تكملة شرح كورس 70-290 فيديو صوت و صورة

[JUBA]

ارجو عدم الخروج عن الموضوع ونرجو من الاخ العزيز صاحب الحلقتين ان يقوم برفعهم على سيرفر اخر غير الرابيد شير لما يواجه الاخوة من مصاعب عند التحميل وبوركتم وبورك عملكم

[sharif_soper]

السلام عليكم اخي محمود عمر الف شكر ياباشا ونتظر منك المزيد وجزاك الله كل خير وجعلة في ميزان حسناتك

[anti_world2007]

لا حول ولا قوة إلا بالله

ربنا يهديك ويهدينا !!!!!!!!!!!!!!!!!!!!!!!

فعلاً بني آدم مخلوق عجيب وغريب، سبحانك يا ربي إني كنت من الظالمين

بقى يا راجل نازل تخبط في الناس اللي لم تقصر معك بالوقت والجهد والتعب ، ومن أول ما شفت أخ تاني بيكمل اللي مش كامل، قمت تخبط في الناس يمين ويسار عشان تديله شوية همة ومعنويات؟؟؟؟؟؟؟!!!!!!!!!!!

عجيب يا أخي إنت والله عجيب.

بس أقولك حاجة يا ريس:

لا أنا ولا غيري ممن كتبوا حرف في هذا المنتدى الطيب مستنين أي حاجة بالمقابل، لأنه لو كانت مجازاتي على بني البشر كنت أتحدفت بالطوب على نافوخي، الحمد لله إن جزاء تعبي وتعب غيري عند ربي اللي خلقني، مش عند حضرتك إنت أو غيرك.

فعلاً بنى آدم عجيب غريب.

ربنا يسامحك وربنا يوسع لك وتصير كبير وجامد أوي وتيجي وتشرح لينا نحن الغلابة اللي هنا.

بس متنساش يا أخي الحبيب إنه بفضل من الله ومن ثم فضل هذا المنتدى طلعت على الإنترنت موضة الأفلام والفيديوهات، وصار اللي ناوي خير واللي ناوي يستغني يعمل أفلام ويوزع، بس ربنا وحده هو العالم بالنوايا.

أعتذر من صاحب الموضوع وأشكره على روح وحب المساعدة لديه وأعتذر على خروجي عن نص الموضوع، ولكن رد هذا الأخ الحبيب لم يعجبني وضاق له صدري وخصوصاً إنني أراه يستميل عطف وهمة الرجل بالتخبيط في أخوة آخريين لم يقصروا لا معه ولا مع غيره، وإن كنا نحتسب أعمالنا خالصة لله تعالى.

بني آدم عجيب وغريب .... سبحان الخالق

بسم الله الرحمن الرحيم
ازيك يا مستر لومارك...رغم ان دى اول مرة ترد عليا فيها من يوم ما اشتركت بالمنتدى واصبحت عضو فية....ورغم ان الرد عليا قاسى بطريقة انا مستهلهاش....برضة انا بقول امامك وامام المنتدى كلة انى بحبك.:D......لكن.....
اولا: انا مستغرب انت ليه فهمت الموضوع بهذه الطريقة الخاطئة!!!!انا لم اكن اقصد احد...
ثانيا: انا مادرش الوم على اى حد هنا لم يكمل اى عمل ابتدئة...لان اكيد عنده ظروف وو اجب عليا التمس له العذر
ثالثا: انا نفسى اقدم اى حاجة للمنتدى لكن مفيش بيدى حاجة اقدمها غير التشجيع لانى مازلت مبتدىء...يعنى معنديش امكانيات اعمل فديوهات مثلكم
رابعا:انت يا مستر لومارك من اكتر الناس الذين احبهم...وارجو منك لا تفهمنى خطاء مرة ثانية...اخوك محمود...وشكرا لك....وارجو منك الرد....

[nedal2007]

ما شاء الله dr_timoon
انا سمعت الشرح بسم الله ما شاء الله عليك ربنا يجزيك خير انت وبشمهندس ياسر ومحمد سمير واستاذ احمد جودة واستاذ لومارك ومحمد الشريف واستاذ احمد دوبان واحمد عبده وناس كتييييييير اوى ما شاء الله قدموا لنا حاجات مفيدة وبشرح رائع
وما شاء الله الناس الكويسة كل فترة بيزيدوا واحد لحد ما جالى احباط لانى لم استطع ان اكون منهم لعلمى المتواضع
فربنا يجزيكم كلكم من خير الدنيا والاخرة

[ehab1511]

حقيقي انا سعيد جدا بهذا الموضوع ولكن حاولت احمل ولكن لم استطيع بسبب rapidshare

اتمنى من احد الاعضاء ان يقوم برفعه على اى موقع اخر

جزاكم الله خيرا

[hisham_munshar]

مشكور و بارك الله فيك على المبادرة الطيبة و اعانك الله على اكمال الكورس

[mohamed.elshair]

الاخ Kassem800
لقد قمت بكتابة مشاركة هي كالاتي
أخى الكريم محمد الشاعر

اتقى الله فى اخوانك ولا تقول ما يسئ مشاعرهم فى قولك

1 -لو كل واحد فينا شارك بحلقة واحدة
لكان لدينا حلقات في كيفية تصنيع القنبلة الذرية

2 - احنا ياحماعة هنا في منتدي عرب هاردوير مش في منتدي السميعة

قال تعالى " قول معروف ومغفرة خير من صدقة يتبعها أذى والله غنى حليم "


ارجوك ان تفهم الكلام كويس قبل الرد عليه

لان كلامي دا معناه اني بمدح فيه مش بذمه

[kassim800]

الاخ Kassem800
لقد قمت بكتابة مشاركة هي كالاتي
أخى الكريم محمد الشاعر

اتقى الله فى اخوانك ولا تقول ما يسئ مشاعرهم فى قولك

1 -لو كل واحد فينا شارك بحلقة واحدة
لكان لدينا حلقات في كيفية تصنيع القنبلة الذرية

2 - احنا ياحماعة هنا في منتدي عرب هاردوير مش في منتدي السميعة

قال تعالى " قول معروف ومغفرة خير من صدقة يتبعها أذى والله غنى حليم "


ارجوك ان تفهم الكلام كويس قبل الرد عليه

لان كلامي دا معناه اني بمدح فيه مش بذمه

؟؟؟؟؟؟؟؟ اين المدح فى هذا الكلام وهذا مقصود به الاخوه كلهم
احنا ياحماعة هنا في منتدي عرب هاردوير مش في منتدي السميعة

قال سيدنا عمر بن الخطاب رحم الله رجل اهدى لى نصيحه

[eslamf]

والله يا جماعة انا مبسوط جدا من روح النقاش الموجودة هنا
وبارك الله فيكم جميعا
ومشكور اخى على محاولة تكملة الكورس

[eslamf]

يرجى الرفع على اى موقع اخر ماعد الرابيد شير
وشكرا

[ameer_s]

جزاك الله خيرا



وكثر الله من امثالك

[mohamed.elshair]

انا هاحاول اتجنب الرد عليك يأخ قاسم لان كلامك كله هجوم بكل غير عادي

اكيد مش معقول لما اكون بتكلم كلام فيه مدح الاقي الناس زعلانة

كلمة لو كل واحد شارك بحلقة ، لكان لدينا حلقات في تصنيع القنبلة الذرية

دي ياستاذي الفاضل استعارة مكنية تفيد بان لو كل واحد شارك بحلقة زي اللي شارك بيها اخونا الفاضل لكان لدينا علم غزير جدا .

وبالكلمة دي انا بحاول ادعو كل واحد انه يشارك معانا

مش قصدي خالص اني اذمه .

وبالنسبة لكلمة احنا في منتدي عرب هارد وير مش في منتدي السميعة

دي فعلا حقيقة واضحة بين الناس ، ان كل الناس بتشمع بس ، مفيش حد بيشارك مشاركة جيدة غير ناس معدودوة علي الاصابع .

ومفيش حد بيعرض مشاكل تستاهل الرد عليها وعلي سبيل المثال ومع احترامي للعضو صاحب المشاركة .

احدي المشاركات تقول ماذا اكتب في السي في MCSA ام MCSE ؟

فبذمتك هل هذه مشاركة تستحق الاجابة عليها

ومعظم المشاركات الاخري تطلب الباس فور شور للامتحانات الخ الخ الخ

انا لما بتكلم كلمة بتكلمها علي حق وبكون انا عارف بقول ايه كويس ، لاني لا اخاف في الله لومة لائم

وفي النفس الوقت بحترم الناس

ارجو اخي الكريم اختيار الفاظك قبل الهجوم علي ، واحترام المجهود اللي الواحد بيعمله من اجل كل الناس اللي ميعرفهومش ولا مستني منهم حاجة

شكرا لسعة صدرك ياخبي الكريم

[nedal2007]

السلام عليكم
ده رابط للحلقة الاولى على موقع الفورسير وان شاء الله حرفع الحلقة الثانية واحط الرابط بتاعها
بالتوفيق ان شاء الله
https://www.4shared.com/file/6872812...ified=9537bf06

[dr_timoon]

السلام عليكم يا احبة
بصراحة لم اتوقع اتجاة الموضوع الى هذا المنحدر اخوانى
كنت متوقع ان يعلق الاعضاء على الشرح اذا كان اعجبهم او اذا استفاد احد منة ام لا !!!!!
هل اكمل ما بدأتة ام يكفى هذا بعد ما تسبب موضوعى و شرحى فى حدوث سوء فهم و خلافات بين الاعضاء
و بعضهم و هذا ما لا احبة تماما ولا احد يحب ان يراة يا احبة
بارك الله فيك اخوانى و بصراحة اذا كان موضوع الشرح دا هايعمل كل المشاكل و سوء الفهم دا
فا خلاص سيبنا منة خالص
لم ارى تعليقات الاخوة على الشرح انا مش بطلب شكر و لكن انا عاوز تعليق و نقد سواء بالايجاب او بالسلب
و لكن تحول الموضوع الى مشادة كلامية بين الاعضاء و اختلاف فى وجهات النظر
اتمنى ان نترك خلافتنا على جنب و ننساها تماما حيث ان المنتدى غرضة الاساسى هو المادة العلمية
و الاستفادة العملية .
كلنا هنا اخواة و اخوات و الكل هنا هدفة ان يفيد و يستفاد
كل من اقدم على عمل فهو لوجة الله و لمساعدة اخونا لا اكثر ولا اقل من ذلك
لماذا كل ما يفتح موضوع و يدقم احد من الاعضاء لعمل شرح لشهادة يتحول الى مشادة و كلام لا
يحب ان سمعة احد تماما
يجب للجميع ان يعلم ان موضوع الشرح ليس سهلا و هو ياخد كثير من الوقت
اذا كانت مدة الحلقة نصف ساعة مثلان فانها تاخد اكثر ساعتين او ثلاثة
و كمان يسبقها تحضير كثير
و الكثير منا يعلم ذلك
ايضا يا احبة كلنا نعلم مشاغل العمل و الحياة و ضيق الوقت
كل ما اطلبة منكم حتى لا اطيل عليكم الصبر و عدم الزم فى الكلام و الله ليس لة معنى كلام التجريح فى اى انسان بدل ذلك اعطة كلمة شكر ادعو لة ان يوفقة و يبارك الله فية و فى وقتة حتى يستطيع ان ياتى لكم بكل ما هو جديد و ان يقدم لكم الشروحات الجملية التى الجميع ينتظرها
ارجو منكم يا احبة ان ننسى خلافتنا و نرجع مرة اخرى الى العمل و التركيز على الفهم و التعلم
و نرجع الى جو الاحترام و الحب المعتاد دائما فى منتدى عرب هارد وير
الذى ادين الية بالفضل للجميع

هل تعلمو انة لا يوجد منتدى فى العلم كلة حتى فى المنتديات الاجنبية لا يوجد فيها ما يوجد هنا فى عرب هاردوير من تقديم شروحات مجانية للطلاب
و كل هذا بفضل الاعضاء و المشرفين و اصحاب الموقع
دعونا لا نفسد ما بدأناة و ان نكمل مسيرة ما بدأ اخوانا
و شكرا لكم جميعا
هل توافقونى على هذا الكلام ؟؟؟؟
و السلام عليكم و رحمة الله و بركاتة

[nader221]

محمد الشاعر اتفق معاك وانا احب اضيف شيئ لو يتم فتح موضوع ويثبت عبارة عن كل شخص يدخل ويكتب انه سينزل فديو للمنتدى عن vpn فى يوم كذا ويدخل اخر انا هنزل فديو وهكذا يعنى واحديحدد اليوم الا هينزل فية القديو وطريقة عرضة بكدة فى خلال سنه هنقفل الشبكات كلها اة والله بجد فكرة كويس لو اتعملت وتم تنزيل موضوع الكل هيساعد وربنا معنا كلنا وبلاش حساسية بجد فى الكلام اتمنا التوفيق للجميع
وتحياتى الخاصة dr_timoon