استفسار بعد شراء باور seasonic 620w
كان عندى مشكلة فباور قديم ان القرايات من غير ضغط كان ال12v بيدى 11.9 ولو ضغط بيدى11.3
فغيرته بناءا على نصيحة الاخ عبدالحليم
وجبت seasonic s12ii 620w 80plus bronze
القرائات من غير ضغط 12.096 ل 12.024
عند الضغط من 11.800 ل 11.763
كان اقل حاجه بوصلها 11.763
دلوقتى لعبت pes 19 ماتش كدا
ببص على الminimum لاقيته وصل 11.664 اثناء الضغط
دا عادى ولا المفروض ميقعدش يقل كدا
ولا المفروض اكون اعلى من كدا
تعديل فى واحد اعرفه معاه نفس الباور مع كارت amd vega 56
ف الخمول زيى 12.096
ف الضغط بيبقى 12.00v
هل كدا وضعه احسن منى
واحنا الاتنين شارينه جديد،؟؟
رد: استفسار بعد شراء باور seasonic 620w
مرحبا أخى الكريم
ماهو البرنامج الذى تستخدمه لمتابعه القرائات ؟؟
أذا كنت تستخدم برنامج
AIDA64 Extreme
حاول تثبيت أخر أصدار وتفعيل البرنامج
المفروض أن لايكون هناك هبوط بالقرائات
بتلك النسب !!
( على الرغم أنها داخل النسب الأمنه )
الوضع الطبيعى هو بجهاز صديقك
لكن مع باور جيد وماركه محترمه كماركه
seasonic
الأمر يبدوا غريبا
على العموم جرب أكثر من برنامج
أحيانا يوجد تعارض
بين أحد البرامج والنظام
وأخبرنا بالنتيجه
رمضان مبارك
رد: استفسار بعد شراء باور seasonic 620w
كنت بستخدم برنامج hwinfo64
وعملتله ابديت وبيطلع نفس النتايج اقل قراءه تحت الضغط كانت 11.736
حملت برنامج aida64 متفعل
طلع نفس القراءات
دخلت ع البيوس القراءة كانت 12.024
انا تعبت والله يعنى بعد ما اجيب باور جديد واجيب اغلى نوع ففئته
يطلع بيقل برضه
انا مندهش جدددا
ازاى انا معايا كارت gtx 660 وبيحصل الفقد دا
وصاحبى معاه كارت vega 56 واكيد دا اشرس ف استهلاك الطاقه
وتحت الضغط فقط يوصل ل12v ؟!
هل ممكن نسخة الويندز عندى فيها مشكله؟
هل لو انها مش مفعلة دا سبب؟
غيرت المشترك بالمناسبة وجبت واحد كويس ب ٦٥جنيه
عملت كل جاجه اقدر عليها
اخر ملحوظة
انا اول مجبت الباور سالت حضرتك بنفس القرايات كانت اقل جاجه 11.763 وحضرتك قولتلى كويس
بس انهاردة اتفاجئت مرة واحد ببص لاقيت الminimum 11.6
بس متكررتش تانى
مش عارف اعمل ايه يعنى كدا فيه عيب الباور ولا ايه النظام بالظبط
ولا العيب عندى فقطعة ف الكيسه ولا انزل ويندز
استحمل اسالتى معلش عشان خايف الفلوس اللى دفعتها فيه اكنها اترمت ع الارض
رد: استفسار بعد شراء باور seasonic 620w
هى مرحله الخطر
أن تكون القرائه بحاله الأنخفاض
11.400
وبحاله الأرتفاع المفرط
12.600
https://arabhardware.net/forum/showt...12#post3140612
وحقيقه الأمر
مرت على أجهزه عديده
كانت بها القرائه غير منطقيه
بسبب تعارض
بين تلك البرامج ونسخه الويندوز
لاأقول أن الويندوز به مشكله
لكن بالفعل احياناا يكون هناك تعارض
هناك حل يجعلك تقطع الشك باليقين
هذا الصديق الذى تتحدث عنه
أما أن تجرب الباور الذى لديك على جهازه
أو العكس
تجرب الباور الذى لديه على جهازك
وأخبرنا بالنتيجه
رد: استفسار بعد شراء باور seasonic 620w
للاسف صعب اجرب الباور عند صديقى لانه ف محافظه تانيه
هجرب انزل ويندز واشوف
بس لو القراءات هى هى
هل دا يدعو انى اودى الباور التوكيل؟
رد: استفسار بعد شراء باور seasonic 620w
غيرت الويندز
ونزلت احدث فرجن من كل برامج القراية ومازال الانخفاض يصل ل 11.736
والجديد انى برضه سالت واحد ع الفيس عنده
1660ti +i3 8100
من غير ضغط كان 12.288 ولم شغل ويتشر ٣
كانت 12.192
دلوقتى كدا فى عيب ف الباور اللى عندى
اروح بيه لماكسمم ولا ايه
لان التوكيل قالى لو طلع فيه عيب هنبدله
بس ماكسمم اقنعهم بدا ازاى هيقعد يقولى انه لسه ف الsafe zone وان 11.6 كويس
اتصرف ازاى يا استاذ عبدالحليم
رد: استفسار بعد شراء باور seasonic 620w
بلاشك
أن خرج ال 12v به أنخفاض ملحوظ
وأنت مش شارى باور جديد
وماركه
علشان تكون دى قرايته !!!
أذا كنت متأكداا أن كل شىء على مايرام عندك
والعيب بالباور قم بالذهاب أليهم وتمسك بحقك
عيد مبارك
رد: استفسار بعد شراء باور seasonic 620w
حضرتك تقصد ايه ب ان كل شيئ على ما يرام
قصدك ان العيب فحاجه تانيه
عندى انا؟
طب اعرف دا ازاى؟
طب لو كان العيب من عندى
الباور القديم كان بيوصل ل 11.3
الجديد وصل ل 11.7
فكدا مش دى اشارة ان العيب فالباور
او اتاكد ان الدنيا عندى تمام ازاى
رد: استفسار بعد شراء باور seasonic 620w
المقصود بكل شىء على مايرام
أن تلك البرامج تقرأ الفولتيه كما يجب
ولاتوجد مشكله بخصوص السوفت وير
لذلك أردنا التأكد عندما طلبنا منك التالى
اقتباس:
أما أن تجرب الباور الذى لديك على جهازه
أو العكس
تجرب الباور الذى لديه على جهازك
أبحث عن أى أحد تجرب عنده الباور
والباور القديم النسبه المئويه
بداخل منطقه الخطر
عيد مبارك
رد: استفسار بعد شراء باور seasonic 620w
عذرا هتعبك معايا
ساالت احد المراجعين لقطع الهاردوير على الفيسبوك
قالى انه لحد 11.5v مسموح بيه والتوكيل هيقولى مفهوش حاجه
وهيرجعلى تانى
وقالى انه تذبذب التيار عندى وان امكنياتى غير امكنايات صاحبى
هم السبب ف اختلاف القراءات
وقالى ان التيار الكهربى فى حاجه ممكن هى اللى تكون نزلت القيم عندى كدا
وبرضه احتمال ان جهاز صاحبى احدث فدايرة الكهربا فيه بتقلل الفقد دا بطريقه ما (معرفش صح ولا لا)
انا كلمت ماكسمم وقالى لو جبته دلوقتى هيتركن لبعد العيد ويتحشن بعد العيد وهناك يشوفو لو فى عيب هيتبدل
بس بعد كلام المراجع مبقتش عارف اتصرف ازاى
فكرت احدث البايوس عشان ممكن يكون مش داعم للبرامج لان البوردة قديمة
ولم بنزل cupid hw monitor مش بيطلعلى قراءات
ال12v،3.3،5
وعرفت ان دا بسبب البرنامج مش داعم للبوردة
فخطر فبالى احدث البايوس ودا اخر تحديث للبوردة b85 hd3
دا الوصف بتاعة
Update CPU microcode for win10 support with Pentium AE
رد: استفسار بعد شراء باور seasonic 620w
ياأخى الكريم
أنت تسأل ونحن نجيبك
ليس لى شأن بأى مراجعين !!!
لايوجد شىء أسمه هاردوير أحدث يقلل الفقد ؟!!
( توجد فقط بورده تالفه )
كل شىء بعالم الهاردوير له معيار
والسبيل الوحيد للوصول للسبب الرئيسى للمشكله
تجربه كل شىء وتحييد الأحتمالات
لذلك طلبنا منك تجربه الباور على جهاز أخر
هكذا نعمل بالصيانه
( القصه ليس وضع رداا والسلام )
وموضوع تذبذب التيار عندك
تستطيع قياسه بسهوله
بأى أفوميتر
وكيف علم هذا المراجع
أن التيار عندك متذبذب !!!
كما أنه بالتأكيد
البيوس ليس له شأن بتلك القصه
عيد مبارك
رد: استفسار بعد شراء باور seasonic 620w
عرضت المشكله على صاحب المحل فمكاسيمم هاردوير ورده كان ان مفيش مشكله ف الباور وهيرجعلى تانى
كان جوايا تخوف انى اخسر الباور لمدة ١٥-٢٠ يوم وف الاخر يرجعلى
تواصلت مع توكيل كيرومينا لم يفيدنى بوجود مشكله من عدمها وف الاخر وصلنى مع مهندس الصيانه (على كلامهم)
عرضت عليه المشكله وقعدت اشرحله ان لحد الان دلوقتى خمس اجهزة عندهم الباور والفقد تحت الضغط اقل شيئ بيوصله هو 11.9 وبتكون لحظيه وبريجع 12.00
(المشكله انى مش عارف اجرب الباور على جهاز تانى)
وانا باورى بيفضل 11.7 وبينزل ل11.6 ساعات بس اغلب الوقت 11.7
بعد مقولت كل دا لاقيته بيقولى
" يعنى الباور فيه مشكلة؟"
قولتله منا كنت بشرح لحضرتك العيب!!
قالى خش على موقع سي سونك.هتلاقى الارقام وهو كدا كويس
وف الاخر للاسف حسيته لا يعلم شيى عن القرائات ولا الrails
ولا اى حاجه وف الاخر قالى ١٠ دقايق وهخلى مهندس تانى يكلمك
ولحد الان مخدتش عقاد نافع
مفروض اعمل ايه تانى
اخر حاجه وصلتلها
اتصلت تانى بعد اكتر من ١٠ دقايق
رد عليا واحد وبقوله حضرتك قولتيلى اتصل تانى وبتاع
قالى اه دا مشى اللى كان بيكلمك معلش
قولتله طب حضرتك مهندس او فنى بمعنى اصح
قالى اه اؤمر فشرحتله الوضع قالى اصل سى سونك معندناش مترجعات منه وبرضه لا يفقه شيئ فموضوع الrails والقراءات
ولا اى شيئ
طبعا واضح عدم النيه ف استبدال الباور
اخر كلام قالهولى انى ابعتله صورة الكلام اللى انا بقوله
وهو هيبعته للشركة الام ويا مسهل بقى بيقولى اسبوع ممكن يردوا
قولتله هو الموضوع يستعدى انك تراسل الشركة الام!
قالى اصل احنا اول مرة نتعرض لحاجه زى كدا ومحدش بيرجعلنا ف المرتجعات اى باور سي سونك
فمن الواضح انى صعب اخد حقى !
بس مش عارف اتصرف ازاى يعنى معلش تعبت حضرتك يا استاذ عبدالحليم
رد: استفسار بعد شراء باور seasonic 620w
لايوجد أى تعب أخى الكريم
ماذكرته أنت أعلاه
ماهو ألا تجسيدا لما يحدث
( جلب بائعى الطرشى ألى التوكيلات )
واضح جداا أنهم لايعلمون عن ماذا تتحدث !!!
أنت الباور ده بقاله عندك قد أيه بالظبط
( ماهو تاريخ شراؤه ) ؟؟
رد: استفسار بعد شراء باور seasonic 620w
تاريخ الشراء بالظبط يوم ٢١ ابريل ٢٠١٩
ويادوبك ركبته ساعتها وجربته لاقيته بينزل مبين 11.8 و11.7
مطولتتش ف التست
وقولت لحضرتك ساعتها وكان رد حضرتك ايجابى
ونظرا لانشغالى بالكلية وكان فاضل قليل على امتحاناتى فشغلتش الجهاز غير لم خلصت بالظبط يوم ٣٠ مايو ٢٠١٩
رد: استفسار بعد شراء باور seasonic 620w
نعم بالفعل لقد ذكرت أنت التالى
اقتباس:
الضغط بالالعاب متغير من11.8 ل 11.736
وقولنا لك أطمئن وطلبنا منك التالى
اقتباس:
ودائما راجع القرائات على الأقل بالبدايه
حتى تضمن ثبات القرائه عند هذا الحد
لكنك تركت الجهاز
والأن على حد قولك يحدث هبوط بتلك القرائه
اقتباس:
بس انهاردة اتفاجئت مرة واحد ببص لاقيت الminimum 11.6
أنت أخطأت أخى الكريم
كان عليك المتابعه وأذا وجدت عدم ثبات بقيمه الفقد
كان عليك المبادره ألى أرجاعه فوراا
أو أسترجاعه من المحل مباشره
وليس الأنتظار كل تلك المده !!!
لكنى أيضا أعذرك لظروف أمتحانك
حاول تتفاهم معاهم بأى وسيله
حتى أن تستبدله بباور أعلى بالقدره ودفع الفارق
المهم تستبدل الباور
وأذهب أليهم وأصطحب أحداا معك
ولاتخجل من مطالبه الحق
بالتوفيق