المساعد الشخصي الرقمي

مشاهدة النسخة كاملة : [سوريا]جهاز ب15000 ليرة و استفسار كرت شاشة مناسب لتجميعة - معدل



الصفحات : [1] 2

hussien95
20-05-2013, 14:45
بسم الله الرحمن الرحيم

- أقصى ميزانية محددة:15000 ليرة سوريا.
- استخدامك للجهاز:أستخدامات عامة وبعض الألعاب.
- حجم الشاشة و الدقة (Resolution)

:شاشة 15بوصة.
- القطع التي تنوي شراءها:لوحة أم التي تحوي كرت صوت و كرت شاشة مدمج,معالج,رامات,هارد متوسط الحجم.
- القطع التي ستعيد استخدامها من الجهاز القديم:الصندوق,وحدة التغذية والسواقة.
- ميعاد شراء الجهاز:أسبوعين تقريبا.
- مكان الشراء:بالشام.
- محل سكنك:بالشام.
الشاشة موجودة لدي وصندوق الكيس والباورسوبلي والسواقة,أرجو وضع سعر كل قطعة على حدة واذا ذادت الميزانية شوي مافي مشكلة.

sherif_ahmed
20-05-2013, 17:02
مرحباً بك أخي الكريم
وبأهل سوريا
إذا كنت تقدر تجيب هذه التجميعة

Intel® Core™ i3-2120 3.30GHz
Gigabyte GA-H61M-S2P-B3 Socket 1155
Kingston ValueRAM 4GB DDR3 1333MHz CL9
WD Caviar BLUE WD5000AAKX 500GB
إذا كانت عالية ممكن تستبدل المعالج
Intel® Pentium G2020 2.9GHz 3MB Cache
والذواكر
Kingston 2GB DDR3 1333MHz CL9
بخصوص أسعار القطع لا أعلم
إسئل عندك ورد علينا

hussien95
20-05-2013, 18:28
شكرا على الرد ياأخي الكريم بس بصراحة بسبب الأحداث التي عندنا صايرة الأسعار أكثر من 3أضعاف سعرها الأصلي والمعالج لحالو حقو شي 14ألف اذا مو أكثر.

sherif_ahmed
20-05-2013, 18:44
شكرا على الرد ياأخي الكريم بس بصراحة بسبب الأحداث التي عندنا صايرة الأسعار أكثر من 3أضعاف سعرها الأصلي والمعالج لحالو حقو شي 14ألف اذا مو أكثر.

وهذا المعالج

Intel® Pentium G2020 2.9GHz 3MB Cache

hussien95
21-05-2013, 21:27
أخي للأسف حتى هذا غالي نسبيا بس في معالجات AMD عندنا رخيصة نسبيا وشكرا لأهتمامك بالموضوع.

hussien95
24-05-2013, 15:08
وينكون ياأهل الخبرة معقولة ولا واحد عندو فكرة عن الأسعار؟؟؟؟؟؟؟؟؟؟؟؟؟؟

Ĩ ф И_ Ĥ Ξ λ Я Ŧ £
24-05-2013, 16:14
@sherifdish (http://arabhardware.net/forum/member.php?u=11122216)
شكرا لك ياغالي عمشاركتك وبنسبة للاسعار القطع التي ذكرتها بفعل تكلف اكثر من 15 ليرة الان :(

نعم تصور معي السنة الماضية مثلا الان القطع التي ذكرتها انت كانت تكلف حوالي 15000-18000 اليرة !! والان 40-30 الف تقريبا

-------------

لصاحب الموضوع انا رح اعطيك فكرة عن الاسعار

مزر بورد g41 اسوس قبل 4 ايام كان حقها 8000 ليرة

او
لوحة

MB MSI P4 INTEL G41 775 /DDR3 SB+LAN+VGA G41M-SP20 (http://www.e-gate.sy/products/product-14271.html) حقها 7500 ليرة


كرت شاشة

-1024MB DDR3 GEFORCE 520GT(48PIPE) PCI-EXPRESS VGA&HDMI&DVI(DAUL VGA) 16X انفديا حقو 6000 ليرة


معالج E-5200

CPU INTEL P-D 2.5GHZ PC800 SOK775 DUALCORE 2M TRAY E5200 PULLED مستعمل (http://www.e-gate.sy/products/product-15721.html) حقو 6750



او

3.0GHZ 2048L2 CACHE SOK LGA775 FSB800 EM64T READEY TRAY مستعمل حقو 1650


او

3.4GHZ 2048L2 CACHE SOK LGA775 FSB800 EM64T READEY TRAY مستعمل حقو 1800

رامات

DDR3 2GB PC1333 BOX حقو 2725 ليرة

هارد
500GB -SATA3- 64MB BUFFER MEMORY- ADVANCED FORMAT
حقو 8400

اذا بدك تشوف اسعار قطع غيرها فوت عموقع الهندسية

http://www.e-gate.sy/home.html


نصيحة مني لا تشتري شي

دورلك عكيس مستعمل نظيف أشرفلك من هيك اسعار والله يفرجها عن هبلد يارب

hussien95
24-05-2013, 23:11
شكرا أخي على الرد أي والله مالح أشتري شي بالوقت الحالي لأنو قبل يومين رخصة الأسعار شوي بس للأسف التجار الأكابر رجعوا رفعوها تاني نهار الله ياخدهون ويفرج على هالبلد أحسن شي,بس سؤال أخي الكريم شو رأيك بكرت شاشة galaxy geforce gt 640 لأني شفت كتير عالم مدحت في على النت وكمان شفت فيديو لعبة باتلفيلد 3 على هالكرت بقى شو رأيك في واذا عندك لمحة عن سعرو بكون ممنونك.

Ĩ ф И_ Ĥ Ξ λ Я Ŧ £
25-05-2013, 07:03
امين يارب الله يفرجها بأذن الله أحسن شي .




بس سؤال أخي الكريم شو رأيك بكرت شاشة galaxy geforce gt 640 لأني شفت كتير عالم مدحت في على النت وكمان شفت فيديو لعبة باتلفيلد 3 على هالكرت بقى شو رأيك في واذا عندك لمحة عن سعرو بكون ممنونك.

بنسبة لاداء الكرت الصراحة ماعندي فكرة عن الموضوع

بنصحك تفتح موضوع بهدا القسم وتسأل الاعضاء هنيك
http://arabhardware.net/forum/forumdisplay.php?f=3


وانت فيك تشوف شو الكروت شاشة المتوفرة مثلا عند الشركة الهندسية وتأخذ فكرة عن اسعارها
من هون

http://www.e-gate.sy/products/108.html



بتوفيق :)

hussien95
26-05-2013, 10:13
أخي الكري بدي أسئلك صحلي أربع قطع مستعملينب15000 ليرة سوري وهي مواصفات القطع:
1-لوحة أم أزروك (بس مابعرف شو رقمها).
2-معالج amd athlon II x4.
3-رامات 2gb ddr3.
4-كرت شاشة ATI RADEON HD 5450.
هدول هنن القطع شو رأيك بتكل على الله وبشتريهون.

Ĩ ф И_ Ĥ Ξ λ Я Ŧ £
26-05-2013, 15:21
الكرت شاشة منيح والرامات قليلة ولو لازم ترفعها ل 4 جيجا ومعالج منيح بس مالي متأكد منو لانو amd انا مالي خبرة بمعالجات القديمة اسأل أحد الشباب

ومزر بورد حاول تتأكد من رقمها وتعرفوا مشان نشوف منيحة ولا لا بعدين تأكد من نظافة قطع يعني مايكون كتير تعبان وانت تشتري من هون يتعطل من هون عرفت كيف

hussien95
26-05-2013, 15:56
مشكور ألف شكر أخي الكريم المعالج ممتاز حسب ماقالولي العالم لأنو أربع أنوية وسرعتو 2.7ghz حسب ماأذكر وحقوا لحالوا جديد أكثر من 10000ليرة وكرت الشاشة 2gb واللزلمة قلي أنو بدو يسافر مشان هيك بدو يبيعوا بهالسعر وهوي قال أنوا شغل عليه لعبة سنايبر2 وقال أنوا بشغل باتلفيلد3 بقى مزبوط حكيو معقول يشغل باتلفيلد3؟؟؟؟؟؟؟؟؟؟

Ĩ ф И_ Ĥ Ξ λ Я Ŧ £
26-05-2013, 19:15
المعالج صحيح انو اربع انوية ولكن معماريتو قديمة وكرت الشاشة رامتو مو مهمة المهم هي شريحة المعالج الرسومي وهو ماشي حالو بنسبة لوضع هلق

ومارح قول ممتاز وكذب عليك بس منيح احسن من غيرو بسوق :(

ومشان تعرف اكتر عن المعالج تعال افتح موضوع هون وخود رأي الشباب

http://arabhardware.net/forum/forumdisplay.php?f=2

بس حاليا انا بقلك ماشي حالو وبيشغلك باتل فيلد 3 وكرايسس 3 كمان لانو بيسكل شيدر 5 بس بدك تخفض الاعدادت والدقة تبع شاشة مشان تشتغل اللعبة معك منيح :)


بمختصر

الكرت شاشة منيح

الرامات زودها انت 2 جيجا مشان يصيرو 4 جيجا أحسن ألك

اللوحة نوعيتها جيدة

المعالج على مااعتقد منيح مالي متأكد

unexpected
26-05-2013, 20:06
اخوي المعالج اللي كتبت اسمة معالج قديم صحيح ويحمل 4 انوية هو ليس بمعالج قوي جدا بس قادر على تشغيل كل الالعاب الموجودة تقريبا مع اداء جيد
والرامات حاول ترفعها لحجم 4GB وياريت تحاول تعرف اسم اللوحة كامل
يعلم الله انك دخلت قلبي مع اني لا اعرفك شخصيا وهذة اول مرى بحكي معك ولو انك تسكن قريب مني كان بعطيك معالج E8400 مع بطاقة GT 9600 موجودين عندي من زمان ولا اريد منك اي مقابل مادي
لكن بيبقى عليك اللوحة والرامات :)

hussien95
26-05-2013, 22:26
مشكورين أخواني ألف شكر للنصيحة بصراحة أستفدت من هذه النصائح,وبالنسبة للأخ
Ữńếẋṕếčťẽđ (http://arabhardware.net/forum/member.php?u=11248776) شكرا أخي الكريم على هذا الكلام الجميل,
وأنا بعد ماسمعت هذا الحكي عن القطع صار بدي طبق كيس على أيدي مع أنو لح يكلف بس بضل أحسن من الجاهز ولح أستخدم مبدءيا معالج amd pehnom II x2 (560) 3.3ghz
مع لوحة أم gigabyte ga770t-d3l
ورامات 4gb pc1333
وكرت شاشة asus ENGT520
فشو رأيكون بهالمواصفات أحسن من السابق وممكن شغل ألعاب تقيلة حتى ولو على دقة متوسطة وشكرا لتعاونكم معي

Ĩ ф И_ Ĥ Ξ λ Я Ŧ £
27-05-2013, 02:47
المعالج احسن بكثير من ذلك القديم ولكنه بنواتين لا اعرف اذا كان ممتاز مع الالعاب صراحة حاول اان تجد واحد بأربع انوية أذا كنت تستطيع

بنسبة لكرت الشاشة نعم كرت 520gt اقوى بكثير من كرت 5450 هذه صفقة جيدة لك :ah7:

ورامات 4 جيجا وسرعتها ايضا ممتازة :ah7:

واللوحة ايضا جيدة جدا جيجابايت :ah7:

باقي معالج انتظر رأي حبيبنا حنا بهذا خصوص :)

hussien95
27-05-2013, 08:35
شكرا ياغالي على الرد الوافي وبالنسبة للمعالج أنا بتوقعي منيح لأنو شفت فديوهات على النت لهذا المعالج يشغل لعبة بتلفيلد3 بدون تعليق مع أنو كان مناي أجيب صاحب الأربع أنوية بس المشكلة سعرو 9500ليرة بينما هاذا سعرو تقريبا 6000ألاف,وبأنتظار رأي أخينا
Ữńếẋṕếčťẽđ (http://arabhardware.net/forum/member.php?u=11248776) وباقي الأخوة الأفاضل.

Ĩ ф И_ Ĥ Ξ λ Я Ŧ £
27-05-2013, 16:52
برأيي توكل على الله وأشتري القطع ومبروك مقدما ياصاحبي :)

unexpected
27-05-2013, 17:06
توكل على الله اخي القطع في التجميعة الثانية جيدة :)

hussien95
27-05-2013, 19:11
شكرا ياأخواني على النصيحة وفعلا اليوم نزلت لأشتري القطع بس للأسف الشديد لم أعثر على اللوحة الأم والمعالج :ah8::ah8::ah8:
والأسعار أكثر من نار يعني قد مابقلكون وأكثر لك تصورو الكيس يلي كان قبل سنة 7000ليرة صار اليوم 17500وعرض خاص كمان والمعالج بينتيوم؟؟؟؟؟؟؟؟؟
بس أخر الشي دخلت على محل قال عندو المعالج بس مع لوحة أم msi بدلا من غيغا بايت قلتلوا ماشي أديش السعر قلي من الأخر 18000ليرة وبيلحقك رامات 4غيغا ب4000ليرة وكرت شاشة ب7000ليرة تقريبا وباقي الحباشات يعني بس بس شي 30000ليرة بس يابلاش كيس كان قبل سنة اذا شق حالو حقوا شي 13000ليرة يصير 30000ليرة بخلال سنة عواض ماينزل السعر لأنو القطع صارت قديمة بالعكس صارت ثلاث أضعاف السعر والشركة الهندسية هيي يلي شفة القطع عندها وهيي ماعندا ياهون؟؟؟؟ يعني مو كل القطع بالموقع موجودة طيب ليش حاطينون مع العلم أنو اللوحة الأم قبل جمعة وضعها على الموقع بس,وبالنهاية شكرا لكل من ساعدني وأسف لأني وجعتلكون راسكون بس لأني متضايق على هالوضع يلي وصلنالو والله يفرجها عنا بجاه سيدنا محمد.

Ĩ ф И_ Ĥ Ξ λ Я Ŧ £
27-05-2013, 19:44
امين يارب الله يفرج ويكون بعونك وانا كمان كنت بدي اشتري كيس الي بس من بعد ماشفت الاسعار لغيت الفكرة من بالي نهائيا للاسف :(

hussien95
27-05-2013, 20:28
والله ياأخي قلب الأسد لو المشكلة مشكلة الأسعار بس بتكون نص مصيبة لأني أنا كنت مفكر جيب قطعة قطعة أو قطعتين قطعتين على حسب الأمكانيات بس رغم كل هاد الغلة مافي بضاعة لك مو شي بجنن:(:(:(:(

hussien95
08-06-2013, 22:45
تم بحمد الله بعد عناء طويل بشراء الكمبيوتر صاحب العرض الأول الذي يتضمن لوحة أم ومعالج ورامات فقط.
والمواصفات هي:
لوحة أم asrock 760gm-s3
معالج AMD ATHLON X4 (620) 2.6GHZ 2MCASH
رامات KIGSTON DDR3 2GB
وقمت بشرائهم بسعر 11ألف لقطة من رفيقي والسعر الحمد لله ممتاز بالنسبة للأسعار حاليا وأدائه بصراحة ممتاز بالنسبة للسعر يعني قدرت شغل لعبة باتلفيلد2 وسنايبر2 بس على low مع شبه تعليقة بسيطة لأنو مافي كرت شاشة منفصل,والأن أخواني الكرام هذه مواصفات الجهاز فبماذا تنصحوني بكرت شاشة متوسط السعر لهذه المواصفات لأستطيع تشغيل ألعاب أضخم حتى ولو على low مافي مشكلة علما أني أريد زيادة الرامات الى 4gb وشكرا لكم مسبقا.

hussien95
09-06-2013, 19:44
له له له ياشباب وينكون؟؟؟؟؟؟؟؟؟؟؟؟؟

Ĩ ф И_ Ĥ Ξ λ Я Ŧ £
09-06-2013, 20:14
اول شي الف مبروك حبيبنا عقطع :)

تاني شي انت شو شايف كروتك باسعار عاجبتك يعني كم موديل شايفهم لو بتذكرهم هون مشان نختار الافضل


وانا رح انقل موضوع لقسم كروت شاشة مشان تاخذ راي شباب ايضا بكرت شاشة يناسب تجميعتك :)

hussien95
09-06-2013, 23:02
شكرا ألك ياغالي والله يبارك فيك,أخي أنا شايف كروت أنفيديا:
asus 630gt 2gb بسعر 14000ليرة
galaxy 620gt 2gb بسعر 7000ليرة تقريبا
وقلي رفيقي أنو شاف كرت أسوس 4gb بالسوق وقال مواصفاته جيدة ب15000ليرة سوري.
بس الصراحة الميزانية حاليا ماتسمح بهيك سعر لكرة شاشة فشو رأيك أخد 620gt وممكن يشغل كل الألعاب الحديثة حتى ولو على low ولا أجمع شوي تانية وأخد 630gt يعني أكيد هوي أحسن بس اذا الأول بشغل الألعاب ليش لأ,وبالختام ألف شكر ألك أخي الكريم على تعاونك معي وأي خدمة أنا بأمرك اذا لازمك قطع قلي لأنو عندي صاحبي بجيب قطع بأرخص من السوق عن طريق اللي بيعرفهون بالبحصة.

Ĩ ф И_ Ĥ Ξ λ Я Ŧ £
10-06-2013, 03:00
620gt خليك على هادا الكرت لانو التنين بنهاية مو هقد مناح بس كرت 630 غالي مو هفرق حرام تدفع كل همبلغ زيادة خليك عليه 620 وتوكل على الله :)

hussien95
27-06-2013, 19:30
شكرا على الرد ياغالي بس رحت لجيبوا طلع حقوا أكثر من 10ألاف لأنو متل مابتعرف عمك الأخضر بضل يطلع وينزل والتجار عنا مابينتهزو الفرصة الا شوي ياحرام,من دون طول سيرة بعد مادورة على المستعمل أنعرض عليي كرت شاشة msi radeon 5670 ddr5 بمبلغ 7 ألاف فشو رأيك ياغالي وأتمنى ماتطول بالرد لأني بدي جيب كرت قبل مايرتفع الأخضر أكثر من هيك.

Ĩ ф И_ Ĥ Ξ λ Я Ŧ £
28-06-2013, 00:54
سبحان الله عسوا ان تكرهوا شيء وهو خير لكم

الكرت هذا استعملت واحد مثله والحمد الله كانت الالعاب شغالة عليه بفضل الله بدون مشاكل

شوف هي مقارنة بين الكروت وهاد الكرت احسن من 620

http://gpuboss.com/gpus/Radeon-HD-5670-vs-GeForce-GT-620

بصراحة ومن دون تردد اشتريه ونزل اخر التعاريف يلي انا عم نزلها هون بمنتدى مشان تاخد فريمات اكتر وتحسن بالاداء :)

مبروك سلفا

ومشان تطمن اكتر

كرت بيدعم

DirectX® 11 support

Shader Model 5.0






ومشان هيك بيعيش معك كتير لسه بس بدك تخفف بالاعدادت مشان تاخد فريمات اكتر ;)

hussien95
28-06-2013, 11:29
ألف ألف شكر ألك ياصاحبي وأنشاء الله بعد ماقلت أنو منيح بكرا لح أشتريه أنشاء الله بس مشان التعريفات بصراحة أنا مابعرف شي,أنت قصدك أنو روح على موقع شركة msi وأكتب رقم الكرت وهنن بطلعولي التعريف؟؟؟؟؟بس سؤال أخير الكرت يمكن يكون 512ميغا هل هذا يأثر على أدائه رغم أني أعرف أن الرامات في الكرت ليسة هي التي تحدد قوته ولكن هل بلاقي أختلاف بالأداء علما أني بدي أستخدم الكرت للألعاب,وشكرا سلف.