.
.
Heat Sink
تم تسمية المشتت Big Typhoon على اعصار استوائي معروف بدماره
( اعجبتني هالمعلومة D: )
وهو من المشتتات الضخمة - وزنه تقريباً 850 غرام
و VX تعني الاصدار الثاني للمشتت
تم تسهيل التركيب بحيث يركب المشتت بمجرد الكبس
وتم اضافة متحكم يدوي على المروحة اللي حجمها 120m
وسرعتها مابين 1300 الى 2000 rpm
(مالاحظت فرق في التبريد عند زيادة سرعة المروحة)
ولاحظو فرق الحجم بينه وبين مشتت انتل العادي
طبعاً انواع المشتتات محدودة للاسف من السوق المحلي
كنت محتار بينه وبين Zalman 9700
لكن زالمان كان اغلى بـ 25$ تقريباً
بس تشجعت لثيرمال تيك بعد ماقريت المراجعات الممتازة عنه
هذا غير ان المشتت يتركب بشكل عمودي على اللوحة
مما يعني تبريد اللوحة والرام من هواء المروحة ..
وكان اكبر هاجس لي انه مايركب عندي
خصوصاً لما البايع ماقدر يطلعه من الدرج
ههههههه قلت الله يستر
لكن ركب الحمدلله كأنه مفصل بالتمام وبدون ما افك المذربورد
بس اضطريت افك الباور سبلاي حتى اخذ راحتي في التثبيت ثم رجعته ..
اما اهم نقطة اللي هي التبريد
لاحظت متوسط الفرق عن المشتت الاساسي :
5 درجات في وضع الخمول
10 درجات في وضع الضغط
3 درجات من من حرارة المذربورد
في المراجعات والمواقع مذكورة درجات اقل من كذا
لكن فيه عوامل مهمة تلعب دور في الفرق
واهمها درجة الحرارة المحيطة ونوع القياس او البرنامج المستخدم ونوع الكيس ونوع المعجون ..
وفكيته وركبته ثلاث مرات مع تغيير اتجاه التركيب وتغيير طريقة اضافة المعجون المرافق للمشتت
حتى اتاكد من سلامة الدرجات ..
ومالاحظت اي اختلاف مهم بين كل الطرق المختلفة للتركيب ..
المزايا :
- سعر مناسب نوعاً ما
- مروحة هادئة جداً
- تركيب سهل كالمشتت الاساسي
- المشتت عمودي مما يتيح تبريد باقي اجزاء الجهاز
العيوب :
- الحجم الكبير ممكن يسبب مشكلة في الكيسات الصغيرة
- سطح المشتت غير مصقول بشكل كافي
.
.
Cooling
من المعروف ان كروت الشاشة تصدر حرارة عالية
وكانت درجة الكرت في وضع الخمول 60
بالرغم من وجود مروحة صغيرة على نفس الكرت
قلت لازم اشوف له حل
مع ان نظام مرور الهواء مرتب عندي على الوجه المثالي والاسلاك مرتبة
كان نظام مرور الهواء السابق كالتالي :
- مروحة امامية ادخال موجهة على الهاردسكات
- مروحة علوية لتصريف الهواء
- مروحة خلفية لتصريف الهواء
النظام الجديد
- مروحة امامية ادخال موجهة على الهاردسكات
- مروحتين جانبيه ادخال بشكل عمودي على كرت الشاشة واللوحة الام
- ازالة المروحة العلوية وترك المنفذ مفتوح لتصريف الهواء الحار ..
كانت نتيجة موفقة ولله الحمد
ونزلت درجة الكرت بمتوسط 10 درجات وحتى درجات اللوحة !
وهذي صور توضح حركة الهواء
(التركيب مؤقت الى ما اعدل غطا الكيس الجانبي )
تلاحظون المراوح مايلة شوي للاسفل حتى يكون اتجاه الهواء للاعلى
وهذي درجات الحرارة العامة في درجة محيطة مابين 25-28
.
.
Over Clocking
اقل فولت قدرت اثبت عليه مع السرعة الاصلية هو 1.1
يعني سويت Undervolt من 1.225 الى 1.100
وتعتبر نتيجة طيبة تنزيل 10% تقريباً من الفولت الافتراضي ..
وهذا اختبار لمدة نصف ساعة مع برنامج Othros للضغط small fft
وبرنامج القياس الاصدار الاخير من real temp
اللي يعتمد على 100 tjmax بعد اعلان انتل الرسمي الاخير لحرارة معالجات 45 نانو
(يعني ارتفاع 5 درجات عن القياسات القديمة الشائعة في معظم المنتديات)
تلاحظون الفولت تحت الضغط نقص حوالي 045 وهذا عيب الـ vdrop
درجات الـ vdrop تختلف من لوحة لأخرى
وكل ما كان اقل .. كل ما كان افضل للمحافظة على الثبات تحت الضغط ..
.
.
3500@
سرعة ممتازة وسهلة الوصول
وتلاحظون مافيه فرق بالحرارة بين الافتراضي وبعد اضافة 500mhz
بس بزيادة بسيطة جداً على الفولت الافتراضي حتى يثبت
ممكن يثبت على الفولت الافتراضي لبعض المعالجات لان كل معالج يختلف عن الآخر بدرجة بسيطة
بالاضافة لعامل ثاني ومهم اللي هو الـ vdrop اذا كان قليل في اللوحة
(هذا سبب اختلاف النتائج بين المستخدمين)
.
.
@3655
اعتقد ان كل معالج يكسر لمرحلة معينة بدرجات معقولة
مثلاً معالجات wolfdale تضيف 500mhz بالراحة وبدون اي زيادة في الحرارة
لكن بعد المرحلة هذي ، تضطر لزيادة الفولت بشكل اكبر والحرارة تزيد بشكل اكبر
.
.
@4005
هذي السرعة اللي استخدمها عند لعب بعض الالعاب او الاستخدام الثقيل والثبات ممتاز
مع الضغط الدرجة اقل من 60 ، واعتبرها درجة معقولة جداً
والبعض يخاف من برامج الضغط لكن من النادر ان يستخدم المعالج بنسبة 100% على مدار ساعات طويلة !
فهي مجرد مقياس للثبات تحت الضغط الشديد ..
.
.
@4555
طبعاً بعد الـ 4000 يصعب الثبات بدون رفع الفولت
لكن ما اشوف للسرعة بعد الرقم هذا مالها اي داعي لان مافيه فرق كبير
هذا غير ان تخطي فولت 1.4 يعتبر خطر على المعالج - غير ارتفاع الحرارة
وانتل محددة الفولت الآمن على 1.3625
بس بوجهة نظري 1.4 ماتعتبر مضرة اذا كانت الحرارة معقولة وتستخدم فقط في وقت محدد
يعني ماتشتغل على هالفولت طول الوقت ..
كنت ابغى اسجل اعلى رقم اقدر اوصل فيه بالمعالج
والحمدلله وصلت 4555 over 50%
والرام مع انها عادية وغير مخصصة للكسر
من 800 الى 1012 over 25%
والفولت اكثر من 1.5
وهذا رابط الـ validation
click here
.
.
My work station :D
.
.
اتمنى انكم استفدتو من تجربتي المتواضعة
واذا فيه اي استفسار او ملاحظة حياكم الله
المفضلات