكش انا مجمع منة جهاز ب 13 الف ولغاية دلوقت لسة مختش الشاشة عشان محل قذر وتوكيل قذر ممكن الشاشة تكون كويسة كامكانيات لا خدمة لا لا لا
    ان شاء اللة قريب لما تيجى الشاشة هحط تقرير كامل عن الموضوع دا وعن جهازى وعن اختبارات وكل شىء ان شاء اللة
    انا كدة هزعل منك على فكرة
    لإنك مصر تشوه صورة المحل ده و بتشوه صورة الشاشة والتوكيل بتاعها قدام الناس مع إنها زى الفل
    غير كدة انت كنت عامل موضوع بمشكلتك و الناس هناك رضوا عليك وقالو نفس الكلام

    اولا انت غلطان لإن حكاية الdeadpixel ده حاجة معروفة اوى فالشاشات الLCD من 17" لل 24"
    سواء كانت اسوس او سامسونج , ال جى او NEC او viewsonic او او او
    فإنت المفروض لما تشتريها تعمل عليها Test على خلفية سوداء مرة و على خلفية بيضا مرة تانية عشان لو كان فى Dead pixel تاخد بالك
    ساعتها بقى مش هتبدلها فى إسبوعين لا هتبدلها و انت واقف

    لكن تقول توكيل اكثر من قذر و محل قذر ميعرفكش بعد البيع , حركة مش ظريفة
    انا مش شايف ان المحل عمل حاجة غلط ده بالعكس الشاشة لو حصلت فيها مشكلة المفروض تروح للتوكيل مباشرة مش للمحل لكن ان المحل ياخد الشاشة منك و يوديهالك التوكيل ديه جدعنة منهم

    ثانيا بالنسبة للاسبوعين دى سياسة عامة لمعظم التوكيلات فى مصر و مش هقلك هاردوير بس
    عندك الموبيلات لما الموبيل سوفتويره بيضرب او يحصل اى حاجة وتوديه التوكيل بيحصل إيه
    الراجل بيقلك حاضر يا فندم 5 دقائق هروح جرى على الفرع الرئيسى عشان احللك المشكلة؟!!!
    اكيد لا بتاخد منهم وصل بالموبايل و تقريبا بياخد اسبوع عشان يرجعلك تانى ولا إيه

    انا صدقنى زعلانلك ان حاجةزى كدة تحصل و تبوظ فرحتك بالجهاز بس يا عم الحمد لله و إن شاء الله الشاشة ترجعلك سليمةو الف مبروك عالجهاز ابو 13 الف جنيه

  10. #10
    عضو
    تاريخ التسجيل
    Aug 2008
    المشاركات
    115
    الدولة: Egypt
    معدل تقييم المستوى
    0

    رد: عايز تشترى شاشة LCD اسوس 22" بسعر الجملة ؟ اتفضل هنا

    السلام عليكم ورحمة اللة وبركاتة
    مش عارف لية انت متعاطف اوى كدة مع المحل انت قريبة ولا اة
    عامتا انا دخلت انبة الناس واحذرهم لا اكتر ولا اقل
    ودا اعتقد غلط فى شخصيتك لازم تغيرة اسف على التعبير بس مش اخد الحاجة جديدة بايظة تقلى مش عارف اة من سكت عن حقة شيطانا اخرس انا متفق مع المحل انى هاخد الشاشة هتتركن لو فيها حاجة هترجع قلى طبعا يوم ما جبت الجهاز وديتها تانى يوم علطول وجايبة من نفس الزفت المحل الى عاجبك اوى وبعدين السبب الى خلانى اجيب الشاشة بدرى انى كنت عايز اجيب بروسيسر 9550 مكنتش الكيسة الى عايزها موجودة جت الكيسة خلص البروسيسر جة الكيسة والبروسيسر خلص الباور سبلاى ارفت الت هجمع قطعة قطعة واتفقت مع المحل والى بيعملة المحل دا سفالة وعدم امانة المفروض اخد قطعة من عندة ويتعامل هوا مع الضمان دا لو محل محترم انا بالنسبة ليا تاخير جهاز جديد هوا مش فارقة معاة لما تيجى الشاشة ان شالة بعد شهر يخليها عندة وتتباع او حتة تتحط فى العرض يعنى هيا القطع الى فى العرض مش بتتباع ولا اة يعنى والوضع مختلف عن الموبايلات تماما ولو انت اتعودت على انى لما حاجة تبوظ تروح التوكيل دا غلط منك انت المحل المسئول يغنى لو على كدة انا اجيب كام قطعة من برة على انها من مصر عادى وفرق مثلا 500 جنية فى قطعة مثلا 2000 وابيعها بنفس سعر مصر تحت اى اسم محل وهمى مثلا وهيل ملهاش ضمان اصلا واقول للهيشترى تباع شركة كذا وانا اطير يا عم فوق بقة كفاية دفاع عن الغلط
    اسف جدا عللا اسلوب الكلاب بس كلامك حرقنى جدا واسارنى جدا اطرنى انى اكتب بالاسلوب دا واسف على اى غلط صدر منى بس انا الحمد اللة متاكد من كلامى وفاهم طبيعة السوق مش واحد عايز ياخد حجتة وخلاص ومليش دعوة لا انا بدور على الحق لاكن محل مش محترم ذا دى ملوش غير انى بيدور على الفلوس البييع بسسسس خدمة ما بعد البيع لا والمشكلة انى دا الى بنفتقر الية فى مصر عامتا انهردة الاحد المفروض بكرة الاتنين ان شاء اللة اخد الشاشة وهتابع معاكوا اة الى حصل ان شاء اللة
    بس سوال بس هوا الديد بيكسل بيبقة عيب صناعة طبعا هل ينفع مع الوقت يحصل ديد بيكسل ولا اة نظامها

  11. #11
    عضو برونزي الصورة الرمزية M_HaFeZ
    تاريخ التسجيل
    Dec 2005
    المشاركات
    360
    الدولة: Egypt
    معدل تقييم المستوى
    22

    رد: عايز تشترى شاشة LCD اسوس 22" بسعر الجملة ؟ اتفضل هنا

    ياجماعة عايزين نتفق على اننا نسمع لبعض
    محدش غلطان على طول الخط ... الراجل المحترم قابل مشاكل معينه مع توكيل .. هو مش من مصلحته حاجه انه يقول كده ... بالعكس الناس هتاخد بالها بعدين فى التعامل ... حرص ولا تخون

  12. #12
    عضو الصورة الرمزية *د/أحمد*
    تاريخ التسجيل
    Aug 2008
    المشاركات
    67
    معدل تقييم المستوى
    0

    رد: عايز تشترى شاشة LCD اسوس 22" بسعر الجملة ؟ اتفضل هنا

    اقتباس المشاركة الأصلية كتبت بواسطة M_HaFeZ مشاهدة المشاركة
    ياجماعة عايزين نتفق على اننا نسمع لبعض
    محدش غلطان على طول الخط ... الراجل المحترم قابل مشاكل معينه مع توكيل .. هو مش من مصلحته حاجه انه يقول كده ... بالعكس الناس هتاخد بالها بعدين فى التعامل ... حرص ولا تخون
    مفيش اعتراض على الاخذ والاستماع للاخرين
    والاخ العزيز Ahmed
    كان بيحاول يخفف عن اخونا الفاضل ahms10
    وعلى كل ياريت نكون اكثر هدوء في التعامل مع هذه الامور
    ونركز اكتر على النواحي العلمية بعيدا عن مشاكل التجار المصريين
    واحنا منتظرين عودة الشاشة لاخونا العزيز ahms10 عشان نشوف رأيه فيه خاصة مع الجهاز
    الاكثر من رائع _ ماشاء الله _ ربنا يبارك له

  13. #13
    عضو
    تاريخ التسجيل
    Aug 2008
    المشاركات
    115
    الدولة: Egypt
    معدل تقييم المستوى
    0

    رد: عايز تشترى شاشة LCD اسوس 22" بسعر الجملة ؟ اتفضل هنا

    يا جماعة انا يا اما دخلت منتديات بس فعلا دا احسن منتدى فى حياتى واللة بجد من بقول كلام وخلاص
    واسف يا استاذ احمد واللة مكنش القصد اى غلط بس كلامك اثارنى وانا واللة مولع نار من الموضوع دا لانى جايب الجهاز جديد ومرمى جمبى اهو مش عارف استعملة كسر فرحتى بجد
    بس اقسم باللة العظيم انى القصد كان انى انبة الاعضاء من الشاشة والمحل انا مصلحتى اة يعنى انى اشوة صورة الشاشة والمحل اقسم باللة كان القصد التنبية لانى الجهاز الى انا مجمعة جايب فى كل قطعة بعد استشارة الاعضاء هنا ولقتناع بارائهم الاكثر من ممتازة وكان احسن حاجة كل كلمة عليها دليل ودا الى عجبنى فى المنتدى دا حتة لما بيحصل نقاش عنيف شوية كان كل واحد بيستندلديل وكونى انا الاقى قطعتى مثلا عليها خلاف مع قطعة اخرة دا دليل انى القطعة دى كويسة ودا اكتلر حاجة عجبتنى فى المنتدى وشجعنى على المشاركة وان شاء اللة هتابع معاكوا الى هيحصل بكرة ان شاء اللة بس ادعولى يكون الرد من الجهاز الجديد
    واقسم باللة مرة اخرى انا اساس الموضوع دا تحذير الاعضاء لحرصى عليهم مش اكتر ما كل يخص حر هوا انا اقدر اجبر حد على حاجة
    الاخ ain2006 الرسالة وصلت ومضمونها ممتاز واسف مرة اخرى للاخ احمد واشكرك على كلامك
    واحب اننا نتعرف كلنا هنا ونقابل بعض على الماسنجر حتة وكلنا نحب بعض ونفيد بعض واسف مرة اخرى على اى خطا صدر منى

  14. #14
    عضو
    تاريخ التسجيل
    Jul 2008
    المشاركات
    33
    الدولة: Hungary
    معدل تقييم المستوى
    16

    رد: عايز تشترى شاشة LCD اسوس 22" بسعر الجملة ؟ اتفضل هنا

    اقتباس المشاركة الأصلية كتبت بواسطة ahms10 مشاهدة المشاركة
    يا جماعة انا يا اما دخلت منتديات بس فعلا دا احسن منتدى فى حياتى واللة بجد من بقول كلام وخلاص
    واسف يا استاذ احمد واللة مكنش القصد اى غلط بس كلامك اثارنى وانا واللة مولع نار من الموضوع دا لانى جايب الجهاز جديد ومرمى جمبى اهو مش عارف استعملة كسر فرحتى بجد
    بس اقسم باللة العظيم انى القصد كان انى انبة الاعضاء من الشاشة والمحل انا مصلحتى اة يعنى انى اشوة صورة الشاشة والمحل اقسم باللة كان القصد التنبية لانى الجهاز الى انا مجمعة جايب فى كل قطعة بعد استشارة الاعضاء هنا ولقتناع بارائهم الاكثر من ممتازة وكان احسن حاجة كل كلمة عليها دليل ودا الى عجبنى فى المنتدى دا حتة لما بيحصل نقاش عنيف شوية كان كل واحد بيستندلديل وكونى انا الاقى قطعتى مثلا عليها خلاف مع قطعة اخرة دا دليل انى القطعة دى كويسة ودا اكتلر حاجة عجبتنى فى المنتدى وشجعنى على المشاركة وان شاء اللة هتابع معاكوا الى هيحصل بكرة ان شاء اللة بس ادعولى يكون الرد من الجهاز الجديد
    واقسم باللة مرة اخرى انا اساس الموضوع دا تحذير الاعضاء لحرصى عليهم مش اكتر ما كل يخص حر هوا انا اقدر اجبر حد على حاجة
    الاخ ain2006 الرسالة وصلت ومضمونها ممتاز واسف مرة اخرى للاخ احمد واشكرك على كلامك
    واحب اننا نتعرف كلنا هنا ونقابل بعض على الماسنجر حتة وكلنا نحب بعض ونفيد بعض واسف مرة اخرى على اى خطا صدر منى
    حصل خير. خلينا بأة في المهم : زي مأال أحمد باشا إن أي شاشة LCD من أي ماركة ممكن تلائي فيها العيب ده يعني مش مرتبطة بماركة أو موديل أو حجم معين والديد بكسل ساعات بيبأة عيب صناعة وساعات بيجي مع الوأت بدليل إن الضمان بيغيرلك الشاشة بعد ظهور عدد معين من الديد بكسل(خمسة أو تلاتة).
    أنا عن نفسي جربت الشاشة دي وأنا بجيبها ولأيتها سليمة الحمد لله بس حصلي موقف وحش مع الكارت 4850 اللي شاريه مع الشاشة ومشتغلش علي جهازي وكان العيب من جهازي (بسبب بور ماركة حمادة) وطبعا المحل مرضيش يرجعه وبعته وخسرت فيه كتيييير لأني مكنتش أعرف إمته ودلوأتي بحاول أجيبه تاني بس بعد معرفت الغلط فين واتعلمت
    خلاصة القول إن الواحد مبيتعلمش غير من المواقف دي وزي منتو عارفين الواحد مبيتعلمش ببلاش .وكلمة بأة فلسفية من أخ بيحبكو : طول مصحتك سليمة تغور كل حاجة تانية(عن تجربة قاسية)

  15. #15
    عضو الصورة الرمزية Ahmed_
    تاريخ التسجيل
    Aug 2008
    المشاركات
    286
    الدولة: Egypt
    معدل تقييم المستوى
    0

    رد: عايز تشترى شاشة LCD اسوس 22" بسعر الجملة ؟ اتفضل هنا

    اقتباس المشاركة الأصلية كتبت بواسطة ahms10 مشاهدة المشاركة
    السلام عليكم ورحمة اللة وبركاتة
    مش عارف لية انت متعاطف اوى كدة مع المحل انت قريبة ولا اة
    عامتا انا دخلت انبة الناس واحذرهم لا اكتر ولا اقل
    ودا اعتقد غلط فى شخصيتك لازم تغيرة اسف على التعبير بس مش اخد الحاجة جديدة بايظة تقلى مش عارف اة من سكت عن حقة شيطانا اخرس انا متفق مع المحل انى هاخد الشاشة هتتركن لو فيها حاجة هترجع قلى طبعا يوم ما جبت الجهاز وديتها تانى يوم علطول وجايبة من نفس الزفت المحل الى عاجبك اوى وبعدين السبب الى خلانى اجيب الشاشة بدرى انى كنت عايز اجيب بروسيسر 9550 مكنتش الكيسة الى عايزها موجودة جت الكيسة خلص البروسيسر جة الكيسة والبروسيسر خلص الباور سبلاى ارفت
    و عليكم السلام و رحمة الله و بركاته
    انا مش شايف تعاطف بالعكس انت لو ليك حق عنده لازم تاخده
    هو إيه ده بالظبط إللى غلط فى شخصيتى ؟
    بص انا مقدر زعلك من إللى حصل بس مش مبرر انك تشتم فالمحل .... هقول إيه ,اعيد نفس الكلام إللى فوق ؟
    انا مش عارف ليه بتتكلم على الجهاز احنا بنتكلم على الشاشة دلوقتى
    إيه المشكلة لما تجيب الشاشة بدرى براحتك , بس جربها
    انا كل إللى اعترضت عليه نقضك للشاشة و المحل
    لو بتحذر الناس قول يا جماعة إللى بعد كدة عايز يجيب شاشة lcd لازم يcheck عليها كويس و يتأكد ان مفهاش لا brightpixels ولا فيها dead pixels
    لكن تقول الشاشة وحشة و التوكيل بتاعها قذر .....:mad:
    ده مش تحذير ده تخويف
    بالنسبة للمحل ممكن تقول للشباب هنا المحل عمل إيه بالظبط عشان تكرهه للدرجة ديه
    قلت هجمع قطعة قطعة واتفقت مع المحل والى بيعملة المحل دا سفالة وعدم امانة المفروض اخد قطعة من عندة ويتعامل هوا مع الضمان دا لو محل محترم
    اعتقد ان هو ده إللى حصل خدها منك بعد متأكد هو ان فعلا فيها defect و وداها التوكيل ولا إيه
    انا بالنسبة ليا تاخير جهاز جديد هوا مش فارقة معاة لما تيجى الشاشة ان شالة بعد شهر يخليها عندة وتتباع او حتة تتحط فى العرض يعنى هيا القطع الى فى العرض مش بتتباع ولا اة يعنى
    والوضع مختلف عن الموبايلات تماما
    ازاى يعنى
    انت عايزه يخلى حاجة عنده و يبيعها على اساس ان هى زيرو و هى اساسا كان فيها مشكلة و اتصلحت ( ده لو الحاجة ديه اتصلحت فعلا و رجعت المحل سليمة) سواء بقى كانت الشاشة او اى حاجة تانية - هو ده إللى اسمة سفالة و غش -

    مختلف عن موبايلات ؟!!!!!
    انا كنت بقول مثل على سياسة استرجاع الحاجات البايظة
    مفيش حاجة بترجع فى ساعتها لازم تروح التوكيل يتأكدوا انها فعلا بايظة يا يصلحوها يا يبدلوها
    هل المحل المسئول ملزم انه يبدل الحاجة ديه؟ ديه شغلة الوكيل
    طب افرض مثلا ان العيب مكنش deadpixel مثلا, افرض الشاشة مش بتقوم باور اساساً
    انت من وجهة نظرك الشاشة بايظة و عايزة تتصلح
    تقوم رايحله و هو يبدلهالك كدة على طول ؟ يديك هو الجديدة و هو كدة زى المسئول يوديها التوكيل لإنها مش فارقة معاه اسبوعين
    ماشى لحد كدة تمام
    يجى بقى التوكيل يقول لأ الشاشة ديه باظت من سوء استخدام ( اتخبطت , overvoltage , حد لعب فيها ) يعنى الحاجات ديه
    يقوم المحل يلبس فالشاشة و يقول ربنا يعوض عليا ؟؟؟؟
    ولو انت اتعودت على انى لما حاجة تبوظ تروح التوكيل دا غلط منك انت المحل المسئول يغنى لو على كدة انا اجيب كام قطعة من برة على انها من مصر عادى وفرق مثلا 500 جنية فى قطعة مثلا 2000 وابيعها بنفس سعر مصر تحت اى اسم محل وهمى مثلا وهيل ملهاش ضمان اصلا واقول للهيشترى تباع شركة كذا وانا اطير
    تشترى فرق 500 جنيه من برة و تبيعها هنا من غير ضمان ؟!!!
    على اساس إيه الناس مفيش خالص brain فال skull بتاعتها ؟
    انا مش عارف إيه علاقة اللى بتقوله بحكاية التعامل مع التوكيل مباشرة -- هو انا بقلك التوكيل ده باطل ده بالعكس تعامله هيبقى افضل و اسرع معاك هيقلك إيه يا باشا المشكلة تقلو كذا و كذا و كذا , يقوم يبص عالشاشة يقلك ماشى خد الوصل ده و عدى علينا كمان اسبوعين --
    بس ما علينا
    انت لو عملت كدة اساسا تانى يوم هتلاقى المحل اتشمع و انت هتقضى اليلة فالقسم
    يا عم فوق بقة كفاية دفاع عن الغلط
    تعبير جميل حيث شبهتنى بالتايه او مش عارف انا بتكلم عن إيه
    لا و إيه بتقول كفاية دفاع عن الغلط اكن الراجل بتاع المحل ضحك عليك مثلا و دفعك تمن شاشة بايظة و انا بدافع عنه و قلت ان هو ده عين العقل
    فوق انت مش واخد بالك ان انت مكبر الموضوع جامد ده لو كان فى موضوع اساسا
    اسف جدا عللا اسلوب الكلاب بس كلامك حرقنى جدا واسارنى جدا اطرنى انى اكتب بالاسلوب دا واسف على اى غلط صدر منى بس انا الحمد اللة متاكد من كلامى وفاهم طبيعة السوق مش واحد عايز ياخد حجتة وخلاص ومليش دعوة لا انا بدور على الحق لاكن محل مش محترم ذا دى ملوش غير انى بيدور على الفلوس البييع بسسسس خدمة ما بعد البيع لا والمشكلة انى دا الى بنفتقر الية فى مصر عامتا انهردة الاحد المفروض بكرة الاتنين ان شاء اللة اخد الشاشة وهتابع معاكوا اة الى حصل ان شاء اللة
    بس سوال بس هوا الديد بيكسل بيبقة عيب صناعة طبعا هل ينفع مع الوقت يحصل ديد بيكسل ولا اة نظامها
    اسلوب كلامى حرقك و اثارك ؟!!!!
    متاكد من كلامك و فاهم طبيعة السوق - Good 4 you -
    واخد عايز ياخد حجته و خلاص !!!!!
    ومليش دعوة لا انا بدور على الحق ........ مكنتش قلت كلمة واحدة ولا عملت اى comment للposts بتاعتك
    يا عم انا مالى اساسا انا لا عايز اشترى الشاشة و لو هشتريها مش هيبقى دلوقتى خالص و المحل انا يادوب اعرف اسمه و مكانه ولا تصلنى به اى صلة , انت فاكر ان انا مثلا ليا مصلحة ان الشباب ديه تشترى الشاشة ؟
    او ان المحل تطلع صورته حلوة او وحشة او ان اى حد يشترى منه حاجة ؟

    يا جدعان الشاشة ديه زى الزفت ,,, غالية عالفاضى
    ايوة فيها كاميرا 1.3 ميجا بيكسل بس إيه يعنى هات كاميرا creative ال2ميجابكسل تعملها 65 جنيه
    فيها مايك .... صوته واطى و لازم تقرب مالشاشة اوى عشان صوتك يطلع
    فيها سماعات....مين محتاجها اساسا انت لو جبت جوز سماعات ماركة حمادة إللى ب 20 جنيه هيطلعوا صوت احسن
    بلاش كل ده, فيها hdmi ? ...... مين محتاجة اساسا الفرق بين الhdmi و الdvi ان الاول مخرج صوت و صورة فى نفس الوقت عشان الGaming consoles و خلافة
    بلاش... ال responserate 2ms ؟و هو فى شاشة دلوقتى مش كدة ؟
    حتى لو فى شاشة 5 او 6ms مش هتحس بحاجة غير طبيعية فالشةشة
    مالها السامسونج ام 1300 رخيصة و مش محتاجة جملة ولا وجع دماغ

    و المحل اوعوا حد يشترى منه إللى إذا كان متأكد ان الحاجة إللى عنده ارخص من المحلات الأخرى + ضمانها مظبوط + تكون جربتها عنده

    و انا آسف يا عم على كل كلمة قلتها
    اقلك , آسف ان انا عملت الموضوع اساسا
    بص يا عم انا مش هخش عالموضوع ده تانى
    و همسحوا من التوقيع كمان عشان تصدق ان انا بقول رأى بصراحة ( مش بدافع عن الغلط )
    و اتمنالك التوفيق و ان شاء الله الشاشة تقعد معاك 20 سنة

المواضيع المتشابهه

  1. "هارد + كارت شاشة بسعر مميز بالقاهرة"
    بواسطة discovery11 في المنتدى الأرشيف
    مشاركات: 9
    آخر مشاركة: 01-07-2012, 01:35
  2. مشاركات: 11
    آخر مشاركة: 01-01-2012, 15:48
  3. لو عايز تشتري كارت شاشة !! Benchmark لاهم الالعاب
    بواسطة engkiller في المنتدى الأرشيف
    مشاركات: 3
    آخر مشاركة: 12-01-2010, 15:30
  4. مشاركات: 4
    آخر مشاركة: 06-09-2009, 05:04
  5. رايكم في شاشة LCD 19" بسعر 1250 ريال .. " عنوان معدل "
    بواسطة ايش اسمي في المنتدى الأرشيف
    مشاركات: 2
    آخر مشاركة: 30-09-2007, 22:29

الكلمات الدلالية لهذا الموضوع

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •