اوعى تلبس فى الشاشة دى والمحل دا

**ahms10** · 07-10-2008, 14:31

السلام عليكم ورحمة اللة وبركاتة
معلش انا اسف اتاخرت يوم عن نشر الموضوع فى المعاد المحدد لية وهوا امبارح 6 اكتوبر
المهم الى حصل كالتالى اولا انا جمعت الجهاز بتاعى بعد ما اخدت خبرة كبيرة جدا من المنتدى الممتاز دا بجد وجايز كنت مقصر شوية ومش بكتب مواضيع بس اول ما حصل معايا الموضوع دا قلت لا لازم اقول لاخوانى هنا عشان يخدوا بالهم من الشاشة دى الى الكل تقريبا عايز يجبها دلوقتى وبيتكلم عن مواصفتها الجميلة وشكلة الجميل ويعتبر سعرها كويس الا وهى asus الى حصل معايا هوا انا كنت كل يوم اسال على قطع جهاز الكمبيوتر كل يوم الاقى قطعة والتناية لا انا طبعا من مصر لغاية لما زهقت انا اكتر واحد فى مصر على سبيل المثال استنى كارت 4870 لاكن دون جدوى اخرة لما زهقت قولت خلاص انا هجيب ال gtx280 وامرى الى اللة خلاص لقيت الكيسة الى نا عايزها وهيا 3d mars مش موجودة وكمان الباور ال hec750مش موجود يا نهار اسود كل شوية كدا قررت خلاص انى اى قطعة اجيبها واستقر عليا اخلص فيها وفعلا جيت يوم 17-9 روحت المحل الى المفروض اغلب المصرين بتعاملوا معاة ومجلة الاسعار بتجيب الاسعار منة وجبت الشاشة طبعا الناس فى غاية الزوق بس للاسف دا قبل الشراء بس بعد الشراء ميعرفكش ودا الى حصل معايا المهم جبت الشاشة واتفقت مع الى كان فى المحل وكان اسمة محمود خليفة انى انا هاخد الشاشة دى الى هيا asus 221mhالى هيا فيها كاميرا بس انا هاخدها عشان الى قولتلكوا علية كل شوية حاجة تخلص قبل ما تخلص هاخدها بس مش هتشتغل عندى لانى لسة مجبتش جهاز والجهاز القديم بعتة فا الشاشاة هتتركن عندى مش هتشتغل فا لو فيها اى حاجة هرجعها قلى طبعا وكلام اى كلام المهم جيت الحمد اللة يوم 6 اكتوبر جمعت الجهاز كلة واللة الحمد وكلة تمام واجرب الجهاز الاقى 2 ديد بوينت فى الشاشة ختها ورحتلة اخر الة ادب اطلع الدور التانى اطلع الدور التانى يجرب فى الشاشة كانى انت سارقها يهرها ويقلى فيها ريحة شياط مع انى الشاشة كانت لسة بالاستيكر بتاعها المهم بعد سنة قلى خلاص فعلا فى ديد بوينت قلت الحمد اللة انى العالم دى فهمت خلاص المفروض الحاجة جديدة وماستعملتش طيب اخد الجديدة امتة بعد اسبوعين
اتفضلوا اتفرجوا على محل ITD المحترم بيعمل اة مع زباينة بعد الشراء يعنى المفروض محل محترم كدة يدينى الشاشة الجديدة ويتعامل هوا دى مشكلتة هوا مش مشكلتة انا وطبعا ان شاء اللة هتابع معاكوا اة الى هيحصل اول باول لغاية لما ينتهى الموضوع دا ويا انا يا هما ان شاء اللة
المفروض هروح كمان اسبوع وهبقة اخبركوا بالنتيجة
الخلاصة ابعد تماما عند شاشات اسوس زبالة بمعنى الكلمة وكمان توكيها ازبل بجد ارف ارف ارف
مش تجربتى انا بس اقسم باللة ودا حصل وانا واقف اجمع الجهاز واحد دخل عليا المحل ومعاة شاشة بنفس المشكلة الديد بوينت
دا بالنسبة للشاشة
نيجى بقة للمحل الى للاسف بنعمل منة مجلة الاسعار والناس تاخد الاسعار مصدفة
دا شىء يوصف بالسرقة
انا خلاص الحمد اللة كمعت الجهاو هقلكوا الاسعار الى جبت بيها والاسعار الى محل itdبيبيع بيها
processor itel q9550 2500 2550
motherborb:giga byte p45 dq6 1600 1650
vga:gigabyt gtx 280 2650 3100
case gigabyte 3d mars 800 875
lcd asus 22inch with cam 1700 1725
powersupply gigabyte odin 800 watgt 1220 1300
hard wd 750 giga aaks 795 720
دا غير انى فى موديل افضل منة اسمة aals الى هوا بلاك كافيار وبكاش 32 ممتز
يا جماعة بلاش كدة الكى بورد والماوس الميكرو سوفت المعروفين دول فى كل حتة ب 100 جنية عندة ب 135
انا مش عارف لية هوا بيعمل كدة بصراحة كدا بيخسر الناس عماتا انا قلت انبهكوا من الشاشة دى على اى وجهة متجبهاش اما التعامل مع المحل فا دا يرجعلك بس اسعار مرتفعة بمعنى الكملة فى كل حاجة
ومعلش طولت عليكوا بس انا قلت انبهكوا لانى شوفت الفترة دى ناس كتير قادمة على شراء جهاز
وانا مسئول مسءولية تامة عن كلامة واى استفسار
ايميلى ahms1000@hotmail.com
mob:0124806695
وولاسف الناس الى اسمئهم موجوجدة فى مجلة الاسعار كانوا موجودين :كريم النجار -ابراهيم-محمودخليفة -طارق

**mramzi** · 09-10-2008, 14:10

انا طبعا مقدر زعلك ونرفزتك لان الشاشة جديدة وحصل معاك موقف وحش
اولا من حقك تاخد شاشة جديدة وانت واقف بعد ما يشيك على الديدبويت
انا ما اعرفش المحل لكن واضح انهم ناس مش محترمين
متخلش الاسبوع يعدي عليك رومح وكلمهم وشوف الرد لو مفيش فايدة قلهم هعمل محضر والنقطة جانبك واتصل بجهاز حماية المستهلك ، وقل لهم الكلام ده قبل ما تروح

انا بالنسبة للشاشة في حد ذاتها فهي ممتازة وانا بقول الكلام ده بنا على تجربتي انا لسة شاري شاشتين مكملوش شهر ، وعندك اكثر من عضو هنا شارين برضو وشهدو للشاشة بالجودة .

ومسألة الديد بيكسل دلوقتي امر طبيعي ومن حقك تجربها في المحل او البيت وترجهعا وتاخد جديدة علطول ، لكن للاسف المحل ده غريب جدا في تعامله معاك بهذه الطريقة

وعلى فكرة ده مش التوكيل دول مجرد موزعين وكيل الشاشة شركة IBS وهيا نفسها وكيل BenQ

**Ahmed_** · 10-10-2008, 03:59

بص انا مش بدافع عن المحل
بس انا مش شايف إنهم عملوا حاجة غلط
انت كنت المفروض تجرب الشاشة و أنت بتشتريها بالذات إنك عارف إنك مش هتشغلها دلوقتى
لكن تيجى بعد اكتر من 15 يوم تقله الشاشة متفتحتش و فيها dead pixels ( حط نفسك مكانه )
هو عمل إللى المفوض يعمله ( خد الشاشة و وداها التوكيل )
بس انا معاك فى إنهم غاليين شوية
إن شاء الله الشاشة تتغير و تغير رأيك فيها لإنها فعلا شاشة ممتازة

**| Fusion |** · 10-10-2008, 04:25

شكرا ليك على التنبيه دا, و احنا مقدرين ضيقك و زعلك بسبب موضوع الشاشة, و طبعا حقك ترجعها و تاخد غيرها, بس دا ميعيبش في الشاشة و لا في ASUS اي حاجة لانه موضوع ال Dead Pixels دا وارد يحصل مع اي شاشة LCD بتتباع في اي حتة في الدنيا..

بس برضو زي ما قال Ahmed_ انت اتاخرت اوي, يعني اسبوعين مش قليل خالص..

و بالنسبة لفرق الاسعار دا, فكذا محل نصحني شخصيا بعدم الشراء في الفترة الحالية, لانه السوق فيها تعبان جدا و كان بقالوا فترة تعبان, فنقدر نقول كدا انه التجار في فترة تعويض دلوقتي, و انت ما شاء الله مختار مكونات عالية جدا, فبتبقى فريسة لاي تاجر انه يكسب منك على قد ما يقدر على اساس ان ميزانيتك عالية و المكونات اللي هتشتريها مش موجودة في كل حتة..

+ يا ريت تقللنا جبت المكونات الجديدة دي منين بالاسعار دي؟

+ العدد القادم ان شاء الله هيكون فيه تعامل مع شركة اخرى يشهد لها كل اللي اتعاملوا معاها بالأمانة و التعامل المحترم..

**asdasd1** · 10-10-2008, 17:24

من شهرين تقريبا اشتريت شاشة asus mk221h ..
وفي خلال الشهرين وجدت نقطة زرقاء على اللون الأسود فقط .. وليس غيره ..ولم أكن أدقق فيها من قبل ..
فهل هذه نقطة ميتة؟
وإذا كانت كذلك هل لي الحق بتغييرها؟
-----------------------------------------------
عذرا للخروج عن الموضوع ..

**moatez** · 10-10-2008, 17:47

حصل خير و ان شاء الله تغيرها بواحدة جديدة بس كان المفروض تجرب الشاشة فى المحل قبل ما تدفع فيها مليم و تخلى الراجل يجبلك خلفية بيضاء و سوداء و تشوف النقط بنفسك و ده من حقك طبعا

**ahms10** · 11-10-2008, 19:53

الف شكر على تجاوبكم والحمد اللة على كل شىء بس فعلا كان موقف سخيف وانا فعلن جربت الشاشة ولاكن انا جربتها اشتغلت خلاص تمام وشيل يا جدع وخلاص وشغلتها فى البيت على الاب توب كدة مرة وخلاص انا السبب فى تاخيرى كان لانى لسة مجمعتش الجهاز مش عشان حاجة واول ما جمعت الجهاز لقيت كدة تانى يوم الصبح رحتلة وكنت متفق معاة مش رحت كدة وخلاص كمان وكدة الجهاز كلة مركون ولسة متجربش كويس ويا عالم هيطلع فية حاجة هوا كمان ولا لا يلا ربنا يسهل عماتا هوا انهردة اهو السبت المفروض اخدها الاتنين الجاى ان شاء اللة انا بكلمكوا من الاب توب دلوقتى اول ما توصل الشاشة هكون متابع معاكوا ان شاء اة الى حصل بالظبط وان شاء اللة اشارك معاكوا فى المجلة الجديدة بس قلولى معاد صدورها وانا ان شاء اللة اجمع اقل اسعار واقول اسم المحل اصلى انا غاوى لف وان شاء اللة هالكوا كل حاجة فى جهازى والافكار المستقبلية والنتائج واى استفسار تفضلوا اصلى الفترة دى كنت بلف لف لغاية لما زهقت فا تقريبا عندى علم كبير بالسوق المصرى والاسعار وكدة ولو عايز مشورة فى اى حاجة قولى لقيتها بكام وانا االك فى اسعار اقل ولا لا وان شاء اللة نساعد بعضنا
سلام عليكم

**ahms10** · 12-10-2008, 20:36

طبعا من حقك التغير لانى دى ديد بيكسل هتفضل كدة علطول بس طبعا زى ما اتفقنا التوكيل مش كويس هتقد اسبوع ولا اتنين لما تاخد واحدة جديدة

**ahms10** · 14-10-2008, 00:32

السلام عليكم
الحمد اللة فى المعاد التمام الاتنين استلمت الشاشة من شركة itd وصدقت معايا بس بعد شوية رخامة كدة صغيرة
الى حصل بالظبط
اول ما دخلت واحد رفيع كدة مش عارف اسمة بصراحة تقريبا حطينة يطفش الزباين من المحل
دخلت اقول سلام عليكم كان فى شاشة رد عليا قلى لسة مجتش
قلتلة يعنى اة لسة مجتش هوا انا هفوت عليك كل يوم تقلى لسة مجتش ولا اة
اظاهر فعلا انو ملوش لازمة فى المحل قلى انا مالى كلم محمود
كلمت محمود قلى لحظة واحدة وخلال ما كنت واقف فى المحل كان فى واحد فى منتهى الزوق للاسف بردوة معرفش اسمة كان بيصبرنى والى ان شاء اللة هتاخد الشاشة بتاعتك بس المشكلة انها كانت ناقصة فى التوكيل الوحيد الى فعلا مخلنيش ابهدل الى ملوش لازمة دا ومحمود خلص تليفون وقلى اطلع استلم الشاشة
طلعت فى العمارة الدور التانى الى هوا مكتب الصيانة بتاع محل كمبيو داتا ما هوا هوا نفس المحل كمبيو داتا وال itd واحد على فكرة دخلت قابلت واحد بردوا محترم قلى انت كنت لسة تحت وسالت على الشاشة قلتلة ايوة الى هيا جاهزة وانا جربتها فترة كبيرة امبارح وكانت تمام قلتلة معلش بردوة نجربها تانى اصلى انتوا عندكوا حوار التبديل دا صعب شوية الى تحت امرك طبعا ووصلنا الشاشة وجربنا جميع الخلفيات وجميع الالوان والحمد اللة تمام وهيا شاشة فعلا جديدة بسيريال جديد وبسلوفان جديد وخت الشاشة ونزلت افوت تانى على محمود والشخص المحترم الى للاسف معرف اسمة وسلمت عليهم وشكرتهم لانهم على الاقل صدقوا معايا ونفضت لللى ملوش لازمة دا طبعا ووصلت البيت الحمد اللة وشغلت الشاشة والحمد اللة شغالة كويس ابقة انزل ويندز بقة واخبركوا بالنتايخ ان شاء اللة

**moatez** · 14-10-2008, 01:25

الف مبروك عليك الشاشة الجديدة و الحمد لله انهم غيروها و ربنا يباركلك فى الجهاز كله

بس هى الشاشة ده فعلا قليلة عندك فكره و لا الراجل بيقول كدا و خلاص

**ahms10** · 14-10-2008, 11:45

لا مش عارف واللة بس انا بشوفها كتير فى محلات كتير اوى بس اسعارها متفاوتة ما بين 1700 -1750 انا جبتها ب 1725 الحمد اللة حاول بقة تجبها ب 1700 واى خدمة يا باشا والف شكر على ردك
سلام عليكم

**thegoodhacker** · 14-10-2008, 16:25

الف مبروك يا باشا علي الشاشة ........
بس خلي بالك المرة الجاية انك تجرب الحاجة وانت واقف في المحل او علي اقلها في نفس اليوم في بيتك علشان لو فيها حاجة يبقي ترجعها في يومها او مثلا اليوم اللي بعدها يا اما بمنتهي السهولة حيقولك وديها الضمان لانك لو سبتها عندك بيعتبر الحاجة اشتغلت خلاص ........
انا مش بدافع عن المحل ده بس ده للاسف الاسلوب المتبع في مصر