هل يوجد حل ؟؟

**SiZaRe** · 16-10-2008, 04:36

السلام عليكم ورحمة الله وبركاته

انا دخلت هالموقع قلت اكيد بحصل جوابي لأن باين على الأوادم الي هنيه كلهم فاهمين شنو يتكلمون عنه

شافيت كم موضوع واعتقد سؤالي مابيكون صعب..

سؤالي هو.. انا شريت لأخوي لابتوب SONY VAIO واحس اني انضربت مع ان مواصفاته وايد حلوه

Inter Dual 2 Core 2 2.1
3GB RAM
320 GB Hardisk

لكن المشكله ضهرت لي ان في النهاية الـ Graphic Card طلعت Intel وكلش مستوى ادائها في الألعاب وبعض المحاكيات مب من المستوى المطلوب

هل من الممكن تغييرها او تبديلها إلى nVidia او ATI او تحسين ادائها ؟؟

انا فكرت اخذ كرت شاشه بس قاعد افكر انا باخذ كرت شاشه ... لما شفت شكله اخر مره كان شكله تقريباً نص حجم الاب توب .. وين راح يركب هاي خخخخخ؟؟

من كذا قاعد افكر واسأل (ونهاية الرحلة معاكم .. يعني اخر جواب بسمعه)

فـ اتمنى تعطوني جواب على سؤالي وتفهموني سالفة الـ Graphic Card بتاعة الابتوبات و تفهموني شنو نوعيتها واذا كنت اقدر احسن مستوى الي عندي او اركب nVidia

وتحياتي

SiZaRe

**فارس الاسلام** · 17-10-2008, 07:13

اول شيء اسأل الوكيل للسوني اللي اشتريت منه اللابتوب هل تستطيع تغيير كرت الشاشة اذا كان الجواب نعم عليك بتغييره الى نفادا
وسلامتك

**The_Wolf88** · 25-10-2008, 14:15

اذا كان الكرت انتل فلا اظن انك تستطيع تغيير الكرت

**عيسى عع** · 28-10-2008, 15:02

للأسف لا تستطيع تغيير الكرت لأن الأب توب مصمم للأعمال المنزلية وليس للألعاب الأفضل رجعة وأأحذ لابتوب للألعاب واسف على الأطالة اخوي

**SiZaRe** · 29-10-2008, 16:53

اهاا

مشكورين على الردود

ماتقصروون

والله انا رحت للوكيل عندنا وقالولي نفس الكلام..

عييب كبيير في صنع الابتوب صراحه ...

طيب

سؤال ثاني

انا المشكله الرئيسيه هي ان لما اشغل العاب واجد تشير وتعلق تلووع الجبد

فهل فيه برنامج او طريقة تسرع عمل الكرت نفسه وتخليه يشتغل تمام وبدون مشاكل التعليق هاذي

مشكورين

تحياتي

SiZaRe

**F.C.B** · 29-10-2008, 22:10

أخي ينصح بعدم عمل تسريع أو كسر سرعة لأجزاء اللاب توب الرئيسية ( طبعا إن أمكن عمل ذلك لأن في الغالب لا يمكن ) و ذلك لأن الجهاز لن يتحمل ذلك لأن اللاب توب بالأساس غير مصمم لعمل كسر سرعة

لكن في حل أخر : غير إعدادات اللعب في اللعبة و خفضها حتى تعمل اللعبة بشكل جيد دون مشاكل