المساعد الشخصي الرقمي

مشاهدة النسخة كاملة : ( القاهرة ) مساعدة عاجلة لشراء احسن مثبت تيار فى السوق



mido hamdy
01-12-2010, 13:11
السلام عليكم ورحمة الله وبركاته ,,,,,,,

اخوانى الكرام انا عايز اشترى احسن واقوى مثبت تيار فى مصر لان الكهرباء كل شوية بيحصل تذبذب واضح فيها :( وانا خايف على الجهاز جدا لانه مكلفنى تحويشة عمرى . فانا عايز اعرف ايه افضل واقوى مثبت تيار موجود فى مصر ويكون من ماركة مشهورة وياريت يكون صناعة يابانيه . والميزانيه مفتوحة . وايه الافضل والاكثر تأثيرا على تثبيت التيار . هل المثبت ولا UPS ؟

ومتشكر جدا لكل من بساعدنى :) .

EL-MARIACHY
01-12-2010, 14:38
أنا عندى مثبت التيار بس كنت جايبه من حوالى 10سنوات من العتبه و للأسف لا أذكر المكان إطلاقاً ب 125ج و الحمد لله شغال 100% لغايه دلوقتى و مش عايز أقولك أهميته عاليه جداً بالنسبه لى لأن عندى أيضاً الكهرباء بتتذبذب كثيراً جداً و نصيحه لو عرفت تجيب ال UPS يبقى ممتاز لأن بعد هذه التذبذبات الكهرباء هتقطع بعد كده كثيراً فهتحتاج تشوف UPS

بس ياريت أرجوك لو عرفت UPS كويس للأجهزه القويه مثل جهازك أرجوك تقولى علشان عايز أجيب واحد

MHG_1
01-12-2010, 15:41
في هذا المجال UPS فشركه APC ممتازه ...
Enthusiast Power Protection: Four-Way 900 W UPS Roundup (http://www.tomshardware.com/reviews/apc-smt1500-cyberpower-cp1500pfclcd-tripp-lite-smart1500slt,2785.html)

محمد أبو خضرة
01-12-2010, 17:40
سبحان الله وبحمده ... سبحان الله العظيم

بالنسبة لمثبت التيار أحسن نوع بست فريند (Best Friend)

صناعته إيطالى هتلاقيه فى التوفيقية قبل رمسيس بشوية

فى نص كيلو وكيلو (نص كيلو لجهازك كفاية جدا)


السعر على ما أذكر يبدأ من 300 جنيه

وهتلاقى الصينى يبدأ من 150 نوع اسمه هوبسون كويس بس مش بيعيش زى الإيطالى

وهتلاقى بردوا اليابانى بس فى الغالب اليابانى تجميع صينى
وفى مكان تانى بيتباع فيه باب اللوق بجوار الجامعة الأمريكية أسأل هناك بردوا هتلاقى بجوار محلات الدش


وطبعأ اليو بى اس أفضل بكتير بس غالى على ما أتذكر يبدأ من 2000 ومدة ساعة أو أقل على ما أذكر
وبالنسبة لمكانه دور على النت هتلاقى بإذن الله

أرجو أن أكون قد أفدتك

games1
02-12-2010, 12:55
انا عندي ياباني بس شاريه من 14 سنة :D وطبعا مستحيل افتكر اي تفاصيل تانية :p

mido hamdy
02-12-2010, 23:51
شكرا على كل من ساعدنى . ولكن ايه الافضل والاقوى هنا من حيث حماية مكونات الجهاز من ارتفاع او انخفاض التيار الكهربى هل هو المثبت ولا UPS ؟ لان ال ups دائما غالى جدا فى الماركات النضيفة .

NaAZoOR
03-12-2010, 04:55
ال Stabilizer شيء و ال UPS شيء آخر تماماً و لا علاقة تربطهم سوياً على حد معلوماتي البسيطة ...

ال Stabilizer يقوم بتثبيت التيار الكهربي الداخل للباور صبلاي (مزود الطاقة) حتى لو حدث تذبذب في التيار الكهربي ..

أما ال UPS فمهمته هي امداد الجهاز بالطاقة لفترة معينة تتغير طبقاً لكفائة و قدرة ال UPS للإنتهاء من الأعمال الهامة العاجلة و حفظ ملفات العمل .

و بالطبع عند شراء أياً منهما فيجب حساب الطاقة التي يستهلكها الجهاز / الأجهزة التي سيتم توصيلها على الجهاز ..

مثلاً ال Stabilizer ... لو ستقوم بتوصيل كلاً من جهازك الشخصي ذو مزود الطاقة ال 650 وات (طبقاً لإحتياجاتك و ليس رقم عال و السلام) و كذلك تقوم بتوصيل الشاشة و السماعات فوقتها قد يكفيك Stabilizer بقوة 750 وات .. و لكنه لن يعيش طويلاً لأن الطاقة القصوى له تكفي بالكاد الإستهلاك .... وقتها سيكون شراء Stabilizer بقوة واحد كيلو وات (1000 وات) سيكون قرار حكيم.

كذلك الحال مع ال UPS.... و بالطبع يفضل شراء ماركات معروفة بجودة مكوناتها حتى لا تسسبب هي نفسها في مشاكل لجهاز / الأجهزة الموصلة بها.

mido hamdy
03-12-2010, 23:13
اخى الكريم NaAZoOR متشكر ليك جدا على المعلومات القيمة والتى افادتنى كثيرا . دلوقتى انا عايز اعرف ايه افضل الماركات من مثبت التيار الموجودة فى السوق ؟ ومتشكر ليك جدا جدا .